Lukì 5
5
Yesù rè kàràndzìn jɔna reè
(Matsiyù 4.18-22; Marikì 1.16-20)
1 #
Mat 13.1,2; Mar 3.9,10; 4.1. Àyìwà, sii sɔn see, Yesù na tsìiŋnà Zhenezarɛtsì yu blàa dzii ra. Jàmaà na tsìiŋnà min niì sapɛ y'à laguru, yè bà Ŋaablà re goomaa lamyɛɛ̀n Yesù dzu. 2È Yesù to Ŋaablà re goomaa jaa dèè rà, è konkoron bla fii jà yu blàa dzii ra. Ji kun neè na boo twɛy konkor'neè doùn, yè bà e re yɔ̀ rèè fòo. 3Twɛy konkoron bla fii rèe ɲan, soo na kpiri sɔn naa nìi tsoo Shimɔ̀n. Tɔ̀un, Yesù yè bè dɔ̀n è tsuù tà doùn. Tà shɔ̀ùn, Yesù yè Shimɔ̀n kiri è dzin à ra ci: «Shimɔ̀n, nà konkor'na ka yuà doùn kèrè dɛ̀ɛnin, è bo yu dziɛ rà.» Shimɔ̀n konkor'na bònbou yu dziɛ rà min niì, Yesù tsùuŋmaà yè to è maa è mòdzian kàr'na.
4Àyìwà, Yesù nàu gooma do waatsi riì bwèy, è dzin Shimɔ̀n nà ci: «Shimɔ̀n bè konkor'na ka yuà tsunbema nɔ̀n, a ko a koòsi rèè, ye e re yɔ̀ rèè maa yu rɔ̀n, ye jià kun.» 5#Yux 21.3.Shimɔ̀n yè dzin Yesù rà tɔ̀un ci: «Mùn kàrànfaà, ɲe feèn ko e kur'la sapɛ fau ji kuan nà, ɲe to na gèsɔn pɛn tàrà waa. Wo to y'à gaaŋ mun ne nòn, tɔ̀ kamà mùn nà yɔ̀ rèè maa kɔn.»
6 #
Yux 21.6. Tɔ̀ ɲan, Shimɔ̀n ko e koòsi rèè, yè e re yɔ̀ rèè sen, yè è maa. È yɔ̀ rèè maaŋ min niì, è sa yeè ji giri kun, fɔ è bè bà jàci yɔ̀ rèè sa ni shɛn. 7È kòòsi nìì reè na ni konkoron bla soo ka, yè e si ŋààn twɛy rà, ci yè nà wɔ ye ra. Twɛy sa yeè nà ko e re konkor'na ka. È nàu wɔ min niì do, yè konkoron bla fiɛ̀ sa tsyɛn ji rèè rà, fɔ konkor'neè gaa jàà bè yuà dzuun. 8Shimɔ̀n Piyɛrì tɔ̀ jà nìi fau, è nà e kunun gban Yesù bììn, è dzin à ra ci: «Mùn Tsìfaà, a bonbo n na, kàtsu mun mòdzin, gooɲaantsiɛ ni nìi vu ra !»
9È tɔ̀ ji kun tsu nìi fau, tɔ̀ goò na Shimɔ̀n ko e koòsi rèè sapɛ ɲɛyn shɛɔn. 10Mòkun fii nìì reè na ni ko Shimɔ̀n ka, tɔ̀ na Zhebede tsoo sɔn naa dzin kpiri fii. Twɛy tsoo na Yàkubà ko Yùxanà. Twɛy sa ɲɛyn na shɛɔn tà tsuru. Tɔ̀un, Yesù yè dzin Shimɔ̀n nà ci: «Maà shi waa ! È sen dòònuùn nà, wo nà bà mòdzin ì nì gaa, yè bà Ŋaablà raa jàci wo na ji rèè kuàn nìi tsuru.»
11È sapɛ dzyeèmaa nàu wɔ ko konkor'neè ka yu dziɛ rè nìi tsuru, yè konkor'neè ko gè rèè sapɛ bato mɔn, yè e gban Yesù kpɛyn.
Yesù byèèmà kpiri sɔn cɛrɛmabeu min niì
(Matsiyù 8.1-4; Marikì 1.40-45)
12Tà shɔ̀ùn, è Yesù to sii sɔn see Galile mar'la wɔ̀ sɔn ɲan, è tsi ko byèèmà kpiri sɔn ka. Tɔ̀ kpir'la raa byèèmà ɲin'nà na ɲan, fɔ è bè geren. À dziu Yesù jà min niì, è nà e kunun gban à bììn, è dzin à ra ci: «Tsìfaà, wo y'a tsiì, wo dzia mun cɛrɛmabe, min bà mòdzìn fɛnɛ.»
13Tɔ̀un, Yesù yè e sià foro, è dzyɛn à ra, è dzin à ra ci: «Min tsiiŋ w'e cɛrɛmabe, w'e bà mòdzìn fɛnɛ.» Tɔ̀ nɔ̀nkɔɔrɔn ko e sa, kpir'la rè byèèmà ɲin'nà yè dò, è cɛrɛmabe. 14#Sak 14.1-32.Tà shɔ̀ùn, Yesù y'à dè màxɔbe à ra ci: «Maà à lakɛɛ̀y mòò rà dɛ ! B'à yɛrɛ kpadè saakagoojaabobaà rìì là. Musà rè sàrìyaa ci saaka kaatsi rìi yè bo, e tɔ̀ bo a fɛnɛbeumaà kamà. Tɔ nà bà wo cɛrɛmabeumaà shɛɛrɛbe è re.»
15Yesù dziunmaà ko e sa ci kpir'la mà à dè mòò rà, tɔ̀ pɛn na à to Yesù tsoò yè to bo bɛy waa. Mòò giri na nàa, yè nà e toro wɔ à re goomaa rè. Ɲìnìnkɔɔn niì reè ni, twɛy yè bà na à gaa ye yè cɛrɛmabe. 16Kudɛyn, Yesù na bèe jènjàà kor'nà doùn, è bè Ŋaablà mafyɛ̀n.
Yesù mùrùku sɔn cɛrɛmabeu min niì
(Matsiyù 9.1-8; 2.1-12)
17Kààmoo swey na ni Dzyèèsìbee mòdzin neè ɲàn, yè bà na twɛy kir'là ci Faridziɲɛn rèè. Sii sɔn see, è Yesù to kàr'nà nà, tɔ̀ y'a tàrà, twɛy Faridziɲɛn rèè swey ko Sàrìyà Kaamoo reè swey sa na tsùuŋnà mòdzian ɲàn, yè bà e toro wɔɔ à re. Twɛy Faridziɲɛn rèè, ko twɛy Sàrìyà Kaamoo reè swey na boo Galile mar'la wɔ̀ rèè sapɛ, ko Yude mar'la wɔ̀ rèè sapɛ, ko Yerusalɛmùn wɔ̀ rɔ̀n, yè nà. Mùn Tsìfa Ŋaablà re Dzia na ni Yesù ɲàn, è bà dzia ɲìnìnkɔɔn reè cɛrɛmabeè.
18Àyìwà, è Yesù to mòdzian kàr'nà nà, mòdzin swey yè nà ko kpiri murùkuuma sɔn ka, ɲìnìnkɔ̀ɔ̀n seen gèè tsɛ. È sàò na ni à re, yè dɔ̀n à ka gbàà doùn, yè bè à tsùù Yesù jaaterema. Ŋà, jàmaà blàbe ɲaanfaa suun, è nà à bà nìi tsuru yè dzi dɔunma tàrà yè tɔ̀ jaa gaa gban kosokoro. 19È na dɔ̀nma jà nìi fa waa, yè tèyn gbàà tsɛ ko e re ɲìnìnkɔɔn ka. È bèu wɔ mɔn, gbàà gbàma nìi fa, yè kɔ̀ɔ̀ bo, yè tɔ̀ bà dɔ̀nma. Tɔ̀un, yè fɛɛdzin neè shì ɲìnìnkɔ̀ɔ̀n seen gèè rà. Tɔ fau, yè twɛy kun, yè e re ɲìnìnkɔɔn jàà jàmaà shiɲaanfi payi, è bè tsùù Yesù bììn.
20Yesù y'à jàu ci twɛy mòdzin neè ɲɛun wò ra min niì, è dzin mùrùkua rà ci: «Kpiri, wo re gooɲaantsiɛ mɛɛy bou wo vu ra.»
21Sàrìyà Kaamoo reè ko Faridziɲɛn nìì reè na ni mɔn, twɛy yè e maa yè dziàn e duùn ci: «Nèe kpir'lee tsì rii nèe tsuru, è bà Ŋaablà tsoo bar'la ? À ma ba Ŋaablà soo boshɔ̀ùn, tsì rii soo dzia dzin mòò rà, ci wo re gooɲaantsiɛ mɛɛy bou wo vu ra ?»
22Twɛy mòdzin neè nìi kɛ̀sɛɛ̀ e duùn, Yesù yè tà tɔ̀. È dzin è ra ci: «Feera nèe goo kaatsi rèe yè bà ni ye duùn ? 23Min ye tey ɔ, e dzin mùrùkua rà ci: "Wo re gooɲaantsiɛ mɛɛy bou wo vu ra", tà ko e dzin à ra ci: "Fù e jìì", ye re o, kɛ̀n ni de dzi twɛy fiɛ̀ ɲàn ? 24Àwà, ye nà à tɔ̀ she, ci à dzi ni Adamà dziàn nà, è gooɲaantsiɛ mɛɛy bo mòò vu ra dzɔ̀nxɔɔ̀ tsɛ.» Tɔ̀un, è dzin mùrùkù kpir'là rà ci: «Mun ci e fù, a re ɲìnìnkɔ̀ɔ̀n seen gèè sen, e b'à re tsii !»
25Tɔ̀ nɔ̀nkɔɔrɔn, kpir'la yè fù mòdzian sapɛ jaa ra, è re ɲìnìnkɔɔn seen gèè sen, è dɔ̀n be e re tsii. À bèkɔɔn, è tsoo dzi ɲɛn beè Ŋaablà tsɛ. 26Tà goò fau gè o ge jaa ra, è ji twɛy sapɛ dzii tsɛ, yè tsoo dzi ɲɛɛn Ŋaablà tsɛ. È ɲɛyn shɛunma yè dziàn e si ra ci: «Xan ! Ɲe kabagoo goo ì jàu she, ɲe na dɛɛ̀y ɲe yè nìi tsuru jà ŋe waa.»
Yesù Lɛvì kiriu min niì, à y'à bà e re kàràndzian sɔn
(Matsiyù 9.9-13; Marikì 2.13-17)
27Àyìwà twɛy goo rèè sapɛ shɔùn, Yesù yè bo mɔn, è dɔ̀n be. À dɔ̀n bokɔɔn, è xɔnsɔɔntsibaa sɔn ja, tɔ tsùuŋnà xɔnsɔɔntsigbaà doùn. Tɔ̀ kpir'la tsoo na Lɛvì. Tɔ̀un, Yesù yè dzin Lɛvì rà ci: «A gban n kpɛyn, e bà mun ne kàràndzian sɔn.» 28Lɛvì yè e raa faagoò sapɛ dzii bà, è fù, è gban à kpɛyn.
29Àwà, Lɛvì yè nà tɛy blà fa Yesù tsoo ra e re tsii rɔ̀n. Mòò giri na ni Yesù ko e re kàràndzin neè ka tà ɲwɛyn ɲɔnma nɔ̀n. Xɔnsɔɔntsibaa giri na ni, mòò kpɛrɛ ì sa yeè bà na ni. 30#Luk 15.1,2.Faridziɲɛn rèè ko e re Sàrìyà Kaamoo reè swey tɔ̀ goò jà nìi fau, yè ŋùnùnŋun'na. Yè Yesù rè kàràndzin neè tey ci: «Fee y'à to, ye yè bà ɲwɛɛ̀n ɲɔɔ̀n xɔnsɔɔn tsi reè, ko mòdzin faadzii ɲaan neè ka ?»
31Yesù yè è re goomaa latsi ci: «Nìì reè cɛrɛma, twɛy rìì màgoo na ni janfabaà rà waa, ɲìnìnkɔɔn reè rìì màgoo ni à ra. 32Nìì reè y'à jàa ye tereòn, mun nà kuàn na twɛy waa. Ŋà gooɲaantsiɛ ni nìì reè vu ra, mun naɔ̀ twɛy rìì kiri, yè e re jaamabee fau'n kur'la lakere, yè tsi.»
Yesù ci goo bɔrɔɔ ko goo yee na dzia bà soo waa
(Matsiyù 9.14-17; Marikì 2.18-22)
33Tɔ̀un, swey yè dzin Yesù rà jàmaà ɲàn ci: «Yùxanà raa kàràndzin neè, ko Faridziɲɛn rèè raa kàràndzin neè suàn wɔɔ̀, yè Ŋaablà mafyɛ̀ɛn waatsi giri. Wo raa rèè to na twɛy waatsi reè pɛn toò ni è na ɲwɛyn ɲɔn, yè mììn fa waa.»
34Tà goomaa dèu min niì, Yesù yè siin è tàlen soo ban è re ci: «Ye duungoo ma ɔn, kɔnɲɔn goo sii sèè o, ye ni dzi kɔnɲɔn kpir'là ko e dzyeèsi rèè to esire, ci kɔnɲɔn kpir'là dzyèèsi rèè yè sun karaba wɔ ɔ ? Tɔ̀ na dzia fa waa ! 35Ŋà jisee nàa, nìi doùn, kɔnɲɔn kpir'là nà sen bo è ɲan. Tɔ̀ sii sèè, è nà sun wɔ.»
36Tà shɔ̀ùn, Yesù yè tàlen soo kpɛrɛ ban è re kɔn ci: «Mòò pɛn na sɔn vyɛ boò e re vya ye ra, à ka vya bɔrɔɔ tsyɛ̀ɛ̀rɛ waa. È tɔ fa, à vya yee rìì barau. Wo yeu riì bɛ̀rɔɔ̀n bɔrɔɔ rà, twɛy fiɛ̀ tsu fa e si sen waa. 37Tà faun'n kuru soo rà, mòò pɛn na dɔ̀ɔ̀ yɛy jia yu vɔrɔ bɔrɔɔ ì rìì doùn waa. Tɔ̀ ye fa, dɔ̀ɔ̀ yɛɛ̀ nà nà yu vɔrɔ bɔr'leè jee, è kon, vɔ̀r'leè sa yeè bara. 38Tɔ̀ kamà, dɔ̀ɔ̀ yɛɛ̀ wù è ji vɔ̀rɔ̀ ye ì doùn. 39M'a tɔ̀ sa, ci mòò pɛn na dɔ̀ɔ̀ bɔɔ̀ mìan, è sɔ̀ɔ̀n dɔ̀ɔ̀ yɛɛ̀ kpɛyn dɛ, kàtsu, à y'à jàa ci dɔ̀ɔ̀ bɔɔ̀ rìì dzi.»
Currently Selected:
Lukì 5: BDZU
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International
Lukì 5
5
Yesù rè kàràndzìn jɔna reè
(Matsiyù 4.18-22; Marikì 1.16-20)
1 #
Mat 13.1,2; Mar 3.9,10; 4.1. Àyìwà, sii sɔn see, Yesù na tsìiŋnà Zhenezarɛtsì yu blàa dzii ra. Jàmaà na tsìiŋnà min niì sapɛ y'à laguru, yè bà Ŋaablà re goomaa lamyɛɛ̀n Yesù dzu. 2È Yesù to Ŋaablà re goomaa jaa dèè rà, è konkoron bla fii jà yu blàa dzii ra. Ji kun neè na boo twɛy konkor'neè doùn, yè bà e re yɔ̀ rèè fòo. 3Twɛy konkoron bla fii rèe ɲan, soo na kpiri sɔn naa nìi tsoo Shimɔ̀n. Tɔ̀un, Yesù yè bè dɔ̀n è tsuù tà doùn. Tà shɔ̀ùn, Yesù yè Shimɔ̀n kiri è dzin à ra ci: «Shimɔ̀n, nà konkor'na ka yuà doùn kèrè dɛ̀ɛnin, è bo yu dziɛ rà.» Shimɔ̀n konkor'na bònbou yu dziɛ rà min niì, Yesù tsùuŋmaà yè to è maa è mòdzian kàr'na.
4Àyìwà, Yesù nàu gooma do waatsi riì bwèy, è dzin Shimɔ̀n nà ci: «Shimɔ̀n bè konkor'na ka yuà tsunbema nɔ̀n, a ko a koòsi rèè, ye e re yɔ̀ rèè maa yu rɔ̀n, ye jià kun.» 5#Yux 21.3.Shimɔ̀n yè dzin Yesù rà tɔ̀un ci: «Mùn kàrànfaà, ɲe feèn ko e kur'la sapɛ fau ji kuan nà, ɲe to na gèsɔn pɛn tàrà waa. Wo to y'à gaaŋ mun ne nòn, tɔ̀ kamà mùn nà yɔ̀ rèè maa kɔn.»
6 #
Yux 21.6. Tɔ̀ ɲan, Shimɔ̀n ko e koòsi rèè, yè e re yɔ̀ rèè sen, yè è maa. È yɔ̀ rèè maaŋ min niì, è sa yeè ji giri kun, fɔ è bè bà jàci yɔ̀ rèè sa ni shɛn. 7È kòòsi nìì reè na ni konkoron bla soo ka, yè e si ŋààn twɛy rà, ci yè nà wɔ ye ra. Twɛy sa yeè nà ko e re konkor'na ka. È nàu wɔ min niì do, yè konkoron bla fiɛ̀ sa tsyɛn ji rèè rà, fɔ konkor'neè gaa jàà bè yuà dzuun. 8Shimɔ̀n Piyɛrì tɔ̀ jà nìi fau, è nà e kunun gban Yesù bììn, è dzin à ra ci: «Mùn Tsìfaà, a bonbo n na, kàtsu mun mòdzin, gooɲaantsiɛ ni nìi vu ra !»
9È tɔ̀ ji kun tsu nìi fau, tɔ̀ goò na Shimɔ̀n ko e koòsi rèè sapɛ ɲɛyn shɛɔn. 10Mòkun fii nìì reè na ni ko Shimɔ̀n ka, tɔ̀ na Zhebede tsoo sɔn naa dzin kpiri fii. Twɛy tsoo na Yàkubà ko Yùxanà. Twɛy sa ɲɛyn na shɛɔn tà tsuru. Tɔ̀un, Yesù yè dzin Shimɔ̀n nà ci: «Maà shi waa ! È sen dòònuùn nà, wo nà bà mòdzin ì nì gaa, yè bà Ŋaablà raa jàci wo na ji rèè kuàn nìi tsuru.»
11È sapɛ dzyeèmaa nàu wɔ ko konkor'neè ka yu dziɛ rè nìi tsuru, yè konkor'neè ko gè rèè sapɛ bato mɔn, yè e gban Yesù kpɛyn.
Yesù byèèmà kpiri sɔn cɛrɛmabeu min niì
(Matsiyù 8.1-4; Marikì 1.40-45)
12Tà shɔ̀ùn, è Yesù to sii sɔn see Galile mar'la wɔ̀ sɔn ɲan, è tsi ko byèèmà kpiri sɔn ka. Tɔ̀ kpir'la raa byèèmà ɲin'nà na ɲan, fɔ è bè geren. À dziu Yesù jà min niì, è nà e kunun gban à bììn, è dzin à ra ci: «Tsìfaà, wo y'a tsiì, wo dzia mun cɛrɛmabe, min bà mòdzìn fɛnɛ.»
13Tɔ̀un, Yesù yè e sià foro, è dzyɛn à ra, è dzin à ra ci: «Min tsiiŋ w'e cɛrɛmabe, w'e bà mòdzìn fɛnɛ.» Tɔ̀ nɔ̀nkɔɔrɔn ko e sa, kpir'la rè byèèmà ɲin'nà yè dò, è cɛrɛmabe. 14#Sak 14.1-32.Tà shɔ̀ùn, Yesù y'à dè màxɔbe à ra ci: «Maà à lakɛɛ̀y mòò rà dɛ ! B'à yɛrɛ kpadè saakagoojaabobaà rìì là. Musà rè sàrìyaa ci saaka kaatsi rìi yè bo, e tɔ̀ bo a fɛnɛbeumaà kamà. Tɔ nà bà wo cɛrɛmabeumaà shɛɛrɛbe è re.»
15Yesù dziunmaà ko e sa ci kpir'la mà à dè mòò rà, tɔ̀ pɛn na à to Yesù tsoò yè to bo bɛy waa. Mòò giri na nàa, yè nà e toro wɔ à re goomaa rè. Ɲìnìnkɔɔn niì reè ni, twɛy yè bà na à gaa ye yè cɛrɛmabe. 16Kudɛyn, Yesù na bèe jènjàà kor'nà doùn, è bè Ŋaablà mafyɛ̀n.
Yesù mùrùku sɔn cɛrɛmabeu min niì
(Matsiyù 9.1-8; 2.1-12)
17Kààmoo swey na ni Dzyèèsìbee mòdzin neè ɲàn, yè bà na twɛy kir'là ci Faridziɲɛn rèè. Sii sɔn see, è Yesù to kàr'nà nà, tɔ̀ y'a tàrà, twɛy Faridziɲɛn rèè swey ko Sàrìyà Kaamoo reè swey sa na tsùuŋnà mòdzian ɲàn, yè bà e toro wɔɔ à re. Twɛy Faridziɲɛn rèè, ko twɛy Sàrìyà Kaamoo reè swey na boo Galile mar'la wɔ̀ rèè sapɛ, ko Yude mar'la wɔ̀ rèè sapɛ, ko Yerusalɛmùn wɔ̀ rɔ̀n, yè nà. Mùn Tsìfa Ŋaablà re Dzia na ni Yesù ɲàn, è bà dzia ɲìnìnkɔɔn reè cɛrɛmabeè.
18Àyìwà, è Yesù to mòdzian kàr'nà nà, mòdzin swey yè nà ko kpiri murùkuuma sɔn ka, ɲìnìnkɔ̀ɔ̀n seen gèè tsɛ. È sàò na ni à re, yè dɔ̀n à ka gbàà doùn, yè bè à tsùù Yesù jaaterema. Ŋà, jàmaà blàbe ɲaanfaa suun, è nà à bà nìi tsuru yè dzi dɔunma tàrà yè tɔ̀ jaa gaa gban kosokoro. 19È na dɔ̀nma jà nìi fa waa, yè tèyn gbàà tsɛ ko e re ɲìnìnkɔɔn ka. È bèu wɔ mɔn, gbàà gbàma nìi fa, yè kɔ̀ɔ̀ bo, yè tɔ̀ bà dɔ̀nma. Tɔ̀un, yè fɛɛdzin neè shì ɲìnìnkɔ̀ɔ̀n seen gèè rà. Tɔ fau, yè twɛy kun, yè e re ɲìnìnkɔɔn jàà jàmaà shiɲaanfi payi, è bè tsùù Yesù bììn.
20Yesù y'à jàu ci twɛy mòdzin neè ɲɛun wò ra min niì, è dzin mùrùkua rà ci: «Kpiri, wo re gooɲaantsiɛ mɛɛy bou wo vu ra.»
21Sàrìyà Kaamoo reè ko Faridziɲɛn nìì reè na ni mɔn, twɛy yè e maa yè dziàn e duùn ci: «Nèe kpir'lee tsì rii nèe tsuru, è bà Ŋaablà tsoo bar'la ? À ma ba Ŋaablà soo boshɔ̀ùn, tsì rii soo dzia dzin mòò rà, ci wo re gooɲaantsiɛ mɛɛy bou wo vu ra ?»
22Twɛy mòdzin neè nìi kɛ̀sɛɛ̀ e duùn, Yesù yè tà tɔ̀. È dzin è ra ci: «Feera nèe goo kaatsi rèe yè bà ni ye duùn ? 23Min ye tey ɔ, e dzin mùrùkua rà ci: "Wo re gooɲaantsiɛ mɛɛy bou wo vu ra", tà ko e dzin à ra ci: "Fù e jìì", ye re o, kɛ̀n ni de dzi twɛy fiɛ̀ ɲàn ? 24Àwà, ye nà à tɔ̀ she, ci à dzi ni Adamà dziàn nà, è gooɲaantsiɛ mɛɛy bo mòò vu ra dzɔ̀nxɔɔ̀ tsɛ.» Tɔ̀un, è dzin mùrùkù kpir'là rà ci: «Mun ci e fù, a re ɲìnìnkɔ̀ɔ̀n seen gèè sen, e b'à re tsii !»
25Tɔ̀ nɔ̀nkɔɔrɔn, kpir'la yè fù mòdzian sapɛ jaa ra, è re ɲìnìnkɔɔn seen gèè sen, è dɔ̀n be e re tsii. À bèkɔɔn, è tsoo dzi ɲɛn beè Ŋaablà tsɛ. 26Tà goò fau gè o ge jaa ra, è ji twɛy sapɛ dzii tsɛ, yè tsoo dzi ɲɛɛn Ŋaablà tsɛ. È ɲɛyn shɛunma yè dziàn e si ra ci: «Xan ! Ɲe kabagoo goo ì jàu she, ɲe na dɛɛ̀y ɲe yè nìi tsuru jà ŋe waa.»
Yesù Lɛvì kiriu min niì, à y'à bà e re kàràndzian sɔn
(Matsiyù 9.9-13; Marikì 2.13-17)
27Àyìwà twɛy goo rèè sapɛ shɔùn, Yesù yè bo mɔn, è dɔ̀n be. À dɔ̀n bokɔɔn, è xɔnsɔɔntsibaa sɔn ja, tɔ tsùuŋnà xɔnsɔɔntsigbaà doùn. Tɔ̀ kpir'la tsoo na Lɛvì. Tɔ̀un, Yesù yè dzin Lɛvì rà ci: «A gban n kpɛyn, e bà mun ne kàràndzian sɔn.» 28Lɛvì yè e raa faagoò sapɛ dzii bà, è fù, è gban à kpɛyn.
29Àwà, Lɛvì yè nà tɛy blà fa Yesù tsoo ra e re tsii rɔ̀n. Mòò giri na ni Yesù ko e re kàràndzin neè ka tà ɲwɛyn ɲɔnma nɔ̀n. Xɔnsɔɔntsibaa giri na ni, mòò kpɛrɛ ì sa yeè bà na ni. 30#Luk 15.1,2.Faridziɲɛn rèè ko e re Sàrìyà Kaamoo reè swey tɔ̀ goò jà nìi fau, yè ŋùnùnŋun'na. Yè Yesù rè kàràndzin neè tey ci: «Fee y'à to, ye yè bà ɲwɛɛ̀n ɲɔɔ̀n xɔnsɔɔn tsi reè, ko mòdzin faadzii ɲaan neè ka ?»
31Yesù yè è re goomaa latsi ci: «Nìì reè cɛrɛma, twɛy rìì màgoo na ni janfabaà rà waa, ɲìnìnkɔɔn reè rìì màgoo ni à ra. 32Nìì reè y'à jàa ye tereòn, mun nà kuàn na twɛy waa. Ŋà gooɲaantsiɛ ni nìì reè vu ra, mun naɔ̀ twɛy rìì kiri, yè e re jaamabee fau'n kur'la lakere, yè tsi.»
Yesù ci goo bɔrɔɔ ko goo yee na dzia bà soo waa
(Matsiyù 9.14-17; Marikì 2.18-22)
33Tɔ̀un, swey yè dzin Yesù rà jàmaà ɲàn ci: «Yùxanà raa kàràndzin neè, ko Faridziɲɛn rèè raa kàràndzin neè suàn wɔɔ̀, yè Ŋaablà mafyɛ̀ɛn waatsi giri. Wo raa rèè to na twɛy waatsi reè pɛn toò ni è na ɲwɛyn ɲɔn, yè mììn fa waa.»
34Tà goomaa dèu min niì, Yesù yè siin è tàlen soo ban è re ci: «Ye duungoo ma ɔn, kɔnɲɔn goo sii sèè o, ye ni dzi kɔnɲɔn kpir'là ko e dzyeèsi rèè to esire, ci kɔnɲɔn kpir'là dzyèèsi rèè yè sun karaba wɔ ɔ ? Tɔ̀ na dzia fa waa ! 35Ŋà jisee nàa, nìi doùn, kɔnɲɔn kpir'là nà sen bo è ɲan. Tɔ̀ sii sèè, è nà sun wɔ.»
36Tà shɔ̀ùn, Yesù yè tàlen soo kpɛrɛ ban è re kɔn ci: «Mòò pɛn na sɔn vyɛ boò e re vya ye ra, à ka vya bɔrɔɔ tsyɛ̀ɛ̀rɛ waa. È tɔ fa, à vya yee rìì barau. Wo yeu riì bɛ̀rɔɔ̀n bɔrɔɔ rà, twɛy fiɛ̀ tsu fa e si sen waa. 37Tà faun'n kuru soo rà, mòò pɛn na dɔ̀ɔ̀ yɛy jia yu vɔrɔ bɔrɔɔ ì rìì doùn waa. Tɔ̀ ye fa, dɔ̀ɔ̀ yɛɛ̀ nà nà yu vɔrɔ bɔr'leè jee, è kon, vɔ̀r'leè sa yeè bara. 38Tɔ̀ kamà, dɔ̀ɔ̀ yɛɛ̀ wù è ji vɔ̀rɔ̀ ye ì doùn. 39M'a tɔ̀ sa, ci mòò pɛn na dɔ̀ɔ̀ bɔɔ̀ mìan, è sɔ̀ɔ̀n dɔ̀ɔ̀ yɛɛ̀ kpɛyn dɛ, kàtsu, à y'à jàa ci dɔ̀ɔ̀ bɔɔ̀ rìì dzi.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International