Eóin 17
17
Caibidil XVII
Urnuid Iosa ḋá Aṫar, ag iarruiḋ, 11 aóndaċt, 17 firinne, 20 agus búanṡonas da ḋaóiniḃ féin uile.
1Do laḃair Iósa na neiṫesi, agus ag tógḃáil a ṡúl ċum neime ḋó a duḃairt sé, A Aṫair ṫáinig a nuáir, taḃair glóir dod Ṁac féin, ionnus dtíuḃraḋ do Ṁac glóir ḋuitse mar an gcéadna: 2Aṁail as do ṫug tú cúṁaċda ḋósan air gaċ uile ḟeóil, do ċum go dtioḃraḋ sé an ḃeaṫa ṁarrṫanaċ do gaċ uile ḋuine ḋá dtug tú ḋó. 3Agus as sí so an beaṫa ṁarrṫanaċ, go naiṫneóċaid síad ṫusa an táoin Día fírinneaċ, agus Iósa Críosd, do ċuir tú úait, 4Tug misi glóir ḋuitsi ar a talaṁ: do ċríoċnuiġ mé an obair ṫug tú ḋaṁ té a ḋéanaṁ. 5Agus taḃairsi a Aṫair, a nois, glóir ḋaṁsa ad ḟoċair féin maille ris an nglóir do ḃí agam ad ḟoċair suil do cruṫuiġeaḋ an sáoġal. 6Dfoillsiġ mé ṫainm do na dáoiniḃ ṫug tú ḋaṁ as a tsáoġal: ba leaċdsa íad, agus ṫug tú ḋaṁsa íad; agus do ċoiṁéadadar do ḃriaṫar. 7A nois daiṫniġeadar gur ab uáidsi atáid na huile neiṫe, ḋá dtug tu ḋaṁsa. 8Oír tug misi ḋóiḃ na bríaṫra ṫug tusa ḋaṁ; agus do ġaḃadar ċuca íad, agus daiṫniġeadar go deiṁin gur ab uátsi ṫáinig misi, agus do ċreideadar gur tusa ċuir uáit mé. 9Ar a son atáimsi ag guiḋe: ní ar son an tsáoġail do ním guiḋe, aċd ar son na muinntire ṫug tusa ḋaṁ; óir is leaċdsa íad. 10Agus as leaċdsa na huile neiṫe is leamsa, agus as leamsa na neiṫe as leaċdsa; agus atáim ar mo ġlóruġaḋ iontasan. 11Agus ní ḃfuilim feasda sa tsáoġal giḋeaḋ atáid so sa tsáoġal, agus atáimsi ag teaċd ċugadsa. A Aṫair Náoṁṫa, coiṁéid ann ṫainm féin an ṁuinntir ṫug tú ḋaṁsa, ionnus go mbeidís na náon, mar atámáoidne. 12An feaḋ do ḃí misi na ḃfarraḋ sa tsáoġal, do ċoiṁéd mé íad ad ainmsi: do ċoiṁéd mé an ṁuinntir ṫug tusa ḋaṁ, agus ní ḋeaċuiḋ áonduine aca a muġa, aċd mac na mallaċd; ionnus go gcoiṁlíonfuiḋe an sgríobtúir. 13Aċd atáim a nois ag teaċd ċugadsa, agus laḃraim na neiṫesi ar a tsáoġal, ionnus go mbíaḋ mo ġáirdeaċas iomlán ionntasan. 14Tug misi do ḃríáṫarsa ḋóiḃ; agus don tsáoġal íad, mar naċ ḃfuilimsi don tsáoġal. 15Ní íarruim go mbéurfa íad as an tsáoġal, aċd go gcoiṁédfá íad air olc. 16Ní don tsáoġal íad, mar naċ don tsáoġal misi. 17Náoṁuiġ íad léd ḟírinne: as í do ḃríaṫarsa an ḟírinne. 18Aṁail as do ċuir tusa misi ċum a tsáoġail, is mar sin do ċuir misi íadsan ċum a tsáoġail. 19Agus is ar a sonsan náoṁaimsi mé féin, ionnus go mbéidísean mar an gcéadna ar na náoṁaḋ sa ḃfírinne. 20Ní ar a sonsan aṁáin do ním guiḋe, aċd mar an gcéudna ar son na ndaóine ċreidfios ionnam tre na mbreiṫirsean; 21Ionnus go mbéidis uile náon; mar atá tusa, a Aṫair, ionnamsa, agus misi ionnadsa, ionnus go mbéidision mar an gcéadna na náon ionnuinne: ionnus go gcreidfeaḋ an sáoġal gur tusa do ċuir uáit mé. 22Agus tug misi ḋóiḃsean an ġlóir ṫug tusa ḋaṁsa: ionnus go mbeidís na náon, mar atámaoidne ar náon: 23Misi ionntasan, agus tusa ionnamsa, ionnus go mbeidís go hiomlán na náon; agus ionnus go mbíaḋ a ḟios ag an tsáoġal gur tusa do ċuir uáit mé, agus gur ġráḋuiġ tú íadsan, mar do ġráḋuiġ tú misi. 24A Aṫair, is áill leam, an dream úd ṫug tú ḋaṁ, do ḃeiṫ am ḟoċair mar a ḃfuilim; ionnus go ḃfaicfidís mo ġlóir, noċ ṫug tusa ḋaṁ: óir do ġráḋuiġ tú mé suil do ċrúṫuiġeaḋ an doṁan. 25A Aṫair ċoṁṫruim, níor aiṫin an sáoġal ṫusa, aċd daiṫin misi ṫú, agus daiṫniġeadar so gur tusa do ċuir uáit mé. 26Agus dfoillsiġ mé ṫainmsi ḋóiḃ, agus foillséoċaiḋ mé é: ionnus an gráḋ lér ġráḋuiġ tú misi go mbíaḋ sé ionntasan, agus misi ionnta.
Currently Selected:
Eóin 17: BedellG
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1817.
