УблапӀэ 27
27
ЯтӀокӀэнэрэ блырэ шъхьэр
Исхьакъ ынэшӀу Якъубэ къызэрэщифагъэр
1Исхьакъ жъы хъугъэу, зи ымылъэгъужьэу ынэхэм къызащэкӀэм, ыкъо нахьыжъэу Ӏэсау къеджи, риӀуагъ: «СикӀал!» Адрэм къыриӀожьыгъ: «СыкъэдаӀо». 2Исхьакъ къыӀуагъ: «Сэ жъы сыхъугъ, згъэшӀэнэу къэнагъэр зыфэдизри сшӀэрэп. 3УиӀашэ шти – уищабзи щэбзащэхэри – шъофым кӀо, лэучэцӀ къысфэушэкӀу. 4Къахьи, ӀэшӀоу къэгъэхьазыр, сэ сыгу рихьырэм фэдэу, сшхынышъ, сылӀэным ыпэкӀэ сынэшӀу къыпщысфэщт».
5Ахэмэ зэраӀуагъэр Рыбкъэ зэхихыгъэти, Ӏэсау лэучэцӀ къыушэкӀунэу шъофым зэкӀом, 6Рыбкъэ ыкъоу Якъубэ риӀуагъ: «Уятэ пшэу Ӏэсау риӀоу зэхэсхыгъэ 7лэучэцӀ къыфихьынышъ, шхын ӀэшӀу фигъэхьазырынэу. Уятэ шхэнышъ, лӀэным ыпэкӀэ Зиусхьаным ыпашъхьэкӀэ ащ ынэшӀу щифэщт. 8Джы, сикӀал, пшӀэн фаем уишъыпкъэу къедэӀу, къызэрэуасӀоуи шӀы. 9Ӏэхъогъум кӀуи, чэцӀ дэгъуитӀу къыхэх. Сэ уятэ пае ахэмэ икӀэсэ шхын ӀэшӀур ахэсшӀыкӀыщт. 10О ар фэпхьыщт, ышхынышъ, лӀэным ыпэкӀэ ынэшӀу о къыпщифэнэу».
11Ау Якъубэ янэ къыриӀожьыгъ: «Сшэу Ӏэсау цӀыф цызакӀ, сэ скӀышъо джашъо. 12Сятэ сыкъиӀэбылъэбыхьанкӀи мэхъу, зэрэзгъапцӀэрэр къызишӀэкӀэ, ынэшӀу къысщифэным ычӀыпӀэкӀэ, нэлат къысихыщт». 13Ау янэ къыӀуагъ: «О уинэлат сэ къыстерэф, сишъау. Ау сэ сӀорэм къедэӀу, кӀуи къысфахь».
14Якъубэ кӀуи, чэцӀхэр янэ къыфихьыгъэх, Рыбкъэ Исхьакъ икӀэсэ шхын ӀэшӀур ышӀыгъ. 15ЕтӀанэ Рыбкъэ ыкъо нахьыжъэу Ӏэсау ищыгъын кӀэракӀэу ежь иунэ илъыр къышти, ыкъо нахьыкӀэу Якъубэ щилъагъ. 16Ащ ыӀэхэмрэ ыпшъэ пцӀанэрэ чэцӀышъохэр къарищэкӀыгъ, 17етӀанэ ежь ыгъэхьазырыгъэ шхын ӀашӀумрэ хьалыгъумрэ Якъубэ ритыгъэх.
18Ар ятэ дэжь ихьи, риӀуагъ: «Тят!» Адрэм къыӀуагъ: «СыкъэдаӀо. Ухэта, сишъау?» 19Якъубэ ятэ риӀуагъ: «Сэ Ӏэсау ары, о уищыпэлъф; о къызэрэсэпӀуагъэм фэдэу сэ сшӀыгъэ; зыкъэӀэти, къэтӀыс, шхы силэучэцӀ, етӀанэ о унэшӀу къысщыпфэн».
20Исхьакъ къэупчӀагъ: «Сыдэу псынкӀэу къэбгъотыгъа, сишъау?» Адрэм джэуап къытыжьыгъ: «Зиусхьанэу уи Тхьэ сапэ къыригъэфагъ». 21«КъыскӀэрыхь, сикӀал, – ыӀуагъ Исхьакъ, – сыкъыптеӀэбэщт, ора скъоу Ӏэсаур, хьаумэ ормыра?»
22Якъубэ ятэу Исхьакъ екӀолӀагъ, адрэм къыӀэбылъэбыхьи, къыӀуагъ: «Макъэр Якъубэ ымакъ, ау ыӀэхэр Ӏэсау ыӀэх». 23Ащ ыӀэхэр Ӏэсау ыӀэмэ афэдэхэу зэрэцызакӀэхэм пае ар къышӀагъэпти, ащ ынэшӀу щифагъ. 24Ащ къыӀуагъ: «Скъоу Ӏэсаур оры шъыпкъа?» Адрэм джэуап къытыгъ: «Адэ сэры». 25Исхьакъ къыӀуагъ: «Сишъау, уилэучэцӀ сшхынэу къысэт, сынэшӀу къыпщысфэнэу». Якъубэ къырити, ятэ шхагъэ, санэ къыхьи, ари ришъугъ. 26ЕтӀанэ ащ ятэу Исхьакъ къыӀуагъ: «КъысэкӀуалӀи къысэбэу, сишъау». 27Якъубэ екӀуалӀи, ятэ ебэугъ. Исхьакъ ащ ищыгъын мэу къыпихырэр зэхишӀагъэти, ынэшӀу къыщифи, къыриӀуагъ:
«Скъо мэу къыпихырэр
Зиусхьаным ынэшӀу зыщыфагъэу,
губгъомэ мэу къарихырэмэ афэд.
28Тхьэм тынэу о къыуерэтых ошъо осэпсым щыщ,
чӀым игъэбэжъу щыщ лэжьыгъи сэнэ шӀыгъакӀи
бэдэдэу.
29Лъэпкъхэр о пфэрэлажьэх,
ЦӀыф лъэпкъмэ шъхьащэ къыпфарэшӀ.
О пшыхэм зиусхьан зафэшӀ,
уянэ ыкъомэ шъхьащэ къыпфарэшӀ,
Нэлат къыозыхырэм нэлат терэф.
ЗынэшӀу къыпщызыфэрэм, Тхьэм ынэшӀу щерэф!»
30Исхьакъ ынэшӀу Якъубэ щифи, Якъубэ ятэ ыпашъхьэ къызэрикӀыжьыгъэм лъыпытэу, Ӏэсау шакӀо къикӀыжьыгъ. 31Ащи шхыныр ӀэшӀоу ыгъэхьазыри, ятэ къыфихьи, риӀуагъ: «ЗыкъэӀэти къэтӀыс, тят, шхы силэучэцӀ, етӀанэ унэшӀу къысщыпфэнэу».
32Исхьакъ къэупчӀагъ: «Ухэт о?» Адрэм къыӀуагъ: «Сэ сыуикъу, уищыпэлъфэу Ӏэсау ары». 33Исхьакъ лъэшэу къэщтагъэу къэкӀэзэзи, къыӀуагъ: «Адэ хэта адрэр, лэучэцӀыр къыушэкӀуи, сэ къысфэзыхьыгъэр? О укъэкӀоным ыпэкӀэ ар сшхыгъэ, етӀанэ сынэшӀу щысфагъ, джары джы нэшӀу зыщыфагъэу щытыщтыр».
34Ӏэсау ятэ игущыӀэхэм ядэӀуи, куо мэкъэшхо къыӀэти, ятэ риӀуагъ: «Тят, сэри унэшӀу къысщыф, сэри ары». 35Исхьакъ къыӀуагъ: «Пшы тхьагъэпцӀыгъэ ыгу илъэу къакӀуи, сынэшӀоу о къыпщысфэн фэягъэр ыштагъ». 36Ӏэсау къыӀуагъ: «Тефэ шъыпкъэу Якъуб ащ фаусыгъэба? Ащ тӀо сигъэпцӀагъ: сэ сищыпэлъфыгъэ ыштагъ, джы – унэшӀу зыщыуигъэфагъ». ЕтӀани ятэ еупчӀыгъ: «Сэщ пае нэшӀущыфэныгъэ къыпфэнагъэба?» 37Исхьакъ джэуап Ӏэсау къыритыжьыгъ: «Сэ ар зиусхьанэу уашъхьагъ къизгъэуцуагъ, зэкӀэ тиӀахьылхэри унэӀут фэсшӀыгъэх, лэжьыгъэрэ сэнэ шӀыгъакӀэрэкӀэ нахь лъэш сшӀыгъэ. Сыд сэ джы о къыпфэсшӀэшъущтыр, сикӀал?»
38Ӏэсау ятэ къеупчӀыгъ: «Тят, зызакъуа унэшӀу ащыпфэнэу зэрэщытыр? Сэри унэшӀу къысщыф, тят!» Ӏэсау лъэшэу къэгъыгъ.
39Ятэу Исхьакъ джэуап къытыжьыгъ:
«ЧӀыгу пщэрымрэ ошъо осэпсымрэ
апэчыжьэщтых о уипсэупӀэхэр.
40Уичатэ къыхьырэмкӀэ о ущыӀэщт,
пши уфэлэжьэщт.
Ау уахътэр къэсыщт – зыкъызыпӀэтыкӀэ,
ащ ибжь о ппшъэ дэбдзыжьыщт».
Якъубэ Лабан дэжь зэрэчъагъэр
41Ятэ ынэшӀу зэрэщифагъэм пае Ӏэсау ылъэгъу мыхъоу хъугъэ Якъубэ. Ӏэсау ыгукӀэ ыӀуагъ: «Сятэ зыщыдгъэещт мафэхэр къэсынхэшъ, сшэу Якъубэ сыукӀыщт».
42Рыбкъэ раӀожьыгъ ыкъо нахьыжъэу Ӏэсау ыӀуагъэр. Арыти, ыкъо нахьыкӀэу Якъубэ къыригъаджэхи, риӀуагъ: «О пшэу Ӏэсау уиукӀын ыгу хэлъ. 43Арышъ, къыосӀощтым къедэӀу, сикӀал: Хъаран щыпсэурэ сшэу Лабан дэжь чъэ. 44Ащ ыдэжь тӀэкӀурэ къыщыӀ, пшы игубж оӀэсэжьыфэ, 45пшы губжэу къыпфыриӀэр Ӏэсэжьэу, ащ о епшӀагъэр щэгъупшэжьыфэ. Джащыгъум сэ къыплъызгъэкӀонхэшъ, ащ укъисщыжьыщт. Сыд пае а зы мафэм шъуитӀуи шъусшӀокӀодына?»
46ЕтӀанэ Рыбкъэ Исхьакъ риӀуагъ: «Хыт бзылъфыгъэхэм апкъ къикӀыкӀэ щыӀэныгъэм сыкӀэгушӀурэп. Мы чӀыгум щыщ бзылъфыгъэхэу, мы хьат бзылъфыгъэхэм афэдэхэм ащыщ Якъубэ шъузкӀэ къыщэмэ, ащыгъум сэ сыщыӀэнэуи сищыкӀэгъэжьэп».
Currently Selected:
УблапӀэ 27: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
УблапӀэ 27
27
ЯтӀокӀэнэрэ блырэ шъхьэр
Исхьакъ ынэшӀу Якъубэ къызэрэщифагъэр
1Исхьакъ жъы хъугъэу, зи ымылъэгъужьэу ынэхэм къызащэкӀэм, ыкъо нахьыжъэу Ӏэсау къеджи, риӀуагъ: «СикӀал!» Адрэм къыриӀожьыгъ: «СыкъэдаӀо». 2Исхьакъ къыӀуагъ: «Сэ жъы сыхъугъ, згъэшӀэнэу къэнагъэр зыфэдизри сшӀэрэп. 3УиӀашэ шти – уищабзи щэбзащэхэри – шъофым кӀо, лэучэцӀ къысфэушэкӀу. 4Къахьи, ӀэшӀоу къэгъэхьазыр, сэ сыгу рихьырэм фэдэу, сшхынышъ, сылӀэным ыпэкӀэ сынэшӀу къыпщысфэщт».
5Ахэмэ зэраӀуагъэр Рыбкъэ зэхихыгъэти, Ӏэсау лэучэцӀ къыушэкӀунэу шъофым зэкӀом, 6Рыбкъэ ыкъоу Якъубэ риӀуагъ: «Уятэ пшэу Ӏэсау риӀоу зэхэсхыгъэ 7лэучэцӀ къыфихьынышъ, шхын ӀэшӀу фигъэхьазырынэу. Уятэ шхэнышъ, лӀэным ыпэкӀэ Зиусхьаным ыпашъхьэкӀэ ащ ынэшӀу щифэщт. 8Джы, сикӀал, пшӀэн фаем уишъыпкъэу къедэӀу, къызэрэуасӀоуи шӀы. 9Ӏэхъогъум кӀуи, чэцӀ дэгъуитӀу къыхэх. Сэ уятэ пае ахэмэ икӀэсэ шхын ӀэшӀур ахэсшӀыкӀыщт. 10О ар фэпхьыщт, ышхынышъ, лӀэным ыпэкӀэ ынэшӀу о къыпщифэнэу».
11Ау Якъубэ янэ къыриӀожьыгъ: «Сшэу Ӏэсау цӀыф цызакӀ, сэ скӀышъо джашъо. 12Сятэ сыкъиӀэбылъэбыхьанкӀи мэхъу, зэрэзгъапцӀэрэр къызишӀэкӀэ, ынэшӀу къысщифэным ычӀыпӀэкӀэ, нэлат къысихыщт». 13Ау янэ къыӀуагъ: «О уинэлат сэ къыстерэф, сишъау. Ау сэ сӀорэм къедэӀу, кӀуи къысфахь».
14Якъубэ кӀуи, чэцӀхэр янэ къыфихьыгъэх, Рыбкъэ Исхьакъ икӀэсэ шхын ӀэшӀур ышӀыгъ. 15ЕтӀанэ Рыбкъэ ыкъо нахьыжъэу Ӏэсау ищыгъын кӀэракӀэу ежь иунэ илъыр къышти, ыкъо нахьыкӀэу Якъубэ щилъагъ. 16Ащ ыӀэхэмрэ ыпшъэ пцӀанэрэ чэцӀышъохэр къарищэкӀыгъ, 17етӀанэ ежь ыгъэхьазырыгъэ шхын ӀашӀумрэ хьалыгъумрэ Якъубэ ритыгъэх.
18Ар ятэ дэжь ихьи, риӀуагъ: «Тят!» Адрэм къыӀуагъ: «СыкъэдаӀо. Ухэта, сишъау?» 19Якъубэ ятэ риӀуагъ: «Сэ Ӏэсау ары, о уищыпэлъф; о къызэрэсэпӀуагъэм фэдэу сэ сшӀыгъэ; зыкъэӀэти, къэтӀыс, шхы силэучэцӀ, етӀанэ о унэшӀу къысщыпфэн».
20Исхьакъ къэупчӀагъ: «Сыдэу псынкӀэу къэбгъотыгъа, сишъау?» Адрэм джэуап къытыжьыгъ: «Зиусхьанэу уи Тхьэ сапэ къыригъэфагъ». 21«КъыскӀэрыхь, сикӀал, – ыӀуагъ Исхьакъ, – сыкъыптеӀэбэщт, ора скъоу Ӏэсаур, хьаумэ ормыра?»
22Якъубэ ятэу Исхьакъ екӀолӀагъ, адрэм къыӀэбылъэбыхьи, къыӀуагъ: «Макъэр Якъубэ ымакъ, ау ыӀэхэр Ӏэсау ыӀэх». 23Ащ ыӀэхэр Ӏэсау ыӀэмэ афэдэхэу зэрэцызакӀэхэм пае ар къышӀагъэпти, ащ ынэшӀу щифагъ. 24Ащ къыӀуагъ: «Скъоу Ӏэсаур оры шъыпкъа?» Адрэм джэуап къытыгъ: «Адэ сэры». 25Исхьакъ къыӀуагъ: «Сишъау, уилэучэцӀ сшхынэу къысэт, сынэшӀу къыпщысфэнэу». Якъубэ къырити, ятэ шхагъэ, санэ къыхьи, ари ришъугъ. 26ЕтӀанэ ащ ятэу Исхьакъ къыӀуагъ: «КъысэкӀуалӀи къысэбэу, сишъау». 27Якъубэ екӀуалӀи, ятэ ебэугъ. Исхьакъ ащ ищыгъын мэу къыпихырэр зэхишӀагъэти, ынэшӀу къыщифи, къыриӀуагъ:
«Скъо мэу къыпихырэр
Зиусхьаным ынэшӀу зыщыфагъэу,
губгъомэ мэу къарихырэмэ афэд.
28Тхьэм тынэу о къыуерэтых ошъо осэпсым щыщ,
чӀым игъэбэжъу щыщ лэжьыгъи сэнэ шӀыгъакӀи
бэдэдэу.
29Лъэпкъхэр о пфэрэлажьэх,
ЦӀыф лъэпкъмэ шъхьащэ къыпфарэшӀ.
О пшыхэм зиусхьан зафэшӀ,
уянэ ыкъомэ шъхьащэ къыпфарэшӀ,
Нэлат къыозыхырэм нэлат терэф.
ЗынэшӀу къыпщызыфэрэм, Тхьэм ынэшӀу щерэф!»
30Исхьакъ ынэшӀу Якъубэ щифи, Якъубэ ятэ ыпашъхьэ къызэрикӀыжьыгъэм лъыпытэу, Ӏэсау шакӀо къикӀыжьыгъ. 31Ащи шхыныр ӀэшӀоу ыгъэхьазыри, ятэ къыфихьи, риӀуагъ: «ЗыкъэӀэти къэтӀыс, тят, шхы силэучэцӀ, етӀанэ унэшӀу къысщыпфэнэу».
32Исхьакъ къэупчӀагъ: «Ухэт о?» Адрэм къыӀуагъ: «Сэ сыуикъу, уищыпэлъфэу Ӏэсау ары». 33Исхьакъ лъэшэу къэщтагъэу къэкӀэзэзи, къыӀуагъ: «Адэ хэта адрэр, лэучэцӀыр къыушэкӀуи, сэ къысфэзыхьыгъэр? О укъэкӀоным ыпэкӀэ ар сшхыгъэ, етӀанэ сынэшӀу щысфагъ, джары джы нэшӀу зыщыфагъэу щытыщтыр».
34Ӏэсау ятэ игущыӀэхэм ядэӀуи, куо мэкъэшхо къыӀэти, ятэ риӀуагъ: «Тят, сэри унэшӀу къысщыф, сэри ары». 35Исхьакъ къыӀуагъ: «Пшы тхьагъэпцӀыгъэ ыгу илъэу къакӀуи, сынэшӀоу о къыпщысфэн фэягъэр ыштагъ». 36Ӏэсау къыӀуагъ: «Тефэ шъыпкъэу Якъуб ащ фаусыгъэба? Ащ тӀо сигъэпцӀагъ: сэ сищыпэлъфыгъэ ыштагъ, джы – унэшӀу зыщыуигъэфагъ». ЕтӀани ятэ еупчӀыгъ: «Сэщ пае нэшӀущыфэныгъэ къыпфэнагъэба?» 37Исхьакъ джэуап Ӏэсау къыритыжьыгъ: «Сэ ар зиусхьанэу уашъхьагъ къизгъэуцуагъ, зэкӀэ тиӀахьылхэри унэӀут фэсшӀыгъэх, лэжьыгъэрэ сэнэ шӀыгъакӀэрэкӀэ нахь лъэш сшӀыгъэ. Сыд сэ джы о къыпфэсшӀэшъущтыр, сикӀал?»
38Ӏэсау ятэ къеупчӀыгъ: «Тят, зызакъуа унэшӀу ащыпфэнэу зэрэщытыр? Сэри унэшӀу къысщыф, тят!» Ӏэсау лъэшэу къэгъыгъ.
39Ятэу Исхьакъ джэуап къытыжьыгъ:
«ЧӀыгу пщэрымрэ ошъо осэпсымрэ
апэчыжьэщтых о уипсэупӀэхэр.
40Уичатэ къыхьырэмкӀэ о ущыӀэщт,
пши уфэлэжьэщт.
Ау уахътэр къэсыщт – зыкъызыпӀэтыкӀэ,
ащ ибжь о ппшъэ дэбдзыжьыщт».
Якъубэ Лабан дэжь зэрэчъагъэр
41Ятэ ынэшӀу зэрэщифагъэм пае Ӏэсау ылъэгъу мыхъоу хъугъэ Якъубэ. Ӏэсау ыгукӀэ ыӀуагъ: «Сятэ зыщыдгъэещт мафэхэр къэсынхэшъ, сшэу Якъубэ сыукӀыщт».
42Рыбкъэ раӀожьыгъ ыкъо нахьыжъэу Ӏэсау ыӀуагъэр. Арыти, ыкъо нахьыкӀэу Якъубэ къыригъаджэхи, риӀуагъ: «О пшэу Ӏэсау уиукӀын ыгу хэлъ. 43Арышъ, къыосӀощтым къедэӀу, сикӀал: Хъаран щыпсэурэ сшэу Лабан дэжь чъэ. 44Ащ ыдэжь тӀэкӀурэ къыщыӀ, пшы игубж оӀэсэжьыфэ, 45пшы губжэу къыпфыриӀэр Ӏэсэжьэу, ащ о епшӀагъэр щэгъупшэжьыфэ. Джащыгъум сэ къыплъызгъэкӀонхэшъ, ащ укъисщыжьыщт. Сыд пае а зы мафэм шъуитӀуи шъусшӀокӀодына?»
46ЕтӀанэ Рыбкъэ Исхьакъ риӀуагъ: «Хыт бзылъфыгъэхэм апкъ къикӀыкӀэ щыӀэныгъэм сыкӀэгушӀурэп. Мы чӀыгум щыщ бзылъфыгъэхэу, мы хьат бзылъфыгъэхэм афэдэхэм ащыщ Якъубэ шъузкӀэ къыщэмэ, ащыгъум сэ сыщыӀэнэуи сищыкӀэгъэжьэп».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023