Markusi 13
13
Yipumba yoyinu yokughutho matangero ghoyinyanda
(Mat 24:1–14; Luk 21:5–19)
1Mumayuwa gha, apa gha shwaghire mutembeli; ko kughamba yofotji ghopawakathishongero eshi: “Muruti, mone, mawe munye gha no yishokeka munye yi!”
2Ko kuhutha Jesusi kukwendi eshi: “Ghuna gha mono gha mayugho ndi? Shemwa mbadi mbo di thighara diwe padiwe, edi mbo ha dhira kuyundura!”
3Apa gha ka hungumanine padirundu dyondhwe thambodiya dhotembeli, ko kumwipura pithawo haPetrusi naJakobusi naJohannesi naAndreyasi eshi: 4“Tu tongwere eshi mwaka munye mbo yi kara yinu yi, nothidimukitho munye mbo thi tu neghedha kunyanda ku?”
5Jesusi gha wa huthire eshi: “Mu koneke, maghana sho mu yongarithe munu. 6Yoyi hengi mbo ha ninga muDina dyange eshi: ‘Oyu ne yame!’ No mbana yongaritha hanu hohengi. 7Ene apa mbo mu yuva mambudhi ghomengi ghoyita, mwa mba yapa, yoyishi yi kone kwiya. Ene kadi ghomahurero. 8Toyishi diko dimweya mbo di neman̂anyena dimweya, no ghufumu ghumweya kughumweya; no mbo ghana kara makin̂eno ghomuve kumango ghamwe, no mbo ghana kara mayerenge noyita. Yinu yi ne matangero ghoyinyanda.
9“Ne mu kukoneke mwathinda, yoyishi mbana mu tapa kundhango, no mumasinagoge, mbana mu pumaghuru mo, no mbo muna pu kutwara kughutho wawafurumende no kwawafumu, muDina dyange, thi kare thinongononitho thawo. 10Ene mbudhi dhaNyambi dhi pwe tango kuyuvitha kukehe diko. 11Apa mba mu koka‐koka eshi ha mu tape, mwa mba kudhekera koyi mbo mu ka ghamba, no mwa mba ghayara ko, ene eyi mbo mu ka ghamba munako dho, yo mbo mu ghamba. Yoyishi kadi yamwe mbo mu ghamba, ne Mupepo ghoKupongoka. 12Mukurwa munu mbo ghana tapa minendi kuyifa, no wiha munu ne mwana. No hana mbo ha neman̂anyena hawihawo nawanyokwawo, no mbana wa pagha. 13Amwe mbo muna pu kudhimba kwawahe muDina dyange. Ene yu mbo gha dhidhimeka kate paghuhura, mbo ghana wana maghamweno.
Yomahumbithero ghokughutho
(Mat 24:15–28; Luk 21:20–24)
14“Apa mbo mu mona ghukukutu ghomaharan̂anyeno eshi gha neya kudyango di gha dhira kuhokokera,”— gha koneke mukakutoya yi — “nawa ha tunga muJudeya mba tjirere mumarundu. 15Noyu gha di pamutuya, gha shuruka eshi ghengene mundhugho, gha ka shimbe mo thinu. 16Noyu gha di mudipya, gha piruka munyima eshi, gha ka shimbe mwaye wendi. 17Ene mawe, kwawakamadi hoharemu no kwawadikadhi mumayuwa gha! 18Mu rapere eshi yitjira yenu ya mba kara pakufu. 19Yoyi mahumbithero gha, mbo ghana kara makuru, no mbadi gha karire panganyi, kutunda kumatangero ghokaye kate nodyarero, no mbadi mbo gha kara po karo. 20No ngeshi mbadi mbo gha fupipitha Nyambi mayuwa gha, ngo mbadiko munu mbo gha wana maghamweno. Ene padikuto dyawahunga, awa gha tororire, yo mbo gha fupipithera mayuwa gha.
21“No ngeshi ha mu tongwera munu eshi: ‘Mu mone, Kristusi yu!’ Ngambi eshi: ‘Oya kuya!’ Mwa yi tawa! 22Yoyishi mbo pa na kara hakristusi hombango nawaporofeta hombango, no mbana tendi yidimukitho. No ngeshi ha kone, ngo ha yongarithe awa ha pwa kutorora. 23Amwe ne mu koneke! Mu mone, na mana kuyimutongwera yoyiheya.
Yomwiyero waMwanamunu
(Mat 24:29–31; Luk 21:25–28)
24“Ene munyima dhomahumbithero gha, diyuwa mbo dina vindighera, no kaghonda mbadi mbo ka kara mwedhi. 25Nungwedhi mbo dhina ghu kuwiru no mangcamu ghodiwiru mbo ghana shekesha. 26Munyima mbana mu mono Mwanamunu, ghana kwiya mumavuyi nongcamu dhodhikuru nothishe thendi. 27No mbo ghana tumu haengeli wendi muyiko yine yokaye, kukukongwedha awa ha pwa kutorora kutunda kuyiyeghekamuto yodiwiru.
Thighanekera thoghukuyu
(Mat 24:32–36; Luk 21:29–33)
28“No mu kuhonge kughukuyu maghanekero gha eshi: Ngeshi dhi notupa mite dhagho, no ku ghana kufufumena mahako, mu dimuke eshi, ndombo ne pepi dhi di. 29Kemo dyo mbo mu dimuka namwe, apa mbo yi hokoka yinu yi eshi, yina henyi pepi. Kuthero yi di. 30Shemwa na kumutongwera eshi, diko di mbadi mbo di pwa, oku mbadi yina hokoka yinu yi. 31Diwiru nomuve mbo yina pu, man̂ando ghange ne mbadi mbo gha pwa.
32“Ene diyuwa di, nonako dhi, mbadiko yu gha yi dimuka, ngambi haengeli homudiwiru, ngambi Mwana, shimengwa Wihe.
Yomarawero ghokurawa
(Mat 24:37–44)
33“Mu koneke, mu rawe no mu rapere, yoyi mbadi mwa dimuka eshi, munako munye mbo yi kara yi. 34Ya kara yira kwamunu ghomuruyendo oyu ghana thighi ndhugho dhendi no kutapa mahimeno kwawapidendi eshi ha rughane yoyihe. Mukakukunga thero gha mu rawerire eshi, gha rawe. 35Mu rawe ne, yoyi mbadi muna dimuka eshi, munako munye gha kwiya thindashandhugho. Parunguro ndi, endi pakatji koghuthiku, endi pakwigha ngondovoro endi murughura. 36Ene gha mu wana eshi, muna rara pakwiya mughudhindo. 37Eyi na kumutongwera mwe, kwawahe na kuyitongwera eshi: Mu rawe!”
Currently Selected:
Markusi 13: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Markusi 13
13
Yipumba yoyinu yokughutho matangero ghoyinyanda
(Mat 24:1–14; Luk 21:5–19)
1Mumayuwa gha, apa gha shwaghire mutembeli; ko kughamba yofotji ghopawakathishongero eshi: “Muruti, mone, mawe munye gha no yishokeka munye yi!”
2Ko kuhutha Jesusi kukwendi eshi: “Ghuna gha mono gha mayugho ndi? Shemwa mbadi mbo di thighara diwe padiwe, edi mbo ha dhira kuyundura!”
3Apa gha ka hungumanine padirundu dyondhwe thambodiya dhotembeli, ko kumwipura pithawo haPetrusi naJakobusi naJohannesi naAndreyasi eshi: 4“Tu tongwere eshi mwaka munye mbo yi kara yinu yi, nothidimukitho munye mbo thi tu neghedha kunyanda ku?”
5Jesusi gha wa huthire eshi: “Mu koneke, maghana sho mu yongarithe munu. 6Yoyi hengi mbo ha ninga muDina dyange eshi: ‘Oyu ne yame!’ No mbana yongaritha hanu hohengi. 7Ene apa mbo mu yuva mambudhi ghomengi ghoyita, mwa mba yapa, yoyishi yi kone kwiya. Ene kadi ghomahurero. 8Toyishi diko dimweya mbo di neman̂anyena dimweya, no ghufumu ghumweya kughumweya; no mbo ghana kara makin̂eno ghomuve kumango ghamwe, no mbo ghana kara mayerenge noyita. Yinu yi ne matangero ghoyinyanda.
9“Ne mu kukoneke mwathinda, yoyishi mbana mu tapa kundhango, no mumasinagoge, mbana mu pumaghuru mo, no mbo muna pu kutwara kughutho wawafurumende no kwawafumu, muDina dyange, thi kare thinongononitho thawo. 10Ene mbudhi dhaNyambi dhi pwe tango kuyuvitha kukehe diko. 11Apa mba mu koka‐koka eshi ha mu tape, mwa mba kudhekera koyi mbo mu ka ghamba, no mwa mba ghayara ko, ene eyi mbo mu ka ghamba munako dho, yo mbo mu ghamba. Yoyishi kadi yamwe mbo mu ghamba, ne Mupepo ghoKupongoka. 12Mukurwa munu mbo ghana tapa minendi kuyifa, no wiha munu ne mwana. No hana mbo ha neman̂anyena hawihawo nawanyokwawo, no mbana wa pagha. 13Amwe mbo muna pu kudhimba kwawahe muDina dyange. Ene yu mbo gha dhidhimeka kate paghuhura, mbo ghana wana maghamweno.
Yomahumbithero ghokughutho
(Mat 24:15–28; Luk 21:20–24)
14“Apa mbo mu mona ghukukutu ghomaharan̂anyeno eshi gha neya kudyango di gha dhira kuhokokera,”— gha koneke mukakutoya yi — “nawa ha tunga muJudeya mba tjirere mumarundu. 15Noyu gha di pamutuya, gha shuruka eshi ghengene mundhugho, gha ka shimbe mo thinu. 16Noyu gha di mudipya, gha piruka munyima eshi, gha ka shimbe mwaye wendi. 17Ene mawe, kwawakamadi hoharemu no kwawadikadhi mumayuwa gha! 18Mu rapere eshi yitjira yenu ya mba kara pakufu. 19Yoyi mahumbithero gha, mbo ghana kara makuru, no mbadi gha karire panganyi, kutunda kumatangero ghokaye kate nodyarero, no mbadi mbo gha kara po karo. 20No ngeshi mbadi mbo gha fupipitha Nyambi mayuwa gha, ngo mbadiko munu mbo gha wana maghamweno. Ene padikuto dyawahunga, awa gha tororire, yo mbo gha fupipithera mayuwa gha.
21“No ngeshi ha mu tongwera munu eshi: ‘Mu mone, Kristusi yu!’ Ngambi eshi: ‘Oya kuya!’ Mwa yi tawa! 22Yoyishi mbo pa na kara hakristusi hombango nawaporofeta hombango, no mbana tendi yidimukitho. No ngeshi ha kone, ngo ha yongarithe awa ha pwa kutorora. 23Amwe ne mu koneke! Mu mone, na mana kuyimutongwera yoyiheya.
Yomwiyero waMwanamunu
(Mat 24:29–31; Luk 21:25–28)
24“Ene munyima dhomahumbithero gha, diyuwa mbo dina vindighera, no kaghonda mbadi mbo ka kara mwedhi. 25Nungwedhi mbo dhina ghu kuwiru no mangcamu ghodiwiru mbo ghana shekesha. 26Munyima mbana mu mono Mwanamunu, ghana kwiya mumavuyi nongcamu dhodhikuru nothishe thendi. 27No mbo ghana tumu haengeli wendi muyiko yine yokaye, kukukongwedha awa ha pwa kutorora kutunda kuyiyeghekamuto yodiwiru.
Thighanekera thoghukuyu
(Mat 24:32–36; Luk 21:29–33)
28“No mu kuhonge kughukuyu maghanekero gha eshi: Ngeshi dhi notupa mite dhagho, no ku ghana kufufumena mahako, mu dimuke eshi, ndombo ne pepi dhi di. 29Kemo dyo mbo mu dimuka namwe, apa mbo yi hokoka yinu yi eshi, yina henyi pepi. Kuthero yi di. 30Shemwa na kumutongwera eshi, diko di mbadi mbo di pwa, oku mbadi yina hokoka yinu yi. 31Diwiru nomuve mbo yina pu, man̂ando ghange ne mbadi mbo gha pwa.
32“Ene diyuwa di, nonako dhi, mbadiko yu gha yi dimuka, ngambi haengeli homudiwiru, ngambi Mwana, shimengwa Wihe.
Yomarawero ghokurawa
(Mat 24:37–44)
33“Mu koneke, mu rawe no mu rapere, yoyi mbadi mwa dimuka eshi, munako munye mbo yi kara yi. 34Ya kara yira kwamunu ghomuruyendo oyu ghana thighi ndhugho dhendi no kutapa mahimeno kwawapidendi eshi ha rughane yoyihe. Mukakukunga thero gha mu rawerire eshi, gha rawe. 35Mu rawe ne, yoyi mbadi muna dimuka eshi, munako munye gha kwiya thindashandhugho. Parunguro ndi, endi pakatji koghuthiku, endi pakwigha ngondovoro endi murughura. 36Ene gha mu wana eshi, muna rara pakwiya mughudhindo. 37Eyi na kumutongwera mwe, kwawahe na kuyitongwera eshi: Mu rawe!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986