УблапӀэ 7
7
Яблэнэрэ шъхьэр
Псыкъиушхор къызэрежьагъэр
1Зиусхьаным Нухьэ къыриӀуагъ: «Ори уиунагъуи псыпхъонтэрым шъуихь. Непэрэ цӀыфхэм ащыщэу сапашъхьэ щызафэу Сэ о зызакъор ары слъэгъурэр. 2ЗэкӀэ псэушъхьэ къабзэмэ ащыщэу хъурэ бзырэ, тӀурытӀоу блы, псэушъхьэ мыкъабзэмэ ащыщэу зы хъурэ зы бзырэ зыдашт. 3Джарэущтэу ошъогу бзыумэ ащыщэу хъурэ бзырэ, тӀурытӀоу блы зыкӀыгъэгъух, ахэмэ ялъэпкъи чӀыгум къытенэнэу. 4Мэфибл зытешӀэкӀэ, Сэ чӀыгум мэфэ тӀокӀитӀурэ чэщ тӀокӀитӀурэ ощхыр къытезгъэщхэщт, зэкӀэ Сэ къэзгъэшӀыгъэу щыӀэр чӀышъхьашъом тезгъэкӀодыкӀыщт». 5Зиусхьаным унашъоу къыфишӀыгъэр зэкӀэ Нухьэ ыгъэцэкӀагъ.
6Псыкъиушхор чӀыгум къызэкӀом, Нухьэ илъэс шъих ыныбжьыгъ. 7Псыкъиушхом хэмыфэнхэм пае Нухьи, ащ ыкъохэри, ишъузи, ыкъомэ яшъузхэри псыпхъонтэрым ихьагъэх; 8былым къабзэхэми, бзыухэми, былым мыкъабзэхэми, чӀыгум щыцохъорэ щыпшырэ псэушъхьэ пстэуми ащыщэу 9тӀурытӀоу, хъурэ бзырэ, Нухьэ дэжь псыпхъонтэрым ихьагъэх Тхьэм Нухьэ унашъо къызэрэфишӀыгъэм фэдэу. 10Мэфибл зытешӀэм, псыкъиушхор чӀыгум къэкӀуагъ. 11Нухьэ ыныбжь илъэс шъихым зетым, ятӀонэрэ мазэм, мазэм ияпшӀыкӀублэнэрэ мафэм, архъонэ хъоушхом ыӀухэр къызэӀукӀыгъэх, зэӀукӀыгъэх ошъогум ипчъэхэр – 12къытещхагъ ощхыр чӀыгум мэфэ тӀокӀитӀурэ чэщ тӀокӀитӀурэ.
13А мэфэ дэдэм псыпхъонтэрым ихьагъэх Нухьи, Нухьэ ыкъохэу Щэми, Хъами, Ефэти, Нухьэ ишъузи, ыкъомэ яшъузхэри акӀыгъухэу. 14Ахэмэ ягъусагъэх зэкӀэ хьэкӀэ къокӀэ зэфэшъхьафэу, сыд фэдэрэ былымэу, чӀылъэм зэкӀэ щыцохъорэ щыпшырэ псэушъхьэу, зэкӀэ бзыоу, зэкӀэ тамэ зиӀэу щыӀэр. 15Ахэр зэкӀэ Нухьэ дэжь псыпхъонтэрым ихьагъэх, тӀурытӀоу, псэ зиӀэ сыд фэдэрэ псэушъхьи, 16лъэпкъэгъу пэпчъ хъурэ бзырэ, Тхьэм Нухьэ унашъо къызэрэфишӀыгъэм тетэу. Зиусхьаным ащ ыуж псыпхъонтэрым ипчъэ фишӀыжьыгъ.
17Мэфэ тӀокӀитӀум къыкӀоцӀ псым икъэкӀон зэпыугъэп. Псым къыхахъозэ, псыпхъонтэрыр лъагэу чӀыгум тыриӀэтыкӀыгъ. 18Ежь псыр къэлъэшызэ, чӀыгур чӀихьэщтыгъэ. Псыпхъонтэрыр псыкӀыӀум щесыщтыгъэ. 19Псым нахь къыхахъозэ, уашъом ычӀэгъ анахь къушъхьэ лъагэу чӀэтхэр псычӀэгъ хъугъэх. 20Ӏэнтэгъу пшӀыкӀутфэу псым ахэмэ акӀыӀу зыщиӀэти, къушъхьэхэр ыгъэбылъыгъэх. 21Джащыгъум зэкӀэ чӀыгум щыщыӀэгъэ пстэури кӀодыгъэ: бзыухэри, былымхэри, хьэкӀэ къуакӀэхэри, зэкӀэ чӀыгум щыцуахъохэри, зэкӀэ цӀыфхэри. 22ЩыӀэныгъэм ижьыкъащэ зыпэбзый итэу чӀышъхьашъом тетыгъэ пстэури ащ хэкӀодагъ. 23Сыд лӀэужыгъорэ псэушъхьэу чӀышъхьашъом тетыгъэр Зиусхьаным ыгъэкӀодыгъ. ЦӀыфхэри, хьакӀэ къуакӀэхэри, былымхэри, чӀыгум щыцохъорэ щыпшырэ псэушъхьэхэри, ошъогум щыбыбхэри гъэкӀодыгъэ хъугъэх. Къэнэгъэ закъор Нухьэрэ ащ псыпхъонтэрым дисыгъэхэмрэ арых. 24Мэфишъэрэ шъэныкъорэм къыкӀоцӀ чӀыгум псэу тетым къыхэхъуагъ.
Currently Selected:
УблапӀэ 7: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
УблапӀэ 7
7
Яблэнэрэ шъхьэр
Псыкъиушхор къызэрежьагъэр
1Зиусхьаным Нухьэ къыриӀуагъ: «Ори уиунагъуи псыпхъонтэрым шъуихь. Непэрэ цӀыфхэм ащыщэу сапашъхьэ щызафэу Сэ о зызакъор ары слъэгъурэр. 2ЗэкӀэ псэушъхьэ къабзэмэ ащыщэу хъурэ бзырэ, тӀурытӀоу блы, псэушъхьэ мыкъабзэмэ ащыщэу зы хъурэ зы бзырэ зыдашт. 3Джарэущтэу ошъогу бзыумэ ащыщэу хъурэ бзырэ, тӀурытӀоу блы зыкӀыгъэгъух, ахэмэ ялъэпкъи чӀыгум къытенэнэу. 4Мэфибл зытешӀэкӀэ, Сэ чӀыгум мэфэ тӀокӀитӀурэ чэщ тӀокӀитӀурэ ощхыр къытезгъэщхэщт, зэкӀэ Сэ къэзгъэшӀыгъэу щыӀэр чӀышъхьашъом тезгъэкӀодыкӀыщт». 5Зиусхьаным унашъоу къыфишӀыгъэр зэкӀэ Нухьэ ыгъэцэкӀагъ.
6Псыкъиушхор чӀыгум къызэкӀом, Нухьэ илъэс шъих ыныбжьыгъ. 7Псыкъиушхом хэмыфэнхэм пае Нухьи, ащ ыкъохэри, ишъузи, ыкъомэ яшъузхэри псыпхъонтэрым ихьагъэх; 8былым къабзэхэми, бзыухэми, былым мыкъабзэхэми, чӀыгум щыцохъорэ щыпшырэ псэушъхьэ пстэуми ащыщэу 9тӀурытӀоу, хъурэ бзырэ, Нухьэ дэжь псыпхъонтэрым ихьагъэх Тхьэм Нухьэ унашъо къызэрэфишӀыгъэм фэдэу. 10Мэфибл зытешӀэм, псыкъиушхор чӀыгум къэкӀуагъ. 11Нухьэ ыныбжь илъэс шъихым зетым, ятӀонэрэ мазэм, мазэм ияпшӀыкӀублэнэрэ мафэм, архъонэ хъоушхом ыӀухэр къызэӀукӀыгъэх, зэӀукӀыгъэх ошъогум ипчъэхэр – 12къытещхагъ ощхыр чӀыгум мэфэ тӀокӀитӀурэ чэщ тӀокӀитӀурэ.
13А мэфэ дэдэм псыпхъонтэрым ихьагъэх Нухьи, Нухьэ ыкъохэу Щэми, Хъами, Ефэти, Нухьэ ишъузи, ыкъомэ яшъузхэри акӀыгъухэу. 14Ахэмэ ягъусагъэх зэкӀэ хьэкӀэ къокӀэ зэфэшъхьафэу, сыд фэдэрэ былымэу, чӀылъэм зэкӀэ щыцохъорэ щыпшырэ псэушъхьэу, зэкӀэ бзыоу, зэкӀэ тамэ зиӀэу щыӀэр. 15Ахэр зэкӀэ Нухьэ дэжь псыпхъонтэрым ихьагъэх, тӀурытӀоу, псэ зиӀэ сыд фэдэрэ псэушъхьи, 16лъэпкъэгъу пэпчъ хъурэ бзырэ, Тхьэм Нухьэ унашъо къызэрэфишӀыгъэм тетэу. Зиусхьаным ащ ыуж псыпхъонтэрым ипчъэ фишӀыжьыгъ.
17Мэфэ тӀокӀитӀум къыкӀоцӀ псым икъэкӀон зэпыугъэп. Псым къыхахъозэ, псыпхъонтэрыр лъагэу чӀыгум тыриӀэтыкӀыгъ. 18Ежь псыр къэлъэшызэ, чӀыгур чӀихьэщтыгъэ. Псыпхъонтэрыр псыкӀыӀум щесыщтыгъэ. 19Псым нахь къыхахъозэ, уашъом ычӀэгъ анахь къушъхьэ лъагэу чӀэтхэр псычӀэгъ хъугъэх. 20Ӏэнтэгъу пшӀыкӀутфэу псым ахэмэ акӀыӀу зыщиӀэти, къушъхьэхэр ыгъэбылъыгъэх. 21Джащыгъум зэкӀэ чӀыгум щыщыӀэгъэ пстэури кӀодыгъэ: бзыухэри, былымхэри, хьэкӀэ къуакӀэхэри, зэкӀэ чӀыгум щыцуахъохэри, зэкӀэ цӀыфхэри. 22ЩыӀэныгъэм ижьыкъащэ зыпэбзый итэу чӀышъхьашъом тетыгъэ пстэури ащ хэкӀодагъ. 23Сыд лӀэужыгъорэ псэушъхьэу чӀышъхьашъом тетыгъэр Зиусхьаным ыгъэкӀодыгъ. ЦӀыфхэри, хьакӀэ къуакӀэхэри, былымхэри, чӀыгум щыцохъорэ щыпшырэ псэушъхьэхэри, ошъогум щыбыбхэри гъэкӀодыгъэ хъугъэх. Къэнэгъэ закъор Нухьэрэ ащ псыпхъонтэрым дисыгъэхэмрэ арых. 24Мэфишъэрэ шъэныкъорэм къыкӀоцӀ чӀыгум псэу тетым къыхэхъуагъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023