YOHANES 12
12
Maria Kikoh Minyak Wangi ku Yesus
(Mat 26:6-13; Mrk 14:3-9)
1Enam arik sebelom Arik Raya Paskah, Yesus Kiet nu kampug Betania. Kampug ajeh tempat ginei Lazarus. Lazarus ajehloh sengoi de entemjeh biberkos ju idanan ya Yesus. 2Ku pajeh mong bibeh caknak kelem ha Yesus. Marta kibejamu mai cakcak. Lazarus ru mai kilek naigei cerner ku mije naiha-cakcak#12:2 Naigei cerner ku mije naiha-cakcak: Begei adehloh icare mai Yahudi ku jaman ajeh naicakcak ku mije. besama ru Yesus. 3Lalu Maria kikot kira-kira setengah liter minyak wangi de ihad mahal. Kek kikoh minyak wangi ajeh ku jog Yesus ru kigit ya isog. Ngoi minyak wangi ajeh tebeg nanek deg. 4Tapi numom ju pengikot-pengikot Yesus de imuh Yudas Iskariot, de kikianat ha Yesus doh, kiurok, 5“Minyak wangi ajeh iregak sama begei gaji nutahut mai kerakjak. Kek sepatotnye kijual minyak wangi ajeh ru kiog iduet nu mai hajap!” 6Yudas kiurok begei ajeh pek kerana kek betol-betol kaha-tulog mai hajap tapi kerana kaha-sij duet ajeh. Kek ajeh bendahari tapi kek kigu-kot duet ha keperluan diri ilei sendiri ju beg duet de kigu-cap.
7Tapi Yesus Kiurok, “Wes agok kacau kerdor adeh! Kek kibeh hal adeh kaha-sedia berog Eng ha ceknop danan Eng doh!#12:7 Kek kibeh hal adeh kaha-sedia berog Eng ha ceknop danan Eng doh: Ku jaman ajeh, mai Yahudi naisedia mayat naiguna minyak wangi. 8Mai hajap selalo mong besama ru engkek, jadi bile-bile buleh engketulog enai. Tapi Eng pek selalo mong besama ru engkek.”
Nerancang ha Perdat Lazarus
9Yesus mong ku kampug Betania ru jeoi mai Yahudi naicerngai tentang hal ajeh. Jadi, naiet nu majeh pek taleh naiha-neng ha Yesus tapi naiha-neng ha Lazarus de ya biberkos ju idanan ya Yesus. 10Raknak-raknak imam agame Yahudi nairancang naiha-perdat ha Lazarus juga 11kerana jeoi mai de naicerngai ha kisnos Lazarus ajeh naijadi pecaya nu Yesus ru naidek ha raknak-raknak imam agame Yahudi.
Yesus Kimuj nu Kote Yerusalem
(Mat 21:1-11; Mrk 11:1-11; Luk 19:28-40)
12Ku ihuper jeoi mai jengoi de ya lei nu kote Yerusalem ha Arik Raya Paskah naicerngai gah tentang Yesus tengah Kihol nu majeh. 13Jadi, naikot cag-cag pelepah lalu naihol ju Yerusalem naiha-samut Kek sambel naisurag,
“Semoge Kek bipateh!
Semoge Kek de Kihol sebegei wakel TUHAN biberkat!
Semoge Raja Israel biberkat!”#Mzm 118:25-26
14Yesus Kibakek nuikor kenon keldei lalu Kitebot. Hal ajeh kitejadi begei de bicot ku kateh Alkitab,
15“Mai kote Sion,
agok sengoh!
Nengloh, Raja engkek Kihol
Kitebot nuikor keldei nyengnyam!”#Za 9:9
16Ku mase ajeh, pengikot-pengikot Yesus pek naireti tentang hal de tejadi ajeh. Tapi telas Yesus bipemulie melalui Idanan ru Ikisnos, baruloh naireti dikdij hal de tejadi ajeh kena begei de ya bicot ku kateh Alkitab.
17Mase Yesus Kiberkos Lazarus ju idanan ru Kicereg kek hol ju penep, mong mai jengoi de naineng hal ajeh. Enai naipasal hal de naineng ajeh nu mai kilek. 18Kerana ajeh, jeoi mai de naicerngai tentang tanda ajaib de bibeh ya Yesus ajeh naiterbuk nu Kek. 19Jadi, mai Farisi naiurok ratak liknai, “Nengloh, dikdij mai ya naijoi Kek. Mahentok nij de buleh hibeh!”
Mai Yunani Naiterbuk Yesus
20Mong memerip urag mai Yunani ku engkap mai jengoi de enget nu kote Yerusalem naiha-sembahyang Paskah. 21Naihol nu Filipus de kibeasal ju pekan Betsaida ku lengrik Galilea lalu naiurok, “Tuan, jiha-terbuk Yesus.”
22Filipus kipasal nu Andreas lalu baipasal nu Yesus. 23Yesus Kiurok nu mai Yunani ajeh, “Ya tiba imase Eng Kenon Manusia bipemulie melalui danan ru kisnos Eng. 24Cerngailoh abor, amen numeknat mat gandom pek bicet ru pek kidat ku kateh tik, mat gandom ajeh lekat numeknat taleh. Tapi, amen mat gandom ajeh bicet, mat gandom ajeh doh kidat canuk tapi doh kicuai ru kiperhol jeoi nij mat gandom de kilek. 25Begei ajeh juga, bok imai de kihok inyawe, inyawe ajeh dohjeh nyep. Tapi bok imai de pek kihok inyawe ku dunia adeh doh kikep sinui de lei ditehjeh. 26Bok imai de kaha-layan Eng, kek hodloh kijoi Eng nu belok taleh Nget. Ku belok Eng mong, ku pajeh juga pelayan Eng mong. Menek Eng doh Kihormat mai de nailayan Eng.”
Yesus Kipasal tentang Idanan
27“Senusah sengik Eng. Eng pek Ngpanei ma de Ngha-semanj nu Menek Eng. Eng pek Ngha-semanj supaye Menek Eng Kipeselamat Eng ju seniksa de pek liu nij doh Ngtempeh, kerana Eng Nghol nu dunia adeh supaye Ngkena seniksa ajeh. 28Menek, Eng Ngsemanj supaye muh Jen bipemulie melalui danan ru kisnos Eng doh!”
Telas ajeh mong suara ju langit, “Eng ya Ngpemulie muh Eng melalui Hek, ru nunoh nij doh Ngbeh begei ajeh.”
29Mai jengoi ku pajeh naicerngai ha suara ajeh. Naiurok ajeh suara engkuk. Tapi mong juga de naiurok ajeh suara malikat de kibelwal nu Yesus.
30Tapi Yesus Kiurok nu enai, “Suara ajeh pek ha Eng tapi ha engkek supaye engkepecaya nu Eng. 31Hunen ya lei imase mai ku dunia adeh bipeadel. Hunen jugaloh imase ha Ibles de kikuasa dunia adeh bipealah. 32Bile Eng biangket ku jehuk kalag, Eng doh Ngbuka nong supaye dikdij bangse buleh naihol nu Eng.” 33Kek Kiurok begei ajeh kerana Kaha-pasal tentang care Idanan doh.
34Lalu mai jengoi naiberlag, “Jik ya jibaca ku kateh Alkitab tentang hal adeh: Peselamat de bijanji ya Jenang doh Kisui lei ditehjeh. Jadi, yama Haurok Kenon Manusia hod biangket ru Kidat? Bokka Kenon Manusia ajeh?”
35Lalu Yesus Kiurok nu enai, “Cahaya doh pek liu Kibesama ru engkek. Peterosloh ceknip bile Cahaya ajeh lekat mong ku engkap engkek supaye gengwer pek kibekuasa ku engkek. Sengoi de kicekcip ku kateh gengwer pek kipanei nu belok kaha-et. 36Pecayaloh nu Cahaya ajeh selame lekat mong ku engkap engkek supaye engkejadi kekenon Cahaya ajeh.”
Mai Yahudi Pek Naipecaya
Telas Yesus Kiurok begei ajeh, Yesus Kiet ju kenjeh lalu Kiberencep ju enai. 37Hamapen Kek ya Kibeh jeoi tanda ajaib ku ngar mai jengoi tapi enai ajeh lekat pek naipecaya nu Kek. 38Hal ajeh tejadi kena begei de bicot ya Nabi Yesaya,
“TUHAN, had gek mai de pecaya nu engrok Jen de ngperlei,
ru bokhentok de bakek ru reti kuasa Jen.”#Yes 53:1
39Enai pek buleh naipecaya kerana Nabi Yesaya juga kicot,
40“Jenang ya Kipebuta mat enai,
ru ya Kipejadi sengik enai degel,
supaye mat enai pek buleh kinengneng,
ru sengik enai pek buleh kireti,
lei pek buleh naijog nij nu Kek
ru biperbor.”#Yes 6:10
41Nabi Yesaya kicot begei ajeh kerana kek ya kineng kemuliean Yesus lalu kipasal tentang Kek.
42Hamapen begei ajeh, jeoi pemimpen-pemimpen mai Yahudi naipecaya nu Yesus. Tapi, ya kerana naisengoh ha mai Farisi, enai pek naiaku Yesus ku engkap mai jengoi kerana naisengoh biperet ju deg sembahyang. 43Enai lebeh naihod bipateh ya manusia daripade bipateh ya Jenang.
Neajar Yesus doh Kijadi Hakem
44Lalu Yesus Kicereg ru suara kuat, “Bok imai de kipecaya nu Eng, kek kipecaya juga nu Ilei de ngengngeng Eng. 45Bok imai de kineng Eng, kek kineng juga Ilei de ngengngeng Eng. 46Eng Nghol nu dunia adeh sebegei Cahaya supaye jap-jap sengoi de pecaya nu Eng pek naigei nij ku kateh gengwer. 47Amen numom kicerngai neajar Eng tapi pek kitaat nu neajar ajeh, Eng doh pek Nghukom kek kerana Eng Nghol pek Ngha-hukom manusia tapi Ngha-peselamat enai. 48Ya mong hakem ha sengoi de kinyek ha Eng ru neajar Eng. Neajar de Ngperlei ajehloh de doh kihukom enai ku arik kiamat. 49Eng Ngbelwal pek Ngjoi heknod LiEng sendiri tapi Ngjoi ernor Menek de Kingeng Eng. 50Eng Ngpanei tentang hal adeh: Iernor ajeh kiog sinui de lei ditehjeh. Jadi, Ngpasal dikdij ma de bior ya Menek.”
Currently Selected:
YOHANES 12: AEH
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
YOHANES 12
12
Maria Kikoh Minyak Wangi ku Yesus
(Mat 26:6-13; Mrk 14:3-9)
1Enam arik sebelom Arik Raya Paskah, Yesus Kiet nu kampug Betania. Kampug ajeh tempat ginei Lazarus. Lazarus ajehloh sengoi de entemjeh biberkos ju idanan ya Yesus. 2Ku pajeh mong bibeh caknak kelem ha Yesus. Marta kibejamu mai cakcak. Lazarus ru mai kilek naigei cerner ku mije naiha-cakcak#12:2 Naigei cerner ku mije naiha-cakcak: Begei adehloh icare mai Yahudi ku jaman ajeh naicakcak ku mije. besama ru Yesus. 3Lalu Maria kikot kira-kira setengah liter minyak wangi de ihad mahal. Kek kikoh minyak wangi ajeh ku jog Yesus ru kigit ya isog. Ngoi minyak wangi ajeh tebeg nanek deg. 4Tapi numom ju pengikot-pengikot Yesus de imuh Yudas Iskariot, de kikianat ha Yesus doh, kiurok, 5“Minyak wangi ajeh iregak sama begei gaji nutahut mai kerakjak. Kek sepatotnye kijual minyak wangi ajeh ru kiog iduet nu mai hajap!” 6Yudas kiurok begei ajeh pek kerana kek betol-betol kaha-tulog mai hajap tapi kerana kaha-sij duet ajeh. Kek ajeh bendahari tapi kek kigu-kot duet ha keperluan diri ilei sendiri ju beg duet de kigu-cap.
7Tapi Yesus Kiurok, “Wes agok kacau kerdor adeh! Kek kibeh hal adeh kaha-sedia berog Eng ha ceknop danan Eng doh!#12:7 Kek kibeh hal adeh kaha-sedia berog Eng ha ceknop danan Eng doh: Ku jaman ajeh, mai Yahudi naisedia mayat naiguna minyak wangi. 8Mai hajap selalo mong besama ru engkek, jadi bile-bile buleh engketulog enai. Tapi Eng pek selalo mong besama ru engkek.”
Nerancang ha Perdat Lazarus
9Yesus mong ku kampug Betania ru jeoi mai Yahudi naicerngai tentang hal ajeh. Jadi, naiet nu majeh pek taleh naiha-neng ha Yesus tapi naiha-neng ha Lazarus de ya biberkos ju idanan ya Yesus. 10Raknak-raknak imam agame Yahudi nairancang naiha-perdat ha Lazarus juga 11kerana jeoi mai de naicerngai ha kisnos Lazarus ajeh naijadi pecaya nu Yesus ru naidek ha raknak-raknak imam agame Yahudi.
Yesus Kimuj nu Kote Yerusalem
(Mat 21:1-11; Mrk 11:1-11; Luk 19:28-40)
12Ku ihuper jeoi mai jengoi de ya lei nu kote Yerusalem ha Arik Raya Paskah naicerngai gah tentang Yesus tengah Kihol nu majeh. 13Jadi, naikot cag-cag pelepah lalu naihol ju Yerusalem naiha-samut Kek sambel naisurag,
“Semoge Kek bipateh!
Semoge Kek de Kihol sebegei wakel TUHAN biberkat!
Semoge Raja Israel biberkat!”#Mzm 118:25-26
14Yesus Kibakek nuikor kenon keldei lalu Kitebot. Hal ajeh kitejadi begei de bicot ku kateh Alkitab,
15“Mai kote Sion,
agok sengoh!
Nengloh, Raja engkek Kihol
Kitebot nuikor keldei nyengnyam!”#Za 9:9
16Ku mase ajeh, pengikot-pengikot Yesus pek naireti tentang hal de tejadi ajeh. Tapi telas Yesus bipemulie melalui Idanan ru Ikisnos, baruloh naireti dikdij hal de tejadi ajeh kena begei de ya bicot ku kateh Alkitab.
17Mase Yesus Kiberkos Lazarus ju idanan ru Kicereg kek hol ju penep, mong mai jengoi de naineng hal ajeh. Enai naipasal hal de naineng ajeh nu mai kilek. 18Kerana ajeh, jeoi mai de naicerngai tentang tanda ajaib de bibeh ya Yesus ajeh naiterbuk nu Kek. 19Jadi, mai Farisi naiurok ratak liknai, “Nengloh, dikdij mai ya naijoi Kek. Mahentok nij de buleh hibeh!”
Mai Yunani Naiterbuk Yesus
20Mong memerip urag mai Yunani ku engkap mai jengoi de enget nu kote Yerusalem naiha-sembahyang Paskah. 21Naihol nu Filipus de kibeasal ju pekan Betsaida ku lengrik Galilea lalu naiurok, “Tuan, jiha-terbuk Yesus.”
22Filipus kipasal nu Andreas lalu baipasal nu Yesus. 23Yesus Kiurok nu mai Yunani ajeh, “Ya tiba imase Eng Kenon Manusia bipemulie melalui danan ru kisnos Eng. 24Cerngailoh abor, amen numeknat mat gandom pek bicet ru pek kidat ku kateh tik, mat gandom ajeh lekat numeknat taleh. Tapi, amen mat gandom ajeh bicet, mat gandom ajeh doh kidat canuk tapi doh kicuai ru kiperhol jeoi nij mat gandom de kilek. 25Begei ajeh juga, bok imai de kihok inyawe, inyawe ajeh dohjeh nyep. Tapi bok imai de pek kihok inyawe ku dunia adeh doh kikep sinui de lei ditehjeh. 26Bok imai de kaha-layan Eng, kek hodloh kijoi Eng nu belok taleh Nget. Ku belok Eng mong, ku pajeh juga pelayan Eng mong. Menek Eng doh Kihormat mai de nailayan Eng.”
Yesus Kipasal tentang Idanan
27“Senusah sengik Eng. Eng pek Ngpanei ma de Ngha-semanj nu Menek Eng. Eng pek Ngha-semanj supaye Menek Eng Kipeselamat Eng ju seniksa de pek liu nij doh Ngtempeh, kerana Eng Nghol nu dunia adeh supaye Ngkena seniksa ajeh. 28Menek, Eng Ngsemanj supaye muh Jen bipemulie melalui danan ru kisnos Eng doh!”
Telas ajeh mong suara ju langit, “Eng ya Ngpemulie muh Eng melalui Hek, ru nunoh nij doh Ngbeh begei ajeh.”
29Mai jengoi ku pajeh naicerngai ha suara ajeh. Naiurok ajeh suara engkuk. Tapi mong juga de naiurok ajeh suara malikat de kibelwal nu Yesus.
30Tapi Yesus Kiurok nu enai, “Suara ajeh pek ha Eng tapi ha engkek supaye engkepecaya nu Eng. 31Hunen ya lei imase mai ku dunia adeh bipeadel. Hunen jugaloh imase ha Ibles de kikuasa dunia adeh bipealah. 32Bile Eng biangket ku jehuk kalag, Eng doh Ngbuka nong supaye dikdij bangse buleh naihol nu Eng.” 33Kek Kiurok begei ajeh kerana Kaha-pasal tentang care Idanan doh.
34Lalu mai jengoi naiberlag, “Jik ya jibaca ku kateh Alkitab tentang hal adeh: Peselamat de bijanji ya Jenang doh Kisui lei ditehjeh. Jadi, yama Haurok Kenon Manusia hod biangket ru Kidat? Bokka Kenon Manusia ajeh?”
35Lalu Yesus Kiurok nu enai, “Cahaya doh pek liu Kibesama ru engkek. Peterosloh ceknip bile Cahaya ajeh lekat mong ku engkap engkek supaye gengwer pek kibekuasa ku engkek. Sengoi de kicekcip ku kateh gengwer pek kipanei nu belok kaha-et. 36Pecayaloh nu Cahaya ajeh selame lekat mong ku engkap engkek supaye engkejadi kekenon Cahaya ajeh.”
Mai Yahudi Pek Naipecaya
Telas Yesus Kiurok begei ajeh, Yesus Kiet ju kenjeh lalu Kiberencep ju enai. 37Hamapen Kek ya Kibeh jeoi tanda ajaib ku ngar mai jengoi tapi enai ajeh lekat pek naipecaya nu Kek. 38Hal ajeh tejadi kena begei de bicot ya Nabi Yesaya,
“TUHAN, had gek mai de pecaya nu engrok Jen de ngperlei,
ru bokhentok de bakek ru reti kuasa Jen.”#Yes 53:1
39Enai pek buleh naipecaya kerana Nabi Yesaya juga kicot,
40“Jenang ya Kipebuta mat enai,
ru ya Kipejadi sengik enai degel,
supaye mat enai pek buleh kinengneng,
ru sengik enai pek buleh kireti,
lei pek buleh naijog nij nu Kek
ru biperbor.”#Yes 6:10
41Nabi Yesaya kicot begei ajeh kerana kek ya kineng kemuliean Yesus lalu kipasal tentang Kek.
42Hamapen begei ajeh, jeoi pemimpen-pemimpen mai Yahudi naipecaya nu Yesus. Tapi, ya kerana naisengoh ha mai Farisi, enai pek naiaku Yesus ku engkap mai jengoi kerana naisengoh biperet ju deg sembahyang. 43Enai lebeh naihod bipateh ya manusia daripade bipateh ya Jenang.
Neajar Yesus doh Kijadi Hakem
44Lalu Yesus Kicereg ru suara kuat, “Bok imai de kipecaya nu Eng, kek kipecaya juga nu Ilei de ngengngeng Eng. 45Bok imai de kineng Eng, kek kineng juga Ilei de ngengngeng Eng. 46Eng Nghol nu dunia adeh sebegei Cahaya supaye jap-jap sengoi de pecaya nu Eng pek naigei nij ku kateh gengwer. 47Amen numom kicerngai neajar Eng tapi pek kitaat nu neajar ajeh, Eng doh pek Nghukom kek kerana Eng Nghol pek Ngha-hukom manusia tapi Ngha-peselamat enai. 48Ya mong hakem ha sengoi de kinyek ha Eng ru neajar Eng. Neajar de Ngperlei ajehloh de doh kihukom enai ku arik kiamat. 49Eng Ngbelwal pek Ngjoi heknod LiEng sendiri tapi Ngjoi ernor Menek de Kingeng Eng. 50Eng Ngpanei tentang hal adeh: Iernor ajeh kiog sinui de lei ditehjeh. Jadi, Ngpasal dikdij ma de bior ya Menek.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.