Marko 5
5
O Yezouses hi i zoor pral o bengeste
1Oun yon van ap o vavar panyeskri rig an o them Gerasa. 2Oun har o Yezous dran o bero djas, nashas i morsh pash leste. Kova vas dran i moulengre khera#5:2 moulengre khera grufte . Les his i beng an peste, 3oun djivas an kol moulengre khera. Oun kek nashte pandas les, vitar gar i sasterne shellentsa. 4Boud kope pandan le leskre vasta oun pire i sasterne shellentsa, oun yob kras len paash oun phagas len pestar tele. Oun kek nashte vas ray pral leste. 5Hako tsiro ap o dives oun an i rati, his yob an i moulengre khera oun ap i berge, oun das bari gole, oun das pes i barrentsa. 6Har yob o Yezouses dour glan peste dikas, nashas lo pash leste oun vitsras pes glan leste ap i phoub. 7-8Oun o Yezous penas ap o bengeste: “Tou beng, dja vin dran kava morsheste!” Koy das yob bari gole: “Yezous, tou čavo o baro Deblestar, hoy kameh tou mandar? Me mangau tout pash o Debleste: Ma douke man gar!”
9Oun o Yezous poučas lestar: “Har khareh tou?” Koy penas lo: “Mer ham boud. Doleske kharau Legioni.”
10Oun yob mangas o Yezousestar, te tradell lo len gar dran ko them vin.
11Koy his pash i berga boud bale, hoy kote rhan. 12Oun kol benga mangan lestar: “Mouk men an kol balende dren te djal!” 13Oun yob moukas len an lende dren te djal. Koy van kol benga dran o morsheste vin, oun djan an kol balende. Oun kol tsele bale van divyo oun nashan i berga tele, oun stan an o baro pani, oun tassan. Kolla his nay douy zerya bale.
14Oun kolla, kay dan garda ap i balende, nashan penge, oun penan kova i menshenge an i forya oun an i gaba. Oun kol menshe kaman te dikell, hoy kote djas, oun van pash o Yezouseste, 15oun dikan koles kote beshdo, kolestar kol boud benga vin van. Yob his an-rido oun bouder gar divyo. Har yon kova dikan, vas i traash ap lende. 16Oun kolla, kay lauter dikan, penan lenge, hoy koleha djas, oun hoy kol balentsa djas. 17Oun yon mangan o Yezousestar, te djal lo dran lengro them vin.
18Oun har yob an o bero djas, mangas lestar ko morsh, kay his i benga an leste, te ačell lo nay pash leste. 19O Yezous kamas gar, te djas yob leha, oun penas ap leste: “Dja khere pash tire menshende! Pen lenge lauter, hoy o Devel touke kras oun har lačo yob ap toute his!”
20Oun kava morsh djas peske, oun djas an ko them trouyel, kay i deesh forya čiddo hi, oun penas i menshenge, havo baro koova o Yezous ap leste kras. Oun hakeno kras bare yaka.
O Yayreskri čay oun i nasseli djouvel
21Har o Yezous an o bero pale vergel ouleras, van kote boud menshe pash leste khetne. Oun yob his gomme pash o baro pani, 22koy vas i pralstouno pral i biboldengri kangri. Leskro lab his Yayro. Har dikas lo o Yezouses, peras lo glan leste tele, 23oun mangas les o tselo djiyeha oun penas: “Miri čay hi ap o merepen čiddo. Am oun čip tire vasta ap late, te vell li sasto, oun te djivell li!” 24Oun yob djas leha. Oun boud menshe djan leske palla oun his troul leste.
25Mank lende his i djouvel. Kolat his i ratlo nasslepen. Deesh-te-douy bersha his li nasseli, 26oun das lauter, hoy lat his, i dramangrende. Oun kek nashte kras lat sasto. Yoy vas gomme nassleder. 27Har yoy o Yezousestar shounas, vas li mashkral i menshende pal leste, oun tapras ap leskro ripen.
28Yoy penas peske: “Te taprau kokres ap leskro ripen, vau sasto.”
29Oun ap yek kopo djas kava nasslepen latar. Oun yoy hayvas, kay hi li sasto.
30Oun o Yezous hayvas pestar, kay djas i zoor lestar vin, oun rissras pes trouyel, oun penas ap i menshende: “Koon tapras ap miro ripen?”
31Oun leskre mala penan ap leste: “Tou dikeh, har boud menshe troul toute hi, oun koy poučeh tou: Koon tapras ap miro ripen?”
32Yob dikas pes trouyel pal kolate, kay kras kova. 33Koy djouvel kay djinas, hoy lake djas, trashas oun trissas. Oun yoy vas pash leste, oun peras glan leste tele ap i phoub, oun penas leske o tselo čačepen.
34Yob penas ap late: “Romniya, tiro patsepen kras tout sasto. Dja mo Debleha! Tiro nasslepen vell bouder gar pale.”
35Har yob yaake rakras, van morsha dran o kheer kolestar, kay o pralstouno pral i biboldengri kangri hi, oun penan leske: “Tiri čay meras. Tou hounte mangess o rayes bouder gar.”
36O Yezous shounas kal laba, oun penas ap kol pralstuneste: “Ma traash, pats!”
37Oun o Yezous moukas kokres o Petres, oun o Yakobes, oun koleskro phrales, o Yohanni, leha te djal. 38Oun yon van an o kheer kol pralstunestar. Oun yob dikas kote boud menshen, kay nashan kate oun kote oun rovan oun dan bari gole. 39Oun yob djas dren, oun penas ap lende: “Hoske denn t'mer gole oun rovenna? Koy čay meras gar, yoy sovella.” 40Oun yon san pral leste. O Yezous tradas len lauteren vin, oun las kol čakro dades oun lakri day peha, ninna kolen, kay pash leste his, oun djas dren, kay koy čay čiddo his. 41Oun yob tapras kol čat pash o vast, oun penas ap late an peskro rakepen: “Talita kumi!” Kova kharella: Čay, me penau touke, ste pre!
42Oun sik stas koy čay pre, oun djas trouyel. Yoy his deesh-te-douy bersha phouro. Oun lenge ačas o rakepen pral kova krik.
43Oun yob penas lenge zoreles: “Ma penenn kova kekeske!”
Oun palle penas lo: “Denn lat te rhal!”
Currently Selected:
Marko 5: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Marko 5
5
O Yezouses hi i zoor pral o bengeste
1Oun yon van ap o vavar panyeskri rig an o them Gerasa. 2Oun har o Yezous dran o bero djas, nashas i morsh pash leste. Kova vas dran i moulengre khera#5:2 moulengre khera grufte . Les his i beng an peste, 3oun djivas an kol moulengre khera. Oun kek nashte pandas les, vitar gar i sasterne shellentsa. 4Boud kope pandan le leskre vasta oun pire i sasterne shellentsa, oun yob kras len paash oun phagas len pestar tele. Oun kek nashte vas ray pral leste. 5Hako tsiro ap o dives oun an i rati, his yob an i moulengre khera oun ap i berge, oun das bari gole, oun das pes i barrentsa. 6Har yob o Yezouses dour glan peste dikas, nashas lo pash leste oun vitsras pes glan leste ap i phoub. 7-8Oun o Yezous penas ap o bengeste: “Tou beng, dja vin dran kava morsheste!” Koy das yob bari gole: “Yezous, tou čavo o baro Deblestar, hoy kameh tou mandar? Me mangau tout pash o Debleste: Ma douke man gar!”
9Oun o Yezous poučas lestar: “Har khareh tou?” Koy penas lo: “Mer ham boud. Doleske kharau Legioni.”
10Oun yob mangas o Yezousestar, te tradell lo len gar dran ko them vin.
11Koy his pash i berga boud bale, hoy kote rhan. 12Oun kol benga mangan lestar: “Mouk men an kol balende dren te djal!” 13Oun yob moukas len an lende dren te djal. Koy van kol benga dran o morsheste vin, oun djan an kol balende. Oun kol tsele bale van divyo oun nashan i berga tele, oun stan an o baro pani, oun tassan. Kolla his nay douy zerya bale.
14Oun kolla, kay dan garda ap i balende, nashan penge, oun penan kova i menshenge an i forya oun an i gaba. Oun kol menshe kaman te dikell, hoy kote djas, oun van pash o Yezouseste, 15oun dikan koles kote beshdo, kolestar kol boud benga vin van. Yob his an-rido oun bouder gar divyo. Har yon kova dikan, vas i traash ap lende. 16Oun kolla, kay lauter dikan, penan lenge, hoy koleha djas, oun hoy kol balentsa djas. 17Oun yon mangan o Yezousestar, te djal lo dran lengro them vin.
18Oun har yob an o bero djas, mangas lestar ko morsh, kay his i benga an leste, te ačell lo nay pash leste. 19O Yezous kamas gar, te djas yob leha, oun penas ap leste: “Dja khere pash tire menshende! Pen lenge lauter, hoy o Devel touke kras oun har lačo yob ap toute his!”
20Oun kava morsh djas peske, oun djas an ko them trouyel, kay i deesh forya čiddo hi, oun penas i menshenge, havo baro koova o Yezous ap leste kras. Oun hakeno kras bare yaka.
O Yayreskri čay oun i nasseli djouvel
21Har o Yezous an o bero pale vergel ouleras, van kote boud menshe pash leste khetne. Oun yob his gomme pash o baro pani, 22koy vas i pralstouno pral i biboldengri kangri. Leskro lab his Yayro. Har dikas lo o Yezouses, peras lo glan leste tele, 23oun mangas les o tselo djiyeha oun penas: “Miri čay hi ap o merepen čiddo. Am oun čip tire vasta ap late, te vell li sasto, oun te djivell li!” 24Oun yob djas leha. Oun boud menshe djan leske palla oun his troul leste.
25Mank lende his i djouvel. Kolat his i ratlo nasslepen. Deesh-te-douy bersha his li nasseli, 26oun das lauter, hoy lat his, i dramangrende. Oun kek nashte kras lat sasto. Yoy vas gomme nassleder. 27Har yoy o Yezousestar shounas, vas li mashkral i menshende pal leste, oun tapras ap leskro ripen.
28Yoy penas peske: “Te taprau kokres ap leskro ripen, vau sasto.”
29Oun ap yek kopo djas kava nasslepen latar. Oun yoy hayvas, kay hi li sasto.
30Oun o Yezous hayvas pestar, kay djas i zoor lestar vin, oun rissras pes trouyel, oun penas ap i menshende: “Koon tapras ap miro ripen?”
31Oun leskre mala penan ap leste: “Tou dikeh, har boud menshe troul toute hi, oun koy poučeh tou: Koon tapras ap miro ripen?”
32Yob dikas pes trouyel pal kolate, kay kras kova. 33Koy djouvel kay djinas, hoy lake djas, trashas oun trissas. Oun yoy vas pash leste, oun peras glan leste tele ap i phoub, oun penas leske o tselo čačepen.
34Yob penas ap late: “Romniya, tiro patsepen kras tout sasto. Dja mo Debleha! Tiro nasslepen vell bouder gar pale.”
35Har yob yaake rakras, van morsha dran o kheer kolestar, kay o pralstouno pral i biboldengri kangri hi, oun penan leske: “Tiri čay meras. Tou hounte mangess o rayes bouder gar.”
36O Yezous shounas kal laba, oun penas ap kol pralstuneste: “Ma traash, pats!”
37Oun o Yezous moukas kokres o Petres, oun o Yakobes, oun koleskro phrales, o Yohanni, leha te djal. 38Oun yon van an o kheer kol pralstunestar. Oun yob dikas kote boud menshen, kay nashan kate oun kote oun rovan oun dan bari gole. 39Oun yob djas dren, oun penas ap lende: “Hoske denn t'mer gole oun rovenna? Koy čay meras gar, yoy sovella.” 40Oun yon san pral leste. O Yezous tradas len lauteren vin, oun las kol čakro dades oun lakri day peha, ninna kolen, kay pash leste his, oun djas dren, kay koy čay čiddo his. 41Oun yob tapras kol čat pash o vast, oun penas ap late an peskro rakepen: “Talita kumi!” Kova kharella: Čay, me penau touke, ste pre!
42Oun sik stas koy čay pre, oun djas trouyel. Yoy his deesh-te-douy bersha phouro. Oun lenge ačas o rakepen pral kova krik.
43Oun yob penas lenge zoreles: “Ma penenn kova kekeske!”
Oun palle penas lo: “Denn lat te rhal!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.