Markusi 4
4
Maghanekero ghamukakukuna
(Mat 13:1–23; Luk 8:4–15)
1Ha yendi karo kudikuruviya gha ka honge. Mbunga dhawanu dha konganine ko. Aye ne ko kuperama muwato nodifwa dyodihe dya hungumanine kurungengera rodikuruviya. 2Jesusi gha wa yuvithire mbudhi dhendi no gha hongire hanu mumaghanekero.
3“Mu tegherere eshi: Ndjimi gha yendire gha ka kune. 4Apa gha kunine, dha mu wire mbuto dhimweya mundhira. Ko kwiya yinyunyi yi dhi komongore. 5Dhimweya dha mwagharire payikarawe, apa wa dhirire kukara muve ghowingi. Ko kumena kwadho wangu, yoyishi mbadi dha karire mughudhungi. 6Apa wa karire mutenya thikuma, dha kukutire no dha fire, yoyi dha pirire midhi. 7Dhimweya dha wererire mumakona, nomakona gha dhi ngambwathanine no mbadi dha wanine ghuheke. 8Dhimweya dha wererire mughuyeghave, dha menine, dha kurire, dha shemine no dha wanine ghuheke. Digavo dyofotji manona makumi mahatu, dimweya makumi kwoko nodyofotji, dimweya ne dithere dyofotji.”
9Ko kuninga kwendi kukwawo eshi: “Mukakuyuva, gha tegherere!”
10Apa gha karire pofotji nawahashadikumi nohawadi nawakakumutata, ko kumwipura kwawo yomaghanekero gha. 11Aye ne gha wa huthire eshi: “Amwe mwa kona kudimuka eyi ghondeka Nyambi mughufumu wendi. Hamweya ne hana kuyiyuva mumaghanekero. 12Eshi ha kone kumona, ene mbadi hana kuyidimuka. Ha yuve, ene mbadi hana kuyitjwathana. Ngo kadi payinu yi, ngo ha kone kupiruka no kuwana mathigherero ghomaharwero ghawo.”
13Munyima gha ningire kukwawo eshi: “Mbadi muna kutjwathana maghanekero ghano ndi? Ngepi ne sho mu tjwathane maghanekero ghamweya. 14Mukakukuna, gha kuna n̂ando dha Nyambi. 15Pamweya dhina kuwera pambadi dhondhira. Kemo ya kara kwawanu, awa hana kuyuva thiwana n̂ando dhi. Keho ne, ko kwiya Shatani, no kutunditha n̂ando edhi hana wa kunu mumitjima dhawo. 16Kwawamweya, yira dhi dha wererire payikarawe. Pakudhiyuva wo, hana kudhikwata ghushamberera. 17Ene ha pira midhi mumwawo. Kutawa kwawo ne kwamayuwa ghomapu. Ngeshi kuwayereka ngambi kuwashinya kumahimeno ghon̂ando, hana kukasha wangu. 18No dhi dhomumakona, dha ghamba eshi, awo ne wo hakakuyuva n̂ando. 19Ene yikudhekera yawo yopakaye, noyinyanda yoyimuna yawo, noyirumbera yawo, yina kukukakatera. No n̂ando dhina kuyandhera kuyinu yi, no mbadi dhina kuvura mumwawo. 20Edhi ha kunine mughuyeghave ne dhino eshi. Awo ne wo hakakuyuva no kukwata n̂ando. No n̂ando dhi, dhina kureta mbuyo. Eshi makumi mahatu, nomakumi kwoko nomakumi kwoko nodyofotji, nodithere.”
Maghanekero ghomuyenge
(Luk 8:16–18)
21Ko kuwatongwera kwendi karo eshi: “Munyenge mbadi ha kona kughufika, ngambi kughupaka munahadidi. Ghuhunga ne, mbadi twa kona kughutura pathikora ndi? 22Yoyisi mbadiko thokunda ethi mbo thi dhira kuhokoka, no mbadiko thokuhoreka ethi mbo thi dhira kushwagha kuthishe. 23Mukakuyuva gha tegherere.”
24Ha wa tongwera eshi: “Mu koneke koyi muna kuyuva. No thiyedhekeritho ethi muna kuyedhekeritha, mbana mu yedhekeritha namwe. Ene kukwenu mwe mwakakuyuva yi, mbana mu wedherera ko. 25Yoyishi oyu gha wana, mbana yi mu vurithera. Noyu ghana piri, mbo hana yi mu tumbura, ngambinga yi gha di nayo.”
Maghanekero ghombuto
26No shime ha ghamba karo kukwawo eshi: “Ghufumu waNyambi, wa pitura munu ghokukuna mbuto mudipya dyendi. 27Munyima ghana kuyenda gha ka rare, no kupinduka ghuthiku nomutenya. Dimbuto ne dina kumena no kukura mukudhira kudidimukera naye thinda. 28Yoyishi kaye ka reta kothinda mbuyo. Pakutanga ne murere, ndani digavo, munyima nona kudigavo. 29Ngeshi nona dhina kukuta, ko kutanga kukesha, yoyishi ghuneya mukesho.”
Maghanekero ghodimbuto dyoghutata
(Mat 13:31–32, 34; Luk 13:18–19)
30Mumayuwa gha, gha ningire karo Jesusi eshi: “No nye twa kona kughanekera karo ghufumu waNyambi? Ngambi nomaghanekeritho munye sho tu ghanekerithe? 31Agho ne wa pitura dimbuto dyoghutata. Yoyishi dya mbirupa pakatji komambuto ghomahe pakudikuna. 32Ngeshi pakudikuna, dina kumena no dina kukura, kupiterera yitondo yimweya nomite dhodhikuru. No yinyunyi yomuwiru yina kutenda yitunguru yayo mumwadho.”
33Kemo nga ghambanga kukwawo mumaghanekero, eshi ha kone kumutjwathana. 34Mbadi nga ghambanga kukwawo mukupira maghanekero. Ene hakathishongero wendi, nga wa pathwereranga pithawo.
Jesusi ghana kushinga dingundunga
(Mat 8:23–27; Luk 8:22–25)
35Pakutokera diyuwa, ko kuninga kwendi kukwawo eshi: “Tu tjinaghane kuthambodiya.” 36Ko kuthigha kwawo mbunga, ha perame muwato nawakathishongero wendi. Nomato ghamweya pofotji nawo. 37Munyima ko kwiya dingundunga dyodikuru thikuma, nomangumbi gha shanine kurowedha wato. 38Aye ne gha rarire kudikadhi dyowato, no kuthatera pamuthato. Awo ne ha mu pindutha no kumutongwera eshi: “Hekudyetu, mbadi ghuna kuyitokotera eshi, mukufa tudi ndi?”
39Jesusi ne gha pindukire no gha rawerire kudingundunga eshi: “Porere, no kukare tetete!” No dingundunga dya rarire, ho kwa karire nyiki kokuhe. 40Munyima gha ningire kukwawo eshi: “Nye muna kuyapera kemo? Mwa pira matawero ndi?”
41Woma ghushokuru wa wa wanine. Ko kughambathana kwawo eshi: “Yidye yu, oyu yina kutawa kukwendi dingundunga nodikuruviya!”
Currently Selected:
Markusi 4: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Markusi 4
4
Maghanekero ghamukakukuna
(Mat 13:1–23; Luk 8:4–15)
1Ha yendi karo kudikuruviya gha ka honge. Mbunga dhawanu dha konganine ko. Aye ne ko kuperama muwato nodifwa dyodihe dya hungumanine kurungengera rodikuruviya. 2Jesusi gha wa yuvithire mbudhi dhendi no gha hongire hanu mumaghanekero.
3“Mu tegherere eshi: Ndjimi gha yendire gha ka kune. 4Apa gha kunine, dha mu wire mbuto dhimweya mundhira. Ko kwiya yinyunyi yi dhi komongore. 5Dhimweya dha mwagharire payikarawe, apa wa dhirire kukara muve ghowingi. Ko kumena kwadho wangu, yoyishi mbadi dha karire mughudhungi. 6Apa wa karire mutenya thikuma, dha kukutire no dha fire, yoyi dha pirire midhi. 7Dhimweya dha wererire mumakona, nomakona gha dhi ngambwathanine no mbadi dha wanine ghuheke. 8Dhimweya dha wererire mughuyeghave, dha menine, dha kurire, dha shemine no dha wanine ghuheke. Digavo dyofotji manona makumi mahatu, dimweya makumi kwoko nodyofotji, dimweya ne dithere dyofotji.”
9Ko kuninga kwendi kukwawo eshi: “Mukakuyuva, gha tegherere!”
10Apa gha karire pofotji nawahashadikumi nohawadi nawakakumutata, ko kumwipura kwawo yomaghanekero gha. 11Aye ne gha wa huthire eshi: “Amwe mwa kona kudimuka eyi ghondeka Nyambi mughufumu wendi. Hamweya ne hana kuyiyuva mumaghanekero. 12Eshi ha kone kumona, ene mbadi hana kuyidimuka. Ha yuve, ene mbadi hana kuyitjwathana. Ngo kadi payinu yi, ngo ha kone kupiruka no kuwana mathigherero ghomaharwero ghawo.”
13Munyima gha ningire kukwawo eshi: “Mbadi muna kutjwathana maghanekero ghano ndi? Ngepi ne sho mu tjwathane maghanekero ghamweya. 14Mukakukuna, gha kuna n̂ando dha Nyambi. 15Pamweya dhina kuwera pambadi dhondhira. Kemo ya kara kwawanu, awa hana kuyuva thiwana n̂ando dhi. Keho ne, ko kwiya Shatani, no kutunditha n̂ando edhi hana wa kunu mumitjima dhawo. 16Kwawamweya, yira dhi dha wererire payikarawe. Pakudhiyuva wo, hana kudhikwata ghushamberera. 17Ene ha pira midhi mumwawo. Kutawa kwawo ne kwamayuwa ghomapu. Ngeshi kuwayereka ngambi kuwashinya kumahimeno ghon̂ando, hana kukasha wangu. 18No dhi dhomumakona, dha ghamba eshi, awo ne wo hakakuyuva n̂ando. 19Ene yikudhekera yawo yopakaye, noyinyanda yoyimuna yawo, noyirumbera yawo, yina kukukakatera. No n̂ando dhina kuyandhera kuyinu yi, no mbadi dhina kuvura mumwawo. 20Edhi ha kunine mughuyeghave ne dhino eshi. Awo ne wo hakakuyuva no kukwata n̂ando. No n̂ando dhi, dhina kureta mbuyo. Eshi makumi mahatu, nomakumi kwoko nomakumi kwoko nodyofotji, nodithere.”
Maghanekero ghomuyenge
(Luk 8:16–18)
21Ko kuwatongwera kwendi karo eshi: “Munyenge mbadi ha kona kughufika, ngambi kughupaka munahadidi. Ghuhunga ne, mbadi twa kona kughutura pathikora ndi? 22Yoyisi mbadiko thokunda ethi mbo thi dhira kuhokoka, no mbadiko thokuhoreka ethi mbo thi dhira kushwagha kuthishe. 23Mukakuyuva gha tegherere.”
24Ha wa tongwera eshi: “Mu koneke koyi muna kuyuva. No thiyedhekeritho ethi muna kuyedhekeritha, mbana mu yedhekeritha namwe. Ene kukwenu mwe mwakakuyuva yi, mbana mu wedherera ko. 25Yoyishi oyu gha wana, mbana yi mu vurithera. Noyu ghana piri, mbo hana yi mu tumbura, ngambinga yi gha di nayo.”
Maghanekero ghombuto
26No shime ha ghamba karo kukwawo eshi: “Ghufumu waNyambi, wa pitura munu ghokukuna mbuto mudipya dyendi. 27Munyima ghana kuyenda gha ka rare, no kupinduka ghuthiku nomutenya. Dimbuto ne dina kumena no kukura mukudhira kudidimukera naye thinda. 28Yoyishi kaye ka reta kothinda mbuyo. Pakutanga ne murere, ndani digavo, munyima nona kudigavo. 29Ngeshi nona dhina kukuta, ko kutanga kukesha, yoyishi ghuneya mukesho.”
Maghanekero ghodimbuto dyoghutata
(Mat 13:31–32, 34; Luk 13:18–19)
30Mumayuwa gha, gha ningire karo Jesusi eshi: “No nye twa kona kughanekera karo ghufumu waNyambi? Ngambi nomaghanekeritho munye sho tu ghanekerithe? 31Agho ne wa pitura dimbuto dyoghutata. Yoyishi dya mbirupa pakatji komambuto ghomahe pakudikuna. 32Ngeshi pakudikuna, dina kumena no dina kukura, kupiterera yitondo yimweya nomite dhodhikuru. No yinyunyi yomuwiru yina kutenda yitunguru yayo mumwadho.”
33Kemo nga ghambanga kukwawo mumaghanekero, eshi ha kone kumutjwathana. 34Mbadi nga ghambanga kukwawo mukupira maghanekero. Ene hakathishongero wendi, nga wa pathwereranga pithawo.
Jesusi ghana kushinga dingundunga
(Mat 8:23–27; Luk 8:22–25)
35Pakutokera diyuwa, ko kuninga kwendi kukwawo eshi: “Tu tjinaghane kuthambodiya.” 36Ko kuthigha kwawo mbunga, ha perame muwato nawakathishongero wendi. Nomato ghamweya pofotji nawo. 37Munyima ko kwiya dingundunga dyodikuru thikuma, nomangumbi gha shanine kurowedha wato. 38Aye ne gha rarire kudikadhi dyowato, no kuthatera pamuthato. Awo ne ha mu pindutha no kumutongwera eshi: “Hekudyetu, mbadi ghuna kuyitokotera eshi, mukufa tudi ndi?”
39Jesusi ne gha pindukire no gha rawerire kudingundunga eshi: “Porere, no kukare tetete!” No dingundunga dya rarire, ho kwa karire nyiki kokuhe. 40Munyima gha ningire kukwawo eshi: “Nye muna kuyapera kemo? Mwa pira matawero ndi?”
41Woma ghushokuru wa wa wanine. Ko kughambathana kwawo eshi: “Yidye yu, oyu yina kutawa kukwendi dingundunga nodikuruviya!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986