Lukasi 5
5
Merukitho ghamurume ghokughara
(Mat 4:18–22; Mark 1:16–20)
1Mudiyuwa dimweya, apa ghemanine Jesusi kurungengera rodikuruviya dyaGenesareti, no hanu ha pokanine eshi ha ka yuve n̂ando dhaNyambi, 2ko kumona kwendi mato mawadi ghana thekama mudiya. Harukwatathi wo ne pakuyogha makwe ghawo, oku hana kanduka mumato. 3Ha perama Jesusi muwato ghumweya, oghu wato ne waSimoni. Ko kumutongwera kwendi eshi, gha thekure kamana. Pakuyenda gha ka hungumane muwato, ko kutanga kwendi kuhonga mbunga.
4Apa gha manine kuhonga, gha ningire kwaSimoni eshi: “Mu vughere kukahandha no mu teghe makwe ghenu.”
5Simoni gha huthire eshi: “Muruti, ghuthiku ghoghuheya tuna nyandera, ene nokamanana temba tuna kwata. Ene ngambi kemo, pan̂ando dhoye ni na kutegha karo.”
6No apa ha manine kutegha, ko kuteghura kwawo thi dhodhingi, kate kushana kutjinaghuka makwe ghawo. 7Munyima ha ravire hayendhawo homuwato ghumweya na ha wa ghamwene. Nawo heyire nomato ghomahe mughuwadi wagho momu gha rowere kukatharagho kothi.
8Apa gha yi monine Simon Petrusi, gha kuvamine manwi ghendi kughutho waJesusi no gha ningire eshi: “Yakunuke kukwange, Hekudyange, yoyishi nothiharuri me.”
9Yoyi naye nawahe wa ha karire nendi, ha tutukwire kukatharagho kothi edhi ha teghurire. 10Karo kemo Jakobusi naJohannesi hana Sebedeghusi, awa ha teghire pofotji naSimoni, nawo ha yapire. Ko kuninga Jesusi kwaSimoni eshi: “Wa yapa. Kutunda kudyarero mbo ghuna teghura hanu.”
11Apa ha thekerire mato mudiya, ha thighire yoyiheya no ha kuthire Jesusi.
Merukitho ghamukayin̂ondwe
(Mat 8:1–4; Mark 1:40–45)
12Mudiyuwa dimweya, apa gha karire Jesusi mudighumbo dimwe, ko kukuhangana Jesusi namurume ghomukayin̂ondwe. Apa gha monine murume yu Jesusi, ha kuvama kughutho wendi ghukuthighonokitha eshi: “Fumu, ngo ghu hime, ngo ghu nirukithe.”
13Jesusi gha ghonyononine dyoko dyendi no gha mu kambekire ghuninga eshi: “Na himi eshi, wiruke.” Popo vene ko kumushwagha yin̂ondwe yendi.
14Ha mu shingi Jesusi eshi: “Perere poye eshi ghu ka yi tongore kwaghumweya, ene ghu yende ghu ka kuneghe kwamupristeri, no ghu ka tupure thitapa thomerukitho ghoye, thika di gha tjangire Mosesi. Ethi ne tho sho thi ka kare thidimukitho thomerukitho ghoye kukwawo.”
15Ene mbudhi dhokukwendi dha pupanine wangu. No mbunga dhodhihe, dha kuthunga‐thungire eshi, dhi ka mu tegherere, no gha ka werukithe kuyikorwa yawo. 16Aye ne gha shanine roruhe dyango dyopithendi, gha ka raperere mo.
Merukitho ghamurume ghokughara
(Mat 9:1–8; Mark 2:1–12)
17Mudiyuwa dimweya mumayuwa gha, gha karire Jesusi mukuhonga hanu. Hafararasayi nawakamuragho nawa ha tundire mumaghumbo ghomahe ghomuGalileya nomuJudeya nawa ha shwaghire muJerusalema nawo ha karire po. Nyambi ne gha tapire ngcamu kwaJesusi dhokwirukitha. 18Kapupi kamanana ko kureta harume thinhwere pathirongo. Awo ha yerekire kushana kambene mundhugho eshi, ha ka mu ture kughutho waJesusi. 19Ene pawingi wawambunga, mbadi ha konine kuwana mamupitithero, ko kudhina kwawo pamutuya nothirongo, gho ha ghu yorire mutuya ghondhugho, no ha mu tupekedhire kughutho waJesusi. 20Apa gha monine matawero ghawo, gha ningire eshi: “Owe munu, maharwero ghoye, ghana pu kuthigherera.”
21Hakamarukwaro naWafarasayi ha tangire kwipura eshi: “Yidye yu ghana kushedhaghura Nyambi? No dye ghokukona kuthigherera maharwero, ngeshi kadi Nyambi pithendi keho?”
22Ene Jesusi, gha dimukire yighayadhara yawo no gha wa tongwerire eshi: “Nye muna kukuyodhingana mwathinda? 23Nye yoyiredhu po? Kuninga eshi: ‘Maharwero ghoye ghana pu kuthigherera,’ endi kuninga eshi: ‘Wimane, ka yende’? 24Mu dimuke eshi Mwanamunu gha kara nongcamu dhokuthigherera maharwero pamuve.”
Ha ningi kwamurema eshi: “Kukoye na kuninga eshi: Wimane, tumbure thirongo thoye no ghu huke kukwenu.”
25Shemwa popo ko kwimana kuthitunumeho thawo, gho gha tumburire thirongo thendi no gha hukire kukwawo ghukugha Nyambi. 26No thitetu tha wa wanine waheya, gho ha kughire Nyambi nowoma ghoghukuru eshi: “Dyarero tuna mono thitetu thothikuru.”
Methero ghaLevi
(Mat 9:9–13; Mark 2:13–17)
27Munyima dhoyinu yi, gha shwaghire Jesusi no gha kuhanganine namuketethi ghodina dyoLevi. Oku ye ghana hungumana kundhugho dhodiketo. Ha ningi kukwendi eshi: “Ni kuthe.”
28Naye gha thighire yoyihe no gha kuthire Jesusi.
29Levi gha tendire diyumbu dyodikuru kudikuto dyaJesusi no heyire haketethi hohengi nawanu hamweya no ha hungumanine pofotji nawo. 30Hafarasayi, thikuma ne hakamarukwaro, ha vunguterire hakathishongero wendi eshi: “Nye muna kudyera no kunwa pofotji nawaketethi nawayiharuri?”
31Ko kuwahutha Jesusi eshi: “Oyu gha kara ndjewa‐ndjewa, mbadi gha nyanda nganga. Shimengwa mukatjitju. 32Mbadi neyire kukwitha hahunga kumapirukero, ene hamango ndani.”
Nye yina kuninga kudhirerekedha
(Mat 9:14–17; Mark 2:18–22)
33Ko kumutongwera kwawo eshi: “Hakathishongero waJohannesi, kudhirera hana kudhirera roruhe no kuraperera, no waWafarasayi karo kemo. Hoye ne kuna kukudyera no kukunwena vene.”
34Jesusi gha wa huthire eshi: “Kukona kudhirera hagenda homukandi oku ha di nathinda shawenga ndi? 35Ene mbo gha neya mayuwa agha mbo gha kuyuruka mukawenga kukwawo, munyima po mbo ha dhirerekedha nawo.”
36Ko kuwaghanekera karo maghanekero eshi: “Mbadiko yu ghokuriveka thirivo thothipya pathitere thothikuru‐kuru. Ngeshi ha yi tendi, nothothipya natho thina kupayuka. Karo kemo eshi, thirivo thothipya mbadi thina kurikanya kuthitere thothikuru‐kuru.
37“No mbadiko yu gha kona kupongwerera vinyu mukandimbe kokakuru‐kuru. Ngeshi ha yi tendi, vinyu yu, ghana kuyatura kandimbe kokakuru‐kuru. Novinyu ghana kushinyiha, kandimbe ne ghudho vene keho. 38Eyi ne kadi kemo, vinyu ne kumutera mukandimbe kokapya. 39No mbadiko yu ghokunwa vinyu ghomurara, no gha hake karo kunwa vinyu ghomudiya. Yoyi ghana kuninga eshi, ghomurara ne yomuwa.”
Currently Selected:
Lukasi 5: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Lukasi 5
5
Merukitho ghamurume ghokughara
(Mat 4:18–22; Mark 1:16–20)
1Mudiyuwa dimweya, apa ghemanine Jesusi kurungengera rodikuruviya dyaGenesareti, no hanu ha pokanine eshi ha ka yuve n̂ando dhaNyambi, 2ko kumona kwendi mato mawadi ghana thekama mudiya. Harukwatathi wo ne pakuyogha makwe ghawo, oku hana kanduka mumato. 3Ha perama Jesusi muwato ghumweya, oghu wato ne waSimoni. Ko kumutongwera kwendi eshi, gha thekure kamana. Pakuyenda gha ka hungumane muwato, ko kutanga kwendi kuhonga mbunga.
4Apa gha manine kuhonga, gha ningire kwaSimoni eshi: “Mu vughere kukahandha no mu teghe makwe ghenu.”
5Simoni gha huthire eshi: “Muruti, ghuthiku ghoghuheya tuna nyandera, ene nokamanana temba tuna kwata. Ene ngambi kemo, pan̂ando dhoye ni na kutegha karo.”
6No apa ha manine kutegha, ko kuteghura kwawo thi dhodhingi, kate kushana kutjinaghuka makwe ghawo. 7Munyima ha ravire hayendhawo homuwato ghumweya na ha wa ghamwene. Nawo heyire nomato ghomahe mughuwadi wagho momu gha rowere kukatharagho kothi.
8Apa gha yi monine Simon Petrusi, gha kuvamine manwi ghendi kughutho waJesusi no gha ningire eshi: “Yakunuke kukwange, Hekudyange, yoyishi nothiharuri me.”
9Yoyi naye nawahe wa ha karire nendi, ha tutukwire kukatharagho kothi edhi ha teghurire. 10Karo kemo Jakobusi naJohannesi hana Sebedeghusi, awa ha teghire pofotji naSimoni, nawo ha yapire. Ko kuninga Jesusi kwaSimoni eshi: “Wa yapa. Kutunda kudyarero mbo ghuna teghura hanu.”
11Apa ha thekerire mato mudiya, ha thighire yoyiheya no ha kuthire Jesusi.
Merukitho ghamukayin̂ondwe
(Mat 8:1–4; Mark 1:40–45)
12Mudiyuwa dimweya, apa gha karire Jesusi mudighumbo dimwe, ko kukuhangana Jesusi namurume ghomukayin̂ondwe. Apa gha monine murume yu Jesusi, ha kuvama kughutho wendi ghukuthighonokitha eshi: “Fumu, ngo ghu hime, ngo ghu nirukithe.”
13Jesusi gha ghonyononine dyoko dyendi no gha mu kambekire ghuninga eshi: “Na himi eshi, wiruke.” Popo vene ko kumushwagha yin̂ondwe yendi.
14Ha mu shingi Jesusi eshi: “Perere poye eshi ghu ka yi tongore kwaghumweya, ene ghu yende ghu ka kuneghe kwamupristeri, no ghu ka tupure thitapa thomerukitho ghoye, thika di gha tjangire Mosesi. Ethi ne tho sho thi ka kare thidimukitho thomerukitho ghoye kukwawo.”
15Ene mbudhi dhokukwendi dha pupanine wangu. No mbunga dhodhihe, dha kuthunga‐thungire eshi, dhi ka mu tegherere, no gha ka werukithe kuyikorwa yawo. 16Aye ne gha shanine roruhe dyango dyopithendi, gha ka raperere mo.
Merukitho ghamurume ghokughara
(Mat 9:1–8; Mark 2:1–12)
17Mudiyuwa dimweya mumayuwa gha, gha karire Jesusi mukuhonga hanu. Hafararasayi nawakamuragho nawa ha tundire mumaghumbo ghomahe ghomuGalileya nomuJudeya nawa ha shwaghire muJerusalema nawo ha karire po. Nyambi ne gha tapire ngcamu kwaJesusi dhokwirukitha. 18Kapupi kamanana ko kureta harume thinhwere pathirongo. Awo ha yerekire kushana kambene mundhugho eshi, ha ka mu ture kughutho waJesusi. 19Ene pawingi wawambunga, mbadi ha konine kuwana mamupitithero, ko kudhina kwawo pamutuya nothirongo, gho ha ghu yorire mutuya ghondhugho, no ha mu tupekedhire kughutho waJesusi. 20Apa gha monine matawero ghawo, gha ningire eshi: “Owe munu, maharwero ghoye, ghana pu kuthigherera.”
21Hakamarukwaro naWafarasayi ha tangire kwipura eshi: “Yidye yu ghana kushedhaghura Nyambi? No dye ghokukona kuthigherera maharwero, ngeshi kadi Nyambi pithendi keho?”
22Ene Jesusi, gha dimukire yighayadhara yawo no gha wa tongwerire eshi: “Nye muna kukuyodhingana mwathinda? 23Nye yoyiredhu po? Kuninga eshi: ‘Maharwero ghoye ghana pu kuthigherera,’ endi kuninga eshi: ‘Wimane, ka yende’? 24Mu dimuke eshi Mwanamunu gha kara nongcamu dhokuthigherera maharwero pamuve.”
Ha ningi kwamurema eshi: “Kukoye na kuninga eshi: Wimane, tumbure thirongo thoye no ghu huke kukwenu.”
25Shemwa popo ko kwimana kuthitunumeho thawo, gho gha tumburire thirongo thendi no gha hukire kukwawo ghukugha Nyambi. 26No thitetu tha wa wanine waheya, gho ha kughire Nyambi nowoma ghoghukuru eshi: “Dyarero tuna mono thitetu thothikuru.”
Methero ghaLevi
(Mat 9:9–13; Mark 2:13–17)
27Munyima dhoyinu yi, gha shwaghire Jesusi no gha kuhanganine namuketethi ghodina dyoLevi. Oku ye ghana hungumana kundhugho dhodiketo. Ha ningi kukwendi eshi: “Ni kuthe.”
28Naye gha thighire yoyihe no gha kuthire Jesusi.
29Levi gha tendire diyumbu dyodikuru kudikuto dyaJesusi no heyire haketethi hohengi nawanu hamweya no ha hungumanine pofotji nawo. 30Hafarasayi, thikuma ne hakamarukwaro, ha vunguterire hakathishongero wendi eshi: “Nye muna kudyera no kunwa pofotji nawaketethi nawayiharuri?”
31Ko kuwahutha Jesusi eshi: “Oyu gha kara ndjewa‐ndjewa, mbadi gha nyanda nganga. Shimengwa mukatjitju. 32Mbadi neyire kukwitha hahunga kumapirukero, ene hamango ndani.”
Nye yina kuninga kudhirerekedha
(Mat 9:14–17; Mark 2:18–22)
33Ko kumutongwera kwawo eshi: “Hakathishongero waJohannesi, kudhirera hana kudhirera roruhe no kuraperera, no waWafarasayi karo kemo. Hoye ne kuna kukudyera no kukunwena vene.”
34Jesusi gha wa huthire eshi: “Kukona kudhirera hagenda homukandi oku ha di nathinda shawenga ndi? 35Ene mbo gha neya mayuwa agha mbo gha kuyuruka mukawenga kukwawo, munyima po mbo ha dhirerekedha nawo.”
36Ko kuwaghanekera karo maghanekero eshi: “Mbadiko yu ghokuriveka thirivo thothipya pathitere thothikuru‐kuru. Ngeshi ha yi tendi, nothothipya natho thina kupayuka. Karo kemo eshi, thirivo thothipya mbadi thina kurikanya kuthitere thothikuru‐kuru.
37“No mbadiko yu gha kona kupongwerera vinyu mukandimbe kokakuru‐kuru. Ngeshi ha yi tendi, vinyu yu, ghana kuyatura kandimbe kokakuru‐kuru. Novinyu ghana kushinyiha, kandimbe ne ghudho vene keho. 38Eyi ne kadi kemo, vinyu ne kumutera mukandimbe kokapya. 39No mbadiko yu ghokunwa vinyu ghomurara, no gha hake karo kunwa vinyu ghomudiya. Yoyi ghana kuninga eshi, ghomurara ne yomuwa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986