Lukasi 13
13
Mu piruke
1Munako dhodho heyire hanu kwaJesusi na ha mu tongwere yokwawakaGalileya, awa gha paghire Pilatusi, no gha koshakoshire manyinga ghawo nomiyambo dhawo dhoyiyama. 2Jesusi gha wa huthire eshi: “Muna kughayara eshi, hakaGalileya wa ne hayiharuri kupiterera hakaGalileya hamweya ndi, eyi ya wa hokokerire yokenge yo? 3Kadi kemo, na kumutongwera Me. Ngeshi mbadi sho mu piruke, mwaheya mbo muna fu thika wo! 4Ngambi waya hashadikumi nokwoko nohahatu, awa wa wererire mushoke waSalowamu, muna kughayara eshi ha kara nomurandu kupiterera hakaJerusalema waheya ndi? 5Kadi kemo na kumutongwera Me. Ngeshi mbadi sho mu piruke, mwaheya mbo muna fu thika wo.”
Maghanekero ghoghukuyu ghokudhira kwima
6Munyima gha wa ghanekerire maghanekero ghano eshi: “Murume gha karire nothitondo thoghukuyu ethi gha tapekire mudipya dyendi. Apa gheyire na gha shane ko mbuyo, mbadi gha dhi wanine ko. Ko kuninga kwendi kwamukakurughana mudipya eshi: 7‘Mone, myaka dhihatu neya eshi na nuye mbuyo kughukuyu ghu, ene kadi dha kuwana ko. Thi tete po! Nye sho thi mangopithere muve nyara‐nyara?’ 8Oyu gha rughana mudipya gha mu huthire eshi: ‘Hekudyange, thi thighe tango thimane mumwaka ghuno. Na kuthikan̂ena mokan̂o, ho ni kuwe ko rutoko. 9Ngwa n̂anyi tha kwime mbuyo kumwakomwa. Ene ngeshi kadi kemo, wa kona kuthiteta po.’ ”
Jesusi ghana kwirukitha mukamadi ghokughara mudiyuwa dyoSabata
10Parumweya Jesusi gha hongire musinagoge ghumweya muSabata. 11Pa karire mukamadi oyu gha nyandire kumupepo ghoghumango myaka dikumi nokwoko nodhihatu, no wa mu kashithire thikumu. Gha kukokerire pofotji, no mbadi gha konine kughororoka no kamanana temba. 12Apa gha mu monine Jesusi, gha mwithire popepi no gha ningire kukwendi eshi: “Mukamadi, ghuna pu kushutura kuyikorwa yoye!” 13Ko kumukambeka kwendi nyara. Popo vene ko kwiruka kwendi no gha tangire kukugha Nyambi.
14Nduna ghomusinagoge ya mu tokothire thikuma, yoyishi Jesusi gherukithire ghumweya muSabata. Ko kuninga kwendi kumbunga eshi: “Muthivike ne mo gha di mayuwa kwoko nodyofotji, agha gha kona kurughana munu, namwe mwa kwiye diyuwa dimweya dyomumayuwa gha na ha mwirukithe, ene kadi muSabata.” 15Fumu gha mu huthire eshi: “Mwakadifurumeko mwe, mbadipo ghopapenu oyu ghokushutura ngombe wendi muSabata kuthireyi ngambi thidongi thendi, no kuyitwara gha ka yi nwithe ndi? 16Mukamadi ne yu, mwanahoka waAbrahamu, oyu gha ghanga Shatani myaka dikumi nokwoko nodhihatu. Mbadi ha kona kumushutura mughodhi ghu muSabata ndi?” 17Apa gha manine kughamba yi, ko kufa honyi hanyathi waJesusi waheya. Ene mbunga dhodhiheya, dha shambererire kuyinu yothitetu eyi gha tendire.
Maghanekero ghodinona dyoghutata nomuhaha
(Mat 13:31–33; Mark 3:30–32)
18Jesusi gha ningire eshi: “Thika nye wa pitura ghutungi waNyambi? Kunye sho ni ghu ghanekerithe? 19Agho ne wa kara yira dimbuto dyoghutata edi gha kunine munu ghumweya mudipya dyendi. Dya menine no dya karire thitondo. Yinyunyi, ya tendire yitunguru kumite dhatho.”
20Shime gha ningire karo eshi: “Kunye sho ni ghu ghanekerithe ghutungi waNyambi? 21Wa kara yira mushungwa oghu ghana yowera mukamadi murughamba no kughuthigha kate wa kuhahe shemwa.”
Dikorogho dyodithorokoto
(Mat 7:13–14, 21–23)
22Apa gha fungurukire Jesusi gha yende kuJerusalema, gha tjinaghanine mumambara nomumaghumbo no gha hongire hanu kokuhe. 23Ghumweya gha mwipurire eshi: “Fumu, wa hana pu kughamwena ne, hapu ndi?” Ko kuwatongwera kwendi eshi: 24“Mu kupakerere ngcamu dhenu no mu kondje kwingena mudikorogho dyodithorokoto. Ene na kumumanithera eshi, hengi mbo ha nyandera kukwingena mo, ne nokamanana temba, mbadi mbo ha yi wana. 25Ngeshi hemana thinda‐shandhugho gha tjapere ndhugho dhendi, mbo mu nemana panunda ghukun̂ura kuthero no kwitha eshi: ‘Hekudyetu, ghu tu yandhwerere!’ Aye ne mbo ghana mu hutha eshi: ‘Mbadi na mu dimuka ku mwa tunda mwe.’ 26Munyima mbo muna ningi eshi: ‘Pofotji twa dire noye no kunwa noye no wa hongire nahu mumayira ghetu.’ 27Aye ne mbo ghana mu hutha eshi: ‘Mbadi na mu dimuka ku mwa tunda mwe. Mwaheya mbadi mwa tenda yoyihunga. Mu finyaghuke no mu tunde kukwange!’ 28Po mbo mu dira nomakwetjurangayegho, apa mbo mu mona Abrahamu naIsaka naJakopu nawaporofeta mughutungi waNyambi, oku mwe mwathinda hana mu tjidhera panunda. 29Hanu mbana tundu kuDiva no kuDitokera kuMbunda no kuGhucuma no mbana hungumana kudiyumbu dyodikuru mughutungi waNyambi. 30Mu koneke vene eshi: Hakanyima wo mbo ha kara hakakutanga, no hakakutanga wo mbo ha kara hakanyima.”
Yomadiro ghokuJerusalema
(Mat 23:37–39)
31Kapupi kamanana popo ko kumutongwera Hafarasayi hamweya eshi: “Tunde mo muno no ghu yende kumweya, yoyishi Herodesi ne ghana shana kukupagha.”
32Aye ne gha wa tongwerire eshi: “Mu yende mu ka mu tongwere mbwawa yo: ‘Mu mone eshi, ame ne shime ha ni shwaghitha hashatani dyarero nopeghundha no kwirukitha hanu, mudiyuwa dyoghuhatu ne na mana.’ 33Ghuhunga ne na kona shime kurundurura ruyendo dyarero nopeghundha no kunaki, yoyi mbadi ya kona kukara kemo eshi muporofeta ne kumupaghera kwakonako shimengwa muJerusalema.
34“Jerusalema, Jerusalema, owe ghuna kupagha haporofeta, nawakakukutwarera mbudhi wa wa pagha nomawe. Rungatji na himine kukongwedha hanoye, thika shushwa ghokundeka tutjighotjigho twendi mumando, amwe ne mwa shwena! 35Mu mone, mbara dhenu, mbungu‐mbungu sho dhi kare. Yo na kumuntongwera eshi: Yashemwa mbadi mbo mu ni mona kutunda pano, kate mbo diye diyuwa edi mbo mu shogherera eshi: ‘Gha fumane oyu ghana kwiya muDina dyaFumu!’ ”
Currently Selected:
Lukasi 13: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Lukasi 13
13
Mu piruke
1Munako dhodho heyire hanu kwaJesusi na ha mu tongwere yokwawakaGalileya, awa gha paghire Pilatusi, no gha koshakoshire manyinga ghawo nomiyambo dhawo dhoyiyama. 2Jesusi gha wa huthire eshi: “Muna kughayara eshi, hakaGalileya wa ne hayiharuri kupiterera hakaGalileya hamweya ndi, eyi ya wa hokokerire yokenge yo? 3Kadi kemo, na kumutongwera Me. Ngeshi mbadi sho mu piruke, mwaheya mbo muna fu thika wo! 4Ngambi waya hashadikumi nokwoko nohahatu, awa wa wererire mushoke waSalowamu, muna kughayara eshi ha kara nomurandu kupiterera hakaJerusalema waheya ndi? 5Kadi kemo na kumutongwera Me. Ngeshi mbadi sho mu piruke, mwaheya mbo muna fu thika wo.”
Maghanekero ghoghukuyu ghokudhira kwima
6Munyima gha wa ghanekerire maghanekero ghano eshi: “Murume gha karire nothitondo thoghukuyu ethi gha tapekire mudipya dyendi. Apa gheyire na gha shane ko mbuyo, mbadi gha dhi wanine ko. Ko kuninga kwendi kwamukakurughana mudipya eshi: 7‘Mone, myaka dhihatu neya eshi na nuye mbuyo kughukuyu ghu, ene kadi dha kuwana ko. Thi tete po! Nye sho thi mangopithere muve nyara‐nyara?’ 8Oyu gha rughana mudipya gha mu huthire eshi: ‘Hekudyange, thi thighe tango thimane mumwaka ghuno. Na kuthikan̂ena mokan̂o, ho ni kuwe ko rutoko. 9Ngwa n̂anyi tha kwime mbuyo kumwakomwa. Ene ngeshi kadi kemo, wa kona kuthiteta po.’ ”
Jesusi ghana kwirukitha mukamadi ghokughara mudiyuwa dyoSabata
10Parumweya Jesusi gha hongire musinagoge ghumweya muSabata. 11Pa karire mukamadi oyu gha nyandire kumupepo ghoghumango myaka dikumi nokwoko nodhihatu, no wa mu kashithire thikumu. Gha kukokerire pofotji, no mbadi gha konine kughororoka no kamanana temba. 12Apa gha mu monine Jesusi, gha mwithire popepi no gha ningire kukwendi eshi: “Mukamadi, ghuna pu kushutura kuyikorwa yoye!” 13Ko kumukambeka kwendi nyara. Popo vene ko kwiruka kwendi no gha tangire kukugha Nyambi.
14Nduna ghomusinagoge ya mu tokothire thikuma, yoyishi Jesusi gherukithire ghumweya muSabata. Ko kuninga kwendi kumbunga eshi: “Muthivike ne mo gha di mayuwa kwoko nodyofotji, agha gha kona kurughana munu, namwe mwa kwiye diyuwa dimweya dyomumayuwa gha na ha mwirukithe, ene kadi muSabata.” 15Fumu gha mu huthire eshi: “Mwakadifurumeko mwe, mbadipo ghopapenu oyu ghokushutura ngombe wendi muSabata kuthireyi ngambi thidongi thendi, no kuyitwara gha ka yi nwithe ndi? 16Mukamadi ne yu, mwanahoka waAbrahamu, oyu gha ghanga Shatani myaka dikumi nokwoko nodhihatu. Mbadi ha kona kumushutura mughodhi ghu muSabata ndi?” 17Apa gha manine kughamba yi, ko kufa honyi hanyathi waJesusi waheya. Ene mbunga dhodhiheya, dha shambererire kuyinu yothitetu eyi gha tendire.
Maghanekero ghodinona dyoghutata nomuhaha
(Mat 13:31–33; Mark 3:30–32)
18Jesusi gha ningire eshi: “Thika nye wa pitura ghutungi waNyambi? Kunye sho ni ghu ghanekerithe? 19Agho ne wa kara yira dimbuto dyoghutata edi gha kunine munu ghumweya mudipya dyendi. Dya menine no dya karire thitondo. Yinyunyi, ya tendire yitunguru kumite dhatho.”
20Shime gha ningire karo eshi: “Kunye sho ni ghu ghanekerithe ghutungi waNyambi? 21Wa kara yira mushungwa oghu ghana yowera mukamadi murughamba no kughuthigha kate wa kuhahe shemwa.”
Dikorogho dyodithorokoto
(Mat 7:13–14, 21–23)
22Apa gha fungurukire Jesusi gha yende kuJerusalema, gha tjinaghanine mumambara nomumaghumbo no gha hongire hanu kokuhe. 23Ghumweya gha mwipurire eshi: “Fumu, wa hana pu kughamwena ne, hapu ndi?” Ko kuwatongwera kwendi eshi: 24“Mu kupakerere ngcamu dhenu no mu kondje kwingena mudikorogho dyodithorokoto. Ene na kumumanithera eshi, hengi mbo ha nyandera kukwingena mo, ne nokamanana temba, mbadi mbo ha yi wana. 25Ngeshi hemana thinda‐shandhugho gha tjapere ndhugho dhendi, mbo mu nemana panunda ghukun̂ura kuthero no kwitha eshi: ‘Hekudyetu, ghu tu yandhwerere!’ Aye ne mbo ghana mu hutha eshi: ‘Mbadi na mu dimuka ku mwa tunda mwe.’ 26Munyima mbo muna ningi eshi: ‘Pofotji twa dire noye no kunwa noye no wa hongire nahu mumayira ghetu.’ 27Aye ne mbo ghana mu hutha eshi: ‘Mbadi na mu dimuka ku mwa tunda mwe. Mwaheya mbadi mwa tenda yoyihunga. Mu finyaghuke no mu tunde kukwange!’ 28Po mbo mu dira nomakwetjurangayegho, apa mbo mu mona Abrahamu naIsaka naJakopu nawaporofeta mughutungi waNyambi, oku mwe mwathinda hana mu tjidhera panunda. 29Hanu mbana tundu kuDiva no kuDitokera kuMbunda no kuGhucuma no mbana hungumana kudiyumbu dyodikuru mughutungi waNyambi. 30Mu koneke vene eshi: Hakanyima wo mbo ha kara hakakutanga, no hakakutanga wo mbo ha kara hakanyima.”
Yomadiro ghokuJerusalema
(Mat 23:37–39)
31Kapupi kamanana popo ko kumutongwera Hafarasayi hamweya eshi: “Tunde mo muno no ghu yende kumweya, yoyishi Herodesi ne ghana shana kukupagha.”
32Aye ne gha wa tongwerire eshi: “Mu yende mu ka mu tongwere mbwawa yo: ‘Mu mone eshi, ame ne shime ha ni shwaghitha hashatani dyarero nopeghundha no kwirukitha hanu, mudiyuwa dyoghuhatu ne na mana.’ 33Ghuhunga ne na kona shime kurundurura ruyendo dyarero nopeghundha no kunaki, yoyi mbadi ya kona kukara kemo eshi muporofeta ne kumupaghera kwakonako shimengwa muJerusalema.
34“Jerusalema, Jerusalema, owe ghuna kupagha haporofeta, nawakakukutwarera mbudhi wa wa pagha nomawe. Rungatji na himine kukongwedha hanoye, thika shushwa ghokundeka tutjighotjigho twendi mumando, amwe ne mwa shwena! 35Mu mone, mbara dhenu, mbungu‐mbungu sho dhi kare. Yo na kumuntongwera eshi: Yashemwa mbadi mbo mu ni mona kutunda pano, kate mbo diye diyuwa edi mbo mu shogherera eshi: ‘Gha fumane oyu ghana kwiya muDina dyaFumu!’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986