Mateghusi 23
23
Jesusi ghana kughatura, hakamarukwaro naWafarasayi
(Mark 12:38–39; Luk 11:43–46; 20:45–46)
1Kutunda po, ko kutongwera Jesusi mbunga nawakathishongero wendi 2eshi: “Hakamarukwaro naWafarasayi, ha kara nongcamu dhokupiraghura muragho waMosesi. 3Amwe ne mu tende no mu kwate yoyiheya yi sho ha mu tongwere. Ene thitamenedhi thawo, mbadi mwa kona kuthikutha. Yoyishi hathinda nawo mbadi hana kutenda yi hana kughamba. 4Awo hana kughangadheka mipango dhodhiremu, no kudhikambadheka payifudhi yawanu. Hathinda mbadi hana kukundama ko nokanyehe temba eshi ha ghamwene. 5Yoyiheya yi hana kutenda, hana kuyitenda eshi ha wa mone hanu. Hana kukughanga mighagha dhodhiyaghayu mumitwi dhawo, no kupaka mararami kughuhura ghoyivata yawo. 6Karo ha haka mango ghomakuto pamakuyarekero ghomumafeste, nomumango ghokughutho mumasinagoge. 7No ha haka kuyuva marumeritho ghawanu mumikara no kuwatoya yira hahekudya.
8“Ene mwe, kadi wa kukutoya eshi mwahekudya, yofotji keho Thihongwa wenu, mwaheya ne mwamina. 9Karo mbadiko yu mwa kona kutoya pano pamuve eshi wihenu, yoyishi yofotji keho Wihenu, oyu ne Wihenu ghomudiwiru. 10Mbadi mwa kona kukutoya eshi mwakamiti, yoyishi yofotji Mukamiti wenu: eshi Kristusi.
11“Ene mukakupiterera pakatji kenu, yo sho gha kare mukakumukarera. 12Mukakukununeka thinda, mbo ghana shwahuka, no mukakukushwahura thinda, mbo hana mu nuneka.
Jesusi ghana kughatura hakadifurumeko
(Mark 12:40; Luk 11:39–42; 20:47)
13“Kunyanda kuna mu taterera mwe, mwakamarukwaro naWafarasayi, mwakadifurumeko! Amwe ne mwa yandhera dikorogho dyoghufumu kughutho wawanu. Mwathinda namwe mbadi muna kwingena mo, ho muna kushinga awa ha hima kwingena mo. 14Kunyanda kuna mu Taterera mwe, mwakamarukwaro naWafarasayi! Yamwe mwakakwan̂itha mayugho ghawadidhi, no muna kurapera mandapero ghomare mudifurumeko. Yo mbo ha ka mu humbithera thikuma.
15“Kunyanda kuna mu taterera mwe, mwakamarukwaro naWafarasayi, mwakadifurumeko! Muna kuyendaghura mudikuruviya nomuditunga, kukupirura yofotji. Ene ngeshi ghana piruka, muna kumutenda paruwadi mwana mudiro ghororuheya, kadi yira mwathinda.
16“Kunyanda kuna mu taterera, mwakamiti wawamweya, mwathinda ne mwakunga. Amwe muna kuninga eshi: ‘Ngeshi kwedha ghumweya kutembeli, mbadi ghana tendi medhero. Ene ngeshi hedha kumangondo ghotembeli, ghana rikanyitha mo medhero ghendi.’ 17Mwakunga homabotwa! Yinye yokupiterera po ne: mangondo ndi, endi tembeli dhi dha pongokitha mangondo? 18Mwa ni ga karo eshi: ‘Ngeshi kwedha ghumweya kuthinyaku, mbadi ghana tendi medhero. Ene ngeshi hedha ghumweya kuyitapa yomuyambo eyi yi di pathinyaku, ghana rikanyitherera mo medhero ghendi.’ 19Mwakunga nwe! Nye yokupiterera po: Muyambo, endi thinyaku thi thina kupongokitha muyambo? 20Oyu ghana kwedha kuthinyaku, ghana kwedha kuthinyaku no kuyoyiheya yi yi di po. 21Oyu ghokwedha kutembeli, ghana kwedha kutembeli no kwaNyambi yu gha tunga mo. 22Noyu ghokwedha kudiwiru, ghana kwedha kudipuna dyaNyambi no kwaNyambi yu gha hungumana po.
23“Kunyanda kuna mu taterera mwe, mwakamarukwaro naWafarasayi, mwakadifurumeko! Amwe mwa tapanga padikumi thofotji, pamunde, nopayitowaritha nopambuyo, ene maghukukutu ghomuragho ne mwa thigha. Eshi: ghuhunga, thin̂eke nomatjimapero. Shemwa, yinu yino yo yokutenda munu, kadi wa kuthigha ko yimweya. 24Mwakamiti hokakunga! Yamwe muna kutjikuranga ndhi mumakopi ghenu, ngameno ne kumina.
25“Kunyanda kuna mu taterera mwe, mwakamarukwaro naWafarasayi, mwakadifurumeko! Yoyi muna kukenitha makopi noturonga peghuru keho, mwimi ne mwa yara ghumu noghukashu. 26Mufarasayi ghomukunga, kenithe tango kopi mwimi, ndani ghana kukena karo peghuru.
27“Kunyanda kuna mu taterera mwe, mwakamarukwaro naWafarasayi, mwakadifurumeko! Amwe ne mwa kara yira yipiro yokuwetha ghukenu, yokuroghera peghuru vene, mwimi ne mwa yara yishokora yawafu, noyinu yimweya yoyiyi. 28Kemo dyo mwa kara namwe: Peghuru, kwawanu ne yira mwahunga, mwimi ne mwa yara difurumeko no kunyatha muragho.
Jesusi ghana kuyuwitha yoyihumbithitha yawo
(Luk 11:47–51)
29“Kunyanda kuna mu taterera mwe, mwakamarukwaro naWafarasayi, mwakadifurumeko! Amwe muna kumba yipiro yawaporofeta no muna kuremba yivurukitho yawanongo, 30no muna kuninga eshi: ‘Ngo natwe twa karire mumayuwa ghawakerekandongo wetu, ngo mbadi twa kupakererire nawo, mahimeno ghokumanotokero ghomanyinga ghawaporofeta.’ 31Pamuhingo ghu, muna kukunongonona mwathinda eshi, yamwe mwanahoka wa wa ha paghire haporofeta. 32Mu yende ngenyu kenge yo, no mu manithe yi ha tangire hakerekandongo wenu.
33“Mwayiyoka, nomwarudhi ghoyiyoka yoghuhungu! Ngepi di mbo mu yovoroka kumudiro ghororuheya? 34Mu tegherere ne thiwana! Ame na kumutumena haporofeta nawanyanyami nawa hakuhonga. Amwe mbo muna pagha po hamweya no kuwapamarera. Hamweya mbo muna wa mwashura mumasinagoge ghenu no kuwakutha‐kutha tunda dighumbo yenda dighumbo. 35Kemo mbo mu wana murandu ghomanyinga ghawahunga wahe, agha gha notokerire pamuve. Kutunderera kumanyinga ghaAbeli shiwana murandu, kate kumanyinga ghaSakariyasi ghomwana Beregiya, oyu mwa pagherire pakatji kotembeli nothinyaku. 36Shemwa na kumutongwera: Mahumbithero ghoyinu yino, mbo gha neya kwawanu hopashadyarero dino.
Yomadiro ghokuJerusalema
(Luk 13:34–35)
37“Jerusalema, Jerusalema, yowe mukakupagha haporofeta no kupagha nomawe, awa ha kutumenine. Rwingi na himine kukongwedha hanoye pofotji, yira shushwa ghokukongwedha tutjigho‐tjigho twendi mumando ghendi, amwe ne ka di wa kutawa! 38Mu mone, mbara dhenu ne mbungumbungu sho dhi kare. 39Ene na kumutongwera: Yashemwa kutunda pano mbadi mbo mu ni mona, kate mbo diye diyuwa edi mbo mu shogherera eshi: ‘Gha fumane oyu ghana kwiya muDina dyaFumu.’ ”
Currently Selected:
Mateghusi 23: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Mateghusi 23
23
Jesusi ghana kughatura, hakamarukwaro naWafarasayi
(Mark 12:38–39; Luk 11:43–46; 20:45–46)
1Kutunda po, ko kutongwera Jesusi mbunga nawakathishongero wendi 2eshi: “Hakamarukwaro naWafarasayi, ha kara nongcamu dhokupiraghura muragho waMosesi. 3Amwe ne mu tende no mu kwate yoyiheya yi sho ha mu tongwere. Ene thitamenedhi thawo, mbadi mwa kona kuthikutha. Yoyishi hathinda nawo mbadi hana kutenda yi hana kughamba. 4Awo hana kughangadheka mipango dhodhiremu, no kudhikambadheka payifudhi yawanu. Hathinda mbadi hana kukundama ko nokanyehe temba eshi ha ghamwene. 5Yoyiheya yi hana kutenda, hana kuyitenda eshi ha wa mone hanu. Hana kukughanga mighagha dhodhiyaghayu mumitwi dhawo, no kupaka mararami kughuhura ghoyivata yawo. 6Karo ha haka mango ghomakuto pamakuyarekero ghomumafeste, nomumango ghokughutho mumasinagoge. 7No ha haka kuyuva marumeritho ghawanu mumikara no kuwatoya yira hahekudya.
8“Ene mwe, kadi wa kukutoya eshi mwahekudya, yofotji keho Thihongwa wenu, mwaheya ne mwamina. 9Karo mbadiko yu mwa kona kutoya pano pamuve eshi wihenu, yoyishi yofotji keho Wihenu, oyu ne Wihenu ghomudiwiru. 10Mbadi mwa kona kukutoya eshi mwakamiti, yoyishi yofotji Mukamiti wenu: eshi Kristusi.
11“Ene mukakupiterera pakatji kenu, yo sho gha kare mukakumukarera. 12Mukakukununeka thinda, mbo ghana shwahuka, no mukakukushwahura thinda, mbo hana mu nuneka.
Jesusi ghana kughatura hakadifurumeko
(Mark 12:40; Luk 11:39–42; 20:47)
13“Kunyanda kuna mu taterera mwe, mwakamarukwaro naWafarasayi, mwakadifurumeko! Amwe ne mwa yandhera dikorogho dyoghufumu kughutho wawanu. Mwathinda namwe mbadi muna kwingena mo, ho muna kushinga awa ha hima kwingena mo. 14Kunyanda kuna mu Taterera mwe, mwakamarukwaro naWafarasayi! Yamwe mwakakwan̂itha mayugho ghawadidhi, no muna kurapera mandapero ghomare mudifurumeko. Yo mbo ha ka mu humbithera thikuma.
15“Kunyanda kuna mu taterera mwe, mwakamarukwaro naWafarasayi, mwakadifurumeko! Muna kuyendaghura mudikuruviya nomuditunga, kukupirura yofotji. Ene ngeshi ghana piruka, muna kumutenda paruwadi mwana mudiro ghororuheya, kadi yira mwathinda.
16“Kunyanda kuna mu taterera, mwakamiti wawamweya, mwathinda ne mwakunga. Amwe muna kuninga eshi: ‘Ngeshi kwedha ghumweya kutembeli, mbadi ghana tendi medhero. Ene ngeshi hedha kumangondo ghotembeli, ghana rikanyitha mo medhero ghendi.’ 17Mwakunga homabotwa! Yinye yokupiterera po ne: mangondo ndi, endi tembeli dhi dha pongokitha mangondo? 18Mwa ni ga karo eshi: ‘Ngeshi kwedha ghumweya kuthinyaku, mbadi ghana tendi medhero. Ene ngeshi hedha ghumweya kuyitapa yomuyambo eyi yi di pathinyaku, ghana rikanyitherera mo medhero ghendi.’ 19Mwakunga nwe! Nye yokupiterera po: Muyambo, endi thinyaku thi thina kupongokitha muyambo? 20Oyu ghana kwedha kuthinyaku, ghana kwedha kuthinyaku no kuyoyiheya yi yi di po. 21Oyu ghokwedha kutembeli, ghana kwedha kutembeli no kwaNyambi yu gha tunga mo. 22Noyu ghokwedha kudiwiru, ghana kwedha kudipuna dyaNyambi no kwaNyambi yu gha hungumana po.
23“Kunyanda kuna mu taterera mwe, mwakamarukwaro naWafarasayi, mwakadifurumeko! Amwe mwa tapanga padikumi thofotji, pamunde, nopayitowaritha nopambuyo, ene maghukukutu ghomuragho ne mwa thigha. Eshi: ghuhunga, thin̂eke nomatjimapero. Shemwa, yinu yino yo yokutenda munu, kadi wa kuthigha ko yimweya. 24Mwakamiti hokakunga! Yamwe muna kutjikuranga ndhi mumakopi ghenu, ngameno ne kumina.
25“Kunyanda kuna mu taterera mwe, mwakamarukwaro naWafarasayi, mwakadifurumeko! Yoyi muna kukenitha makopi noturonga peghuru keho, mwimi ne mwa yara ghumu noghukashu. 26Mufarasayi ghomukunga, kenithe tango kopi mwimi, ndani ghana kukena karo peghuru.
27“Kunyanda kuna mu taterera mwe, mwakamarukwaro naWafarasayi, mwakadifurumeko! Amwe ne mwa kara yira yipiro yokuwetha ghukenu, yokuroghera peghuru vene, mwimi ne mwa yara yishokora yawafu, noyinu yimweya yoyiyi. 28Kemo dyo mwa kara namwe: Peghuru, kwawanu ne yira mwahunga, mwimi ne mwa yara difurumeko no kunyatha muragho.
Jesusi ghana kuyuwitha yoyihumbithitha yawo
(Luk 11:47–51)
29“Kunyanda kuna mu taterera mwe, mwakamarukwaro naWafarasayi, mwakadifurumeko! Amwe muna kumba yipiro yawaporofeta no muna kuremba yivurukitho yawanongo, 30no muna kuninga eshi: ‘Ngo natwe twa karire mumayuwa ghawakerekandongo wetu, ngo mbadi twa kupakererire nawo, mahimeno ghokumanotokero ghomanyinga ghawaporofeta.’ 31Pamuhingo ghu, muna kukunongonona mwathinda eshi, yamwe mwanahoka wa wa ha paghire haporofeta. 32Mu yende ngenyu kenge yo, no mu manithe yi ha tangire hakerekandongo wenu.
33“Mwayiyoka, nomwarudhi ghoyiyoka yoghuhungu! Ngepi di mbo mu yovoroka kumudiro ghororuheya? 34Mu tegherere ne thiwana! Ame na kumutumena haporofeta nawanyanyami nawa hakuhonga. Amwe mbo muna pagha po hamweya no kuwapamarera. Hamweya mbo muna wa mwashura mumasinagoge ghenu no kuwakutha‐kutha tunda dighumbo yenda dighumbo. 35Kemo mbo mu wana murandu ghomanyinga ghawahunga wahe, agha gha notokerire pamuve. Kutunderera kumanyinga ghaAbeli shiwana murandu, kate kumanyinga ghaSakariyasi ghomwana Beregiya, oyu mwa pagherire pakatji kotembeli nothinyaku. 36Shemwa na kumutongwera: Mahumbithero ghoyinu yino, mbo gha neya kwawanu hopashadyarero dino.
Yomadiro ghokuJerusalema
(Luk 13:34–35)
37“Jerusalema, Jerusalema, yowe mukakupagha haporofeta no kupagha nomawe, awa ha kutumenine. Rwingi na himine kukongwedha hanoye pofotji, yira shushwa ghokukongwedha tutjigho‐tjigho twendi mumando ghendi, amwe ne ka di wa kutawa! 38Mu mone, mbara dhenu ne mbungumbungu sho dhi kare. 39Ene na kumutongwera: Yashemwa kutunda pano mbadi mbo mu ni mona, kate mbo diye diyuwa edi mbo mu shogherera eshi: ‘Gha fumane oyu ghana kwiya muDina dyaFumu.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986