Matha 19
19
1Agus ṫarla, nuair do ḃí na cóṁráiḋte sin críoċnuiġṫe ag Íosa, gur imṫiġ sé ó’n nGaililé, agus go dtáinig sé isteaċ i gcríoċaiḃ lúdaea ar an taoḃ ṫall de Iórnán; 2agus do lean sluaiġte móra é; agus do leiġeas sé annsin iad.
3Agus ṫáinig Fairisíniġ ċuige g‐á ṫriail, agus iad g‐á ráḋ, An dleaġṫaċ do ḋuine a ḃean do ċur uaiḋ ar aḋḃar ar biṫ? 4Agus d’ḟreagair seisean, agus aduḃairt, An é nár léiġeaḃar, an té do ċruṫuiġ na daoine ó ṫús, gur ċruṫuiġ sé fireann agus baineann iad, agus go nduḃairt sé, 5Ar an aḋḃar sin, fágfaiḋ fear a aṫair agus a ṁáṫair, agus claoiḋfiḋ sé le n‐a ṁnaoi; agus béiḋ an ḃeirt ’n‐a n‐aon ḟeoil aṁáin? 6Uime sin, ní beirt iad feasta, aċt aon ḟeoil aṁáin. D’á ḃriġ sin, an niḋ do ċeangail Dia, ná scaoileaḋ duine é. 7Aduḃradar‐san leis, Cad ċuige, má’s eaḋ, ar órduiġ Maois billéad scaraṁna do ṫaḃairt dí, agus a cur ċum bealaiġ? 8Aduḃairt seisean leo, Do ċeaduiġ Maois daoiḃ, mar ġeall ar ḋúire ḃúr gcroiḋe, ḃúr mná do ċur uaiḃ: aċt ní mar sin do ḃí an scéal ó ṫús. 9Agus adeirim‐se liḃ, An té ċuirfeas uaiḋ a ḃean, aċt aṁáin mar ġeall ar striapaċas, agus ṗósfas bean eile, go ndéanann sé aḋaltranas: agus an té ṗósas an ḃean do díbriġeaḋ, go ndéanann seisean aḋaltranas. 10Aduḃairt na deisceabail leis, Má’s é sin an cás ag fear i dtaoḃ ṁná, do b’ḟearr gan póṡaḋ. 11Aċt aduḃairt seisean leo, Ní h‐é gaċ aon duine gur féidir leis na briaṫra so do ġlacaḋ, aċ iad‐san aṁáin dár tugaḋ é. 12Óir atá coillteáin ann do rugaḋ mar sin ó ḃroinn a máṫar: agus atá coillteáin ann gur ċoill daoine iad: agus atá coillteáin ann do ċoill iad féin ar son ríoġaċta na ḃflaiṫeas. An té gur féidir leis a ġlacaḋ, glacaḋ.
13Annsin tugaḋ ċuige leanḃaí beaga, ċum go gcuirfeaḋ sé a láṁa orṫa, agus go nguiḋfeaḋ sé orṫa: agus do ċuir na deisceabail cosc leo. 14Aċt aduḃairt Íosa, Leigiḋ do na leanḃaiḃ beaga teaċt ċugam‐sa, agus ná cuiriḋ cosc leo: óir is le n‐a leiṫéidiḃ sin ríoġaċt na ḃflaiṫeas. 15Agus do ċuir sé a láṁa orṫa, agus d’imṫiġ sé ó’n áit sin.
16Agus féaċ, ṫáinig duine ċuige, agus aduḃairt sé, A Ṁáiġistir, créad é an gníoṁ maiṫ do‐ġéanadsa, ċum go saoṫróċad an ḃeaṫa ṡíorraiḋe? 17Agus aduḃairt seisean leis, Cad ċuige ḋuit ceist do ċur orm‐sa i dtaoḃ maiṫeasa? Ní maiṫ aoinneaċ aċt Aon aṁáin: aċt má’s mian leat dul isteaċ sa mbeaṫaiḋ, coiṁéad na h‐aiṫeanta. 18Aduḃairt seisean leis, Ciaca? Agus aduḃairt Íosa leis, Na déan marḃaḋ, Ná déan aḋaltrannas, Ná déan goid, 19Ná taḃair fiaḋnaise ḃréige, Taḃair onóir dot’ aṫair agus dod’ ṁáṫair, agus, Gráḋuiġ do ċóṁarsa mar ṫú féin. 20Aduḃairt an t‐ógánaċ leis, Do ċóiṁlíonas iad sin go léir: créad eile atá d’uireasḃaiḋ orm? 21Aduḃairt Íosa leis, Má’s maiṫ leat ḃeiṫ gan loċt, imṫiġ, díol a ḃfuil agat, agus taḃair a luaċ do na boċtaiḃ, agus béiḋ maoin ar neaṁ agat: agus tar, lean mise. 22Aċt nuair do‐ċuala an t‐ógánaċ na briaṫra sin, d’imṫiġ sé agus cuṁa air, óir ba ḋuine é ag a raiḃ raċmas mór.
23Agus aduḃairt Íosa le n‐a ḋeisceablaiḃ, Go fírinneaċ adeirim liḃ, Is ar éigean a raċas duine saiḋḃir isteaċ i ríoġaċt na ḃflaiṫeas. 24Agus adeirim arís liḃ, Is fusa do ċamall gaḃáil tré ċró snáṫaide, ná do ḋuine saiḋḃir dul isteaċ i ríoġaċt na ḃflaiṫeas. 25Agus nuair do‐ċuala na deisceabail sin, do ġaḃ iongnaḋ mór iad, agus aduḃradar, Má’s eaḋ, Cia h‐é gur féidir a ṡlánú? 26Agus ag féaċaint d’Íosa orṫa, aduḃairt sé leo, Ní féidir do ḋaoiniḃ é, aċt is féidir le Dia an uile niḋ. 27D’ḟreagair Peadar annsin, agus aduḃairt sé, Féaċ, do ṫréigeamair‐ne gaċ uile niḋ, agus do leanamar ṫusa; créad ḃéas againn d’á ḃárr? 28Agus duḃairt Íosa leo, Go fírinneaċ adeirim liḃ, nuair ṡuiḋfeas Mac an Duine i gcaṫaoir a ġlóire, san aiṫ‐ġeineaṁain, siḃ‐se do lean mé, suiḋfiḋ siḃ ar ḋá ċaṫaoir déag, ag breiṫ breiṫe ar ḋá ṫreiḃ déag Israel. 29Agus gaċ duine do ṫréig tiġṫe, nó dearḃráiṫre, nó deirḃṡeaṫraċa, nó clann, nó taltaí, ar son m’anma‐sa, ġeoḃaiḋ sé a gcéad oiread, agus béiḋ an ḃeaṫa ṡíorraiḋe mar oiġreaċt aige. 30Aċt is iomḋa duine d’á ḃfuil ar tosaċ ḃéas ar deireaḋ; agus d’á ḃfuil ar deireaḋ ḃéas ar tosaċ.
Currently Selected:
Matha 19: JOYNTG
Highlight
Share
Copy
Want to have your highlights saved across all your devices? Sign up or sign in
First published by the Hibernian Bible Society (now the National Bible Society of Ireland) in 1951.
