KEJADIAN 29
29
Yakub Kilei ku Deg Laban
1Telas ajeh Yakub pen kipeteros iceknip ru kiet nu tik ku timur Kanaan. 2Aleh-aleh kek kibakek nanek perigi ku padag. Mong nik kenawat dombe naidakdak ku beg perigi ajeh kerana ku pajehloh binatag daknek biasa biog ngeknut. Perigi ajeh bitutop ya nanek batu entoi. 3Bile dikdij binatag daknek ya naibekumpol ku pajeh, gembale-gembale naigulek batu ajeh nu tepi lalu naiog ngeknut nu binatag daknek enai. Telas ajeh naitutop balek perigi ajeh nij.
4Yakub pen kiet nu rimdij gembale ru kitanya nu enai, “Sesedara, engkehol ju belok?”
Naiberlag, “Ju pekan Haran.”
5Yakub kitanya nij, “Engkekenalka Laban cenok Nahor?”
“Hooh, jikenal,” naiberlag.
6Yakub kitanya nij, “Ma igah kek?”
Naiberlag, “Kek gah bor. Neng, ajeh Rahel ikenon kerdor. Kek tengah kiwag binatag daknek iapak.”
7Lalu Yakub kiurok, “Iarik lekat yah ru pekseg lei imase engkeha-kumpol binatag-binatag ajeh. Ogloh binatag ajeh ngeknut lalu biarloh binatag ajeh naicak rumpot nij.”
8Naiberlag, “Jik pek buleh jibeh begei ajeh sebelom dikdij gembale nailei ku padeh besama ru dikdij binatag enai. Telas ajeh baruloh jik dapat sama-sama jigulek batu tenutop ju kemil perigi ajeh ru jiog dombe jik ajeh naingekngut.”
9Sementare Yakub lekat kibelwal ru enai, Rahel kihol besama ru binatag-binatag daknek iapak kerana kek gembale binatag ajeh. 10Bile Yakub kiburuk Rahel, Yakub kiperek nu kek lalu kigulek batu tenutop perigi ajeh ru kiog binatag daknek ajeh ngeknut kerana Rahel ajeh isedara. Kek kenon kerdor Laban. Laban ajeh tenek amek Yakub. 11Telas ajeh kek kinyui Rahel ku iming ru kijap kerana kikerakmik. 12Kek kiurok nu Rahel, “Eng kenon Ribka. Ribka ajeh menang apak hek.”
Jadi, Rahel kijerjar kaha-pasal hal ajeh nu iapak. 13Bile Laban kicerngai tentang gah Yakub ikenon sedara ajeh, kek kijerjar kaha-buruk Yakub. Laban teros kikawal ru kinyui Yakub lalu kien kek muj nu imadeg. Bile Yakub kipasal nu Laban dikdij ma de ya belaku, 14Laban kiurok, “Hooh, hek mimang nanek behip ru eng.” Jadi, Yakub kigei ku pajeh selame nugencek.
Yakub Kikerakjak ha Laban Kaha-berkep Rahel ru Lea
15Telas ajeh Laban kiurok nu Yakub, “Hamapen hek anak buah eng, hek pek patot hakerakjak pecume. Pasalloh merip iupah de patot ngog nu hek.”
16Ku mase ajeh, Laban mong nar mom ikenon kerdor. De sulog imuh Lea ru de iloj imuh Rahel. 17Mat Lea ajeh bor, tapi Rahel nij bor ku ibentok berog ru irenes.
18Yakub kihod ha Rahel lalu kiurok, “Amen jenog eng ngjeg Rahel kenon enjen de iloj ajeh, eng sanggop ngkerakjak lei tujoh tahut ha jen.”
19Laban kiberlag, “Eng lebeh nggemar kek kijadi kenah hek daripade kijadi kenah mai kilek. Geiloh ku padeh besama ru eng.” 20Jadi, Yakub kikerakjak selame tujoh tahut kaha-berkep Rahel. Tapi ku kek, memerip tahut de belalu ajeh kirasa begei memerip arik taleh kerana kek kihok ha Rahel.
21Telas ajeh Yakub kiurok nu Laban, “Imase ya lei, ogloh eng ngjeg kenon kerdor jen ajeh!”
22Jadi, Laban pen kibeh caknak nikah ru kipakat dikdij sengoi. 23Tapi ku kelem ajeh kek kikot Lea ikenon sulog lalu kingeng nu Yakub. Yakub pen kibesama ru Lea. 24(Laban kiog Zilpa ihambe kerdor nu Lea, kaha-pejadi hambe kek.)
25Ku ipegelap huper baruloh Yakub kipanei ilei de kijeg ajeh Lea. Kek kiterbuk nu Laban ru kiurok, “Yama jenbeh hal adeh nu eng? Eng ya ngkerakjak ngha-berkep Rahel. Yama jentipu eng?”
26Laban kiberlag, “Amen hijoi adat ku padeh, imenang pek buleh kibegengsir canuk sebelom itenek kibegengsir. 27Pojloh lei caknak entoi tujoh arik nikah hek adeh dij. Telas ajeh eng doh ngog Rahel nu hek amen hahod bekerjak ha eng selame tujoh tahut nij.”
28Yakub kisetuju. Bile caknak entoi nikah ajeh ya dij, Laban kiog Rahel nu Yakub kaha-pejadi ikenah. 29(Laban kiog Bilha ihambe kerdor nu Rahel, kaha-pejadi hambe kek.) 30Yakub kibesama ru Rahel juga ru kek lebeh kihok ha Rahel daripade Lea. Jadi, Yakub kikerakjak ha Laban selame tujoh tahut nij.
Kekenon Yakub
31Bile Yahweh kineng Lea pek bihok begei Rahel, Kek Kiog Lea kiperyos kenon tapi Rahel lekat pek kibekenon. 32Lea kimakok lalu kiperyos numom kenon keral. Kek kiurok, “Yahweh ya Kineng ha senusah eng. Hunen gengsir eng doh kihok ha eng.” Kerana ajehloh, kek kiog muh ikenon ajeh Ruben.#29:32 Ruben: Ku kateh engrok Ibrani, muh adeh isengyog begei, ‘Ya kineng senusah eng.’ Muh adeh imaksod, ‘Nengloh, numom kenon keral.’
33Telas ajeh kek kimakok nij ru kiperyos numom kenon keral. Kek kiurok, “Yahweh ya Kiog kenon adeh nu eng kerana Kek ya Kicerngai eng pek bihok.” Kerana ajehloh, kek kiog muh ikenon ajeh Simeon.#29:33 Simeon: Muh adeh imaksod, cerngai.
34Lalu Lea kimakok nij ru kiperyos numom kenon keral. Kek kiurok, “Hunen gengsir eng doh lebeh kihok ha eng kerana eng ya ngperyos nik mom kenon keral ha kek.” Kerana ajehloh, kek kiog muh ikenon ajeh Lewi.#29:34 Lewi: Muh adeh imaksod, bekbeg atao kihok.
35Telas ajeh Lea kimakok nij ru kiperyos numom kenon keral. Kek kiurok, “Kali adeh eng doh ngpateh Yahweh.” Kerana ajehloh, kek kiog muh ikenon ajeh Yehuda.#29:35 Yehuda: Muh adeh imaksod, pateh. Telas ajeh Lea pek kimakok untok memerip iluniu.
Currently Selected:
KEJADIAN 29: AEH
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
KEJADIAN 29
29
Yakub Kilei ku Deg Laban
1Telas ajeh Yakub pen kipeteros iceknip ru kiet nu tik ku timur Kanaan. 2Aleh-aleh kek kibakek nanek perigi ku padag. Mong nik kenawat dombe naidakdak ku beg perigi ajeh kerana ku pajehloh binatag daknek biasa biog ngeknut. Perigi ajeh bitutop ya nanek batu entoi. 3Bile dikdij binatag daknek ya naibekumpol ku pajeh, gembale-gembale naigulek batu ajeh nu tepi lalu naiog ngeknut nu binatag daknek enai. Telas ajeh naitutop balek perigi ajeh nij.
4Yakub pen kiet nu rimdij gembale ru kitanya nu enai, “Sesedara, engkehol ju belok?”
Naiberlag, “Ju pekan Haran.”
5Yakub kitanya nij, “Engkekenalka Laban cenok Nahor?”
“Hooh, jikenal,” naiberlag.
6Yakub kitanya nij, “Ma igah kek?”
Naiberlag, “Kek gah bor. Neng, ajeh Rahel ikenon kerdor. Kek tengah kiwag binatag daknek iapak.”
7Lalu Yakub kiurok, “Iarik lekat yah ru pekseg lei imase engkeha-kumpol binatag-binatag ajeh. Ogloh binatag ajeh ngeknut lalu biarloh binatag ajeh naicak rumpot nij.”
8Naiberlag, “Jik pek buleh jibeh begei ajeh sebelom dikdij gembale nailei ku padeh besama ru dikdij binatag enai. Telas ajeh baruloh jik dapat sama-sama jigulek batu tenutop ju kemil perigi ajeh ru jiog dombe jik ajeh naingekngut.”
9Sementare Yakub lekat kibelwal ru enai, Rahel kihol besama ru binatag-binatag daknek iapak kerana kek gembale binatag ajeh. 10Bile Yakub kiburuk Rahel, Yakub kiperek nu kek lalu kigulek batu tenutop perigi ajeh ru kiog binatag daknek ajeh ngeknut kerana Rahel ajeh isedara. Kek kenon kerdor Laban. Laban ajeh tenek amek Yakub. 11Telas ajeh kek kinyui Rahel ku iming ru kijap kerana kikerakmik. 12Kek kiurok nu Rahel, “Eng kenon Ribka. Ribka ajeh menang apak hek.”
Jadi, Rahel kijerjar kaha-pasal hal ajeh nu iapak. 13Bile Laban kicerngai tentang gah Yakub ikenon sedara ajeh, kek kijerjar kaha-buruk Yakub. Laban teros kikawal ru kinyui Yakub lalu kien kek muj nu imadeg. Bile Yakub kipasal nu Laban dikdij ma de ya belaku, 14Laban kiurok, “Hooh, hek mimang nanek behip ru eng.” Jadi, Yakub kigei ku pajeh selame nugencek.
Yakub Kikerakjak ha Laban Kaha-berkep Rahel ru Lea
15Telas ajeh Laban kiurok nu Yakub, “Hamapen hek anak buah eng, hek pek patot hakerakjak pecume. Pasalloh merip iupah de patot ngog nu hek.”
16Ku mase ajeh, Laban mong nar mom ikenon kerdor. De sulog imuh Lea ru de iloj imuh Rahel. 17Mat Lea ajeh bor, tapi Rahel nij bor ku ibentok berog ru irenes.
18Yakub kihod ha Rahel lalu kiurok, “Amen jenog eng ngjeg Rahel kenon enjen de iloj ajeh, eng sanggop ngkerakjak lei tujoh tahut ha jen.”
19Laban kiberlag, “Eng lebeh nggemar kek kijadi kenah hek daripade kijadi kenah mai kilek. Geiloh ku padeh besama ru eng.” 20Jadi, Yakub kikerakjak selame tujoh tahut kaha-berkep Rahel. Tapi ku kek, memerip tahut de belalu ajeh kirasa begei memerip arik taleh kerana kek kihok ha Rahel.
21Telas ajeh Yakub kiurok nu Laban, “Imase ya lei, ogloh eng ngjeg kenon kerdor jen ajeh!”
22Jadi, Laban pen kibeh caknak nikah ru kipakat dikdij sengoi. 23Tapi ku kelem ajeh kek kikot Lea ikenon sulog lalu kingeng nu Yakub. Yakub pen kibesama ru Lea. 24(Laban kiog Zilpa ihambe kerdor nu Lea, kaha-pejadi hambe kek.)
25Ku ipegelap huper baruloh Yakub kipanei ilei de kijeg ajeh Lea. Kek kiterbuk nu Laban ru kiurok, “Yama jenbeh hal adeh nu eng? Eng ya ngkerakjak ngha-berkep Rahel. Yama jentipu eng?”
26Laban kiberlag, “Amen hijoi adat ku padeh, imenang pek buleh kibegengsir canuk sebelom itenek kibegengsir. 27Pojloh lei caknak entoi tujoh arik nikah hek adeh dij. Telas ajeh eng doh ngog Rahel nu hek amen hahod bekerjak ha eng selame tujoh tahut nij.”
28Yakub kisetuju. Bile caknak entoi nikah ajeh ya dij, Laban kiog Rahel nu Yakub kaha-pejadi ikenah. 29(Laban kiog Bilha ihambe kerdor nu Rahel, kaha-pejadi hambe kek.) 30Yakub kibesama ru Rahel juga ru kek lebeh kihok ha Rahel daripade Lea. Jadi, Yakub kikerakjak ha Laban selame tujoh tahut nij.
Kekenon Yakub
31Bile Yahweh kineng Lea pek bihok begei Rahel, Kek Kiog Lea kiperyos kenon tapi Rahel lekat pek kibekenon. 32Lea kimakok lalu kiperyos numom kenon keral. Kek kiurok, “Yahweh ya Kineng ha senusah eng. Hunen gengsir eng doh kihok ha eng.” Kerana ajehloh, kek kiog muh ikenon ajeh Ruben.#29:32 Ruben: Ku kateh engrok Ibrani, muh adeh isengyog begei, ‘Ya kineng senusah eng.’ Muh adeh imaksod, ‘Nengloh, numom kenon keral.’
33Telas ajeh kek kimakok nij ru kiperyos numom kenon keral. Kek kiurok, “Yahweh ya Kiog kenon adeh nu eng kerana Kek ya Kicerngai eng pek bihok.” Kerana ajehloh, kek kiog muh ikenon ajeh Simeon.#29:33 Simeon: Muh adeh imaksod, cerngai.
34Lalu Lea kimakok nij ru kiperyos numom kenon keral. Kek kiurok, “Hunen gengsir eng doh lebeh kihok ha eng kerana eng ya ngperyos nik mom kenon keral ha kek.” Kerana ajehloh, kek kiog muh ikenon ajeh Lewi.#29:34 Lewi: Muh adeh imaksod, bekbeg atao kihok.
35Telas ajeh Lea kimakok nij ru kiperyos numom kenon keral. Kek kiurok, “Kali adeh eng doh ngpateh Yahweh.” Kerana ajehloh, kek kiog muh ikenon ajeh Yehuda.#29:35 Yehuda: Muh adeh imaksod, pateh. Telas ajeh Lea pek kimakok untok memerip iluniu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.