УблапӀэ 28
28
ЯтӀокӀэнэрэ ирэ шъхьэр
1Исхьакъ Якъубэ къеджи, ынэшӀу къыщифи, унашъо фишӀыгъ:
«КъэнаӀан цӀыфхэм апхъумэ ащыщ шъузэу къэмыщ. 2Мэсэпэтамым кӀуи, уянэ ятэу Бэтуел дэжь, уянэ ышэу Лабан ыпхъумэ ащыщ ащ шъузэу къищ. 3ЛъэкӀ пстэури ЗиӀэ Тхьэм ынэшӀу къыпщеф! Уегъэбагъу ыкӀи къыпхерэгъахъу, цӀыф лъэпкъыбэхэри о птерэкӀых. 4КъыплъегъэӀэс Тхьэм Ибрахьимэ ынэшӀоу щифагъэр ори, о къыптекӀыщтхэми къалъерэгъэӀэс – Тхьэм Ибрахьимэ къыритыгъэ чӀыгоу о хымэу узщыпсэурэр уиӀахьэшӀу хъуным пае!» 5Арыти Исхьакъ Якъубэ ытӀупщыгъ, Мэсэпэтамым, арам цӀыфэу Бэтуел ыкъоу Лабан дэжь ар кӀуагъэ. Лабан Якъубэрэ Ӏэсаурэ янэу Рыбкъэ ышыгъ.
Исмахьилэ ыпхъу Ӏэсау къызэрищагъэр
6Исхьакъ ынэшӀу Якъубэ щифи, Мэсэпэтамым шъуз къырищынэу зэригъэкӀуагъэр, ынэшӀу щифэзэ, зэрэтыригъэпытыхьагъэр «къэнаӀан бзылъфыгъэ къэмыщ» ыӀуи, 7Якъуби ятэрэ янэрэ ядэӀуи, Мэсэпэтамым зэрэкӀуагъэри Ӏэсау ылъэгъугъ. 8Джащыгъум Ӏэсау къыгурыӀуагъ къэнаӀан бзылъфыгъэхэр ятэ ыгу зэрэримыхьыхэрэр; 9арыти Ӏэсау Исмахьилэ ицӀыфхэм адэжь кӀуи, джыри зы шъуз къыщагъ – Махъалат, Ибрахьимэ ыкъоу Исмахьилэ ыпхъу, Нэбаиот ышыпхъу.
Якъубэ пкӀыхьапӀэ Бэтэл зэрэщилъэгъугъэр
10Якъубэ БэрщэбаӀ къыдэкӀи, Хъаран ежьагъ. 11ЧӀыпӀэ горэм нэси, шӀункӀ къэхъугъэти, ащ чэщыр щырихынэу къэуцугъ, сыда пӀомэ тыгъэр къохьажьыгъагъ. Мыжъо горэ ипӀэшъхьагъэу ыгъэтӀылъи, чъыенэу гъолъыгъэ. 12Мары лъэоир чӀыгум тетэу, ащ ыцыпэ уашъом нэсэу, Тхьэм имэлэӀичхэр ащкӀэ дэкӀоежьыхэу, къехыхэу пкӀыхьапӀэкӀэ ылъэгъугъ. 13Мары Зиусхьаныр ащ ышъхьагъ тетэу Якъубэ къыреӀо: «Сэры Зиусхьаныр, уятэжъэу Ибрахьими Исхьакъи я Тхьэр. ЧӀыгоу узтелъыр Сэ ори птекӀыщт бынхэми къышъосэты. 14О птекӀыщт бынхэр чӀыгум телъ пшахъом фэдизэу бэ хъущтых, тыгъэ къохьапӀэмкӀи, тыгъэ къокӀыпӀэмкӀи, темырымкӀи, къыблэмкӀи ахэр ащыпсэущтых. Оррэ птекӀыщтхэмрэ яхьатыркӀэ дунаим тет лъэпкъ пстэуми сынэшӀу ащысфэщт. 15Мары Сэ сыпкӀыгъу: тыдэ укӀуагъэми, усыухъумэщт, мы чӀыгуми къэозгъэгъэзэжьыщт. Уизакъоу укъэзгъэнэщтэп къыосӀуагъэр сэгъэцэкӀэфэ».
16Якъубэ къэущыжьи, къыӀуагъ: «Шъыпкъэ дэдэмкӀэ, Зиусхьаныр мы чӀыпӀэм щыӀ; сэ ар сшӀэщтыгъэп! 17Мы чӀыпӀэр сыдэу щынагъуа! – къыӀуагъ ащ лъэшэу къэщтагъэу. – Щэч хэмылъэу мыр Тхьэм иун, уашъом икъэлапчъ!»
18Якъубэ пчэдыжьым жьэу пӀэшъхьагъ ышӀыгъэгъэ мыжъор зандэу мыжъосын тамыгъэу ыгъэуцуи, ыкӀыӀу дагъэ тырикӀагъ. 19А чӀыпӀэм ащ цӀэ фиусыгъ: Бэтэл; ащ ыпэкӀэ а къалэм Луз ыцӀагъэми.
20ЕтӀанэ Якъубэ тхьэлъанэ ышӀыгъ: «Сэ мы гъогоу сызтетым сыкъыщиухъумэу, Тхьэр сигъусэщтмэ, хьалыгъурэ щыгъынрэ къыситэу, 21мамырныгъэкӀэ сятэ иунэ къэзгъэзэжьмэ, Зиусхьаныр си Тхьэу щытыщт; 22мы мыжъоу мыжъосынэу згъэуцугъэр ТхьэлъэӀупӀэ хъущт, ыкӀи О, Тхьэ, къысэптырэ пстэуми азыпшӀанэ О къыостзэ сшӀыщт».
Currently Selected:
УблапӀэ 28: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
УблапӀэ 28
28
ЯтӀокӀэнэрэ ирэ шъхьэр
1Исхьакъ Якъубэ къеджи, ынэшӀу къыщифи, унашъо фишӀыгъ:
«КъэнаӀан цӀыфхэм апхъумэ ащыщ шъузэу къэмыщ. 2Мэсэпэтамым кӀуи, уянэ ятэу Бэтуел дэжь, уянэ ышэу Лабан ыпхъумэ ащыщ ащ шъузэу къищ. 3ЛъэкӀ пстэури ЗиӀэ Тхьэм ынэшӀу къыпщеф! Уегъэбагъу ыкӀи къыпхерэгъахъу, цӀыф лъэпкъыбэхэри о птерэкӀых. 4КъыплъегъэӀэс Тхьэм Ибрахьимэ ынэшӀоу щифагъэр ори, о къыптекӀыщтхэми къалъерэгъэӀэс – Тхьэм Ибрахьимэ къыритыгъэ чӀыгоу о хымэу узщыпсэурэр уиӀахьэшӀу хъуным пае!» 5Арыти Исхьакъ Якъубэ ытӀупщыгъ, Мэсэпэтамым, арам цӀыфэу Бэтуел ыкъоу Лабан дэжь ар кӀуагъэ. Лабан Якъубэрэ Ӏэсаурэ янэу Рыбкъэ ышыгъ.
Исмахьилэ ыпхъу Ӏэсау къызэрищагъэр
6Исхьакъ ынэшӀу Якъубэ щифи, Мэсэпэтамым шъуз къырищынэу зэригъэкӀуагъэр, ынэшӀу щифэзэ, зэрэтыригъэпытыхьагъэр «къэнаӀан бзылъфыгъэ къэмыщ» ыӀуи, 7Якъуби ятэрэ янэрэ ядэӀуи, Мэсэпэтамым зэрэкӀуагъэри Ӏэсау ылъэгъугъ. 8Джащыгъум Ӏэсау къыгурыӀуагъ къэнаӀан бзылъфыгъэхэр ятэ ыгу зэрэримыхьыхэрэр; 9арыти Ӏэсау Исмахьилэ ицӀыфхэм адэжь кӀуи, джыри зы шъуз къыщагъ – Махъалат, Ибрахьимэ ыкъоу Исмахьилэ ыпхъу, Нэбаиот ышыпхъу.
Якъубэ пкӀыхьапӀэ Бэтэл зэрэщилъэгъугъэр
10Якъубэ БэрщэбаӀ къыдэкӀи, Хъаран ежьагъ. 11ЧӀыпӀэ горэм нэси, шӀункӀ къэхъугъэти, ащ чэщыр щырихынэу къэуцугъ, сыда пӀомэ тыгъэр къохьажьыгъагъ. Мыжъо горэ ипӀэшъхьагъэу ыгъэтӀылъи, чъыенэу гъолъыгъэ. 12Мары лъэоир чӀыгум тетэу, ащ ыцыпэ уашъом нэсэу, Тхьэм имэлэӀичхэр ащкӀэ дэкӀоежьыхэу, къехыхэу пкӀыхьапӀэкӀэ ылъэгъугъ. 13Мары Зиусхьаныр ащ ышъхьагъ тетэу Якъубэ къыреӀо: «Сэры Зиусхьаныр, уятэжъэу Ибрахьими Исхьакъи я Тхьэр. ЧӀыгоу узтелъыр Сэ ори птекӀыщт бынхэми къышъосэты. 14О птекӀыщт бынхэр чӀыгум телъ пшахъом фэдизэу бэ хъущтых, тыгъэ къохьапӀэмкӀи, тыгъэ къокӀыпӀэмкӀи, темырымкӀи, къыблэмкӀи ахэр ащыпсэущтых. Оррэ птекӀыщтхэмрэ яхьатыркӀэ дунаим тет лъэпкъ пстэуми сынэшӀу ащысфэщт. 15Мары Сэ сыпкӀыгъу: тыдэ укӀуагъэми, усыухъумэщт, мы чӀыгуми къэозгъэгъэзэжьыщт. Уизакъоу укъэзгъэнэщтэп къыосӀуагъэр сэгъэцэкӀэфэ».
16Якъубэ къэущыжьи, къыӀуагъ: «Шъыпкъэ дэдэмкӀэ, Зиусхьаныр мы чӀыпӀэм щыӀ; сэ ар сшӀэщтыгъэп! 17Мы чӀыпӀэр сыдэу щынагъуа! – къыӀуагъ ащ лъэшэу къэщтагъэу. – Щэч хэмылъэу мыр Тхьэм иун, уашъом икъэлапчъ!»
18Якъубэ пчэдыжьым жьэу пӀэшъхьагъ ышӀыгъэгъэ мыжъор зандэу мыжъосын тамыгъэу ыгъэуцуи, ыкӀыӀу дагъэ тырикӀагъ. 19А чӀыпӀэм ащ цӀэ фиусыгъ: Бэтэл; ащ ыпэкӀэ а къалэм Луз ыцӀагъэми.
20ЕтӀанэ Якъубэ тхьэлъанэ ышӀыгъ: «Сэ мы гъогоу сызтетым сыкъыщиухъумэу, Тхьэр сигъусэщтмэ, хьалыгъурэ щыгъынрэ къыситэу, 21мамырныгъэкӀэ сятэ иунэ къэзгъэзэжьмэ, Зиусхьаныр си Тхьэу щытыщт; 22мы мыжъоу мыжъосынэу згъэуцугъэр ТхьэлъэӀупӀэ хъущт, ыкӀи О, Тхьэ, къысэптырэ пстэуми азыпшӀанэ О къыостзэ сшӀыщт».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023