Lukasi 4
4
Mayerekero ghaJesusi
(Mat 4:1–11; Mark 1:12–13)
1Jesusi gha yarire naMupepo gho Kupongoka, apa gha hukire kuJordani, naMupepo gha mu twarire kumamboreya. 2Ko gha ka karire mayuwa makumi mane, pakumuyereka Shatani, ene mbadi gha dire mumayuwa gha. Apa gha pwire mayuwa kokufa kwendi ndhara.
3Shatani gha mu ningire eshi: “Ngeshi ngo ghoMwana Nyambi, thitunune mawe gha gha kare ghuroto.”
4Jesusi gha mu huthire eshi: “Ya pwa kutjanga eshi: ‘Munu ne kadi wa kupara ghuroto keho.’ ”
5Ko kumutwara kwendi kudirundu dyodire, no gha ka mu neghedhire ghutungi ghoghuhe ghomukaye. 6Ha mu tongwera Shatani eshi: “Na kukupa ngcamu dhodhihe dhi, nomaghuwa ghomaheya gha. Yoyishi ha yi ni pa, name na kuyitapa ko yu na himi. 7Yina kukara yoye yoyiheya yi, ngeshi ghu kotame kughutho wange no ghu ni kanderere.”
8Po gha mu hutherire Jesusi eshi: “Ya pwa kutjanga eshi: ‘Kanderere Fumu Nyambi ghoye no ghu mu karere pithendi.’ ”
9Shime ho gha mu twarire kuJerusalema no gha mwimekire pamutuya ghotembeli ghu mu tongwera eshi: “Ngeshi ngo gho Mwana Nyambi, reghe mwishi. 10Ya pwa kutjanga eshi:
‘Ghana kukuraghera haengeli wendi ha kukunge we.’
11No karo eshi:
‘Awo hana kukushimbera panyara dhawo
maghana sho di punduke dipadhi dyoye kudiwe.’ ”
12Ene Jesusi gha huthire ngeno: “Ha ninga eshi: ‘Wa yereka Fumu Nyambi ghoye.’ ”
13Apa gha manine mayerekero ghendi Shatani, ko kumuthigha Jesusi gha turumuthe.
Jesusi muGalileya
(Mat 4:12–17; Mark 1:14–15)
14Ko kuhuka Jesusi ku Galileya no gha yarire nongcamu dhaMupepo ghoKupongoka. Mbudhi dhokukwendi dha pupanine muthiko thothiheya. 15Gha hongire hanu mumasinagoge, no wahe ha ghambire ghumukugha.
Matjidhero ghaJesusi muNasareti
(Mat 13:53–58; Mark 6:1–6)
16Ha ka kuma kwendi karo muNasareti, omu gha kurerire, no thika di wa karire muhingo wendi, gha yendire mudiyuwa dyoSabata kusinagoge. Pakwimana gha toye yoyitjanga, 17ko kumupa kwawo rukwaro rokupeta rwamuporofeta Jesaya. Ha ru yandhurura, no gha wanine pa ha tjanga eshi:
18“Mupepo waFumu papange ghu di
yoyishi aye gha ni wetha
ni yuvithe hahepwe mbudhi dhodhiwa.
Gha ni tuma
eshi ni tongwere hakan̂otwa mashutwero,
no ni monithe hakunga
ho ni pake mundjewa‐ndjewa hakakutokota,
19pakuwayuvitha mwaka ghothin̂eke waFumu.”
20Apa gha fikire rukwaro, ko kurutapa kwendi mwamupika, munyima gha yendire gha ka hungumane. Nomeho ghawahe awa ha karire musinagoge, gha nungurukerire papendi. 21Ho gha tangire kuwatongwera eshi: “Yitjanga yi muna yuvu dyarero pan̂anyi‐n̂anyi, ne yina pu kuyaritha.”
22Waheya ha mu nongonine ghumukugha, no ha tetukire kuman̂ando ghomawa agha gha shwaghire mukanwa kendi. No ha ningire eshi: “Kadi mwana Josefu yu ndi?”
23Aye ha wa tongwera eshi: “Mbadi sho ni mu tamangere shemwa kun̂ando dhomathaghano edhi na kuvunga po eshi: ‘Nganga, ghu kwirukithe ghothinda.’ Karo eshi: ‘Yoyiheya eyi twa yuvire eyi ya hokokire muKafarnaghumu, yi tende karo muno muditunga dyokakoghatji koye.’ 24Ene na kumutongwera ghushemwa eshi, mbadiko muporofeta oyu ha tawa muditunga dyokakoghatji kendi.
25“Shemwa na kumutongwera: Mwa karire hadidhi hohengi muIsragheli mumayuwa ghaEliya, apa dya yandherire diwiru myaka dhihatu no tughonda kwoko nokofotji, ho dyeyire diyerenge dyodikuru muditunga dyodihe. 26Ene noyofotji temba ghopapawo oyu ha tumenine Eliya, shimengwa mudidhi ghokuSarifati muSidoni. 27Mwa karire yin̂ondwe yoyingi muIsragheli mumayuwa ghamuporofeta Elisa, karo noyofotji temba ghopapawo oyu herukithire, shimengwa Namani ghomuka Siriye.”
28Awa ha karire musinagoge ha patire waheya pakuyuva yinu yi. 29Ko kwimana kwawo ha mu tjidhe mudighumbo no ha mu twarire kate kurungengera rodirundu, oku dya karire dighumbo dyawo eshi, ha ka mu thindeke. 30Ene Jesusi gha wa yorire mukatji no gha ka yendire.
Murume ghomupepo ghoghumango ghomuKafarnaghumu
(Mark 1:21–28)
31Kutunda po ho gha yendire kuKafarnaghumu, dighumbo dyomuGalileya, no gha hongire hanu muSabata. 32Wahe ha tetukire kuyihonga yendi yoyi yighamba yendi ne yangcamu.
33Musinagoge wawo mwa karire murume oyu gha karire no shatani ghomumango, oyu gha kughererire nodiywi dyodikuru eshi: 34“He! Nye sho tu tende Noye twe, Jesusi ghomukaNasareti? Ghu neya kukutupetha ndi? Na kudimuka thiwana eshi Yowe dye: Yowe Mupongoki waNyambi!”
35Jesusi ne gha mu shingire thikuma ghuninga eshi: “Porere no ghu shwaghe mumwendi!” No shatani gha mu withire murume pakatji kawanu, ho gha shwaghire mumwendi no mbadigha mu yuvithire tjitju.
36Waheya ko kuwawana thitetu thikuma, no ha ghambathanine eshi: “Nando munye dhi, eshi Aye kukona kurawera mipepo nongcamu no dhina kushwagha?”
37Mupo dhi dhokwaJesusi dha tapathanine mu kehe thiko thomumukunda ghu.
Merukitho ghangumwenya Petrusi
(Mat 8:14–17; Mark 1:29–34)
38Apa gha shwaghire musinagoge hengena kwendi mundhugho dhaSimoni. Ngumwenya Simoni ya mu wanine yikorwa yoyirama, ko kumwipwera ko eshi gha mu ghamwene. 39Ko kuyenda kwendi gha ka mwimanene kumutwi gha tjidhe yikorwa. Yikorwa ya mu tundire popo, hemana kwendi gha wa yarekere.
40Pakutjatjamena diyuwa ko kumuretera kwawo hanu hokehe thikorwa thi tha wa pethire. Aye gha kambekire nyara dhendi pakehe yu, no waheya herukire. 41No mipepo dhodhimango karo kemo dha shwaghire mwawengi ghukugherera eshi: “Yowe Kristusi ghoMwana Nyambi!” Jesusi ne gha wa shingire pakughamba kehe thinu, yoyi ha yi dimukire eshi Aye ne Kristusi.
Jesusi ghana kushwagha muKafarnaghumu
(Mark 1:35–39)
42Apa dya vire diyuwa, ha shwagha kwendi gha yende kudyango dyodingoshi. Hanu ha mu shanine, apa ha ka mu wanine, ha yerekire kumuthineneka eshi mbadi gha kona kutunda mumwawo. 43Ene ye gha wa huthire eshi: “Na kona kuyenda kumaghumbo ghamweya ni ka yuvithe nako mbudhi dhoghufumu waNyambi. Yoyishi yo na pwera kutuma.”
44Ene gha yaghurire shime mumasinagoge ghomuditunga dyawaJuda.
Currently Selected:
Lukasi 4: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Lukasi 4
4
Mayerekero ghaJesusi
(Mat 4:1–11; Mark 1:12–13)
1Jesusi gha yarire naMupepo gho Kupongoka, apa gha hukire kuJordani, naMupepo gha mu twarire kumamboreya. 2Ko gha ka karire mayuwa makumi mane, pakumuyereka Shatani, ene mbadi gha dire mumayuwa gha. Apa gha pwire mayuwa kokufa kwendi ndhara.
3Shatani gha mu ningire eshi: “Ngeshi ngo ghoMwana Nyambi, thitunune mawe gha gha kare ghuroto.”
4Jesusi gha mu huthire eshi: “Ya pwa kutjanga eshi: ‘Munu ne kadi wa kupara ghuroto keho.’ ”
5Ko kumutwara kwendi kudirundu dyodire, no gha ka mu neghedhire ghutungi ghoghuhe ghomukaye. 6Ha mu tongwera Shatani eshi: “Na kukupa ngcamu dhodhihe dhi, nomaghuwa ghomaheya gha. Yoyishi ha yi ni pa, name na kuyitapa ko yu na himi. 7Yina kukara yoye yoyiheya yi, ngeshi ghu kotame kughutho wange no ghu ni kanderere.”
8Po gha mu hutherire Jesusi eshi: “Ya pwa kutjanga eshi: ‘Kanderere Fumu Nyambi ghoye no ghu mu karere pithendi.’ ”
9Shime ho gha mu twarire kuJerusalema no gha mwimekire pamutuya ghotembeli ghu mu tongwera eshi: “Ngeshi ngo gho Mwana Nyambi, reghe mwishi. 10Ya pwa kutjanga eshi:
‘Ghana kukuraghera haengeli wendi ha kukunge we.’
11No karo eshi:
‘Awo hana kukushimbera panyara dhawo
maghana sho di punduke dipadhi dyoye kudiwe.’ ”
12Ene Jesusi gha huthire ngeno: “Ha ninga eshi: ‘Wa yereka Fumu Nyambi ghoye.’ ”
13Apa gha manine mayerekero ghendi Shatani, ko kumuthigha Jesusi gha turumuthe.
Jesusi muGalileya
(Mat 4:12–17; Mark 1:14–15)
14Ko kuhuka Jesusi ku Galileya no gha yarire nongcamu dhaMupepo ghoKupongoka. Mbudhi dhokukwendi dha pupanine muthiko thothiheya. 15Gha hongire hanu mumasinagoge, no wahe ha ghambire ghumukugha.
Matjidhero ghaJesusi muNasareti
(Mat 13:53–58; Mark 6:1–6)
16Ha ka kuma kwendi karo muNasareti, omu gha kurerire, no thika di wa karire muhingo wendi, gha yendire mudiyuwa dyoSabata kusinagoge. Pakwimana gha toye yoyitjanga, 17ko kumupa kwawo rukwaro rokupeta rwamuporofeta Jesaya. Ha ru yandhurura, no gha wanine pa ha tjanga eshi:
18“Mupepo waFumu papange ghu di
yoyishi aye gha ni wetha
ni yuvithe hahepwe mbudhi dhodhiwa.
Gha ni tuma
eshi ni tongwere hakan̂otwa mashutwero,
no ni monithe hakunga
ho ni pake mundjewa‐ndjewa hakakutokota,
19pakuwayuvitha mwaka ghothin̂eke waFumu.”
20Apa gha fikire rukwaro, ko kurutapa kwendi mwamupika, munyima gha yendire gha ka hungumane. Nomeho ghawahe awa ha karire musinagoge, gha nungurukerire papendi. 21Ho gha tangire kuwatongwera eshi: “Yitjanga yi muna yuvu dyarero pan̂anyi‐n̂anyi, ne yina pu kuyaritha.”
22Waheya ha mu nongonine ghumukugha, no ha tetukire kuman̂ando ghomawa agha gha shwaghire mukanwa kendi. No ha ningire eshi: “Kadi mwana Josefu yu ndi?”
23Aye ha wa tongwera eshi: “Mbadi sho ni mu tamangere shemwa kun̂ando dhomathaghano edhi na kuvunga po eshi: ‘Nganga, ghu kwirukithe ghothinda.’ Karo eshi: ‘Yoyiheya eyi twa yuvire eyi ya hokokire muKafarnaghumu, yi tende karo muno muditunga dyokakoghatji koye.’ 24Ene na kumutongwera ghushemwa eshi, mbadiko muporofeta oyu ha tawa muditunga dyokakoghatji kendi.
25“Shemwa na kumutongwera: Mwa karire hadidhi hohengi muIsragheli mumayuwa ghaEliya, apa dya yandherire diwiru myaka dhihatu no tughonda kwoko nokofotji, ho dyeyire diyerenge dyodikuru muditunga dyodihe. 26Ene noyofotji temba ghopapawo oyu ha tumenine Eliya, shimengwa mudidhi ghokuSarifati muSidoni. 27Mwa karire yin̂ondwe yoyingi muIsragheli mumayuwa ghamuporofeta Elisa, karo noyofotji temba ghopapawo oyu herukithire, shimengwa Namani ghomuka Siriye.”
28Awa ha karire musinagoge ha patire waheya pakuyuva yinu yi. 29Ko kwimana kwawo ha mu tjidhe mudighumbo no ha mu twarire kate kurungengera rodirundu, oku dya karire dighumbo dyawo eshi, ha ka mu thindeke. 30Ene Jesusi gha wa yorire mukatji no gha ka yendire.
Murume ghomupepo ghoghumango ghomuKafarnaghumu
(Mark 1:21–28)
31Kutunda po ho gha yendire kuKafarnaghumu, dighumbo dyomuGalileya, no gha hongire hanu muSabata. 32Wahe ha tetukire kuyihonga yendi yoyi yighamba yendi ne yangcamu.
33Musinagoge wawo mwa karire murume oyu gha karire no shatani ghomumango, oyu gha kughererire nodiywi dyodikuru eshi: 34“He! Nye sho tu tende Noye twe, Jesusi ghomukaNasareti? Ghu neya kukutupetha ndi? Na kudimuka thiwana eshi Yowe dye: Yowe Mupongoki waNyambi!”
35Jesusi ne gha mu shingire thikuma ghuninga eshi: “Porere no ghu shwaghe mumwendi!” No shatani gha mu withire murume pakatji kawanu, ho gha shwaghire mumwendi no mbadigha mu yuvithire tjitju.
36Waheya ko kuwawana thitetu thikuma, no ha ghambathanine eshi: “Nando munye dhi, eshi Aye kukona kurawera mipepo nongcamu no dhina kushwagha?”
37Mupo dhi dhokwaJesusi dha tapathanine mu kehe thiko thomumukunda ghu.
Merukitho ghangumwenya Petrusi
(Mat 8:14–17; Mark 1:29–34)
38Apa gha shwaghire musinagoge hengena kwendi mundhugho dhaSimoni. Ngumwenya Simoni ya mu wanine yikorwa yoyirama, ko kumwipwera ko eshi gha mu ghamwene. 39Ko kuyenda kwendi gha ka mwimanene kumutwi gha tjidhe yikorwa. Yikorwa ya mu tundire popo, hemana kwendi gha wa yarekere.
40Pakutjatjamena diyuwa ko kumuretera kwawo hanu hokehe thikorwa thi tha wa pethire. Aye gha kambekire nyara dhendi pakehe yu, no waheya herukire. 41No mipepo dhodhimango karo kemo dha shwaghire mwawengi ghukugherera eshi: “Yowe Kristusi ghoMwana Nyambi!” Jesusi ne gha wa shingire pakughamba kehe thinu, yoyi ha yi dimukire eshi Aye ne Kristusi.
Jesusi ghana kushwagha muKafarnaghumu
(Mark 1:35–39)
42Apa dya vire diyuwa, ha shwagha kwendi gha yende kudyango dyodingoshi. Hanu ha mu shanine, apa ha ka mu wanine, ha yerekire kumuthineneka eshi mbadi gha kona kutunda mumwawo. 43Ene ye gha wa huthire eshi: “Na kona kuyenda kumaghumbo ghamweya ni ka yuvithe nako mbudhi dhoghufumu waNyambi. Yoyishi yo na pwera kutuma.”
44Ene gha yaghurire shime mumasinagoge ghomuditunga dyawaJuda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986