Lukasi 15
15
Maghanekero ghondjwi ghokuyongara
(Mat 18:12–14)
1Haketethi nawayiharuri, ha twayerire roruhe kwiya kwaJesusi na ha tegherere. 2Hafarasayi nawakamarukwaro ha tomononine no ha ningire eshi: “Murume yu gha haka kutambura hayiharuri no kudya nawo.” 3Jesusi ne gha wa ghanekerire maghanekero eshi:
4“Ngeshi yofotji ghopapenu gha muna ndwji dithere dyofotji, ene yofotji ghopapadho ghana kuyongara. Nye sho gha tende? Ghana kuthigha edhi dhomakumi kwoko nomane nokwoko nodhine mumamboreya, no ghana kushana oyu ndwji ghokuyongara kate gha ka mu wane. 5Ngeshi ghana ka mu wana, ghana kumukukambeka ghushamberera padipeghe dyendi. 6Pakukuma kudighumbo, ghana kwitha hashere wendi nawakamaparaghumbo no ghana kuninga eshi: ‘Mu shamberere pofotji nange, yoyi na wana karo ndjiwi wange ghokuyongara.’ 7Na kumutongwera eshi: Kemo mbo yi kara karo kwaNyambi mudiwiru yishamberera kwathiharuri yofotji oyu mbo gha piruka, no mbo ghana piterera hahunga makumi kwoko nomane nokwoko nohane awa ha shwena mapirukero.
Maghanekero ghodinyinga dyokuyongara
8“Endi ngeshi mukamadi gha kara nomasherenyi dikumi ghomuwaya‐waya, yofotji ne ghana kumuwa. Kadi wa kumuneka munyenge no kuthukura mundhugho dhendi eshi gha mu wane ndi? 9Ngeshi pakumuwana, ghana kwitha hayendhendi nawakamaparaghumbo nendi no ghana kuninga eshi: ‘Mu ni shambereritheko, yoyishi na wana dinyinga dyange dyokuyongara.’ 10Na kumutongwera eshi: Kemo yina kukara yishamberera mwawaengeli waNyambi, kwathiharuri yofotji oyu ghana piruka.”
Maghanekero ghamungaghu ghokuyongara
11Shime gha ningire karo Jesusi eshi: “Murume ghumweya gha karire nohanendi hawadi hoharumyana. 12Minamunu gha ningire kwawihe eshi: ‘Tate, ni pe dihenda dyoyimuna eyi mbo ni yora kughutho.’ Wihawo mbadi gha karire mithi, ko kuwayakunuthera yinu yi. 13Mumayuwa ghomapu, ko kughuritha yinu yendi yoyihe kumanyinga, ho gha rongerire gha thighe dighumbo dyawo, gha yende kuditunga dyokayenda. Oku ne ko gha ka mwaghamwagherire manyinga ghendi muyipara yoyimango. 14Apa gha manithire yoyihe, ko kwiya diyerenge dyodikuru muditunga di no gha nyandire thikuma. 15Ko kuyenda kwendi gha ka rughane kwamundambo ghoditunga. Aye gha mu tumine kuhambo dhendi gha ka kunge yinguru. 16Ho gha ka ghayarire eshi nye karo, n̂anyi ni kute kuyikumbu eyi yina kudya yinguru. Ene mbadiko yu gha yi mu pire. 17Munyima gha kwipurire thinda eshi: ‘Ngepi wingi wawavereki watate, ene waheya kurikanya yidya. Ame ne ndhara na kufa kuno. 18Kuyenda na kuyenda kwatate ni ka mu tongwere eshi: Tate, na harura kwaNyambi no kukoye! 19Mbadi na fumana eshi ghu ni toye karo nomwanoye. Ni tende nomuvereki ghoye.’ 20Naye ko kuhuka kwawihe noghutamangera temba. Oku shime gha karera kokayenda, ko kumukambekedha wihe no gha mu fererire n̂eke thikuma. Wihe gha dhondokire kukwendi gha ka mu ndhondhere muthingo no kumuncumita. 21Mwanendi gha ningire kukwendi eshi: ‘Tate na harura kwaNyambi no kukoye. Mbadi na fumana shime kunitoya eshi nomwa noye.’ 22Ene wihe ghethire mupikendi eshi: ‘Tambuke! Ka rete yivata, ene yoyiwa, no ghu mu vateke; mu shupeke kadeya kumunwe wendi nomakuha. 23Ho ka rete ndana ghokununa no mu paghe tu dye no tu tende difeste! 24Yoyishi mwanange yu ne gha fire, ene shime ha para. Gha yongarire, ene na mu wana karo.’ Ko kutanga kwawo kudya difeste.
25“Mwanendi ghombedi ne mudipya gha karire. Apa gha ka hukire no kukokera pepi nodighumbo, ko kuyuva kwendi yishika noyimba. 26Hetha kwendi mupika ghumweya gha mwipure eshi: ‘Nye yi di ko ko.’ 27Mupika gha mu huthire eshi: ‘Minoye ne gha neya. Nawiho, ghana pagha ndana ghomununu, yoyishi ghana ka huka muyumi‐yumi!’
28“Ko kupata mukurwamunu no mbadi gha hakire kwingena mudighumbo. Wihe gha shwaghire no gha ghambire thiwana nendi. 29Mwanendi gha mu huthire eshi: ‘Mone, ame ne na rughana myaka dhodhiheya kukoye yira nothipika. Karo nokamanana temba aka na nyatha pamahimeno ghoye. Ene norofotji temba wa ni pa n̂ombo eshi ni tende difeste pofotji nawayendhange. 30Dyarero apa gha neya yu mwanoye kukoye, oyu gha pethire ghugavo ghu wa mu pire kuruhonda, ghunu mu paghera ndana ghomununu!’ 31Ko kumuhutha wihe eshi: ‘Mwanange, owe ne roruheya nange wa kara, noyoyiheya yi na wana me ne yoye. 32Mbadiko thimweya thi sho tu tende, tu tende vene difeste no tu shamberere. Yoyishi minoye ne gha fire, ene muyumi karo, gha yongarire ene tuna mu wana karo.’ ”
Currently Selected:
Lukasi 15: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Lukasi 15
15
Maghanekero ghondjwi ghokuyongara
(Mat 18:12–14)
1Haketethi nawayiharuri, ha twayerire roruhe kwiya kwaJesusi na ha tegherere. 2Hafarasayi nawakamarukwaro ha tomononine no ha ningire eshi: “Murume yu gha haka kutambura hayiharuri no kudya nawo.” 3Jesusi ne gha wa ghanekerire maghanekero eshi:
4“Ngeshi yofotji ghopapenu gha muna ndwji dithere dyofotji, ene yofotji ghopapadho ghana kuyongara. Nye sho gha tende? Ghana kuthigha edhi dhomakumi kwoko nomane nokwoko nodhine mumamboreya, no ghana kushana oyu ndwji ghokuyongara kate gha ka mu wane. 5Ngeshi ghana ka mu wana, ghana kumukukambeka ghushamberera padipeghe dyendi. 6Pakukuma kudighumbo, ghana kwitha hashere wendi nawakamaparaghumbo no ghana kuninga eshi: ‘Mu shamberere pofotji nange, yoyi na wana karo ndjiwi wange ghokuyongara.’ 7Na kumutongwera eshi: Kemo mbo yi kara karo kwaNyambi mudiwiru yishamberera kwathiharuri yofotji oyu mbo gha piruka, no mbo ghana piterera hahunga makumi kwoko nomane nokwoko nohane awa ha shwena mapirukero.
Maghanekero ghodinyinga dyokuyongara
8“Endi ngeshi mukamadi gha kara nomasherenyi dikumi ghomuwaya‐waya, yofotji ne ghana kumuwa. Kadi wa kumuneka munyenge no kuthukura mundhugho dhendi eshi gha mu wane ndi? 9Ngeshi pakumuwana, ghana kwitha hayendhendi nawakamaparaghumbo nendi no ghana kuninga eshi: ‘Mu ni shambereritheko, yoyishi na wana dinyinga dyange dyokuyongara.’ 10Na kumutongwera eshi: Kemo yina kukara yishamberera mwawaengeli waNyambi, kwathiharuri yofotji oyu ghana piruka.”
Maghanekero ghamungaghu ghokuyongara
11Shime gha ningire karo Jesusi eshi: “Murume ghumweya gha karire nohanendi hawadi hoharumyana. 12Minamunu gha ningire kwawihe eshi: ‘Tate, ni pe dihenda dyoyimuna eyi mbo ni yora kughutho.’ Wihawo mbadi gha karire mithi, ko kuwayakunuthera yinu yi. 13Mumayuwa ghomapu, ko kughuritha yinu yendi yoyihe kumanyinga, ho gha rongerire gha thighe dighumbo dyawo, gha yende kuditunga dyokayenda. Oku ne ko gha ka mwaghamwagherire manyinga ghendi muyipara yoyimango. 14Apa gha manithire yoyihe, ko kwiya diyerenge dyodikuru muditunga di no gha nyandire thikuma. 15Ko kuyenda kwendi gha ka rughane kwamundambo ghoditunga. Aye gha mu tumine kuhambo dhendi gha ka kunge yinguru. 16Ho gha ka ghayarire eshi nye karo, n̂anyi ni kute kuyikumbu eyi yina kudya yinguru. Ene mbadiko yu gha yi mu pire. 17Munyima gha kwipurire thinda eshi: ‘Ngepi wingi wawavereki watate, ene waheya kurikanya yidya. Ame ne ndhara na kufa kuno. 18Kuyenda na kuyenda kwatate ni ka mu tongwere eshi: Tate, na harura kwaNyambi no kukoye! 19Mbadi na fumana eshi ghu ni toye karo nomwanoye. Ni tende nomuvereki ghoye.’ 20Naye ko kuhuka kwawihe noghutamangera temba. Oku shime gha karera kokayenda, ko kumukambekedha wihe no gha mu fererire n̂eke thikuma. Wihe gha dhondokire kukwendi gha ka mu ndhondhere muthingo no kumuncumita. 21Mwanendi gha ningire kukwendi eshi: ‘Tate na harura kwaNyambi no kukoye. Mbadi na fumana shime kunitoya eshi nomwa noye.’ 22Ene wihe ghethire mupikendi eshi: ‘Tambuke! Ka rete yivata, ene yoyiwa, no ghu mu vateke; mu shupeke kadeya kumunwe wendi nomakuha. 23Ho ka rete ndana ghokununa no mu paghe tu dye no tu tende difeste! 24Yoyishi mwanange yu ne gha fire, ene shime ha para. Gha yongarire, ene na mu wana karo.’ Ko kutanga kwawo kudya difeste.
25“Mwanendi ghombedi ne mudipya gha karire. Apa gha ka hukire no kukokera pepi nodighumbo, ko kuyuva kwendi yishika noyimba. 26Hetha kwendi mupika ghumweya gha mwipure eshi: ‘Nye yi di ko ko.’ 27Mupika gha mu huthire eshi: ‘Minoye ne gha neya. Nawiho, ghana pagha ndana ghomununu, yoyishi ghana ka huka muyumi‐yumi!’
28“Ko kupata mukurwamunu no mbadi gha hakire kwingena mudighumbo. Wihe gha shwaghire no gha ghambire thiwana nendi. 29Mwanendi gha mu huthire eshi: ‘Mone, ame ne na rughana myaka dhodhiheya kukoye yira nothipika. Karo nokamanana temba aka na nyatha pamahimeno ghoye. Ene norofotji temba wa ni pa n̂ombo eshi ni tende difeste pofotji nawayendhange. 30Dyarero apa gha neya yu mwanoye kukoye, oyu gha pethire ghugavo ghu wa mu pire kuruhonda, ghunu mu paghera ndana ghomununu!’ 31Ko kumuhutha wihe eshi: ‘Mwanange, owe ne roruheya nange wa kara, noyoyiheya yi na wana me ne yoye. 32Mbadiko thimweya thi sho tu tende, tu tende vene difeste no tu shamberere. Yoyishi minoye ne gha fire, ene muyumi karo, gha yongarire ene tuna mu wana karo.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986