Luk 18
18
Na kori titihila tatana na daki chamu
1Ma ia Jisas e ngavina ke sanidira hana duli nira kara nonginongi savaliu, ma kara mui na kabuli. Me kori vanira na kori titihila de, 2me kori vahai de, “Lalona chikai na vera e toha chikai na tinoni pede te teha matahunia ia God, me teha na kukuni tatadira ira na tinoni. 3Mi tana vera nia e toha lakamu chikai na daki chamu. Me mai savaliu ia na navusia na tinoni pede nia ma na nongia ke hotosia nina vaisuhuni kolua hana hala.
4“Me oka solehana noha na tinoni pede nia te teha na maoni valingeana, mi bukena mai ia e pada tovosia me maoni, me kori tovosi vahai de, ‘Seisuge ku teha nau na matahunia ia God se ku teha na kukuni tana tinoni, 5ma na rongona na daki chamu de te bulesiu nau, ba ku pede hotosi vania nina vaisuhuni ia, me ke ni teha ia na vani kabuliu nau tana nina mai savaliu na morosiu nau.’ ”
6Me valagu na Taovia me kori vahai de, “Kamu valinge odoa na omea te koria na tinoni pede sekoseko nia. 7?Me vahai vei, amu padaa hamu ia God ba ke teha na sangara ira na ninana te vilira, ira tara ora dato vania ia visa na puti ma na dani? ?Mamu padaa hamu ia God ba ke teha na chaku ma na sangara? 8U kori vanihamu nau, ia God ba ke chaku me ke agosia na hua te hoto vanira ira. ?Me vahai vei, tahuna tu ku visu mai nau, na Dalena Tinoni, tana pari de, ba ku chaulia siki tinoni te ke tamani dodonu tatagu nau, teha me teha?”
Na kori titihila na Parasii ma na tinoni taha takisi
9Ma ia Jisas e kori lakaa chikai na kori titihila de vanira ira tara padaa vahania ira bamu tara hoto talana, mara pejo lakara tinoni nira kesana. 10Me kori vahai de, “Chikai na dani e ruka na tinoni ara ko sahe na nonginongi tana lalona na Vale Tabu Leho, e chikai na Parasii me chikai na tinoni taha takisi.
11“Na tinoni Parasii nia e tuu tovosi me nonginongi me kori vahai de, ‘U livu kaeho, hagu God, rongona inau u teha vahai na tinoni nira kesana, mu teha na hanaa na beli, mu teha na lelekaha, mu teha na kiboha, mu teha nau vahai na tinoni taha takisi inge. 12Inau u toha ni nonginongi ma na teha hahani e ruka dani lalona chikai na wiki mu saua nigu sangavuluna e visa nigu tatamani tu tahaa matena.’
13“Ma na tinoni taha takisi nia e tuu vasau mai inge, me teha laka na pidikae vungana me ke moro dato. Me pohaa aseasena tana melu me kori vania ia God me kori vahai de, ‘God, ko sahaviu. Inau na tinoni sekoseko.’”
14Me kori vahai laka ia Jisas de, “Minau u kori vanihamu, na tinoni taha takisi nia e hoto tana matana ia God tahuna te visu i verana, ma na Parasii nia e teha. Matengana isei te hotu tovosia, ia God ba ke taha sivoa, misei te taha sivo tovosia, ia God ba ke taha kaea.”
Ia Jisas e tabura na gari pepechi nira
(Matiu 19:13-15; Mak 10:13-16)
15Kesana tinoni ara tabalaa na daledira pepechi mara mai tatana ia Jisas me ke livu limana tatadira me tabura. Tahuna tara morosia hana duli nira, mara kori vanira na tinoni nira kara mui taha maia gari nira tatana ia Jisas.
16Ma ia Jisas e solora na gari pepechi nira kara mai tatana ia, me kori vahai ia de, “Kamu tahara gari pepechi nira kara mai tatagu inau, ma kamu mui na utusira, rongona ira tara vahai na gari pepechi ara tihilana na sahe tana nina baravata ia God. 17Inau u kori vanihamu, isei te teha vahai na gari pepechi te mamahela na livu kaea ia God ba ke utu chulu sahe tana nina baravata ia God.”
Na tinoni lehona te tamani
(Matiu 19:16-30; Mak 10:17-31)
18E chikai na nidira lehona ira na Jiu e gesuaa ia Jisas, me kori vahai de, “?Ticha talana, na hua tu ku agosia nau ku ni tamania nau na mamauri sali?”
19Me kori vahai vania ia Jisas de, “?E vahai vei ovu solou nau talana? Ia God bamu te talana. 20Ihoe o hana nohaa nina keja nira ia God, tara kori vahai ke, ‘Mui na kiboha, mui na lamutaa tinoni, mui na beli, mui na tatemanga lelekaha vania ke chikai. Mo ko tamani kukuni vania na tohamu ma na tinamu.’ ”
21Me laba na tinoni nia me kori vahai vania ia Jisas de, “Me tuturiha mai tana pechigu nau, u toha taoni kodea nau visa na keja nira nia.”
22Mi tahuna te valingea ia Jisas na hua te koria na tinoni nia, me kori vahai vania ia de, “E chikai na omea to teha vata hoe na agosia. Ko dia mo ko chabiria visa kode nimu tatamani mo ko tahaa golona mo ko vanira ira tara teha tamani siki omea. Mihoe ba ko tamania ke danga na omea i heven. Kode, mo ko mai bukeu nau.”
23Mi tahuna te valingea na tinoni nia, me melu tobana, matengana ia e tamani danga solehana nina omea levo.
24Ma ia Jisas e morosi vagoa te sivo tobana tinoni nia, me kori vahai de, “E utu solehana ira na tinoni tatamani kara sahe tana nina baravata ia God. 25E mana, ba ke tihilana na kamel na sahe chapa tuhu tana ovana na nila ni chuki kaleko liungisia na tinoni tatamani ke sahe tana nina baravata ia God.”
26Mi ira tara rongosia ia Jisas te valagu vahai nia, ara gesu vahai de, “?Me tina ke vahai ia, misei bamu ke tangomana ke sahe tana mamauri sali?”
27Ma ia Jisas e kori vahai de, “Na omea te utu vania tinoni e teha ke vu utu vania ia God.”
28Me laba ia Pita me kori vahai vania ia Jisas de, “Mi lohami ami basia nohaa visa lomami tatamani mami bukeho hoe.”
29Ma ia Jisas e kori vahai vania ia Pita de, “Inau u kori vaniho, siki tinoni te basiaa na verana, ma na tauna, ma na tasina, ma na tohana, ma na tinana, ma na dalena, tana rongona na ago matena nina baravata ia God, 30ba ke tamania ke danga laka baa na omea liungisia tana tahu de, ma ia ba ke tamani lakamua na mamauri sali tana kokodena na tahu.”
Na tolunina tahu ia Jisas e kori lengaa nina matemate
(Matiu 20:17-19; Mak 10:32-34)
31Ia Jisas e solo choniloera sangavulu ruka hana duli, me kori vaniloera, me kori vahai de, “Lohita alu dadato dia i Jerusalem, me visa na omea tara marea ira na propet tana rongogu nau, na Dalena Tinoni, ba kara laba lenga. 32Ngeni ba kara sau diau tana limadira ira na Jentael, ma kara chiriu, ma kara koe vaniu, ma kara chuveu, 33ma kara huliu kode ma kara labu mateu. Mi bukena ke tolu na dani, nau ba ku mauri visu soha.”
34Mi ira hana duli nira ara teha na pada manasana na hua te koria ia. E toha koku na manasana nina valagu nira ia Jisas, mara teha loera pada manasana na hua te kori hana ia.
Ia Jisas e maurisia na tinoni dokodoko
(Matiu 20:29-34; Mak 10:46-52)
35Mi tahuna ia Jisas te mai laba lilihina i Jeriko, chikai na tinoni dokodoko e tohotuu lilihi sala me nongi hana. 36Mi tahuna te valingera na ala-ala tara liu mai lilihina ia, me gesuara, “?Na hua te laba nia?”
37Mi ira ara kori vahai vania de, “Ia Jisas ni Nasaret te liu mai de.”
38Ma ia e huu dato me kori vahai de, “!Jisas, Dalena ia Deved, ko sahaviu nau!”
39Mi ira tara naho ara ngahasia mara kori vania ke toha mui. Me huu leho laka baa tinoni nia me kori vahai de, “!Dalena Deved, ko sahaviu nau!”
40Ma ia Jisas e tuu me kejalira ira kara taha maia tinoni dokodoko nia. Mi tahuna te mai chau ia, me gesuaa ia, 41“?Na hua to ngangavina hoe ku agosi vaniho?”
Me kori vahai na tinoni dokodoko de, “Taovia, u ngavina kiki ku momoro.”
42Me kori vahai ia Jisas de, “!Baia, ko momoro! Nimu dodonu te vani maurisiho.”
43Hana oka-oka me marara me momoro tinoni nia, me bukea ia Jisas, me livu kaea ia God. Mi ira tara morosia te marara matana tinoni dokodoko nia, ara livu kae lakamua ia God.
Currently Selected:
Luk 18: mln
Highlight
Share
Copy
Want to have your highlights saved across all your devices? Sign up or sign in
© 2024 (active), Wycliffe Bible Translators, Inc. All rights reserved
Luk 18
18
Na kori titihila tatana na daki chamu
1Ma ia Jisas e ngavina ke sanidira hana duli nira kara nonginongi savaliu, ma kara mui na kabuli. Me kori vanira na kori titihila de, 2me kori vahai de, “Lalona chikai na vera e toha chikai na tinoni pede te teha matahunia ia God, me teha na kukuni tatadira ira na tinoni. 3Mi tana vera nia e toha lakamu chikai na daki chamu. Me mai savaliu ia na navusia na tinoni pede nia ma na nongia ke hotosia nina vaisuhuni kolua hana hala.
4“Me oka solehana noha na tinoni pede nia te teha na maoni valingeana, mi bukena mai ia e pada tovosia me maoni, me kori tovosi vahai de, ‘Seisuge ku teha nau na matahunia ia God se ku teha na kukuni tana tinoni, 5ma na rongona na daki chamu de te bulesiu nau, ba ku pede hotosi vania nina vaisuhuni ia, me ke ni teha ia na vani kabuliu nau tana nina mai savaliu na morosiu nau.’ ”
6Me valagu na Taovia me kori vahai de, “Kamu valinge odoa na omea te koria na tinoni pede sekoseko nia. 7?Me vahai vei, amu padaa hamu ia God ba ke teha na sangara ira na ninana te vilira, ira tara ora dato vania ia visa na puti ma na dani? ?Mamu padaa hamu ia God ba ke teha na chaku ma na sangara? 8U kori vanihamu nau, ia God ba ke chaku me ke agosia na hua te hoto vanira ira. ?Me vahai vei, tahuna tu ku visu mai nau, na Dalena Tinoni, tana pari de, ba ku chaulia siki tinoni te ke tamani dodonu tatagu nau, teha me teha?”
Na kori titihila na Parasii ma na tinoni taha takisi
9Ma ia Jisas e kori lakaa chikai na kori titihila de vanira ira tara padaa vahania ira bamu tara hoto talana, mara pejo lakara tinoni nira kesana. 10Me kori vahai de, “Chikai na dani e ruka na tinoni ara ko sahe na nonginongi tana lalona na Vale Tabu Leho, e chikai na Parasii me chikai na tinoni taha takisi.
11“Na tinoni Parasii nia e tuu tovosi me nonginongi me kori vahai de, ‘U livu kaeho, hagu God, rongona inau u teha vahai na tinoni nira kesana, mu teha na hanaa na beli, mu teha na lelekaha, mu teha na kiboha, mu teha nau vahai na tinoni taha takisi inge. 12Inau u toha ni nonginongi ma na teha hahani e ruka dani lalona chikai na wiki mu saua nigu sangavuluna e visa nigu tatamani tu tahaa matena.’
13“Ma na tinoni taha takisi nia e tuu vasau mai inge, me teha laka na pidikae vungana me ke moro dato. Me pohaa aseasena tana melu me kori vania ia God me kori vahai de, ‘God, ko sahaviu. Inau na tinoni sekoseko.’”
14Me kori vahai laka ia Jisas de, “Minau u kori vanihamu, na tinoni taha takisi nia e hoto tana matana ia God tahuna te visu i verana, ma na Parasii nia e teha. Matengana isei te hotu tovosia, ia God ba ke taha sivoa, misei te taha sivo tovosia, ia God ba ke taha kaea.”
Ia Jisas e tabura na gari pepechi nira
(Matiu 19:13-15; Mak 10:13-16)
15Kesana tinoni ara tabalaa na daledira pepechi mara mai tatana ia Jisas me ke livu limana tatadira me tabura. Tahuna tara morosia hana duli nira, mara kori vanira na tinoni nira kara mui taha maia gari nira tatana ia Jisas.
16Ma ia Jisas e solora na gari pepechi nira kara mai tatana ia, me kori vahai ia de, “Kamu tahara gari pepechi nira kara mai tatagu inau, ma kamu mui na utusira, rongona ira tara vahai na gari pepechi ara tihilana na sahe tana nina baravata ia God. 17Inau u kori vanihamu, isei te teha vahai na gari pepechi te mamahela na livu kaea ia God ba ke utu chulu sahe tana nina baravata ia God.”
Na tinoni lehona te tamani
(Matiu 19:16-30; Mak 10:17-31)
18E chikai na nidira lehona ira na Jiu e gesuaa ia Jisas, me kori vahai de, “?Ticha talana, na hua tu ku agosia nau ku ni tamania nau na mamauri sali?”
19Me kori vahai vania ia Jisas de, “?E vahai vei ovu solou nau talana? Ia God bamu te talana. 20Ihoe o hana nohaa nina keja nira ia God, tara kori vahai ke, ‘Mui na kiboha, mui na lamutaa tinoni, mui na beli, mui na tatemanga lelekaha vania ke chikai. Mo ko tamani kukuni vania na tohamu ma na tinamu.’ ”
21Me laba na tinoni nia me kori vahai vania ia Jisas de, “Me tuturiha mai tana pechigu nau, u toha taoni kodea nau visa na keja nira nia.”
22Mi tahuna te valingea ia Jisas na hua te koria na tinoni nia, me kori vahai vania ia de, “E chikai na omea to teha vata hoe na agosia. Ko dia mo ko chabiria visa kode nimu tatamani mo ko tahaa golona mo ko vanira ira tara teha tamani siki omea. Mihoe ba ko tamania ke danga na omea i heven. Kode, mo ko mai bukeu nau.”
23Mi tahuna te valingea na tinoni nia, me melu tobana, matengana ia e tamani danga solehana nina omea levo.
24Ma ia Jisas e morosi vagoa te sivo tobana tinoni nia, me kori vahai de, “E utu solehana ira na tinoni tatamani kara sahe tana nina baravata ia God. 25E mana, ba ke tihilana na kamel na sahe chapa tuhu tana ovana na nila ni chuki kaleko liungisia na tinoni tatamani ke sahe tana nina baravata ia God.”
26Mi ira tara rongosia ia Jisas te valagu vahai nia, ara gesu vahai de, “?Me tina ke vahai ia, misei bamu ke tangomana ke sahe tana mamauri sali?”
27Ma ia Jisas e kori vahai de, “Na omea te utu vania tinoni e teha ke vu utu vania ia God.”
28Me laba ia Pita me kori vahai vania ia Jisas de, “Mi lohami ami basia nohaa visa lomami tatamani mami bukeho hoe.”
29Ma ia Jisas e kori vahai vania ia Pita de, “Inau u kori vaniho, siki tinoni te basiaa na verana, ma na tauna, ma na tasina, ma na tohana, ma na tinana, ma na dalena, tana rongona na ago matena nina baravata ia God, 30ba ke tamania ke danga laka baa na omea liungisia tana tahu de, ma ia ba ke tamani lakamua na mamauri sali tana kokodena na tahu.”
Na tolunina tahu ia Jisas e kori lengaa nina matemate
(Matiu 20:17-19; Mak 10:32-34)
31Ia Jisas e solo choniloera sangavulu ruka hana duli, me kori vaniloera, me kori vahai de, “Lohita alu dadato dia i Jerusalem, me visa na omea tara marea ira na propet tana rongogu nau, na Dalena Tinoni, ba kara laba lenga. 32Ngeni ba kara sau diau tana limadira ira na Jentael, ma kara chiriu, ma kara koe vaniu, ma kara chuveu, 33ma kara huliu kode ma kara labu mateu. Mi bukena ke tolu na dani, nau ba ku mauri visu soha.”
34Mi ira hana duli nira ara teha na pada manasana na hua te koria ia. E toha koku na manasana nina valagu nira ia Jisas, mara teha loera pada manasana na hua te kori hana ia.
Ia Jisas e maurisia na tinoni dokodoko
(Matiu 20:29-34; Mak 10:46-52)
35Mi tahuna ia Jisas te mai laba lilihina i Jeriko, chikai na tinoni dokodoko e tohotuu lilihi sala me nongi hana. 36Mi tahuna te valingera na ala-ala tara liu mai lilihina ia, me gesuara, “?Na hua te laba nia?”
37Mi ira ara kori vahai vania de, “Ia Jisas ni Nasaret te liu mai de.”
38Ma ia e huu dato me kori vahai de, “!Jisas, Dalena ia Deved, ko sahaviu nau!”
39Mi ira tara naho ara ngahasia mara kori vania ke toha mui. Me huu leho laka baa tinoni nia me kori vahai de, “!Dalena Deved, ko sahaviu nau!”
40Ma ia Jisas e tuu me kejalira ira kara taha maia tinoni dokodoko nia. Mi tahuna te mai chau ia, me gesuaa ia, 41“?Na hua to ngangavina hoe ku agosi vaniho?”
Me kori vahai na tinoni dokodoko de, “Taovia, u ngavina kiki ku momoro.”
42Me kori vahai ia Jisas de, “!Baia, ko momoro! Nimu dodonu te vani maurisiho.”
43Hana oka-oka me marara me momoro tinoni nia, me bukea ia Jisas, me livu kaea ia God. Mi ira tara morosia te marara matana tinoni dokodoko nia, ara livu kae lakamua ia God.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (active), Wycliffe Bible Translators, Inc. All rights reserved