Mʉkpanganɨa 17
17
Asɔɓɨɨ ɔkɨɔ agɔmɛ nɔ Abalama
1Angbinga ngɨa Abalama a꞉ɓio-ɔɔ tɨa nɔ mago ɓatɛkɛɓɛ ɨsaɓɔkʉ nɔ ɨsaɓɔkʉ, MAKWƆƁƗƗ ɔ꞉mʉchwɛanɨa, nɔ, ɔ꞉musigio ɓɔ: «Ɨmɨ akɛ, na Asɔɓɨɨ ngɨa Angu Nɔgbɛ. Kyɛndaka ta ngbingbii apɛɨ ɔ asɛmɨ nɔ ɓio ta ngbingbii. 2Ɨmɨ, na suo akɨa agɔmɛ nɔwɛ nɔ, na꞊nenjo ɓanɔnɔ ɓaja nɔgbɛ.» 3Abalama ɔ꞉gbʉkʉmɨa nɔ mau aɓɔya mesu ta akɔ ɨtaka. Kʉdɔ, ga Asɔɓɨɨ nayɔ ɓɔ: 4«Agɔmɛ ngɨasɛmɨ nɔwɛ a ɓɔ: Ʉwɛ, wa꞊ɓio sina ɨsɛ wɔ mababa kɔ ɓombi sɔkɔmʉ nɔ ipoye. 5Dɔ ɨmɨ, nɔ꞉nachwɔ aɓio ɨsɛ wɔ mababa kɔ ɓombi ɓaja, ino ngɨyɛsɔɔ ya꞊ngɔɓio ɓata ɓɔ Abalama, yakamɛngana, ya꞊ɓio tɨta ɓɔ Abalaama#17:5 Abalaama: pɔ ɓɔ yanʉkanɨa tinetine ndʉ «ɨsɛ ɔ mababa kɔ ɓombi» nɔ Ebelenia. 6Wa꞊nɔta sina ɓana ɓaja nɔgbɛ. Mababa kɔ ɓombi ka꞊chwɛa sina amati ɔ ɓʉa ngʉɓɔsɔɔ, nɔ ɓangama ɓɔ꞊chwɛa sina kʉ chwɛanɨ. 7Ne꞊maiso suo agɔmɛ ngɨasɛmɨ ati eso nɔwɛ, nɔ ɓana nɔ ɓanɔnɔ ɓɔsɔɔ, akɔ lɨnɔtanɨa liɓomu ngɨlɛ lɛ꞊ka sungo ambise asɔɔ. Kʉdɔ ɨmɨ, na꞊ɓio Asɔɓɨɨ ngɨasɔɔ, nɔ Asɔɓɨɨ ngɨa ɔ ɓanɔnɔ ɓaɓomu ngʉɓa ɓa꞊nɔtanɨa ambise asɔɔ. Agɔmɛ ɔngɔ aɓio amati ɔ mago nɔ mago. 8Ɨkʉmbʉ yɔ Kanana ngɨyɛ wa-ɔɔ ɓawele ndʉ mɛɛka ayɛ, na꞊nenjo sina ɨyɔ inu nɔ ɓanɔnɔ ɓɔsɔɔ, ta iɓomu. Ɨkʉmbʉ ngɨyɛnɛnɨ, ya꞊ɓio sina tɨta yeɓo, amati ɔ mago nɔ mago, ɨmɨ akɛ, na꞊ɓio Asɔɓɨɨ ngɨyeɓo.»
9Ga Asɔɓɨɨ ɓata nɔ Abalaama ɓɔ: «Tɨa akɔ ʉwɛ ingainga, pɛmakɨa agɔmɛ ngɨasɛmɨ, akɔ ʉwɛ makwɔngɔ, akɔ ɓana nɔ ɓanɔnɔ ɓɔsɔɔ ɓaɓomu, ngʉɓa ɓa꞊nɔtanɨa ambise asɔɔ. 10Agɔmɛ ngɨasɛmɨ, inu nɔ ɓanɔnɔ ɓɔsɔɔ ɓaɓomu ngʉɓa ɓa꞊nɔtanɨa ambise asɔɔ, nɔ́kwananɔ nayɔ apɛmakɨa, a ɓɔ: ɓague ɓaɓomu ati eno ɓikiiso ta ɨgʉnɨ. 11Ɨgʉnɨ ngɨyɛ ná꞊kiiso suo, ya꞊ɓio isisenio yɔ agɔmɛ ngɨasɛmɨ nenu. 12Makwaa ɓɛgɨna, ambise ɔ nɔtanɨa ngɨyɔ ɓiga ɓegue ngʉɓeno ɓaɓomu, ɨɓɔ ɓa꞊ɓikiiso sina ta ɨgʉnɨ amati ɔ mago nɔ mago. Ɨɓɔ ta ɓaɓomu, yiɓio ʉɓa ɓa꞊nɔtanɨa gbɛgbɛ ambɛnɨ, kʉndʉ ʉɓa ɓa꞉ɓʉkaya kaya, gʉtʉ ta ʉɓa ɓangɔmʉ akɔ ɨfananja ngɨyeno. 13Kʉɓanɨ, ɓague ɓaɓomu ngʉɓa ɓa꞉nɔtanɨa andɔɔ ambɛnɨ, kʉndʉ ɓabaya ngʉɓa wa꞉ɓʉkaya nɔ ɓagyɛgyɛ, ɓikiiso pɨ ta ɨgʉnɨ. Iɗo ambɔ yiɓio isisenio yɔ agɔmɛ ngɨasɛmɨ akɔ ndʉtʉ ngɨyeno, agɔmɛ ngɨa a꞊gbalɨa mago nɔ mago. 14Gue muɓomu ngɨa a꞊ngɔkiisomʉ ɨgʉnɨ, ɓa꞊mʉchwɛiso aɓei ɔ ɓafandɔngɔ, dɔ ɨyɔ, aɓio ɓɔ ɔɓundeni agɔmɛ ngɨasɛmɨ ɓundoni.»
Isaka adya mʉgyɛndɔ wɔ maɓɨɨ
15Ga Asɔɓɨɨ ɓata nɔ Abalaama ɓɔ: «Wangɔɓɨo ɓata anisoko moi asɔɔ nɔ ino yɔ Salaɨ, anɨngwa ɨtakɨtakɨ ngɨyɛ, ino ngɨangɔ ya꞊ɓio tɨta ɓɔ Sala. 16Ɨmɨ, na꞊mukiokio kiokioni, kʉdɔ, a꞊nanɔtɨa mwana ata gue. Na꞊mukiokio nɔ ɨyɔ, a꞊ɓio sina tɨa inye ɔ mababa kɔ ɓombi, nɔ inye ɔ ɓangama ɓɔ mababa kɔ ɓombi.»
17Abalaama ɔ꞉gbʉkʉmɨa nɔ mau akɔɓɔya mesu ta akɔ ɨtaka, ɔ꞉pʉnga yakanaka amati angɔ akɔsugo ɓɔ: «Ɨmɨ ngɨa na tɨa nɔ mago mɨa mʉngana, nɛnɨanɨa ndɨ nɔ mwana ta ɨnɨanɨanɨ, nɔɓieni nɔ mago tɨa mɨa mʉngana ɓɔ? Nɔ Sala ɛnɨanɨa nɔ mwana ta ɨnɨanɨanɨ ɔɓieni nɔ mago ɓatɛkɛɓɛ ɨsaɓɔkʉ?» Ɨyɛ ndʉ a꞉tunguo ɓanɨ, ɔ꞉nɔwa tɨta nɔwa. 18Kʉdɔ, Abalaama a꞉sigio Asɔɓɨɨ aka ɓɔ: «Hiiye, muɓeyoko pɨ, nɔ wɔmukiokio ɓaka tɨta ɨyɔ Ɨsɨmaɛlɨ!» 19Yakamɛngana, Asɔɓɨɨ ɔ꞉mutosio ɓɔ: «Yangɔmʉ ɓanɨ! Ta moi asɔɔ Sala akɛ a꞊nanɔtɨa suo mwana, nɔ, wɔ꞊mʉsʉa ino ɓɔ Isaka#17:19 Isaka: pɔ ɓɔ ɨsɨ yɔngɔ ɓɔ «anɔwa» nɔ Ebelenia, popoko 18:12; 21:6. Ɨmɨ, na꞊kɨa suo agɔmɛ ngɨasɛmɨ ta akʉʉ ɔ angɔ, nɔ akɔ ɓanɔnɔ ɓangɔ. Agɔmɛ ngɨananɨ, a꞊ɓio amati ɔ mago nɔ mago.
20Tɨa akɔ Ɨsɨmaɛlɨ, Ɨmɨ, nɔ꞉kɔ nɨta ngɨyɛsɔɔ ʉkanɨ. Na꞊mukiokio kʉ kiokioni. Na꞊minjo ɓana ɓaja, nɔ ɓanɔnɔ kʉ ɓaja. Ɨyɔ, a꞊ɓio ɨsɛ ɔ ɓangama tɛkɛɓɛ nɔ ɓepini, nɔ a꞊ɓio kʉ ɨsɛngʉʉ yɔ ɨbaba yɔ ɓombi yɛta ɨja. 21Yakamɛngana, agɔmɛ ngɨasɛmɨ, na꞊mɨmaiso ta nɔ Isaka ngɨa Sala a꞊nanɔtɨa suo, akɔ igo ngɨyɛ ya꞊nɨka, akɔ angbinga kʉndʉ ɨya.»
Atɨ Abalaama ɓɔkiiso ɨgʉnɨ
22Ɨyɛ ndʉ Asɔɓɨɨ a꞉pipo nayɔ anʉngakɨa yaka ngɨyɛnɛnɨ ɓɔ gba, kʉdɔ, ɨyɔ Asɔɓɨɨ ɔ꞉tʉmbanɨa ga fʉa.
23Ngbanga ngbanga ta ndʉ aka Asɔɓɨɨ a꞉musigio-ɔɔ, Abalaama ɔ꞉kio mwana angɔ Ɨsɨmaɛlɨ ɨgʉnɨ. Ɔ꞉kio kʉ nɔ ɓabaya ɓaɓomu ngʉɓa ɓa꞉nɔtanɨa andɔngɔ ambɛnɨ, kʉ nɔ ʉɓa ɓa꞉ɓʉkaya jɛnɛ nɔ ɓagyɛgyɛ. Abalaama a꞉sɨka jɛnɛ ɓague ɓaɓomu ngʉɓɔ ɨkáá ngɨangɔ, ɔ꞉ɓukio ɨgʉnɨ ta nɔ ɓisi ngʉɓɔnanɨ. 24Abalaama a꞉kiiso ɨgʉnɨ, ɔɓieni tɨa nɔ mago ɓatɛkɛɓɛ ɨsaɓɔkʉ nɔ ɨsaɓɔkʉ. 25Nɔ Ɨsɨmaɛlɨ a꞉ɓio ɨyɔ nɔ mago tɨa kʉ tɛkɛɓɛ nɔ ɓeetu. 26Atɨ Abalaama nɔ mwana angɔ Ɨsɨmaɛlɨ ɓa꞉kiiso jɛnɛ ɨgʉnɨ ta nɔ ɓisi mʉngana ngʉɓɔnanɨ. 27Nɔ ɓata, ɓague ɓaɓomu ngʉɓɔ ɨkáá ngɨangɔ, ʉɓa ɓa꞉nɔtanɨa andɔngɔ ambɛnɨ, kʉndʉ ʉɓa ɓa꞉ɓʉkaya nɔ ɓagyɛgyɛ, alɨkʉmbʉ ngɨlɛmɔ, ɓa꞉kiiso jɛnɛ ɨɓɔ ɨgʉnɨ kʉ ɨhɔ nayɔ nɔ ɓisi ngʉɓɔnanɨ.
Currently Selected:
Mʉkpanganɨa 17: buuN
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Mʉkpanganɨa 17
17
Asɔɓɨɨ ɔkɨɔ agɔmɛ nɔ Abalama
1Angbinga ngɨa Abalama a꞉ɓio-ɔɔ tɨa nɔ mago ɓatɛkɛɓɛ ɨsaɓɔkʉ nɔ ɨsaɓɔkʉ, MAKWƆƁƗƗ ɔ꞉mʉchwɛanɨa, nɔ, ɔ꞉musigio ɓɔ: «Ɨmɨ akɛ, na Asɔɓɨɨ ngɨa Angu Nɔgbɛ. Kyɛndaka ta ngbingbii apɛɨ ɔ asɛmɨ nɔ ɓio ta ngbingbii. 2Ɨmɨ, na suo akɨa agɔmɛ nɔwɛ nɔ, na꞊nenjo ɓanɔnɔ ɓaja nɔgbɛ.» 3Abalama ɔ꞉gbʉkʉmɨa nɔ mau aɓɔya mesu ta akɔ ɨtaka. Kʉdɔ, ga Asɔɓɨɨ nayɔ ɓɔ: 4«Agɔmɛ ngɨasɛmɨ nɔwɛ a ɓɔ: Ʉwɛ, wa꞊ɓio sina ɨsɛ wɔ mababa kɔ ɓombi sɔkɔmʉ nɔ ipoye. 5Dɔ ɨmɨ, nɔ꞉nachwɔ aɓio ɨsɛ wɔ mababa kɔ ɓombi ɓaja, ino ngɨyɛsɔɔ ya꞊ngɔɓio ɓata ɓɔ Abalama, yakamɛngana, ya꞊ɓio tɨta ɓɔ Abalaama#17:5 Abalaama: pɔ ɓɔ yanʉkanɨa tinetine ndʉ «ɨsɛ ɔ mababa kɔ ɓombi» nɔ Ebelenia. 6Wa꞊nɔta sina ɓana ɓaja nɔgbɛ. Mababa kɔ ɓombi ka꞊chwɛa sina amati ɔ ɓʉa ngʉɓɔsɔɔ, nɔ ɓangama ɓɔ꞊chwɛa sina kʉ chwɛanɨ. 7Ne꞊maiso suo agɔmɛ ngɨasɛmɨ ati eso nɔwɛ, nɔ ɓana nɔ ɓanɔnɔ ɓɔsɔɔ, akɔ lɨnɔtanɨa liɓomu ngɨlɛ lɛ꞊ka sungo ambise asɔɔ. Kʉdɔ ɨmɨ, na꞊ɓio Asɔɓɨɨ ngɨasɔɔ, nɔ Asɔɓɨɨ ngɨa ɔ ɓanɔnɔ ɓaɓomu ngʉɓa ɓa꞊nɔtanɨa ambise asɔɔ. Agɔmɛ ɔngɔ aɓio amati ɔ mago nɔ mago. 8Ɨkʉmbʉ yɔ Kanana ngɨyɛ wa-ɔɔ ɓawele ndʉ mɛɛka ayɛ, na꞊nenjo sina ɨyɔ inu nɔ ɓanɔnɔ ɓɔsɔɔ, ta iɓomu. Ɨkʉmbʉ ngɨyɛnɛnɨ, ya꞊ɓio sina tɨta yeɓo, amati ɔ mago nɔ mago, ɨmɨ akɛ, na꞊ɓio Asɔɓɨɨ ngɨyeɓo.»
9Ga Asɔɓɨɨ ɓata nɔ Abalaama ɓɔ: «Tɨa akɔ ʉwɛ ingainga, pɛmakɨa agɔmɛ ngɨasɛmɨ, akɔ ʉwɛ makwɔngɔ, akɔ ɓana nɔ ɓanɔnɔ ɓɔsɔɔ ɓaɓomu, ngʉɓa ɓa꞊nɔtanɨa ambise asɔɔ. 10Agɔmɛ ngɨasɛmɨ, inu nɔ ɓanɔnɔ ɓɔsɔɔ ɓaɓomu ngʉɓa ɓa꞊nɔtanɨa ambise asɔɔ, nɔ́kwananɔ nayɔ apɛmakɨa, a ɓɔ: ɓague ɓaɓomu ati eno ɓikiiso ta ɨgʉnɨ. 11Ɨgʉnɨ ngɨyɛ ná꞊kiiso suo, ya꞊ɓio isisenio yɔ agɔmɛ ngɨasɛmɨ nenu. 12Makwaa ɓɛgɨna, ambise ɔ nɔtanɨa ngɨyɔ ɓiga ɓegue ngʉɓeno ɓaɓomu, ɨɓɔ ɓa꞊ɓikiiso sina ta ɨgʉnɨ amati ɔ mago nɔ mago. Ɨɓɔ ta ɓaɓomu, yiɓio ʉɓa ɓa꞊nɔtanɨa gbɛgbɛ ambɛnɨ, kʉndʉ ʉɓa ɓa꞉ɓʉkaya kaya, gʉtʉ ta ʉɓa ɓangɔmʉ akɔ ɨfananja ngɨyeno. 13Kʉɓanɨ, ɓague ɓaɓomu ngʉɓa ɓa꞉nɔtanɨa andɔɔ ambɛnɨ, kʉndʉ ɓabaya ngʉɓa wa꞉ɓʉkaya nɔ ɓagyɛgyɛ, ɓikiiso pɨ ta ɨgʉnɨ. Iɗo ambɔ yiɓio isisenio yɔ agɔmɛ ngɨasɛmɨ akɔ ndʉtʉ ngɨyeno, agɔmɛ ngɨa a꞊gbalɨa mago nɔ mago. 14Gue muɓomu ngɨa a꞊ngɔkiisomʉ ɨgʉnɨ, ɓa꞊mʉchwɛiso aɓei ɔ ɓafandɔngɔ, dɔ ɨyɔ, aɓio ɓɔ ɔɓundeni agɔmɛ ngɨasɛmɨ ɓundoni.»
Isaka adya mʉgyɛndɔ wɔ maɓɨɨ
15Ga Asɔɓɨɨ ɓata nɔ Abalaama ɓɔ: «Wangɔɓɨo ɓata anisoko moi asɔɔ nɔ ino yɔ Salaɨ, anɨngwa ɨtakɨtakɨ ngɨyɛ, ino ngɨangɔ ya꞊ɓio tɨta ɓɔ Sala. 16Ɨmɨ, na꞊mukiokio kiokioni, kʉdɔ, a꞊nanɔtɨa mwana ata gue. Na꞊mukiokio nɔ ɨyɔ, a꞊ɓio sina tɨa inye ɔ mababa kɔ ɓombi, nɔ inye ɔ ɓangama ɓɔ mababa kɔ ɓombi.»
17Abalaama ɔ꞉gbʉkʉmɨa nɔ mau akɔɓɔya mesu ta akɔ ɨtaka, ɔ꞉pʉnga yakanaka amati angɔ akɔsugo ɓɔ: «Ɨmɨ ngɨa na tɨa nɔ mago mɨa mʉngana, nɛnɨanɨa ndɨ nɔ mwana ta ɨnɨanɨanɨ, nɔɓieni nɔ mago tɨa mɨa mʉngana ɓɔ? Nɔ Sala ɛnɨanɨa nɔ mwana ta ɨnɨanɨanɨ ɔɓieni nɔ mago ɓatɛkɛɓɛ ɨsaɓɔkʉ?» Ɨyɛ ndʉ a꞉tunguo ɓanɨ, ɔ꞉nɔwa tɨta nɔwa. 18Kʉdɔ, Abalaama a꞉sigio Asɔɓɨɨ aka ɓɔ: «Hiiye, muɓeyoko pɨ, nɔ wɔmukiokio ɓaka tɨta ɨyɔ Ɨsɨmaɛlɨ!» 19Yakamɛngana, Asɔɓɨɨ ɔ꞉mutosio ɓɔ: «Yangɔmʉ ɓanɨ! Ta moi asɔɔ Sala akɛ a꞊nanɔtɨa suo mwana, nɔ, wɔ꞊mʉsʉa ino ɓɔ Isaka#17:19 Isaka: pɔ ɓɔ ɨsɨ yɔngɔ ɓɔ «anɔwa» nɔ Ebelenia, popoko 18:12; 21:6. Ɨmɨ, na꞊kɨa suo agɔmɛ ngɨasɛmɨ ta akʉʉ ɔ angɔ, nɔ akɔ ɓanɔnɔ ɓangɔ. Agɔmɛ ngɨananɨ, a꞊ɓio amati ɔ mago nɔ mago.
20Tɨa akɔ Ɨsɨmaɛlɨ, Ɨmɨ, nɔ꞉kɔ nɨta ngɨyɛsɔɔ ʉkanɨ. Na꞊mukiokio kʉ kiokioni. Na꞊minjo ɓana ɓaja, nɔ ɓanɔnɔ kʉ ɓaja. Ɨyɔ, a꞊ɓio ɨsɛ ɔ ɓangama tɛkɛɓɛ nɔ ɓepini, nɔ a꞊ɓio kʉ ɨsɛngʉʉ yɔ ɨbaba yɔ ɓombi yɛta ɨja. 21Yakamɛngana, agɔmɛ ngɨasɛmɨ, na꞊mɨmaiso ta nɔ Isaka ngɨa Sala a꞊nanɔtɨa suo, akɔ igo ngɨyɛ ya꞊nɨka, akɔ angbinga kʉndʉ ɨya.»
Atɨ Abalaama ɓɔkiiso ɨgʉnɨ
22Ɨyɛ ndʉ Asɔɓɨɨ a꞉pipo nayɔ anʉngakɨa yaka ngɨyɛnɛnɨ ɓɔ gba, kʉdɔ, ɨyɔ Asɔɓɨɨ ɔ꞉tʉmbanɨa ga fʉa.
23Ngbanga ngbanga ta ndʉ aka Asɔɓɨɨ a꞉musigio-ɔɔ, Abalaama ɔ꞉kio mwana angɔ Ɨsɨmaɛlɨ ɨgʉnɨ. Ɔ꞉kio kʉ nɔ ɓabaya ɓaɓomu ngʉɓa ɓa꞉nɔtanɨa andɔngɔ ambɛnɨ, kʉ nɔ ʉɓa ɓa꞉ɓʉkaya jɛnɛ nɔ ɓagyɛgyɛ. Abalaama a꞉sɨka jɛnɛ ɓague ɓaɓomu ngʉɓɔ ɨkáá ngɨangɔ, ɔ꞉ɓukio ɨgʉnɨ ta nɔ ɓisi ngʉɓɔnanɨ. 24Abalaama a꞉kiiso ɨgʉnɨ, ɔɓieni tɨa nɔ mago ɓatɛkɛɓɛ ɨsaɓɔkʉ nɔ ɨsaɓɔkʉ. 25Nɔ Ɨsɨmaɛlɨ a꞉ɓio ɨyɔ nɔ mago tɨa kʉ tɛkɛɓɛ nɔ ɓeetu. 26Atɨ Abalaama nɔ mwana angɔ Ɨsɨmaɛlɨ ɓa꞉kiiso jɛnɛ ɨgʉnɨ ta nɔ ɓisi mʉngana ngʉɓɔnanɨ. 27Nɔ ɓata, ɓague ɓaɓomu ngʉɓɔ ɨkáá ngɨangɔ, ʉɓa ɓa꞉nɔtanɨa andɔngɔ ambɛnɨ, kʉndʉ ʉɓa ɓa꞉ɓʉkaya nɔ ɓagyɛgyɛ, alɨkʉmbʉ ngɨlɛmɔ, ɓa꞉kiiso jɛnɛ ɨɓɔ ɨgʉnɨ kʉ ɨhɔ nayɔ nɔ ɓisi ngʉɓɔnanɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.