Na Sailm 34

Salm 34.

Benedicam Domino.

1Taḃarfaiḋ mé buíoċas leis an Tiarna de ṡíor: beiḋ a ṁolaḋ i mo ḃéal i gcónaí.

2Beiḋ mʼanam ag maíoṁ as an Tiarna: cluinfiḋ an drong uiríseal tráċt air, agus beiḋ lúċáir orṫu.

3Molaigí an Tiarna liom: agus móraímis a Ainm le ċéile.

4Dʼiarr mé an Tiarna, agus ċuala sé mé: agus dʼḟuascail sé mé ó áḃar mʼeagla.

5Ba air a ḃí a súil, agus fuaireadar solas: agus níor ḋearg an náire a n‑éadain.

6Féaċ mar ġlaonn an duine boċt, agus mar ċluineann an Tiarna é: agus mar ṡlánaíonn sé é óna gcuireann buaireaṁ air.

7Bíonn aingeal an Tiarna ag fanaċt ṫart timpeall an dreama a mbíonn a eagla orṫu: agus á ḃfuascailt.

8Blaisigí, agus féaċaigí mórṁaiṫeas an Tiarna: is beannaiṫe an té a mbíonn dóċas aige as.

9A naoiṁ an Tiarna, bíoḋ eagla oraiḃ roiṁe: óir ní ḃíonn aon easpa ar an dream darb eagal é.

10Bíonn easpa agus ocras ar na leoin: aċ ní ḃeiḋ aon ṁaiṫeas in easpa ar luċt iarrṫa an Tiarna.

11Tagaigí, a ċlann, agus tugaigí cluas dom: múinfiḋ mé eagla an Tiarna daoiḃ.

12Cá ḃfuil an fear a ṡantaíos fad saoil: ar ṁian leis sonas ar a laeṫanta?

13Coinniġ do ṫeanga ó olc: agus do ḃeola ó ċaint ċealgaċ.

14Seaċnaiġ an t‑olc, agus cleaċtaiġ dea‑ġníoṁarṫa: iarr an tsíoċáin agus lean di.

15Bíonn súile an Tiarna ar na fíréin: agus a ċluasa foscailte dá n‑urnaiṫe.

16Bíonn gnúis an Tiarna in aġaiḋ luċt déanta an oilc: lena gcuiṁne a scriosaḋ den talaṁ.

17Bíonn na fíréin ag glaoċ, agus an Tiarna á gcloisteáil: agus á slánú óna gcuireann buaireaṁ orṫu.

18Bíonn an Tiarna i ḃfogas luċt an ċroí ċoṁḃrúite: agus slánóiḋ sé drong na spride uirísle.

19Dá ṁéid buaireaṁ an ḟíréin: bíonn an Tiarna á ḟuascailt as ar fad.

20Bíonn sé á ċuṁdaċ: ar moḋ naċ mbristear cnáṁ dá ċnáṁa.

21Aċ maróiḋ an tubaiste an droċḋuine: agus beiḋ luċt fuaṫa an ḟíréin fágṫa folaṁ.

22Fuasclann an Tiarna anamaċa a ṡeirḃíseaċ: agus ní ḃeiḋ easpa ar an dream a ċuireas a ndóċas ann.

Currently Selected:

Na Sailm 34: OC1965G

Highlight

Copy

Popular Bible Verses from
Na Sailm 34