Luukas 9
9
Yeesus lamman kee taman fartottittiya fara
(Maatiyos 10:5-15; Markos 6:7-13)
1Yeesus lel, amaa lamman kee tamanah inkidde akah deecimeh, xayla kee reeza umbuka jinnit hi bukalle, amayim balih laxuu urusoona akah yoxoye. 2Yallahi nigsinna warroyshoona kee laxuttem urusoona ten fare. 3Usuk lel: “Kallaaxelle walaa inkim sinneelih mibeytaana: ilo, woole lakoota, woole folo, woole fiddat solaadi, malammit qamish yakkeedo mitaalliini. 4Tadiinindah, adde orobinnan caredde suganta. 5Sin kabbaate waynimko, amaa daafooko awcitin, tenah shahaada akah takko ciloh, sinni ibih dorona urgufa” akko yerhxe. 6Usun lel yewciinih dikko dikille, Mece Ware aybissiruk kee ummanille urusak yuzuurin.
Heerodes Yeesus zacabah lammaa-garbita
(Maatiyos 14:1-12; Markos 6:14-29)
7Galiilaati affara zoobah manabotti Heerodes lel amaa akkuk tanem inkoh yoobbe. “Yohannis rabaako ugute” akko yerhxiinimhi sabbatah lel, lammaa-garbite. 8Wuli mari: “Eliyaas yumbulluwe” aki mari lel: “Kalxit nobowaako wuliti rabaako ugute” arhxuk yinin. 9Heerodes lel: “Anu inneh kinni Yohannisko amo akko igricem. Tayim akko aabbeti miyatto kinni?” yerhxe. Kaa yablo lel wagiyak yine.
Yeesus koona shiix bettiisha
(Maatiyos 14:13-21; Markos 6:1-14)
10Amaa fartottit gaxen gedda, abeenim inkoh kayyah yishrixin. Sinni ulah lel Beet-sayda akko yarhxin daafo fanah isheelih ten beye. 11Mango xiyaw laakin, tayim yeerhegiinih adde katayen. Usuk lel ten kabbaateh Yallahi nigsinnahi zacabah akah warishak, urnan farhshiisha mara lel urusak yine. 12Baarho dhumto fadhdhe. Amaa lamman kee taman yemeetiinih: “Nanu talle zibolle nanemhi zacabah, ta wakalih diika kee barritille yedeynih dhintima kee folo geyoona ciloh ta mango xiyaw ten dhirhii” akko yerhxin. 13Usuk laakin: “Beetaanam, atin akah uxuwa” akko yerhxe. Usun lel: “Nanu koona kinnas kee lamma caasattooko fertam malino. Nedeeh ta mango xiyawah folo dhamno yakkeedo maarhige” akko yerhxin. 14(Amayim lel koona shiix labhattiya takkem kuuk yiniinimhi sabbatah kinni). Usuk lel ishi katattaynitik: “Kokkontomuh ten defeysha” akko yerhxe. 15Usun lel amah isheenih inkoh ten defeyshen. 16Usuk lel amaa koona kinnas kee lamma caasatto beyeh, carshedde kulux-arhxuk yeybeerekeh yigdile. Amaa mango xiyawah yaxawna ciloh lel katattaynitille yoxoye. 17Inkoh beeteenih lel xayten. Amaa ractemko lel lamman kee taman jambiiliya akko yooqhocin.
Bithroos Yeesus Masiix kinamah yashhide
(Maatiyos 16:13-19; Markos 8:27-29)
18Tekke lel, Yeesus ishi ulah assilluuk kaa katattaynit amalle yinin. Usuk lel: “Ta mango xiyaw, miyatto kinni yok yarhxiini?” yerhxeh ten essere. 19Usun lel: “Yaythimmiqhe Yohannis, gari Eliyaas, gari lel kalxit nobowaako wuliti rabaako uguteya kinni kok yarhxin” yerhxiinih alle deheyen. 20Usuk lel: “Atin lel miyatto kinni yok tarhxiini?” akko yerhxe. Bithroos lel: “Atu Yallih Masiix kito” yerhxeh alle yedebbe.
Yeesus ishi rabi yaakumeh warisha
(Maatiyos 10:38-39; 16:24-28; Markos 8:34-38; Luukas 14:26-27)
21Usuk lel tayim walaa inkettah warishaanamko ten asuuse. 22Usuk lel: “Xiyawti Barhi mango xaajah cazaab yablo alle tane. Naba mara, sheekhat manabottit kee sercat dhiiceenitih xinniimo kinni. Kaa yigidifiinih lel maddaxit lellec rabaako uguto kinni” yerhxe.
Ishi masqal tibbirheh Yeesus kataa
23Usuk sarrah inkoh tahe akko yerhxe: “Yi kataw farhinnanti, ishi xino alle tane, maaxi yamaato lel ishi masqal yooqhoceh yi kataw. 24Amayim lel ishi aniina gargeereti tee yaylawo kinni, yottah arhxuk ishi aniina yeyleeti laakin tee geyo kinamhi sabbatah kinni 25Xiyawti umbuka caalamalle tanem yiksibeh ishi nabse yeyleemko hido wayemko, ayim kaa tamfice? 26Yotta kee Yi waanih xoolashshiitinnanti, usuk ishi nabne, Abba kee quddus kin malaykut hi nabnedde yamiite gedda, Xiyawti Barhi kaako xoolashshiito kinni. 27Laakin, talle daw-yerhxeh yane maradde, Yallih nigsinna yabliinindah rabaako dhacame wayo le mari adde yaniinim, rummah sinak arhxiyuk ane.”
Anqayaayar
(Maatiyos 17:1-8; Markos 9:2-8)
28Tekke lel, ta waaniiko baxxara lellec yakkemko sarrah, Yeesus Bithroos, Yohannis kee Yacqoob beyeh yassallaw koomalle yewce. 29Usuk assilluuk lel kaa wajhehi gini yimbiddileh kaa sari lel lilic-yarhxeh ziffowe. 30Taykinna lel, lamma xiyawti kaalih waanishak yinin. Usun Moosa kee Eliyaas kuuk yinin. 31Usun lel nabnedde akah yumbulluynih, Yerusaalemille abayshimo kab-yerhxeh yane kaa mudduum hi zacabah wagroyshitak yinin. 32Bithroos kee kaalih tinem dhin ten beyeh yine. Meceetih uguten gedda lel, kaa nabne kee lamma xiyawti kaalih daw-arhxuk yublin. 33Tekke lel, Kaalih tinem kaako yimfilliin gedda, Bithroos Yeesusuk: “Mucallimo, nanu talle nakkem noh mece. Adooxa daasa siraxnoo: tiya kottah, tiya lel Moosah, tiya lel Eliyaasah” akko yerhxe. Laakin usuk ayim arhxuk yinem aarhuguk miyine. 34Usuk tayim arhxuk lel, camburre temeeteh ten agoogishshe. Usun lel amaa camburredde sayen gedda mashshiiten. 35Amayek sarrah, wuli dhaw amaa camburreeko yemeeteh: “Tati yi Barha kinni, Doorime tiya! Kayya oobbaanta!” yerhxe 36Amaa dhaw waanishe gedda, Yeesus inkettak yine. Usun lel sik-yerhxiinih amaa max yubliinim walaa inkettah miwarishinnooni.
Najaasa-le ufaye le cindhookih urusnan
(Maatiyos 17:14-18; Markos 9:14-27)
37Tekke lel, malammit max usun koomaako ooben gedda, mangum mango xiyaw akah garayen. 38Taykinna lel, mango xiyawko wuli xiyawti wac-yerhxeh: “Mudarriso, tiyak liyo tiya kinnik, yi barhadde kulux yoh tarhxo ku dhaacimsiita. 39Taykinna lel, ufayi kaa yabbirheh akkanih zeerisha, firigrig kaa ishah lel kaa ximboysha. Kaa yaaziye, akko yawco lel xina. 40Ku katattaynit akah yayyaacoona ten dhaacime, usun laakin mirhiicinnooni” yerhxe. 41Yeesus lel: “Ko imaan malit kin temxeleelefe ijow! Anu manda fanah sinlih sugo liyo? Manda fanah lel sinalle curo liyo? Ishi barha talle bah” yerhxeh alle yedebbe. 42Amaa cindhooki kab-arhxuk, jinnetti kaa cideh firigrig kaa ishe. Yeesus laakin amaa najaasa-le ufaye yoskoolofe, amaa cindhooka uruseh kaa abballe kaa yedebbe. 43Inkoh lel Yallahi nabintah yussuxuttutin. Ummanti Yeesus inkoh abak yinemih cibrah rabak, usuk ishi katattaynitik:
Yeesus malammih ishi rabi yaakumeh warisha
(Maatiyos 17:22-23; Markos 9:30-32)
44“Ta waanille cokka alle uxuwa: Xiyawti Barhi xiyaw gabadde rado kinni” akko yerhxe. 45Usun laakin ta zirhotta duhoona mirhiicinnooni. Usun yafhimiinimko hi ciloh lel akko sucutteh tine. Ta zirhottahi zacabah kaa esseroona lel mashshiiten.
Miyatto kinni ummannimko nabti?
(Maatiyos 18:1-5; Markos 9:33-37)
46Ten fanadde miyatti ummanimko naba tiya yakko kinamhi zacabah zate erhedhdhe. 47Yeesus laakin, ten afcaadohi xasaab yeerhegeh, wuli cindhooka baaheh ishi riille daw-ishe. 48“Ta cindhooka yi migacalle kabbaatinnanti, Yi kabbaata. Yotta kabbaatinnanti lel yotta fare tiya kabbaata. Sinadde ummanimko cindhati, naba tiya kinni” akko yerhxe lel.
Ni didde akkinnixeti nottah kinni
(Markos 9:38-40)
49Yohannis lel: “Mucallim, wuliti ku migacalle junuun ayyaacuk nuble. Nottaalih mikatayinnamhi sabbatah lel kaa desne” yerhxeh alle yedebbe. 50Yeesus laakin: “Sin didde akkinnexeti sinah kinamhi sabbatah kaa mideesina” akko yerhxe.
Samaariyaati xiyawhi dik Yeesus xinan
51Taykinna lel, carshellehi kaa kornanhi lellec kab-yerhxe gedda, macalah Yerusaalem gabolle yadaw abayshe. 52Ishi nifidde lel luuktit fare. Usun lel yedeynih akah yasqarraboona Samaariyaati xiyawhi dikidde oroben. 53Usuk macalah Yerusaalem gabolle yadaw abayshem hi sabbatah, usun laakin kaa mikabbaatinnooni. 54Kaa katattaynit, Yacqoob kee Yohannis tayim yublin gedda: “Maddara, caranko gira alle obtoo nerhxeh gira ten taylawo fadhdha?” akko yerhxin. 55Yeesus laakin ufkun adde yerhxeh ten yoskoolofe. 56Aki dik fanah lel yedeyin.
Yeesus kataanamhi limo
(Maatiyos 8:19-22)
57Usun araxalle aduuk lel wuliti: “Atu alle adiinnanille ku kataw kiyo” akko yerhxe. 58Yeesus lel: “Waker gonnit leyan, caranti kimbir lel sinni care leyan, Xiyawti Barhi laakin amo adde hashshiitakke maleya” akko yerhxe. 59Usuk akettok lel: “Yi kataa” akko yerhxe. Usuk laakin: “Maddara, ookomeh inni abba attaacago yi xab” akko yerhxe. 60Yeesus laakin: “Rabontit sinni rabonta yattaacagoona; atu laakin aduwaaki Yallahi nigsinna warish” akko yerhxe. 61Aketti lel: “Ku kataw kiyo Maddara, ookomeh laakin inni dikikke salaam arhxo yoh ismix” akko yerhxe. 62Yeesus laakin: “Masaaricille gaba oobishak caazalle kulux-yarhxeti, Yallahi nigsinnah yamficeya miyane” akko yerhxe.
Currently Selected:
Luukas 9: SCC
Highlight
Share
Copy
Want to have your highlights saved across all your devices? Sign up or sign in
©2024 Wycliffe Ethiopia
Luukas 9
9
Yeesus lamman kee taman fartottittiya fara
(Maatiyos 10:5-15; Markos 6:7-13)
1Yeesus lel, amaa lamman kee tamanah inkidde akah deecimeh, xayla kee reeza umbuka jinnit hi bukalle, amayim balih laxuu urusoona akah yoxoye. 2Yallahi nigsinna warroyshoona kee laxuttem urusoona ten fare. 3Usuk lel: “Kallaaxelle walaa inkim sinneelih mibeytaana: ilo, woole lakoota, woole folo, woole fiddat solaadi, malammit qamish yakkeedo mitaalliini. 4Tadiinindah, adde orobinnan caredde suganta. 5Sin kabbaate waynimko, amaa daafooko awcitin, tenah shahaada akah takko ciloh, sinni ibih dorona urgufa” akko yerhxe. 6Usun lel yewciinih dikko dikille, Mece Ware aybissiruk kee ummanille urusak yuzuurin.
Heerodes Yeesus zacabah lammaa-garbita
(Maatiyos 14:1-12; Markos 6:14-29)
7Galiilaati affara zoobah manabotti Heerodes lel amaa akkuk tanem inkoh yoobbe. “Yohannis rabaako ugute” akko yerhxiinimhi sabbatah lel, lammaa-garbite. 8Wuli mari: “Eliyaas yumbulluwe” aki mari lel: “Kalxit nobowaako wuliti rabaako ugute” arhxuk yinin. 9Heerodes lel: “Anu inneh kinni Yohannisko amo akko igricem. Tayim akko aabbeti miyatto kinni?” yerhxe. Kaa yablo lel wagiyak yine.
Yeesus koona shiix bettiisha
(Maatiyos 14:13-21; Markos 6:1-14)
10Amaa fartottit gaxen gedda, abeenim inkoh kayyah yishrixin. Sinni ulah lel Beet-sayda akko yarhxin daafo fanah isheelih ten beye. 11Mango xiyaw laakin, tayim yeerhegiinih adde katayen. Usuk lel ten kabbaateh Yallahi nigsinnahi zacabah akah warishak, urnan farhshiisha mara lel urusak yine. 12Baarho dhumto fadhdhe. Amaa lamman kee taman yemeetiinih: “Nanu talle zibolle nanemhi zacabah, ta wakalih diika kee barritille yedeynih dhintima kee folo geyoona ciloh ta mango xiyaw ten dhirhii” akko yerhxin. 13Usuk laakin: “Beetaanam, atin akah uxuwa” akko yerhxe. Usun lel: “Nanu koona kinnas kee lamma caasattooko fertam malino. Nedeeh ta mango xiyawah folo dhamno yakkeedo maarhige” akko yerhxin. 14(Amayim lel koona shiix labhattiya takkem kuuk yiniinimhi sabbatah kinni). Usuk lel ishi katattaynitik: “Kokkontomuh ten defeysha” akko yerhxe. 15Usun lel amah isheenih inkoh ten defeyshen. 16Usuk lel amaa koona kinnas kee lamma caasatto beyeh, carshedde kulux-arhxuk yeybeerekeh yigdile. Amaa mango xiyawah yaxawna ciloh lel katattaynitille yoxoye. 17Inkoh beeteenih lel xayten. Amaa ractemko lel lamman kee taman jambiiliya akko yooqhocin.
Bithroos Yeesus Masiix kinamah yashhide
(Maatiyos 16:13-19; Markos 8:27-29)
18Tekke lel, Yeesus ishi ulah assilluuk kaa katattaynit amalle yinin. Usuk lel: “Ta mango xiyaw, miyatto kinni yok yarhxiini?” yerhxeh ten essere. 19Usun lel: “Yaythimmiqhe Yohannis, gari Eliyaas, gari lel kalxit nobowaako wuliti rabaako uguteya kinni kok yarhxin” yerhxiinih alle deheyen. 20Usuk lel: “Atin lel miyatto kinni yok tarhxiini?” akko yerhxe. Bithroos lel: “Atu Yallih Masiix kito” yerhxeh alle yedebbe.
Yeesus ishi rabi yaakumeh warisha
(Maatiyos 10:38-39; 16:24-28; Markos 8:34-38; Luukas 14:26-27)
21Usuk lel tayim walaa inkettah warishaanamko ten asuuse. 22Usuk lel: “Xiyawti Barhi mango xaajah cazaab yablo alle tane. Naba mara, sheekhat manabottit kee sercat dhiiceenitih xinniimo kinni. Kaa yigidifiinih lel maddaxit lellec rabaako uguto kinni” yerhxe.
Ishi masqal tibbirheh Yeesus kataa
23Usuk sarrah inkoh tahe akko yerhxe: “Yi kataw farhinnanti, ishi xino alle tane, maaxi yamaato lel ishi masqal yooqhoceh yi kataw. 24Amayim lel ishi aniina gargeereti tee yaylawo kinni, yottah arhxuk ishi aniina yeyleeti laakin tee geyo kinamhi sabbatah kinni 25Xiyawti umbuka caalamalle tanem yiksibeh ishi nabse yeyleemko hido wayemko, ayim kaa tamfice? 26Yotta kee Yi waanih xoolashshiitinnanti, usuk ishi nabne, Abba kee quddus kin malaykut hi nabnedde yamiite gedda, Xiyawti Barhi kaako xoolashshiito kinni. 27Laakin, talle daw-yerhxeh yane maradde, Yallih nigsinna yabliinindah rabaako dhacame wayo le mari adde yaniinim, rummah sinak arhxiyuk ane.”
Anqayaayar
(Maatiyos 17:1-8; Markos 9:2-8)
28Tekke lel, ta waaniiko baxxara lellec yakkemko sarrah, Yeesus Bithroos, Yohannis kee Yacqoob beyeh yassallaw koomalle yewce. 29Usuk assilluuk lel kaa wajhehi gini yimbiddileh kaa sari lel lilic-yarhxeh ziffowe. 30Taykinna lel, lamma xiyawti kaalih waanishak yinin. Usun Moosa kee Eliyaas kuuk yinin. 31Usun lel nabnedde akah yumbulluynih, Yerusaalemille abayshimo kab-yerhxeh yane kaa mudduum hi zacabah wagroyshitak yinin. 32Bithroos kee kaalih tinem dhin ten beyeh yine. Meceetih uguten gedda lel, kaa nabne kee lamma xiyawti kaalih daw-arhxuk yublin. 33Tekke lel, Kaalih tinem kaako yimfilliin gedda, Bithroos Yeesusuk: “Mucallimo, nanu talle nakkem noh mece. Adooxa daasa siraxnoo: tiya kottah, tiya lel Moosah, tiya lel Eliyaasah” akko yerhxe. Laakin usuk ayim arhxuk yinem aarhuguk miyine. 34Usuk tayim arhxuk lel, camburre temeeteh ten agoogishshe. Usun lel amaa camburredde sayen gedda mashshiiten. 35Amayek sarrah, wuli dhaw amaa camburreeko yemeeteh: “Tati yi Barha kinni, Doorime tiya! Kayya oobbaanta!” yerhxe 36Amaa dhaw waanishe gedda, Yeesus inkettak yine. Usun lel sik-yerhxiinih amaa max yubliinim walaa inkettah miwarishinnooni.
Najaasa-le ufaye le cindhookih urusnan
(Maatiyos 17:14-18; Markos 9:14-27)
37Tekke lel, malammit max usun koomaako ooben gedda, mangum mango xiyaw akah garayen. 38Taykinna lel, mango xiyawko wuli xiyawti wac-yerhxeh: “Mudarriso, tiyak liyo tiya kinnik, yi barhadde kulux yoh tarhxo ku dhaacimsiita. 39Taykinna lel, ufayi kaa yabbirheh akkanih zeerisha, firigrig kaa ishah lel kaa ximboysha. Kaa yaaziye, akko yawco lel xina. 40Ku katattaynit akah yayyaacoona ten dhaacime, usun laakin mirhiicinnooni” yerhxe. 41Yeesus lel: “Ko imaan malit kin temxeleelefe ijow! Anu manda fanah sinlih sugo liyo? Manda fanah lel sinalle curo liyo? Ishi barha talle bah” yerhxeh alle yedebbe. 42Amaa cindhooki kab-arhxuk, jinnetti kaa cideh firigrig kaa ishe. Yeesus laakin amaa najaasa-le ufaye yoskoolofe, amaa cindhooka uruseh kaa abballe kaa yedebbe. 43Inkoh lel Yallahi nabintah yussuxuttutin. Ummanti Yeesus inkoh abak yinemih cibrah rabak, usuk ishi katattaynitik:
Yeesus malammih ishi rabi yaakumeh warisha
(Maatiyos 17:22-23; Markos 9:30-32)
44“Ta waanille cokka alle uxuwa: Xiyawti Barhi xiyaw gabadde rado kinni” akko yerhxe. 45Usun laakin ta zirhotta duhoona mirhiicinnooni. Usun yafhimiinimko hi ciloh lel akko sucutteh tine. Ta zirhottahi zacabah kaa esseroona lel mashshiiten.
Miyatto kinni ummannimko nabti?
(Maatiyos 18:1-5; Markos 9:33-37)
46Ten fanadde miyatti ummanimko naba tiya yakko kinamhi zacabah zate erhedhdhe. 47Yeesus laakin, ten afcaadohi xasaab yeerhegeh, wuli cindhooka baaheh ishi riille daw-ishe. 48“Ta cindhooka yi migacalle kabbaatinnanti, Yi kabbaata. Yotta kabbaatinnanti lel yotta fare tiya kabbaata. Sinadde ummanimko cindhati, naba tiya kinni” akko yerhxe lel.
Ni didde akkinnixeti nottah kinni
(Markos 9:38-40)
49Yohannis lel: “Mucallim, wuliti ku migacalle junuun ayyaacuk nuble. Nottaalih mikatayinnamhi sabbatah lel kaa desne” yerhxeh alle yedebbe. 50Yeesus laakin: “Sin didde akkinnexeti sinah kinamhi sabbatah kaa mideesina” akko yerhxe.
Samaariyaati xiyawhi dik Yeesus xinan
51Taykinna lel, carshellehi kaa kornanhi lellec kab-yerhxe gedda, macalah Yerusaalem gabolle yadaw abayshe. 52Ishi nifidde lel luuktit fare. Usun lel yedeynih akah yasqarraboona Samaariyaati xiyawhi dikidde oroben. 53Usuk macalah Yerusaalem gabolle yadaw abayshem hi sabbatah, usun laakin kaa mikabbaatinnooni. 54Kaa katattaynit, Yacqoob kee Yohannis tayim yublin gedda: “Maddara, caranko gira alle obtoo nerhxeh gira ten taylawo fadhdha?” akko yerhxin. 55Yeesus laakin ufkun adde yerhxeh ten yoskoolofe. 56Aki dik fanah lel yedeyin.
Yeesus kataanamhi limo
(Maatiyos 8:19-22)
57Usun araxalle aduuk lel wuliti: “Atu alle adiinnanille ku kataw kiyo” akko yerhxe. 58Yeesus lel: “Waker gonnit leyan, caranti kimbir lel sinni care leyan, Xiyawti Barhi laakin amo adde hashshiitakke maleya” akko yerhxe. 59Usuk akettok lel: “Yi kataa” akko yerhxe. Usuk laakin: “Maddara, ookomeh inni abba attaacago yi xab” akko yerhxe. 60Yeesus laakin: “Rabontit sinni rabonta yattaacagoona; atu laakin aduwaaki Yallahi nigsinna warish” akko yerhxe. 61Aketti lel: “Ku kataw kiyo Maddara, ookomeh laakin inni dikikke salaam arhxo yoh ismix” akko yerhxe. 62Yeesus laakin: “Masaaricille gaba oobishak caazalle kulux-yarhxeti, Yallahi nigsinnah yamficeya miyane” akko yerhxe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2024 Wycliffe Ethiopia