Mateghusi 21
21
Mwingeneno waJesusi muJerusalema
(Mark 11:1–11; Luk 19:28–38; Joh 12:12–19)
1Apa ha kumine pepi naJerusalema naBetfage, pakukokera kudirundu dyondhwe, ha tumu Jesusi hakathishongero hawadi kughutho, 2no kuwatongwera eshi: “Mu yende kudighumbo diya dina mu tamba, ene apa sho mu kengene mo, muna ka wana thidongi thokughangerera nothidongighana pambadi dhatho. Mu ka thi shuture, ho mu ka yirete kukwange. 3Ngeshi gha ka ghambe ghumweya kukwenu thinu, mu ka mu huthe eshi: ‘Fumu ghana kuyinyanda, n̂anyi gha ka yi huthe wangu.’ ”
4Ya karire kemo eshi yighamba yamuporofeta eyi gha ningire eshi:
5“Tongwere mbara Siyoni eshi:
Mone, Fumu ghoye kuna kwiya kukoye,
Aye ne muturumuthi no ghana dhini pathidongi,
pathidongighana ne murongerero.”
6Hakathishongero hawadi ha yendire, no ha ka tendire thikakenge di gha wa rawerire Jesusi. 7Ko ka reta kwawo thidongi nothidongighana, munyima ha yarire pathidhina yitere yawo, ko kudhina po Jesusi. 8Dihenda dyombunga dhodhikuru, ha yarire myaye dhawo mundhira. Hamweya ha tjorire mite dhoyitondo no kudhiyara mundhira. 9Hanu wa ha piterere kughutho waJesusi, nawa ha mu randire munyima, ha tangire kushogherera eshi:
“Ghusho kwaMwana Davita!
Gha fumane yu ghana kwiya muDina dyaFumu!
Ghusho mumawiru.”
10Apa ghengenine Jesusi muJerusalema, ko kukukin̂a-kin̂a mbara dhodhihe. Awa ha tunga mo hepurire eshi: “Murume munye yu?”
11Mbunga dha huthire eshi: “Oyu ne yomuporofeta Jesusi waNasareti muGalileya.”
Mapongwero ghotembeli
(Mark 11:15–19; Luk 19:45–48; Joh 2:13–22)
12Ko kuyenda Jesusi kutembeli, no gha ka wanine hanu wahe wa ha karire pambandha dhotembeli ghughura noghughuritha, no gha wa tjidhiremo. Matishi ghawakakutjindja manyinga noyipuna nawakakughuritha makutji, gha gha yundaghurire mo, 13no gha wa tongwerire eshi: “Yapwa kutjanga eshi: ‘Ndhugho dhange mbo hana dhi toyo eshi dhakuraperera.’ Amwe ne ho muna dhi tendi thitunguru thawashondoro.”
14Munyima heyire kukwendi hakunga nawayinhwere mutembeli, naye gha werukithire. 15Ene pa ha monine yitetukitho hapristeri hohakuru nawakamarukwaro, edi ghana kuyitenda no kwawanuke hashivumwa kushogherera mutembeli eshi: “Ghusho kwaMwana Davita!” Ha patire wangu. 16Ko kumutongwera kwawo eshi: “Ghuna yuvu yi hana kukushonmonona waya ndi?”
Ha wa hutha Jesusi eshi: “Nhi. Mbadi mwa toya panganyi eshi: ‘Yamwe mwa yi korerithire kemo eshi, dyo sho ha mu kutekere hanuke ndi’?”
17Ko kuwathigha no gha shwaghire mumbara, gha yende kuBetaniya oku gha ka rarire.
Jesusi ghana kukuta thitondo thoghukuyu
(Mark 11:12–14, 20–24)
18Murughura pamathiku‐thiku, mundhira dhokuhuka kumbara, gha fire ndhara Jesusi. 19Apa gha monine thitondo thoghukuyu, thokwimana pithatho kumbadi dhondhira, ko kuyenda ko. Ene mbadi gha ka wanine ko thinu, shimengwa mahaho pithagho keho. Ha ningi kuthitondo eshi: “Mbo kufere kuroruheya eshi kwima karo mbuyo we.”
Popo ko kukukutera thitondo thoghukuyu.
20Apa ha yi monine hakathishongero ha yapire, no ha kwipurire eshi: “Ngepi di thina kukuta thi thitondo thoghukuyu pawanguwangu?”
21Po gha wa hutherire Jesusi eshi: “Shemwa na kumutongwera: Ngeshi mwa kara nomatawero no mbadi muna kutamangera, mwa kona kutenda yi na tendi Me kughukuyu. Shime karo: Mwa kona kuninga kudirundu eshi: ‘Dhuruke no ghukumwaghere mudikuruviya!’ shemwa mbo yina hokoka. 22Ngeshi ha mu tawa, mbo muna wana yoyiheya yi mbo mu kumbera mundapero.”
Mepwero ghokungcamu dhaJesusi
(Mark 11:27–33; Luk 20:1–8)
23Jesusi ghengenine mutembeli, no oku ye pakuhonga hanu, ko kumwiyera hapristeri hokakuru nawamayami hodiko ha mwipure eshi: “Nongcamu munye ghuna kutenda we yinu yino? No dye gha dhi kupa ngcamu dhi?”
24Ko kuhutha Jesusi eshi: “Name kuna kumwipura thinu thofotji, ene ngeshi mu ni‐pe mahuthero, name na kumutongwera eshi nongcamu munye na kutenda yinu yino. 25Diyoghero dyaJohannesi ne, kupi dya tunda. KwaNyambi endi kwawanu?”
Ko kughambathana kwawo eshi: “Ngeshi tu ninge eshi kwaNyambi, ho gha tu tongwere eshi: ‘Nye mwa dhirire kumutawa?’ 26Ene ngeshi tu ninge eshi: ‘Kwawanu,’ ho tu wane ghukukutu kwawanu. Yoshishi hanu ha mu monine Johannesi yira muporofeta.” 27Ko kuninga kwawo kwaJesusi eshi: “Kadi ya kudimuka twe.”
Ha wa hutha kwendi eshi: “Name mbadi sho ni mu tongwere eshi, nongcamu munye na kutenda yinu yi.
Maghanekero ghawangaghu hawadi
28“Nye muna kughayara mwe pano? Pa karire murume nohanendi hoharume hawadi. Ko kuyenda kwendi kwamukurwamunu gha mu tongwere eshi: ‘Mwanange, yende ka rughane dyarero mudipya.’ 29Aye ha mu hutha eshi: ‘Na shwena!’ munyima ko kukwera kwendi no gha yendire. 30Murume yu gha yendire karo kwaghumweya, no gha mu tongwerire thika dyodyo. Aye gha huthire eshi: ‘Ghuhunga tate,’ ene mbadi gha yendire. 31Yidye ghopawawadi oyu gha tendire yi gha himine wihawo?”
Awo eshi: “Mukakutanga.”
Ko kuninga Jesusi kukwawo eshi: “Shemwa na kumutongwera: Haketethi nawakamadi horungu, mbo ha nengena kughutho wenu mughufuma waNyambi. 32Yoyishi Johannesi, gheyire kukumuneghedha ndhira dhodhihunga, ene mbadi mwa mu tawire. Awo haketethi nawakamadi horwiho ne ha mu tawire. Ngambi nga pa mwa yi monine, mbadi mwa kwerire munyima no kumutawa.”
Maghanekero ghawandjimi nodipya
(Mark 12:1–12; Luk 20:9–19)
33Jesusi ghaningire eshi: “Mu tegherere shime kumaghanekero. Pa karire mutungi yu gha tendire dipya, no gha di thitire noruthito romawe. Ha tjuku thikameno, no kumbadi dhatho gha shokekire ko, kataratara komakungero. Munyima ko kupaka ko handjimi, no gha yendire kuruyendo. 34Apa dha rikanyine nako dhomukokoro ghombuyo, ko kutuma kwendi hamweya ghopawapika wendi, ha ka mu retere ko dihenda dyombuyo. 35Ene handjimi ha kwatire hapika wa, yofotji ha mu pumura no ghumweya ha mu pagha, ndani ghumweya ha mu nyetedha mumumawe. 36Thinda shadipya ko kutuma karo hapika hamwe kupiterera hokutanga. Ene handjimi ha wa tendire thika dyo. 37Paghuhura gha tumine ko mwanendi ghughayara eshi: ‘Shemwa n̂anyi ha ka mu yape mwanange.’ 38Handjimi pa ha monine mwanendi, ha ghambathanine eshi: ‘Oyu ne yomukakuyora. Mwiye tu mu paghe, ho tu tumbure yiyora yendi.’ 39Ko kumukoka kwawo no kumuvukumena panunda dhodipya no kumupagha.
40“Pa ka huka keho thindashadipya ne, ngepi keho sho gha tende nawandjimi wa?”
41Awo ha mu hutha eshi: “Aye ghana kushinya hanu wa hohamango noyifa yoyimango, no kutapa dipya kwawandjimi hamweya, hokumureteranga mbuyo munako dhi dha rikanya po.”
42Ko kuwatongwera Jesusi eshi: “Kare mwa toya muyitjanga eshi:
‘Diwe di ha mwaghire hombi,
shemwa dyo dina kara diwe dyodishonga.
Eyi ne Fumu gha yi tenda,
ene thitetu mumeho ghetu.’
43“Yodigho na kumutongwera eshi: Ghufumu waNyambi mbana ghu mu kungura no kughutapa kudiko di mbo di ka para mbuyo dhagho.
44“Noyomuhe yu mbo gha wera padiwe di, mbo ghana hayaghuka, noyu mbo di wera mbo ghana hoghoroka.”
45Apa ha yuvire hapristeri hohakuru naWafarasayi yitetukitho yaJesusi, ko kukudimuka kwawo eshi wo ghana kuninga. 46Po ha shanenine kumukwata, ene ha yapire kumbunga, yoyishi wo ha mu monine yira muporofeta.
Currently Selected:
Mateghusi 21: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Mateghusi 21
21
Mwingeneno waJesusi muJerusalema
(Mark 11:1–11; Luk 19:28–38; Joh 12:12–19)
1Apa ha kumine pepi naJerusalema naBetfage, pakukokera kudirundu dyondhwe, ha tumu Jesusi hakathishongero hawadi kughutho, 2no kuwatongwera eshi: “Mu yende kudighumbo diya dina mu tamba, ene apa sho mu kengene mo, muna ka wana thidongi thokughangerera nothidongighana pambadi dhatho. Mu ka thi shuture, ho mu ka yirete kukwange. 3Ngeshi gha ka ghambe ghumweya kukwenu thinu, mu ka mu huthe eshi: ‘Fumu ghana kuyinyanda, n̂anyi gha ka yi huthe wangu.’ ”
4Ya karire kemo eshi yighamba yamuporofeta eyi gha ningire eshi:
5“Tongwere mbara Siyoni eshi:
Mone, Fumu ghoye kuna kwiya kukoye,
Aye ne muturumuthi no ghana dhini pathidongi,
pathidongighana ne murongerero.”
6Hakathishongero hawadi ha yendire, no ha ka tendire thikakenge di gha wa rawerire Jesusi. 7Ko ka reta kwawo thidongi nothidongighana, munyima ha yarire pathidhina yitere yawo, ko kudhina po Jesusi. 8Dihenda dyombunga dhodhikuru, ha yarire myaye dhawo mundhira. Hamweya ha tjorire mite dhoyitondo no kudhiyara mundhira. 9Hanu wa ha piterere kughutho waJesusi, nawa ha mu randire munyima, ha tangire kushogherera eshi:
“Ghusho kwaMwana Davita!
Gha fumane yu ghana kwiya muDina dyaFumu!
Ghusho mumawiru.”
10Apa ghengenine Jesusi muJerusalema, ko kukukin̂a-kin̂a mbara dhodhihe. Awa ha tunga mo hepurire eshi: “Murume munye yu?”
11Mbunga dha huthire eshi: “Oyu ne yomuporofeta Jesusi waNasareti muGalileya.”
Mapongwero ghotembeli
(Mark 11:15–19; Luk 19:45–48; Joh 2:13–22)
12Ko kuyenda Jesusi kutembeli, no gha ka wanine hanu wahe wa ha karire pambandha dhotembeli ghughura noghughuritha, no gha wa tjidhiremo. Matishi ghawakakutjindja manyinga noyipuna nawakakughuritha makutji, gha gha yundaghurire mo, 13no gha wa tongwerire eshi: “Yapwa kutjanga eshi: ‘Ndhugho dhange mbo hana dhi toyo eshi dhakuraperera.’ Amwe ne ho muna dhi tendi thitunguru thawashondoro.”
14Munyima heyire kukwendi hakunga nawayinhwere mutembeli, naye gha werukithire. 15Ene pa ha monine yitetukitho hapristeri hohakuru nawakamarukwaro, edi ghana kuyitenda no kwawanuke hashivumwa kushogherera mutembeli eshi: “Ghusho kwaMwana Davita!” Ha patire wangu. 16Ko kumutongwera kwawo eshi: “Ghuna yuvu yi hana kukushonmonona waya ndi?”
Ha wa hutha Jesusi eshi: “Nhi. Mbadi mwa toya panganyi eshi: ‘Yamwe mwa yi korerithire kemo eshi, dyo sho ha mu kutekere hanuke ndi’?”
17Ko kuwathigha no gha shwaghire mumbara, gha yende kuBetaniya oku gha ka rarire.
Jesusi ghana kukuta thitondo thoghukuyu
(Mark 11:12–14, 20–24)
18Murughura pamathiku‐thiku, mundhira dhokuhuka kumbara, gha fire ndhara Jesusi. 19Apa gha monine thitondo thoghukuyu, thokwimana pithatho kumbadi dhondhira, ko kuyenda ko. Ene mbadi gha ka wanine ko thinu, shimengwa mahaho pithagho keho. Ha ningi kuthitondo eshi: “Mbo kufere kuroruheya eshi kwima karo mbuyo we.”
Popo ko kukukutera thitondo thoghukuyu.
20Apa ha yi monine hakathishongero ha yapire, no ha kwipurire eshi: “Ngepi di thina kukuta thi thitondo thoghukuyu pawanguwangu?”
21Po gha wa hutherire Jesusi eshi: “Shemwa na kumutongwera: Ngeshi mwa kara nomatawero no mbadi muna kutamangera, mwa kona kutenda yi na tendi Me kughukuyu. Shime karo: Mwa kona kuninga kudirundu eshi: ‘Dhuruke no ghukumwaghere mudikuruviya!’ shemwa mbo yina hokoka. 22Ngeshi ha mu tawa, mbo muna wana yoyiheya yi mbo mu kumbera mundapero.”
Mepwero ghokungcamu dhaJesusi
(Mark 11:27–33; Luk 20:1–8)
23Jesusi ghengenine mutembeli, no oku ye pakuhonga hanu, ko kumwiyera hapristeri hokakuru nawamayami hodiko ha mwipure eshi: “Nongcamu munye ghuna kutenda we yinu yino? No dye gha dhi kupa ngcamu dhi?”
24Ko kuhutha Jesusi eshi: “Name kuna kumwipura thinu thofotji, ene ngeshi mu ni‐pe mahuthero, name na kumutongwera eshi nongcamu munye na kutenda yinu yino. 25Diyoghero dyaJohannesi ne, kupi dya tunda. KwaNyambi endi kwawanu?”
Ko kughambathana kwawo eshi: “Ngeshi tu ninge eshi kwaNyambi, ho gha tu tongwere eshi: ‘Nye mwa dhirire kumutawa?’ 26Ene ngeshi tu ninge eshi: ‘Kwawanu,’ ho tu wane ghukukutu kwawanu. Yoshishi hanu ha mu monine Johannesi yira muporofeta.” 27Ko kuninga kwawo kwaJesusi eshi: “Kadi ya kudimuka twe.”
Ha wa hutha kwendi eshi: “Name mbadi sho ni mu tongwere eshi, nongcamu munye na kutenda yinu yi.
Maghanekero ghawangaghu hawadi
28“Nye muna kughayara mwe pano? Pa karire murume nohanendi hoharume hawadi. Ko kuyenda kwendi kwamukurwamunu gha mu tongwere eshi: ‘Mwanange, yende ka rughane dyarero mudipya.’ 29Aye ha mu hutha eshi: ‘Na shwena!’ munyima ko kukwera kwendi no gha yendire. 30Murume yu gha yendire karo kwaghumweya, no gha mu tongwerire thika dyodyo. Aye gha huthire eshi: ‘Ghuhunga tate,’ ene mbadi gha yendire. 31Yidye ghopawawadi oyu gha tendire yi gha himine wihawo?”
Awo eshi: “Mukakutanga.”
Ko kuninga Jesusi kukwawo eshi: “Shemwa na kumutongwera: Haketethi nawakamadi horungu, mbo ha nengena kughutho wenu mughufuma waNyambi. 32Yoyishi Johannesi, gheyire kukumuneghedha ndhira dhodhihunga, ene mbadi mwa mu tawire. Awo haketethi nawakamadi horwiho ne ha mu tawire. Ngambi nga pa mwa yi monine, mbadi mwa kwerire munyima no kumutawa.”
Maghanekero ghawandjimi nodipya
(Mark 12:1–12; Luk 20:9–19)
33Jesusi ghaningire eshi: “Mu tegherere shime kumaghanekero. Pa karire mutungi yu gha tendire dipya, no gha di thitire noruthito romawe. Ha tjuku thikameno, no kumbadi dhatho gha shokekire ko, kataratara komakungero. Munyima ko kupaka ko handjimi, no gha yendire kuruyendo. 34Apa dha rikanyine nako dhomukokoro ghombuyo, ko kutuma kwendi hamweya ghopawapika wendi, ha ka mu retere ko dihenda dyombuyo. 35Ene handjimi ha kwatire hapika wa, yofotji ha mu pumura no ghumweya ha mu pagha, ndani ghumweya ha mu nyetedha mumumawe. 36Thinda shadipya ko kutuma karo hapika hamwe kupiterera hokutanga. Ene handjimi ha wa tendire thika dyo. 37Paghuhura gha tumine ko mwanendi ghughayara eshi: ‘Shemwa n̂anyi ha ka mu yape mwanange.’ 38Handjimi pa ha monine mwanendi, ha ghambathanine eshi: ‘Oyu ne yomukakuyora. Mwiye tu mu paghe, ho tu tumbure yiyora yendi.’ 39Ko kumukoka kwawo no kumuvukumena panunda dhodipya no kumupagha.
40“Pa ka huka keho thindashadipya ne, ngepi keho sho gha tende nawandjimi wa?”
41Awo ha mu hutha eshi: “Aye ghana kushinya hanu wa hohamango noyifa yoyimango, no kutapa dipya kwawandjimi hamweya, hokumureteranga mbuyo munako dhi dha rikanya po.”
42Ko kuwatongwera Jesusi eshi: “Kare mwa toya muyitjanga eshi:
‘Diwe di ha mwaghire hombi,
shemwa dyo dina kara diwe dyodishonga.
Eyi ne Fumu gha yi tenda,
ene thitetu mumeho ghetu.’
43“Yodigho na kumutongwera eshi: Ghufumu waNyambi mbana ghu mu kungura no kughutapa kudiko di mbo di ka para mbuyo dhagho.
44“Noyomuhe yu mbo gha wera padiwe di, mbo ghana hayaghuka, noyu mbo di wera mbo ghana hoghoroka.”
45Apa ha yuvire hapristeri hohakuru naWafarasayi yitetukitho yaJesusi, ko kukudimuka kwawo eshi wo ghana kuninga. 46Po ha shanenine kumukwata, ene ha yapire kumbunga, yoyishi wo ha mu monine yira muporofeta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986