Marikì Kìtaabuà kùnàgoo

Kìtaabuà kùnàgoo

Àwà nèe kìtaabu rèe yè kiri Kùnàgoo Dziɔ̀ Marikì raa lakɛrɔ̀ùn'n kur'la mà, tɔ̀ dzuɔn nì yɛ, ci Marikì rìì y'à sɛbɛnbaà. Kùnàgoo Dziɔ̀ kìtaabu bosima reè ɲàn, wò rii kuru è sapɛ.

Jàtsìkun neè raa dèù ma, à y'à sɛbɛun jii muey ko dzin zhiigi (63) ko jii muey ko dzin ŋaalòn (68) flàncɛɛ rìì ɲàn, Yesù Kirisà shɔ̀ùn.

À kìtaabu rèe sɛbɛun mòdzin ì tsoo ra, nìì reè sapɛ na Dzyèèsìbee mòdzin ì waa. À re Yesù rè goò lakɛrɔ̀ùn'n kur'la ko Matsiyù ko Luki raà sa yeè e si bosi, è bà e tsia Yesù rèè kabagoo goo reè ko ɲìn'nèè cɛrɛmabe goo tsɛ.

Kìtaabuà doun goo

Marikì rè Kùnàgoo Dziɔ̀ lakɛrɔ̀ùn'n kur'la ko dzyee rèè raà yè e si bosi, ŋà à ɲan ta goo rèè ka. À jɔ̀nma nɔ̀n nòn, à Yesù kiriɔ Ŋaablà Dzin Kpir'la (1.1). È bà Ŋaablà Dzin Kpir'la gbaàn goomaa ko à saàn gooma deò à latanma nɔ̀n (15.39).

Mùn kàjaa bla fii jàa Marikì rè kìtaabuà doùn. Jɔ̀naà è sen suran soo goomadzian shera soo è bè suran ŋaalòn goomadzian shera moo tsùnmɛn (1.1–8.26), à ɲìnìnkɔɔn reè cɛrɛmabeè, à kwey rèè kaa boò mòdzian kpɛyn, baraka yè bà ni à re goomaa ɲàn. Kàjaa fiiraa, è sen suran ŋaalòn goomadzian shera moo ɲɛ̀ɛ̀nun è bè suran teeŋ tsunmɛn goomadzian shera moò (8.27–16.20), tɔ̀ y'a kpàdèe ci Yesù Ŋaablà Dzin Kpiri.

Currently Selected:

Marikì Kìtaabuà kùnàgoo: BDZU

Highlight

Copy

Want to have your highlights saved across all your devices? Sign up or sign in

Learn More About Bible Dzùùngoo Unicode

Marikì Kìtaabuà kùnàgoo

Popular Bible Verses from
Marikì Kìtaabuà kùnàgoo

Bible:

Dzùùngoo

Version: Bible Dzùùngoo Unicode - BDZU