Lukì Kìtaabuà kùnàgoo

Kìtaabuà kùnàgoo

Lukì tsoò yè sìn nèe kìtaabu rèe ra, tɔ̀ y'a kpàdèe ci wò rii y'à sɛbɛɔ̀n. À re kìtaabu sɛbɛunma rèè fii rìì, nìi yɛ Kùnàgoo Dziɔ̀ kìtaabuà, ko Kɛɛradzin neè faadziɛ kìtaabuà. Lukì na dɔ̀ɔ̀tɔr'lì. È re kìtaabuà sɛbɛun ɲɛynamoo nìì reè tsoo ra, twɛy naà Dzyèèsìbee mòdzin ì waa, yè bà na gɛ̀rɛ̀kì gòòmà debaa ì.

Jàtsìkun neè raa dèù ma, è re kìtaabuà sɛbɛun jii muey (60) ko jii cɛɛ̀n (80) flàncɛɛ rìì ɲàn, Yesù Kirisà shɔ̀ùn.

Kìtaabuà doun goo

Lukì rè Kùnàgoo Dziɔ̀ lakɛrɔ̀ùn'n kur'la beò dzyee rèè raà kàjaa tsɛ, ŋà è tsia nìi tsɛ tɔ̀ Yesù rè jìɛ̀ goo rèè rìì è bo Galile mar'lɔùn, è bè fɔ Yerusalɛmùn wɔ̀ rɔ̀n, suran kyeèron goomadzian shera dzyeètsyeùn ko dzin soo è bè suran teeŋ kyeèròn goomadzian shera moo ŋaalòn (9.51–19.28). Tɔ̀ jìɛ̀ doùn goo rèè ɲàn, Lukì dzii wɔɔ̀ kàjaa ì tsɛ dzyee rèè na nìi deò waa, a ci Yesù bèu bo nìi fa Maritsì ko Mariyamùn kpà (10.38-42), Samarika kpir'la raa kùnàgoo (10.29-37), ko dzin kpir'liì yè e faà shɛɛ̀n barau, tɔ̀ raa kùnàgoo (15.11-32). Lukì yè e tsia Yesù nà kuàn sa tsɛ, nìi yɛ Ŋaablà y'a ka nau, gè o ge nà e tsiì à ra, è twɛy sapɛ tsi gooɲaan nà. Lukì y'à kpàdèe sa, ci mòdzian nìì reè sapɛ boo si bònè, a ci gooɲaan fa reè, ko dziin nèè, ko gbakɔɔn reè, ko ɲìnìnkɔɔn reè, ko tɔn'leè, Yesù yè e magoo wɔu twɛy sapɛ ɲan.

Currently Selected:

Lukì Kìtaabuà kùnàgoo: BDZU

Highlight

Copy

Want to have your highlights saved across all your devices? Sign up or sign in

Learn More About Bible Dzùùngoo Unicode