УблапӀэ 8
8
Яенэрэ шъхьэр
Псыкъиушхор зэпыугъ
1Тхьэр Нухьи, зэкӀэ хьэкӀэ къуакӀэу, былымэу ащ псыпхъонтэрым дисыгъэхэми ягупшысагъ. Арыти, Тхьэм чӀыгум жьыбгъэр къытырищи, псыхэр зэкӀэкӀуагъэх. 2Архъонэ хъоушхом ыӀухэр зэфэкӀожьыгъэх, зэфишӀыжьыгъэх ошъогум ипчъэхэр, ощхыри щигъэтыжьыгъ. 3Псыр мэкӀэ макӀэзэ чӀыгум текӀыжьэу ыублагъ. Мэфишъэрэ шъэныкъорэ зытешӀэм ыуж, псым кӀичэу фежьагъ. 4Яблэнэрэ мазэм ияпшӀыкӀублэнэрэ мафэ псыпхъонтэрыр Арарат къушъхьэм къыщыуцугъ. 5ЯпшӀэнэрэ мазэм нэс псым зэпымыоу хэкӀыгъ; япшӀэнэрэ мазэм иапэрэ мафэ къушъхьэ шыгухэр къэлъэгъуагъэх.
6Мэфэ тӀокӀитӀу зытешӀэм, Нухьэ псыпхъонтэрым фишӀыгъэгъэ шъхьаныгъупчъэр къыӀуихыгъ, 7ащ къолэжъыр ритӀупщыгъ, псыр ехыжьэу, чӀыгур огъушъыжьыфэ къолэжьыр ӀубыбыкӀыти, къэбыбыжьыщтыгъэ. 8Ащ ыуж Нухьэ, псыр чӀыгум ехыжьыгъэмэ зэригъэшӀэнэу, тхьаркъор ритӀупщыгъ, 9ау зытетӀысхьан ымыгъотэу, тхьаркъом къыгъэзэжьыгъ, сыда пӀомэ джыри псыр чӀышъхьашъом зэфэдэкӀэ тетыгъ. Нухьэ ыӀэ ыщэий, ар къыубыти, псыпхъонтэрым къырихьажьыгъ. 10Джыри мэфибл зытешӀэм, ащ икӀэрыкӀэу тхьаркъор псыпхъонтэрым къыритӀупщыгъ. 11Пчыхьэ хъугъэу тхьаркъом къыгъэзэжьыгъ – мары зейтун чъыг тхьэпакӀэ ыжэ дэлъэу, арыти Нухьэ къыгурыӀуагъ псыр чӀышъхьашъом зэрехыжьыгъэр. 12Ащ джыри мэфибл тыригъашӀи, тхьаркъор къыритӀупщыгъ, ау ащ нахьыбэрэ ащ къыгъэзэжьыгъэп.
13Нухьэ ыныбжь илъэс шъихырэ зырэм ежьагъэу, апэрэ мазэм иапэрэ мафэ ехъулӀэу псыр чӀым ехыжьыгъ. Нухьэ псыпхъонтэрым ышъхьэ къызэӀуихи зэплъэм, мары псыр чӀышъхьашъом ехыжьыгъ. 14ЯтӀонэрэ мазэм иятӀокӀэнэрэ блырэ мафэ ехъулӀэу чӀыгур гъушъыжьыгъэ. 15Тхьэм Нухьэ къыриӀуагъ: 16«КъикӀ псыпхъонтэрым, уишъузи, пкъохэри, пкъомэ яшъузхэри уигъусэхэу. 17Псэ зыпытэу пкӀыгъухэр зэкӀэ къыздищых, сыдрэ пкъынэ лынэ зиӀэри, бзыухэри, хьакӀэ къуакӀэхэри, былымхэри, чӀыгум щыцохъорэ щыпшырэ пстэури – чӀыгум тиз орэхъух, лъфэрыехэу орэбагъох».
18Нухьэ псыпхъонтэрым къикӀыгъ, ыкъохэри, ишъузи, ыкъомэ яшъузхэри ащ къыдикӀыгъэх. 19ЗэкӀэ хьэкӀэ къуакӀэхэри, зэкӀэ чӀыгум щыцохъорэ щыпшырэ псэушъхьэхэри, зэкӀэ бзыухэри, зэкӀэ чӀыгум щыпсэухэри ежьхэм ялъэпкъэгъукӀэ псыпхъонтэрым къикӀыгъэх.
Тхьэм Нухьэ Ӏуагъэ зэрэдишӀыгъэр
20Нухьэ Зиусхьаным къурмэншӀыпӀэ фигъэпсыгъ; зэкӀэ хьэкӀэ къокӀэ, зэкӀэ былым къабзэмэ, зэкӀэ бзыу къабзэмэ ащыщхэр къахихи, къурмэнгъэст ышӀыгъэх. 21Зиусхьаным мэӀэшӀур зыӀуищэзэ, Ежь зэриӀожьыгъ: «ЦӀыфым ыпкъ къикӀыкӀэ ащ нахьыбэрэ чӀыгум нэлат есхыжьыщтэп. ЦӀыфым игухэлъхэр икӀэлэгъум къыщегъэжьагъэу бзэджэшӀэным фэгъэзагъэхэми, ащ нахьыбэрэ зэкӀэ псэ зыхэлъыр згъэкӀодыжьыщтэп.
22ТапэкӀэ, чӀыгур щэтыфэ,
пхъэнымрэ хыжьынымрэ,
чъыӀэмрэ жъоркъымрэ,
гъэмафэмрэ кӀымафэмрэ,
мафэмрэ чэщымрэ зэпыущтхэп».
Currently Selected:
УблапӀэ 8: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
УблапӀэ 8
8
Яенэрэ шъхьэр
Псыкъиушхор зэпыугъ
1Тхьэр Нухьи, зэкӀэ хьэкӀэ къуакӀэу, былымэу ащ псыпхъонтэрым дисыгъэхэми ягупшысагъ. Арыти, Тхьэм чӀыгум жьыбгъэр къытырищи, псыхэр зэкӀэкӀуагъэх. 2Архъонэ хъоушхом ыӀухэр зэфэкӀожьыгъэх, зэфишӀыжьыгъэх ошъогум ипчъэхэр, ощхыри щигъэтыжьыгъ. 3Псыр мэкӀэ макӀэзэ чӀыгум текӀыжьэу ыублагъ. Мэфишъэрэ шъэныкъорэ зытешӀэм ыуж, псым кӀичэу фежьагъ. 4Яблэнэрэ мазэм ияпшӀыкӀублэнэрэ мафэ псыпхъонтэрыр Арарат къушъхьэм къыщыуцугъ. 5ЯпшӀэнэрэ мазэм нэс псым зэпымыоу хэкӀыгъ; япшӀэнэрэ мазэм иапэрэ мафэ къушъхьэ шыгухэр къэлъэгъуагъэх.
6Мэфэ тӀокӀитӀу зытешӀэм, Нухьэ псыпхъонтэрым фишӀыгъэгъэ шъхьаныгъупчъэр къыӀуихыгъ, 7ащ къолэжъыр ритӀупщыгъ, псыр ехыжьэу, чӀыгур огъушъыжьыфэ къолэжьыр ӀубыбыкӀыти, къэбыбыжьыщтыгъэ. 8Ащ ыуж Нухьэ, псыр чӀыгум ехыжьыгъэмэ зэригъэшӀэнэу, тхьаркъор ритӀупщыгъ, 9ау зытетӀысхьан ымыгъотэу, тхьаркъом къыгъэзэжьыгъ, сыда пӀомэ джыри псыр чӀышъхьашъом зэфэдэкӀэ тетыгъ. Нухьэ ыӀэ ыщэий, ар къыубыти, псыпхъонтэрым къырихьажьыгъ. 10Джыри мэфибл зытешӀэм, ащ икӀэрыкӀэу тхьаркъор псыпхъонтэрым къыритӀупщыгъ. 11Пчыхьэ хъугъэу тхьаркъом къыгъэзэжьыгъ – мары зейтун чъыг тхьэпакӀэ ыжэ дэлъэу, арыти Нухьэ къыгурыӀуагъ псыр чӀышъхьашъом зэрехыжьыгъэр. 12Ащ джыри мэфибл тыригъашӀи, тхьаркъор къыритӀупщыгъ, ау ащ нахьыбэрэ ащ къыгъэзэжьыгъэп.
13Нухьэ ыныбжь илъэс шъихырэ зырэм ежьагъэу, апэрэ мазэм иапэрэ мафэ ехъулӀэу псыр чӀым ехыжьыгъ. Нухьэ псыпхъонтэрым ышъхьэ къызэӀуихи зэплъэм, мары псыр чӀышъхьашъом ехыжьыгъ. 14ЯтӀонэрэ мазэм иятӀокӀэнэрэ блырэ мафэ ехъулӀэу чӀыгур гъушъыжьыгъэ. 15Тхьэм Нухьэ къыриӀуагъ: 16«КъикӀ псыпхъонтэрым, уишъузи, пкъохэри, пкъомэ яшъузхэри уигъусэхэу. 17Псэ зыпытэу пкӀыгъухэр зэкӀэ къыздищых, сыдрэ пкъынэ лынэ зиӀэри, бзыухэри, хьакӀэ къуакӀэхэри, былымхэри, чӀыгум щыцохъорэ щыпшырэ пстэури – чӀыгум тиз орэхъух, лъфэрыехэу орэбагъох».
18Нухьэ псыпхъонтэрым къикӀыгъ, ыкъохэри, ишъузи, ыкъомэ яшъузхэри ащ къыдикӀыгъэх. 19ЗэкӀэ хьэкӀэ къуакӀэхэри, зэкӀэ чӀыгум щыцохъорэ щыпшырэ псэушъхьэхэри, зэкӀэ бзыухэри, зэкӀэ чӀыгум щыпсэухэри ежьхэм ялъэпкъэгъукӀэ псыпхъонтэрым къикӀыгъэх.
Тхьэм Нухьэ Ӏуагъэ зэрэдишӀыгъэр
20Нухьэ Зиусхьаным къурмэншӀыпӀэ фигъэпсыгъ; зэкӀэ хьэкӀэ къокӀэ, зэкӀэ былым къабзэмэ, зэкӀэ бзыу къабзэмэ ащыщхэр къахихи, къурмэнгъэст ышӀыгъэх. 21Зиусхьаным мэӀэшӀур зыӀуищэзэ, Ежь зэриӀожьыгъ: «ЦӀыфым ыпкъ къикӀыкӀэ ащ нахьыбэрэ чӀыгум нэлат есхыжьыщтэп. ЦӀыфым игухэлъхэр икӀэлэгъум къыщегъэжьагъэу бзэджэшӀэным фэгъэзагъэхэми, ащ нахьыбэрэ зэкӀэ псэ зыхэлъыр згъэкӀодыжьыщтэп.
22ТапэкӀэ, чӀыгур щэтыфэ,
пхъэнымрэ хыжьынымрэ,
чъыӀэмрэ жъоркъымрэ,
гъэмафэмрэ кӀымафэмрэ,
мафэмрэ чэщымрэ зэпыущтхэп».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023