Mateghusi 20
20
Maghanekero ghawavereki homudipya
1“Ghufumu ghodiwiru wa pitura yira thindashadipya, oyu ghana kuyenda pamathiku‐thiku gha ka shane havereki homudipya dyendi.
2“Apa gha manine kukuyuva nawo yokuwaruwera ndjambi dhawo, ko kuwatuma ha ka rughane mudipya dyendi. 3Muviri dhoghukwoko noghune, gha yendire karo no gha ka wanine hamweya ha nemana panunda nyara‐nyara. 4Ha wa tongwera kwendi eshi: ‘Mu yende namwe mu ka rughane mudipya dyange, yoyiredhu n̂anyi na kumuruwere.’ 5Nawo ko kayenda. Pamutwekatji no pathitengeyuwa gha yendire karo kudipya dyendi no gha ka tendire thika dyodyo. 6Pakutegha mukunyi diyuwa, gha yendire ko karo no gha ka wanine wa ha nemana po, ha ningi kukwawo eshi: ‘Nye mu nemanena pano diyuwa dyodiheya nyara-nyara?’ 7Awo ha mu huthire eshi: ‘Yoyishi mbadiko yu ghana tu kutu kuyirughana.’ Mu yende namwe mu ka rughane mudipya dyange, dyo gha wa ningire.
8“Parunguro gha ningire thindashadipya kwamurughanithi wendi eshi: ‘Withe havereki no wa tapere ndjambi dhawo. Ho tangerere kwawakanyima, paghuhura ne hakakutanga.’
9“Awa heyire pakutegha mukunyi diyuwa, ha henyine ko no ha wanine keheyu popandjambi dhodiyuwa di. 10Awa ha tangire kwingena muyirughana pakutanga, ha ghayarire eshi hana kutambura wingi. Ene yi hana kukuma kurufo rwawo, nawo ko kuwana keheyu ndjambi dhodiyuwu di. 11Ko kutumbura kwawo manyinga no ha tangire kukoghaghura thindashadipya 12ghuninga eshi: ‘Awa hakamunyima ne viri dhofotji hana rughana. Owe ne ho ghuna kuwapa ndjambi pofotjie netu twe tuna rughana thikuma diyuwa dyodihe mudiyotha.’
13“Ene ye gha huthire kwaghumweya ghopapawo eshi: ‘Mundenge mbadi na kutenda thothiyi noye. Mbadi ghuna kuyuvu nange kundjambi dhodiyuwa dyodi vene ndi? 14Tumbure manyinga ghoye no ghu yende kudighumbo. Na himi kutapa kwawakamunyima pofotji yira kukoye. 15Mbadi na kona kutenda nomanyinga ghange thika di na himi ndi? Endi kukoye ne nya yoyi na kara nomuhunga?’
16“Kemo mbo ha kara hakamunyima wo hakakutanga, no hakakutange ne wo hakanyima.”
Jesusi ghana kuyuvitha paruhatu yifa yendi no muvumbukero wendi
(Mark 10:32–34; Luk 18:31–34)
17Oku shime gha karera Jesusi mundhira dhokuJerusalema, gha thighururire hakathishongero dikumi nohawadi pambadi, no gha wa tongwerire ku wo pakuyenda eshi: 18“Mu mone, kuJerusalema tuna kuyenda pan̂anyi‐n̂anyi. Ko sho ha ka mu tape Mwanamunu kwawapristeri hohakuru no kwawakamarukwaro, awo ne hana ka mu pangwera kukufa. 19Karo nawo hana ka mu tapa kwawahayidena, awa sho ha ka mu sherere no kumumwashura no kumupamarera. Ene mudiyuwa dyoghuhatu mbo ghana vumbuka mwawafu.”
Methero ghawaJakobusi naJohannesi
(Mark 10:35–45; Luk 22:24–30)
20Ko kwiya muna Sebedeghusi kwaJesusi nawanendi hawadi hohatutughuru, no gha fumberire kughutho wendi, gha mu kumbere thinu.
21“Nye ghuna haka?” dyo gha mwipurire.
Mukamadi gha mu tongwerire eshi: “Ghu nedhere eshi, hanange hawadi wa mbo ha ka hungumane mughufumu ghoye, yofotji kurudyo roye no ghumweya kurumoho roye.”
22Ko kuhutha Jesusi eshi: “Mbadi muna kudimuka eyi muna kukumbera. Mwa kona kunwa muthinwitho thi mbo ni nwena me ndi?”
Awo ha hutha eshi: “Twa kona.”
23Ha wa tongwera Jesusi eshi: “Nhi, thinwitho thange mbo muna thi nu. Ene kukuhungumana kurudyo nokurumoho rwange, kadi ya kununga Me, eyi yawa gha yi roghithera Tate.”
24Apa ha yiyuvire wa hashadikumi hamweya, ko kupatera kwawo hanu naminendi.
25Ha wetha Jesusi popepi ghuninga eshi: “Mwa dimuka namwe eshi, kumarudhi ya kara kemo, hapanguri hana kunyatha marudhi no eshi, hamayami hana kurughanitha ngcamu dhawo mughuyi. 26Ene kukwenu mbadi ya kona kukara kemo. Kehe yu ghopapenu yu gha hima kukara mukuru, gha kare mukareri wenu. 27No kehe yu ghopakatji kenu yu gha haka kupiterera, yo sho gha kare mupikenu. 28Kemo ya kara karo kwaMwanamunu: Mbadi gheyire kukumukarera, ene kukukarera no kutapa moyo wendi yira thikomononitho thawanu hohengi.”
Jesusi ghana kwirukitha hakunga hawadi
(Mark 10:46–52; Luk 18:35–43)
29Apa ha shwaghire muJeriko, ko kumukutha Jesusi mbunga dhishokuru. 30Hakunga hawadi ha hungumanine kumbadi dhondhira, no ha yuvire eshi kupita ghana kupita Jesusi. Ko kukugherera kwawo eshi: “Fumu ghoMwana Davita, ghu tu fere n̂eke!”
31Hanu ha wa patera eshi ha porere, awo ne mbokapwe pakukugherera shime thikuma eshi: “Fumu ghoMwana Davita, ghu tu fere n̂eke!”
32Munyima ko kwimana Jesusi, ha wetha no kuwepura eshi: “Nye yi muna himi eyi sho ni mu tende?”
33Awo ha ningi kukwendi eshi: “Fumu, eshi gha yandhuruke meho ghetu.”
34Jesusi ko kuwafera n̂eke no gha kundamine kumeho ghawo. Popo vene ko kumona kwawo, no ha mu kuthire.
Currently Selected:
Mateghusi 20: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Mateghusi 20
20
Maghanekero ghawavereki homudipya
1“Ghufumu ghodiwiru wa pitura yira thindashadipya, oyu ghana kuyenda pamathiku‐thiku gha ka shane havereki homudipya dyendi.
2“Apa gha manine kukuyuva nawo yokuwaruwera ndjambi dhawo, ko kuwatuma ha ka rughane mudipya dyendi. 3Muviri dhoghukwoko noghune, gha yendire karo no gha ka wanine hamweya ha nemana panunda nyara‐nyara. 4Ha wa tongwera kwendi eshi: ‘Mu yende namwe mu ka rughane mudipya dyange, yoyiredhu n̂anyi na kumuruwere.’ 5Nawo ko kayenda. Pamutwekatji no pathitengeyuwa gha yendire karo kudipya dyendi no gha ka tendire thika dyodyo. 6Pakutegha mukunyi diyuwa, gha yendire ko karo no gha ka wanine wa ha nemana po, ha ningi kukwawo eshi: ‘Nye mu nemanena pano diyuwa dyodiheya nyara-nyara?’ 7Awo ha mu huthire eshi: ‘Yoyishi mbadiko yu ghana tu kutu kuyirughana.’ Mu yende namwe mu ka rughane mudipya dyange, dyo gha wa ningire.
8“Parunguro gha ningire thindashadipya kwamurughanithi wendi eshi: ‘Withe havereki no wa tapere ndjambi dhawo. Ho tangerere kwawakanyima, paghuhura ne hakakutanga.’
9“Awa heyire pakutegha mukunyi diyuwa, ha henyine ko no ha wanine keheyu popandjambi dhodiyuwa di. 10Awa ha tangire kwingena muyirughana pakutanga, ha ghayarire eshi hana kutambura wingi. Ene yi hana kukuma kurufo rwawo, nawo ko kuwana keheyu ndjambi dhodiyuwu di. 11Ko kutumbura kwawo manyinga no ha tangire kukoghaghura thindashadipya 12ghuninga eshi: ‘Awa hakamunyima ne viri dhofotji hana rughana. Owe ne ho ghuna kuwapa ndjambi pofotjie netu twe tuna rughana thikuma diyuwa dyodihe mudiyotha.’
13“Ene ye gha huthire kwaghumweya ghopapawo eshi: ‘Mundenge mbadi na kutenda thothiyi noye. Mbadi ghuna kuyuvu nange kundjambi dhodiyuwa dyodi vene ndi? 14Tumbure manyinga ghoye no ghu yende kudighumbo. Na himi kutapa kwawakamunyima pofotji yira kukoye. 15Mbadi na kona kutenda nomanyinga ghange thika di na himi ndi? Endi kukoye ne nya yoyi na kara nomuhunga?’
16“Kemo mbo ha kara hakamunyima wo hakakutanga, no hakakutange ne wo hakanyima.”
Jesusi ghana kuyuvitha paruhatu yifa yendi no muvumbukero wendi
(Mark 10:32–34; Luk 18:31–34)
17Oku shime gha karera Jesusi mundhira dhokuJerusalema, gha thighururire hakathishongero dikumi nohawadi pambadi, no gha wa tongwerire ku wo pakuyenda eshi: 18“Mu mone, kuJerusalema tuna kuyenda pan̂anyi‐n̂anyi. Ko sho ha ka mu tape Mwanamunu kwawapristeri hohakuru no kwawakamarukwaro, awo ne hana ka mu pangwera kukufa. 19Karo nawo hana ka mu tapa kwawahayidena, awa sho ha ka mu sherere no kumumwashura no kumupamarera. Ene mudiyuwa dyoghuhatu mbo ghana vumbuka mwawafu.”
Methero ghawaJakobusi naJohannesi
(Mark 10:35–45; Luk 22:24–30)
20Ko kwiya muna Sebedeghusi kwaJesusi nawanendi hawadi hohatutughuru, no gha fumberire kughutho wendi, gha mu kumbere thinu.
21“Nye ghuna haka?” dyo gha mwipurire.
Mukamadi gha mu tongwerire eshi: “Ghu nedhere eshi, hanange hawadi wa mbo ha ka hungumane mughufumu ghoye, yofotji kurudyo roye no ghumweya kurumoho roye.”
22Ko kuhutha Jesusi eshi: “Mbadi muna kudimuka eyi muna kukumbera. Mwa kona kunwa muthinwitho thi mbo ni nwena me ndi?”
Awo ha hutha eshi: “Twa kona.”
23Ha wa tongwera Jesusi eshi: “Nhi, thinwitho thange mbo muna thi nu. Ene kukuhungumana kurudyo nokurumoho rwange, kadi ya kununga Me, eyi yawa gha yi roghithera Tate.”
24Apa ha yiyuvire wa hashadikumi hamweya, ko kupatera kwawo hanu naminendi.
25Ha wetha Jesusi popepi ghuninga eshi: “Mwa dimuka namwe eshi, kumarudhi ya kara kemo, hapanguri hana kunyatha marudhi no eshi, hamayami hana kurughanitha ngcamu dhawo mughuyi. 26Ene kukwenu mbadi ya kona kukara kemo. Kehe yu ghopapenu yu gha hima kukara mukuru, gha kare mukareri wenu. 27No kehe yu ghopakatji kenu yu gha haka kupiterera, yo sho gha kare mupikenu. 28Kemo ya kara karo kwaMwanamunu: Mbadi gheyire kukumukarera, ene kukukarera no kutapa moyo wendi yira thikomononitho thawanu hohengi.”
Jesusi ghana kwirukitha hakunga hawadi
(Mark 10:46–52; Luk 18:35–43)
29Apa ha shwaghire muJeriko, ko kumukutha Jesusi mbunga dhishokuru. 30Hakunga hawadi ha hungumanine kumbadi dhondhira, no ha yuvire eshi kupita ghana kupita Jesusi. Ko kukugherera kwawo eshi: “Fumu ghoMwana Davita, ghu tu fere n̂eke!”
31Hanu ha wa patera eshi ha porere, awo ne mbokapwe pakukugherera shime thikuma eshi: “Fumu ghoMwana Davita, ghu tu fere n̂eke!”
32Munyima ko kwimana Jesusi, ha wetha no kuwepura eshi: “Nye yi muna himi eyi sho ni mu tende?”
33Awo ha ningi kukwendi eshi: “Fumu, eshi gha yandhuruke meho ghetu.”
34Jesusi ko kuwafera n̂eke no gha kundamine kumeho ghawo. Popo vene ko kumona kwawo, no ha mu kuthire.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986