YOHANES 14
14
Yesus Ajeh Nong nu IMenek
1Yesus Kiurok nu Ipengikot-pengikot, “Agokloh susah sengik. Pecayaloh nu Jenang ru pecayaloh nu Eng juga. 2Ku deg Menek Eng mong jeoi tempat ginei ru Eng doh Nget nu majeh Ngha-sedia tempat ha engkek. Amen hal ajeh pek betol, Eng pek Ngurok begei ajeh nu engkek. 3Telas Nget ru Ngsedia tempat ha engkek, Eng doh Nglos nij ru Ngen engkek nu tempat de Nggei ajeh supaye engkebesama ru Eng. 4Engkek pen engkepanei inong nu tempat de Ngha-et ajeh.”
5Tomas kiurok nu Kek, “Guru, jik pek jipanei nu belok Jenha-et. Begeiharok jiha-panei inong nu majeh?”
6Yesus Kiberlag, “Engloh inong de kituju nu Menek. Engloh Ilei de Ngperlei neajar de benar tentang Jenang. Ru Engloh Ilei de engog sinui de lei ditehjeh. Pek mong numom pen de dapat kihol nu Menek amen pek melalui Eng. 7Amen engkekenal Eng, engkekenal Menek Eng juga. Mula ju hunen, engkekenal Menek Eng ru ya engkeneng Ilei.”
8Filipus kiurok nu Yesus, “Guru, pernengloh Menek nu jik. Ajeh pen ya cukop nu jik.”
9Tapi Yesus Kiberlag, “Filipus, ya liu Ngbesama ru engkek, jadi tentu hek ya hakenal Eng adeh bok. Bok imai de ya kineng Eng, kek ya kineng Menek. Jadi, pek patot hasemanj Ngperneng Menek nu engkek. 10Eng Ngbenanek ru Menek, ru Menek Kibenanek ru Eng. Hek pek hapecayaka bengwal Eng ajeh? Ma de Ngurok nu engkek pek ju LiEng sendiri tapi ju Menek de Kigei ku kateh Eng. Kekloh de bahbeh Ikerjak melalui Eng. 11Pecayaloh nu Eng bile Ngurok Eng Ngbenanek ru Menek ru Menek Kibenanek ru Eng. Amen susah engkeha-pecaya nu bengwal Eng, nengloh nu tanda-tanda ajaib de ya Ngbeh supaye buleh engkepecaya nu bengwal Eng. 12Cerngailoh abor, bok imai de kipecaya nu Eng doh kibeh tanda-tanda ajaib begei de ya Ngbeh. Kek doh kibeh hal-hal de lebeh entoi nij kerana Eng doh Ngjog nu Menek Eng ru 13Eng doh Ngbeh ma taleh de engkesemanj ku kateh muh Eng supaye Menek bipemulie melalui Eng IKenon. 14Ngurok nij, Eng doh Ngbeh ma taleh de engkesemanj ku kateh muh Eng.”
Yesus Kijanji Kaha-og Kelog Santen
15“Amen engkehok Eng, engkek doh engketaat nu ernor-ernor Eng. 16Eng doh Ngsemanj nu Menek supaye Kiog Penulog de kilek nu engkek. Penulog ajeh doh Kibesama ru engkek lei ditehjeh. 17Penulog ajeh Kelog de benar. Mai de pek naipecaya nu Eng pek dapat naiterima Kek kerana enai pek dapat naineng atao naikenal Kek. Tapi engkek ya engkekenal Kek kerana Kek ya Kigei besama ru engkek ru doh mong ku kateh sengik engkek.
18Eng doh pek Ngdek engkehalei begei ha mai rekneg. Eng doh Nglos nij nu engkek. 19Pek liu nij, mai de pek naipecaya nu Eng doh pek naibakek Eng nij tapi engkek doh engkebakek Eng nij doh. Kerana Eng Ngsui, engkek pen doh engkesui. 20Ku arik Eng Ngkos ju danan doh engkepanei tentang hal adeh: Eng Ngbenanek ru Menek Eng, engkebenanek ru Eng, ru Eng Ngbenanek ru engkek.
21Bok de kiterima ru kitaat nu ernor Eng, kek ajehloh sengoi de kihok Eng. Bok de kihok Eng, kek doh bihok ya Menek Eng. Eng pen doh Nghok kek ru Ngperneng diri LiEng nu kek.”
22Telas ajeh numom pengikot Yesus imuh Yudas (enyuk pek Yudas Iskariot) kitanya nu Yesus, “Guru, yama Jenperneng diri Jen nu jik tapi pek nu mai de pek naipecaya nu Jen?”
23Yesus Kiberlag, “Bok de kihok Eng kitaat nu neajar Eng. Menek Eng pen doh Kihok sengoi ajeh. Eng ru Menek Eng doh jaret nu kek ajeh ru jargei besama ku kateh sengik kek. 24Bok de pek kihok Eng pek kitaat nu neajar Eng. Neajar de engkecerngai adeh pek ju LiEng sendiri tapi ju Menek de Kingeng Eng.
25Dikdij adeh Ngpasal nu engkek selame Eng lekat mong besama ru engkek. 26Tapi Kelog Santen, Penulog de doh bingeng ya Menek sebegei pengganti Eng, doh Kiajar engkek dikdij pekare ru doh Kipeingat engkek ma de ya Ngurok nu engkek.
27Eng Ngha-dek engkek, jadi Eng Ngog nu engkek sengik de aman de pek dapat biog ya dunia adeh. Jadi, agok susah sengik ru agok sengoh. 28Engkek ya engkecerngai Ngurok, ‘Eng doh Nget tapi doh Nglos nij nu engkek.’ Amen betol-betol engkehok ha Eng, engkek hodloh engkekerakmik kerana Ngjog nu Menek de lebeh entoi ju Eng. 29Hunen Ngpasal dikdij adeh nu engkek sebelom dikdij hal ajeh kitejadi supaye bile hal ajeh kitejadi, engkepecaya nu Eng. 30Eng pek buleh Ngbelwal lebeh liu nij kerana Ibles ya kitiba. Kek pek kibekuasa kibeh ma-ma nu Eng 31tapi Eng Ngbeh ma taleh de bior ya Menek supaye mai ku dunia adeh naipanei Eng Nghok ha Kek.
Beiloh hiet ju kendeh.”
Currently Selected:
YOHANES 14: AEH
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
YOHANES 14
14
Yesus Ajeh Nong nu IMenek
1Yesus Kiurok nu Ipengikot-pengikot, “Agokloh susah sengik. Pecayaloh nu Jenang ru pecayaloh nu Eng juga. 2Ku deg Menek Eng mong jeoi tempat ginei ru Eng doh Nget nu majeh Ngha-sedia tempat ha engkek. Amen hal ajeh pek betol, Eng pek Ngurok begei ajeh nu engkek. 3Telas Nget ru Ngsedia tempat ha engkek, Eng doh Nglos nij ru Ngen engkek nu tempat de Nggei ajeh supaye engkebesama ru Eng. 4Engkek pen engkepanei inong nu tempat de Ngha-et ajeh.”
5Tomas kiurok nu Kek, “Guru, jik pek jipanei nu belok Jenha-et. Begeiharok jiha-panei inong nu majeh?”
6Yesus Kiberlag, “Engloh inong de kituju nu Menek. Engloh Ilei de Ngperlei neajar de benar tentang Jenang. Ru Engloh Ilei de engog sinui de lei ditehjeh. Pek mong numom pen de dapat kihol nu Menek amen pek melalui Eng. 7Amen engkekenal Eng, engkekenal Menek Eng juga. Mula ju hunen, engkekenal Menek Eng ru ya engkeneng Ilei.”
8Filipus kiurok nu Yesus, “Guru, pernengloh Menek nu jik. Ajeh pen ya cukop nu jik.”
9Tapi Yesus Kiberlag, “Filipus, ya liu Ngbesama ru engkek, jadi tentu hek ya hakenal Eng adeh bok. Bok imai de ya kineng Eng, kek ya kineng Menek. Jadi, pek patot hasemanj Ngperneng Menek nu engkek. 10Eng Ngbenanek ru Menek, ru Menek Kibenanek ru Eng. Hek pek hapecayaka bengwal Eng ajeh? Ma de Ngurok nu engkek pek ju LiEng sendiri tapi ju Menek de Kigei ku kateh Eng. Kekloh de bahbeh Ikerjak melalui Eng. 11Pecayaloh nu Eng bile Ngurok Eng Ngbenanek ru Menek ru Menek Kibenanek ru Eng. Amen susah engkeha-pecaya nu bengwal Eng, nengloh nu tanda-tanda ajaib de ya Ngbeh supaye buleh engkepecaya nu bengwal Eng. 12Cerngailoh abor, bok imai de kipecaya nu Eng doh kibeh tanda-tanda ajaib begei de ya Ngbeh. Kek doh kibeh hal-hal de lebeh entoi nij kerana Eng doh Ngjog nu Menek Eng ru 13Eng doh Ngbeh ma taleh de engkesemanj ku kateh muh Eng supaye Menek bipemulie melalui Eng IKenon. 14Ngurok nij, Eng doh Ngbeh ma taleh de engkesemanj ku kateh muh Eng.”
Yesus Kijanji Kaha-og Kelog Santen
15“Amen engkehok Eng, engkek doh engketaat nu ernor-ernor Eng. 16Eng doh Ngsemanj nu Menek supaye Kiog Penulog de kilek nu engkek. Penulog ajeh doh Kibesama ru engkek lei ditehjeh. 17Penulog ajeh Kelog de benar. Mai de pek naipecaya nu Eng pek dapat naiterima Kek kerana enai pek dapat naineng atao naikenal Kek. Tapi engkek ya engkekenal Kek kerana Kek ya Kigei besama ru engkek ru doh mong ku kateh sengik engkek.
18Eng doh pek Ngdek engkehalei begei ha mai rekneg. Eng doh Nglos nij nu engkek. 19Pek liu nij, mai de pek naipecaya nu Eng doh pek naibakek Eng nij tapi engkek doh engkebakek Eng nij doh. Kerana Eng Ngsui, engkek pen doh engkesui. 20Ku arik Eng Ngkos ju danan doh engkepanei tentang hal adeh: Eng Ngbenanek ru Menek Eng, engkebenanek ru Eng, ru Eng Ngbenanek ru engkek.
21Bok de kiterima ru kitaat nu ernor Eng, kek ajehloh sengoi de kihok Eng. Bok de kihok Eng, kek doh bihok ya Menek Eng. Eng pen doh Nghok kek ru Ngperneng diri LiEng nu kek.”
22Telas ajeh numom pengikot Yesus imuh Yudas (enyuk pek Yudas Iskariot) kitanya nu Yesus, “Guru, yama Jenperneng diri Jen nu jik tapi pek nu mai de pek naipecaya nu Jen?”
23Yesus Kiberlag, “Bok de kihok Eng kitaat nu neajar Eng. Menek Eng pen doh Kihok sengoi ajeh. Eng ru Menek Eng doh jaret nu kek ajeh ru jargei besama ku kateh sengik kek. 24Bok de pek kihok Eng pek kitaat nu neajar Eng. Neajar de engkecerngai adeh pek ju LiEng sendiri tapi ju Menek de Kingeng Eng.
25Dikdij adeh Ngpasal nu engkek selame Eng lekat mong besama ru engkek. 26Tapi Kelog Santen, Penulog de doh bingeng ya Menek sebegei pengganti Eng, doh Kiajar engkek dikdij pekare ru doh Kipeingat engkek ma de ya Ngurok nu engkek.
27Eng Ngha-dek engkek, jadi Eng Ngog nu engkek sengik de aman de pek dapat biog ya dunia adeh. Jadi, agok susah sengik ru agok sengoh. 28Engkek ya engkecerngai Ngurok, ‘Eng doh Nget tapi doh Nglos nij nu engkek.’ Amen betol-betol engkehok ha Eng, engkek hodloh engkekerakmik kerana Ngjog nu Menek de lebeh entoi ju Eng. 29Hunen Ngpasal dikdij adeh nu engkek sebelom dikdij hal ajeh kitejadi supaye bile hal ajeh kitejadi, engkepecaya nu Eng. 30Eng pek buleh Ngbelwal lebeh liu nij kerana Ibles ya kitiba. Kek pek kibekuasa kibeh ma-ma nu Eng 31tapi Eng Ngbeh ma taleh de bior ya Menek supaye mai ku dunia adeh naipanei Eng Nghok ha Kek.
Beiloh hiet ju kendeh.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.