Mateo 27
27
O Yezous vell glan o Pilateste anlo
1Sik taysarlake van i tsele bare rashaya oun i biboldengre phoureder khetne. Oun khetne kran le vin, te marenn le o Yezouses. 2Oun yon pandan les, oun anan les pash o themeskro rayeste. Leskro lab his Pilato. Yob his i Remari. An leskre vasta dan le o Yezouses.
O Youdas marell pes
3O Youdas, ko phoukepaskro, har hayvas lo, te kran le vin, te vell o Yezous maredo, khaytas kova les. Doleske anas yob kol triyanda roupene beme pale pash i bare rashayende oun pash i biboldengre phoureder. 4Oun yob penas ap lende: “Me anom doosh ap mande. Me phoukrom ap koleste, kay kek doosh ap peste anas.”
Penan le: “Kova hi gar maro koova. Kova hi tiro koova.”
5Koy vitsras lo kol triyanda roupene beme an o Debleskro baro kheer, nashas lendar, čivas i dori troul peskri meen, oun tassras pes.
6Kol bare rashaya lan kol roupene beme, oun penan: “Ap kal love hi o rat pre. Mer nay čivah kal love gar pash o bravlepen an o Debleskro baro kheer. Kova djal gar pal o biboldengro čačepen.” 7Oun yon rakran khetne, hoy nay krans le kol loventsa. Oun yon penan: “Mer ginah i kotar them, te nay paskrah kote kolen, kay kek bibolde hi.” #27:7 Kova hi pale-čidde love i pale-čiddo themeske. Oun yon ginan ko kotar them ko romestar, kay krell pirya dran lolo čik. 8Doleske dan le ko kotar them o lab ratli phoub. Ninna kava dives kharell kova yaake.
9-10Oun yaake vas kova čačo, hoy o Debleskro rakepaskro Yeremia glan i rah tsiro penas: Yon lan i triyanda roupene beme. Kova his kol love, kay i Israeleskre menshe vin kran, te playsrenn le leske. Kol loventsa ginan le i kotar them kolestar, kay krell pirya dran lolo čik, yaake har o Devel mange kova penas.#27:9-10 dik: Zakarie 11:12-13
O Yezous hi glan o Pilateste tardo
11Oun o Yezous his glan o themeskro rayeste, o Pilato tardo. Oun kova poučas lestar: “Hal tou o baro ray pral i biboldende?”
Koy penas o Yezous: “Ava, hi yaake, har tou penal.”
12Oun i bare rashaya oun i biboldengre phoureder anan doosh ap leste pre. O Yezous penas či. 13Koy penas o Pilato ap leste: “Shouneh tou gar, hoy yon lauter ap toute pre anenna?”
14O Yezous penas či, kek lab. Oun o Pilato kras čačepah bare yaka.
15Ap ko tsiro his yaake, te moukas o themeskro ray ap o Passa yekes dran o stilepen vin. Koles nay rodan i bibolde penge vin. 16An ko bersh his i morsh kote stildo, leskro lab his Barabas. Hakeno djinas, te hi yob i čilačo morsh.
17Oun har yon lauter khetne his, poučas o Pilato lendar: “Kones moukap dran o stilepen vin: O Barabes? O Yezouses, kay ninna o Kristo kharella?” 18O Pilato djinas mishto, te zilverenn le ap o Yezouseste. Oun dran kova dan le les an leskre vasta.
19Har o Pilato ap o čačepaskro beshepaskro beshdo his, te rakrell lo o čačepen pral leste vin, moukas leskri romni leske te penell: “Ko morsh anas kek doosh ap peste. Mouk les te djal! Taysar rati his man i čilači souni, oun man his bare douka dran leste.”
20I bare rashaya oun i biboldengre phoureder rakran boud ap kol tsele menshende kote dren, te penenn yon, te vell o Barabas dran o stilepen vin, oun te vell o Yezous maredo.
21Oun o Pilato poučas lendar: “Kones kol douy morshendar moukap dran o stilepen vin?” “O Barabes!” penan le.
22Koy penas o Pilato ap lende: “Hoy krap o Yezouseha, kay kharella ninna o Kristo?”
Penan le halauter: “De les ap o troushel!”
23Poučas lo lendar: “Havo čilačo koova kras yob?”
Kote dan le bari gole: “De les ap o troushel!”
24Har o Pilato dikas, te nay krell lo či, oun te venn le divyeder, las lo pani, thovas peskre vasta glan i tsele menshende, oun penas: “Me anau kek doosh ap mande, te vell lo maredo. Koy doosh vell ap t'mende.” 25Oun kol tsele menshe penan: “Koy doosh vell ap mende oun ap mare čavende!”
26Palle moukas lo o Barabes dran o stilepen vin. Oun o Yezouses moukas lo i čoupniyah dava te dell, oun das les an i lourdengre vasta, te denn le les ap o troushel.
I lourde san pral o Yezouseste
27Palle anan o Pilateskre lourde o Yezouses an o baro kheer o themeskro rayestar. Oun yon dan i tsele lourden gole, te venn le kote khetne. 28Oun yon rivan leske leskre koola vin, oun čivan leske i loli rayeskri plaashka trouyel. 29Oun yon pandan soubyengre kashta khetne, oun čivan len leske ap o shero, yaake har i baro ray hidjrell shereskro sonakay ap peskro shero. Ninna čivan le leske i kasht an leskro čačo vast. Oun yon moukan pen glan leste ap i čanga te perell, oun kran yaake, har te mangans le i baro rayes an. Yon san pral leste, oun penan: “Sharedo vess tou, tou baro ray pral i bibolde!” 30Oun yon čoungran ap leste, lan leske o kasht dran o vast, oun dan les leske ap o shero. 31Har yon san pral leste, rivan le leske koy loli plaashka pale vin, oun rivan leske leskre koola pale an. Oun yon anan les vin, te denn le les ap o troushel.
O Yezous vell ap o troushel dino
32Har yon dran o foro vin djan, dikan le i morshes dran o foro Kirene. Leskro lab his Simon. Koles tapran le i zoryah, oun kran, te hidjrell lo o Yezouseskro troushel. 33Oun har yon ap ko kotar them van, hoy kharella Golgata, – kova kharella Mouleskro Shero, 34– dan le les mool te piyell, kay čomone dren hi, hoy kharella Galle. Har yob kova hayvas, kamas lo gar te piyell.
35Oun yon dan les ap o troushel. Oun palle khelan le pral leskre koola, te dikenn le, hoy hakeno lella. 36Oun yon beshan pen kote tele, oun dan ap leste yak. 37Ap o troushel pral leskro shero čivan le i kotar kasht, kay činlo hi, hoske yob hounte meras. Oun koy pre his činlo: Kava hi o Yezous, o baro ray pral i biboldende.
38Leha dan le douy marepangren ap o troushel. Ko yekeskro troushel his čačes lestar, ko vavareskro troushel his serves lestar.
39Oun kolla, kay kote pashel van, sikran i goushteha ap o Yezouseste, oun praasan les. 40Oun yon penan ap o Yezouseste: “Tou kamal o Debleskro baro kheer tele te phagell, oun an triin divessa pale pre te čivell. Tou te hal o Debleskro čavo, kre touke, hoy kral i vavarenge oun ab kava troushelestar tele!”
41Oun ninna i bare rashaya, i biboldengre čačepangre oun phoureder san pral leste, oun penan: 42“Vavaren las yob dran o merepen vin. Pes kokres nay lell lo gar dran o merepen vin. Te hi lo o baro ray pral o Israel, palle vell lo kanna o troushelestar tele. Palle patsah ap leste.
43Yob patsas o Debles, oun penas: Me hom o Debleskro čavo. Te kamell o Devel les o djiyestar, mou vell lo, oun lell les kanna kava troushelestar tele!”
44Ninna kol douy marepangre praasan les, kolla kay langs leste ap pengro troushel dino van.
O Yezous merella ap o troushel
45His deesh-te-douyenge, koy vas o dives kalo har i rat an o tselo them. Oun kova ačas yaake bis trinenge.
46Oun har trinenge his, das o Yezous bari gole: Eli, Eli, lema sabaktani? Kova kharella: Miro Devel, miro Devel, hoske moukal man tou?
47Oun kolendar, kay kote tardo his, oun kova shounan, penan: “Kava dell ap o Eliya gole.”
48Oun yek kol lourdendar anas sik čomone har i kotar than#27:48 than stoffdo éponge , kras les pherdo shoutli mool, čivas les ap i kasht, oun das les o Yezouses te piyell. 49Vavar penan: “Mouk les, dikas, te vell o Eliya, oun lell les tele.”
50O Yezous das pale bari gole, oun meras.
51Oun ko voudar an o Debleskro baro kheer, hoy his kerdo dran kouč pesso than, kova djas paash an douy kotya foun pral bis tele. Oun i phoub vas trisslemen. Oun i bare barra phagan an kotya. 52I moulengre khera phagan pre. Oun boud kolendar, kay ap o Debles patsan oun meran, van djido, 53oun djan dran pengre moulengre khera vin. Pal kova, har o Yezous ninna i moulendar djido vas, djan le an o Debleskro foro Yerusalem. Oun boud menshe dikan len kote.
54Ko pralstouno lourdo oun kol vavar, kay khetne leha ap o Yezouseste yak dan, kolla dikan, te vas i phoub trisslemen, oun hoy lauter koy djas. Koy tapras len i bari daar. Oun yon penan: “Kava morsh his čačepah o Debleskro čavo.”
55Boud djouvya his i kotar krik tardo oun dikan kova lauter. Kolla van o Yezouseha dran o them Galilea, te denn le les rhapen oun pipen. 56Mashkral lende his i Maria Magdalena, oun koy Maria, kay hi o Yakobeskri oun o Yosefeskri day. Oun o Zebedeskri romni, lakre čave his o Yakobo oun o Yohanni, yoy his ninna kote pash lende.
O Yezous vella paskedo
57Har i rat vas, vas i bravelo morsh dran o foro Arimatia. Leskro lab his Yosef. Kova patsas ninna ap o Yezouseste. 58Yob djas pash o Pilateste oun mangas les, te dell lo les o moulo Yezouses. Oun o Pilato penas i lourdenge, te denn le les leste. 59Oun o Yosef las o moulo Yezouses, čivas les an i djoudji plarhta, 60oun čivas les an peskro nevo moulengro kheer, hoy yob das peske an i baro bar. Palle čivas yob i baro bar glan o voudar an ko moulengro kheer, oun djas peske. 61Kote his ninna i Maria Magdalena oun i vavar Maria. Kolla beshan vergel ko moulengro kheer.
I lourde denn yak ap o moulengro kheer
62O vavar dives his o Debleskro dives. Oun i bare rashaya oun i Farisarya van pash o Pilateste khetne, 63oun penan ap leste: “Ray, menge djas an maro shero trouyel, te penas ko rhorheno, har yob djivas: Pal triin divessa krell o Devel man djido. 64Dran kova pen tire lourdenge, te denn le kol triin divessa ap ko moulengro kheer yak! Yaake te nay čorenn leskre mala les gar, oun te penenn le i menshenge gar: Yob stas i moulendar pre. Kova vals i bareder rhorhepen har lauter kova, hoy yob penas.” 65Koy penas o Pilato ap lende: “Ake, lenn lourden t'mentsa oun denn yak ap ko moulengro kheer, yaake har t'mer patsenn, te hounte vell kova!”
66Oun yon djan pash o moulengro kheer, oun kran i sikepen ap ko bar, te dikenn le, te las yek o bar krik. Oun kol lourde dan yak ap ko moulengro kheer.
Currently Selected:
Mateo 27: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Mateo 27
27
O Yezous vell glan o Pilateste anlo
1Sik taysarlake van i tsele bare rashaya oun i biboldengre phoureder khetne. Oun khetne kran le vin, te marenn le o Yezouses. 2Oun yon pandan les, oun anan les pash o themeskro rayeste. Leskro lab his Pilato. Yob his i Remari. An leskre vasta dan le o Yezouses.
O Youdas marell pes
3O Youdas, ko phoukepaskro, har hayvas lo, te kran le vin, te vell o Yezous maredo, khaytas kova les. Doleske anas yob kol triyanda roupene beme pale pash i bare rashayende oun pash i biboldengre phoureder. 4Oun yob penas ap lende: “Me anom doosh ap mande. Me phoukrom ap koleste, kay kek doosh ap peste anas.”
Penan le: “Kova hi gar maro koova. Kova hi tiro koova.”
5Koy vitsras lo kol triyanda roupene beme an o Debleskro baro kheer, nashas lendar, čivas i dori troul peskri meen, oun tassras pes.
6Kol bare rashaya lan kol roupene beme, oun penan: “Ap kal love hi o rat pre. Mer nay čivah kal love gar pash o bravlepen an o Debleskro baro kheer. Kova djal gar pal o biboldengro čačepen.” 7Oun yon rakran khetne, hoy nay krans le kol loventsa. Oun yon penan: “Mer ginah i kotar them, te nay paskrah kote kolen, kay kek bibolde hi.” #27:7 Kova hi pale-čidde love i pale-čiddo themeske. Oun yon ginan ko kotar them ko romestar, kay krell pirya dran lolo čik. 8Doleske dan le ko kotar them o lab ratli phoub. Ninna kava dives kharell kova yaake.
9-10Oun yaake vas kova čačo, hoy o Debleskro rakepaskro Yeremia glan i rah tsiro penas: Yon lan i triyanda roupene beme. Kova his kol love, kay i Israeleskre menshe vin kran, te playsrenn le leske. Kol loventsa ginan le i kotar them kolestar, kay krell pirya dran lolo čik, yaake har o Devel mange kova penas.#27:9-10 dik: Zakarie 11:12-13
O Yezous hi glan o Pilateste tardo
11Oun o Yezous his glan o themeskro rayeste, o Pilato tardo. Oun kova poučas lestar: “Hal tou o baro ray pral i biboldende?”
Koy penas o Yezous: “Ava, hi yaake, har tou penal.”
12Oun i bare rashaya oun i biboldengre phoureder anan doosh ap leste pre. O Yezous penas či. 13Koy penas o Pilato ap leste: “Shouneh tou gar, hoy yon lauter ap toute pre anenna?”
14O Yezous penas či, kek lab. Oun o Pilato kras čačepah bare yaka.
15Ap ko tsiro his yaake, te moukas o themeskro ray ap o Passa yekes dran o stilepen vin. Koles nay rodan i bibolde penge vin. 16An ko bersh his i morsh kote stildo, leskro lab his Barabas. Hakeno djinas, te hi yob i čilačo morsh.
17Oun har yon lauter khetne his, poučas o Pilato lendar: “Kones moukap dran o stilepen vin: O Barabes? O Yezouses, kay ninna o Kristo kharella?” 18O Pilato djinas mishto, te zilverenn le ap o Yezouseste. Oun dran kova dan le les an leskre vasta.
19Har o Pilato ap o čačepaskro beshepaskro beshdo his, te rakrell lo o čačepen pral leste vin, moukas leskri romni leske te penell: “Ko morsh anas kek doosh ap peste. Mouk les te djal! Taysar rati his man i čilači souni, oun man his bare douka dran leste.”
20I bare rashaya oun i biboldengre phoureder rakran boud ap kol tsele menshende kote dren, te penenn yon, te vell o Barabas dran o stilepen vin, oun te vell o Yezous maredo.
21Oun o Pilato poučas lendar: “Kones kol douy morshendar moukap dran o stilepen vin?” “O Barabes!” penan le.
22Koy penas o Pilato ap lende: “Hoy krap o Yezouseha, kay kharella ninna o Kristo?”
Penan le halauter: “De les ap o troushel!”
23Poučas lo lendar: “Havo čilačo koova kras yob?”
Kote dan le bari gole: “De les ap o troushel!”
24Har o Pilato dikas, te nay krell lo či, oun te venn le divyeder, las lo pani, thovas peskre vasta glan i tsele menshende, oun penas: “Me anau kek doosh ap mande, te vell lo maredo. Koy doosh vell ap t'mende.” 25Oun kol tsele menshe penan: “Koy doosh vell ap mende oun ap mare čavende!”
26Palle moukas lo o Barabes dran o stilepen vin. Oun o Yezouses moukas lo i čoupniyah dava te dell, oun das les an i lourdengre vasta, te denn le les ap o troushel.
I lourde san pral o Yezouseste
27Palle anan o Pilateskre lourde o Yezouses an o baro kheer o themeskro rayestar. Oun yon dan i tsele lourden gole, te venn le kote khetne. 28Oun yon rivan leske leskre koola vin, oun čivan leske i loli rayeskri plaashka trouyel. 29Oun yon pandan soubyengre kashta khetne, oun čivan len leske ap o shero, yaake har i baro ray hidjrell shereskro sonakay ap peskro shero. Ninna čivan le leske i kasht an leskro čačo vast. Oun yon moukan pen glan leste ap i čanga te perell, oun kran yaake, har te mangans le i baro rayes an. Yon san pral leste, oun penan: “Sharedo vess tou, tou baro ray pral i bibolde!” 30Oun yon čoungran ap leste, lan leske o kasht dran o vast, oun dan les leske ap o shero. 31Har yon san pral leste, rivan le leske koy loli plaashka pale vin, oun rivan leske leskre koola pale an. Oun yon anan les vin, te denn le les ap o troushel.
O Yezous vell ap o troushel dino
32Har yon dran o foro vin djan, dikan le i morshes dran o foro Kirene. Leskro lab his Simon. Koles tapran le i zoryah, oun kran, te hidjrell lo o Yezouseskro troushel. 33Oun har yon ap ko kotar them van, hoy kharella Golgata, – kova kharella Mouleskro Shero, 34– dan le les mool te piyell, kay čomone dren hi, hoy kharella Galle. Har yob kova hayvas, kamas lo gar te piyell.
35Oun yon dan les ap o troushel. Oun palle khelan le pral leskre koola, te dikenn le, hoy hakeno lella. 36Oun yon beshan pen kote tele, oun dan ap leste yak. 37Ap o troushel pral leskro shero čivan le i kotar kasht, kay činlo hi, hoske yob hounte meras. Oun koy pre his činlo: Kava hi o Yezous, o baro ray pral i biboldende.
38Leha dan le douy marepangren ap o troushel. Ko yekeskro troushel his čačes lestar, ko vavareskro troushel his serves lestar.
39Oun kolla, kay kote pashel van, sikran i goushteha ap o Yezouseste, oun praasan les. 40Oun yon penan ap o Yezouseste: “Tou kamal o Debleskro baro kheer tele te phagell, oun an triin divessa pale pre te čivell. Tou te hal o Debleskro čavo, kre touke, hoy kral i vavarenge oun ab kava troushelestar tele!”
41Oun ninna i bare rashaya, i biboldengre čačepangre oun phoureder san pral leste, oun penan: 42“Vavaren las yob dran o merepen vin. Pes kokres nay lell lo gar dran o merepen vin. Te hi lo o baro ray pral o Israel, palle vell lo kanna o troushelestar tele. Palle patsah ap leste.
43Yob patsas o Debles, oun penas: Me hom o Debleskro čavo. Te kamell o Devel les o djiyestar, mou vell lo, oun lell les kanna kava troushelestar tele!”
44Ninna kol douy marepangre praasan les, kolla kay langs leste ap pengro troushel dino van.
O Yezous merella ap o troushel
45His deesh-te-douyenge, koy vas o dives kalo har i rat an o tselo them. Oun kova ačas yaake bis trinenge.
46Oun har trinenge his, das o Yezous bari gole: Eli, Eli, lema sabaktani? Kova kharella: Miro Devel, miro Devel, hoske moukal man tou?
47Oun kolendar, kay kote tardo his, oun kova shounan, penan: “Kava dell ap o Eliya gole.”
48Oun yek kol lourdendar anas sik čomone har i kotar than#27:48 than stoffdo éponge , kras les pherdo shoutli mool, čivas les ap i kasht, oun das les o Yezouses te piyell. 49Vavar penan: “Mouk les, dikas, te vell o Eliya, oun lell les tele.”
50O Yezous das pale bari gole, oun meras.
51Oun ko voudar an o Debleskro baro kheer, hoy his kerdo dran kouč pesso than, kova djas paash an douy kotya foun pral bis tele. Oun i phoub vas trisslemen. Oun i bare barra phagan an kotya. 52I moulengre khera phagan pre. Oun boud kolendar, kay ap o Debles patsan oun meran, van djido, 53oun djan dran pengre moulengre khera vin. Pal kova, har o Yezous ninna i moulendar djido vas, djan le an o Debleskro foro Yerusalem. Oun boud menshe dikan len kote.
54Ko pralstouno lourdo oun kol vavar, kay khetne leha ap o Yezouseste yak dan, kolla dikan, te vas i phoub trisslemen, oun hoy lauter koy djas. Koy tapras len i bari daar. Oun yon penan: “Kava morsh his čačepah o Debleskro čavo.”
55Boud djouvya his i kotar krik tardo oun dikan kova lauter. Kolla van o Yezouseha dran o them Galilea, te denn le les rhapen oun pipen. 56Mashkral lende his i Maria Magdalena, oun koy Maria, kay hi o Yakobeskri oun o Yosefeskri day. Oun o Zebedeskri romni, lakre čave his o Yakobo oun o Yohanni, yoy his ninna kote pash lende.
O Yezous vella paskedo
57Har i rat vas, vas i bravelo morsh dran o foro Arimatia. Leskro lab his Yosef. Kova patsas ninna ap o Yezouseste. 58Yob djas pash o Pilateste oun mangas les, te dell lo les o moulo Yezouses. Oun o Pilato penas i lourdenge, te denn le les leste. 59Oun o Yosef las o moulo Yezouses, čivas les an i djoudji plarhta, 60oun čivas les an peskro nevo moulengro kheer, hoy yob das peske an i baro bar. Palle čivas yob i baro bar glan o voudar an ko moulengro kheer, oun djas peske. 61Kote his ninna i Maria Magdalena oun i vavar Maria. Kolla beshan vergel ko moulengro kheer.
I lourde denn yak ap o moulengro kheer
62O vavar dives his o Debleskro dives. Oun i bare rashaya oun i Farisarya van pash o Pilateste khetne, 63oun penan ap leste: “Ray, menge djas an maro shero trouyel, te penas ko rhorheno, har yob djivas: Pal triin divessa krell o Devel man djido. 64Dran kova pen tire lourdenge, te denn le kol triin divessa ap ko moulengro kheer yak! Yaake te nay čorenn leskre mala les gar, oun te penenn le i menshenge gar: Yob stas i moulendar pre. Kova vals i bareder rhorhepen har lauter kova, hoy yob penas.” 65Koy penas o Pilato ap lende: “Ake, lenn lourden t'mentsa oun denn yak ap ko moulengro kheer, yaake har t'mer patsenn, te hounte vell kova!”
66Oun yon djan pash o moulengro kheer, oun kran i sikepen ap ko bar, te dikenn le, te las yek o bar krik. Oun kol lourde dan yak ap ko moulengro kheer.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.