Markusi 6
6
Mashamweno ghaJesusi muNasareti
(Mat 13:53–58; Luk 4:16–30)
1Apa gha ka tundire kuya Jesusi, ko kuyenda kwendi kudighumbo dyendi. Nawakathishongero wendi ha ka mu tatire. 2Mudiyuwa dyoSabata gha ka hongire musinagoge. Nawahe awa ha mu yuvire ha tetukire. Ha ghambathana kwawo eshi: “Kupi keho ghana kuyiwana yinu yi, noghunyanyami munye ha mu pa yu, eshi mumoko ghendi kukona kushwagha mo mangcamu ghomakuru? 3Oyu ne kadi muyuwi ndi? Kadi mwana Maria yu ndi? No kadi yomina wawaJakobusi naJosese naJudasi naSimoni ndi? No han̂amba dhendi ne, kadi wa ha tunga netu ndi?” Yo ha mu shamwenine.
4Jesusi ne ha wa hutha eshi: “Mbadiko muporofeta oyu ha dhira kukutekera, shimengwa muditunga dyokakoghatji kendi, nawapendi nodiko dyendi.”
5Yodigho naye temba mbadi gha konine kutenda thinu, ene gha kambekire nyara dhendi hakakukorwa hamweya no herukire. 6Jesusi gha tetukire hakaNasareti yokupira matawero. Yo gha yendawerire mumaparaghumbo ghamweya no gha ka hongire hanu.
Matumeno ghawakathishongero
(Mat 10:5–15; Luk 9:1–6)
7Hetha kwendi hakathishongero dikumi nohawadi no kuwatuma hawadi‐hawadi. No gha tapire kukwawo ngcamu dhokutjidha hamupepo hohamango. 8Ha wa rawera eshi: “Mwa shimba thidya mundhira, shimengwa mutagha pithagho, nondjato temba, ngambi ghuroto, ngambi kakomani komanyinga. 9Ene mu shupate makuha, no mbadi mwa kona kushimba yivata yiwadi.” 10Karo ha wa ragha eshi: “Mu kehe ndhugho dhi sho ha ka mu tambure thiwana, mu kare mo kate kudiyuwa di, mbo mu funguraka mo. 11No wahe awa sho ha ka dhire kumutambura, no kushwena kumutegherera, mu wa thighe. Ho mu kukumune rukungu kumapadhi ghenu, eshi dhi kare nongononi dhawo.”
12Nawo ha yendire no ha yawerire hanu eshi ha piruke. 13No ha shwaghithire hashatani hohengi. Nawanu hohengi herukire pakuwawetha nomaghadhi.
Yifa yaJohannesi ghoMukadiyoghero
(Mat 14:1–12; Luk 9:7–9)
14Naye fumu Herodesi gha yuvire yaJesusi, yoyi Dina dyendi dya yukire kokuhe. Po gha ghamberire eshi: “Johannesi ghoMukadiyoghero nga vumbuka mwawafu. Yo ghana kutenda yitenda yokengo yo.”
15Hamweya nga ningi eshi yoEliya. No hamwe eshi, yofotji ghopawaporofeta.
16Ene Herodesi gha dhegheterire eshi, yoJohannesi yu na tetire mutwi, yo nga vumbuka mwawafu. 17Yoyi Herodesi thinda gha tumine eshi, ha mu kwate Johannesi, no ha mu pake mudorongo, pamahimeno ghaHerodiyasi, ghomuna minendi Filipusi yu gha nyangire. 18Pan̂ando dhaJohannesi edhi gha ghambangire kwaHerodesi eshi: “Mbadi ya pwa kufundhwera kukoye eshi, ghu yeke muna minoye.”
19Keho yu Herodiyasi gha dhimbire Johannesi, no gha himine kumupagha. Ene mbadi gha yi konine. 20Fumu Herodesi ne gha yapire Johannesi, no gha dimukire eshi, munu ghomuhunga no mupongoki. Gha mu kungire no gha yuvangire rwingi kuman̂ando ghendi, ngambi kenge gha mu pakire mudorongo.
21Apa dya rikanyine diyuwa dyomushamurukero wendi, ha tendi kwendi diyumbu dyawamanduna wendi nawakamakuto homuGalileya yomuhe. 22Pakwingena mukamadighana ghomwana Herodiyasi gha kine, ya mu towarerire Herodesi nawa ha karire muthidyero. Ko kuninga fumu kwamushengeteya yu eshi: “Ni kumbere eyi ghuna himi, n̂anyi ni yi kupe.” 23Ha mwedhera kwendi eshi: “Thothihe ethi sho ni kumbere, na kuthikupa, ngambi dihenda dyoghutungi wange.”
24Mukamadighana ko kuyenda kwanyina gha ka mwipure eshi: “Nye sho ni ka rombe?” Nyina gha mu huthire eshi: “Mutwi waJohannesi ghoMukadiyoghero.”
25Ha huka wangu kwafumu no gha rombire eshi: “Ni pe mutwi waJohannesi ghoMukadiyoghero papurayiti!”
26Ko kundundumena thikuma fumu, yoyi gha tendire medhero kuthitunumeho thawa gha karire nawo kuthidyero. Yo gha dhirire kuyimushwenena. 27Naye fumu ha tumu wangu mukamarombe eshi: “Ka rete mutwi waJohannesi.” Ko kuyenda kwendi gha ka tete mutwi wendi mudorongo. 28Ha ka reta mutwi papurayiti, no gha ghu pire mukamadighana. Aye ne gha ghu twarire kwanyina. 29Apa ha yi yuvire hakathishongero wendi, heyire gho ha tumburire mwimba ha ghu vumbeke mumbira.
Mavurithero ghokutanga ghomaghuroto
(Mat 14:13–21; Luk 9:10–17; Joh 6:1–14)
30Mumayuwa gha ko kahuka hapostoli kwaJesusi, ha mu tongwere yoyihe eyi ha tendire no yi ha hongire muDina dyendi. 31Ha ningi Jesusi kukwawo eshi: “Mwiye tu yende, tu yakunuke kamanana pithetu, mu kone kuturumutha namwe.” Yoyishi hengi awa hana kwiya ghungongosha. Hathinda nawo hana piri nako dhokudya. 32Ko kuyenda kwawo nowato eshi ha ka shane dyango dyokuturumuthera.
33No mbunga dha wa monine apa ha yendire, no hengi ha wa dimukire. Ko kukurambathana kwawo wahe homumaghumbo no ha dyadyaverire kughutho wawo padiya. 34Apa gha kandukire Jesusi muwato, ha mono kwendi mbunga dhi. Ko kuwafera kwendi n̂eke hanu wa, yoyishi ha karire yira ndjwi dhokupira mudithi. Yodigho ha tanga kwendi kuwayawera thikuma. 35Pakutokera diyuwa, ha henyine hakathishongero kukwendi no ha mu ningire eshi: “Dyango dino ne, dyamamboreya no dina tokera. 36Wa tume ha ka ghure hathinda mumaghumbo no mumanbara yidya, yoyishi hana piri yokudya.”
37Aye ha wa dimbwerera eshi: “Mu wa pe eyi sha dye.” Ko kumwipura kwawo eshi: “Tu yende tu ka ghure maghuroto ghomanyinga mathere mawadi no tu wa pe, ha dye ndi?”
38Aye eshi: “Mu yende mu ka mone eshi, mangatji maghuroto mu di nagho!” Nawo ha tendire kemo, no ha mu yuvithire eshi: “Maghuroto kwoko nothi dhiwadi keho.”
39Ko kuwarawera kwendi eshi, ha hungumeke hanu pamuhonyi difwa kudifwa. 40Ha hungumana kwawo mafwa ghamweya dithere dyofotji, ghamweya ne makumi kwoko. 41Jesusi gha tumburire maghuroto kwoko gha nothi dhiwadi, ha dighamena kuwiru ha tumera. Ha yondaghura maghuroto no gha gha pire hakathishongero wendi eshi ha wa tapere. Nothi dhiwadi karo gha dhi taperire waheya. 42Wahe ha dire no hekutire. 43Hakathishongero ha kongwedhire yigonyo gonyo eyi ya thigharire po muyikote dikumi noyiwadi. 44Awa ha dire madya gha, ha rikanyine harume muthitara thawo mayovi kwoko.
Jesusi ghana kuyenda pameyu
(Mat 14:22–33; Joh 6:15–21)
45Pawangu wangu ha thineneka hakathishongero wendi eshi, ha perame muwato, ha tjinaghane thambodiya kuBetsayida, oku ye ne pa kuragha hanu ha huke kukwawo. 46Munyima dhokuragha hanu, ha dhini kudirundu gha ka rapere.
47Pakutokera diyuwa, wa karire wato pakahandha kodikuruviya, aye ne padiya. 48Ha mono kwendi eshi, kunyanda hana kunyanda pakuvugha, yoyi wa wa wanine mupepo. No murughura gheyire kukwawo ghuyenda pameyu. Ho gha shanine kuwapiterera. 49Apa ha mu monine, oku ghana kuyenda pameyu, ha ghayarire eshi, thirumba. Ko kukugherera kwawo thikuma. 50Yoyi wahe ha mu monine no ha tutukwire thikuma. Aye ha wa tambekera eshi: “Mwa yapa! Mu tjimape, yame vene!”
51Ko kuperama kwendi muwato no mupepo wa turire. Awo ne ha yapire no ha tetukire thikuma. 52Yoyi ngambi pamavurithero ghomaghuroto, mbadi ha mu tjwathanine shime. Mitjima dhawo mbadi dha vishukire thiwana.
Jesusi ghana kwirukitha hanu muthiko thaGenesareti
(Mat 14:34–36)
53Ko kurandeka kwawo shime kughutho kate kuditunga dyaGenesareti no ha ka thekerire wato. 54Apa gha kandukire muwato ko kumudimuka wangu hanu. 55Ko kuyendaghura kwawo mumukunda ghoghuhe. Awa ha karire muyindhivi no pamadidi ha pwire kushimba, no ha wa twarire kumango agha ha mu yuverire. 56Momuhe omu ghengenine mumambara no mumaghumbo, ha mu reterire hakakukorwa. Ha wa twarire pambandha no ha mu kumberire eshi, ngambi kukundama vene kumukungo ghothivata thendi, hana kwiruka wahe.
Currently Selected:
Markusi 6: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Markusi 6
6
Mashamweno ghaJesusi muNasareti
(Mat 13:53–58; Luk 4:16–30)
1Apa gha ka tundire kuya Jesusi, ko kuyenda kwendi kudighumbo dyendi. Nawakathishongero wendi ha ka mu tatire. 2Mudiyuwa dyoSabata gha ka hongire musinagoge. Nawahe awa ha mu yuvire ha tetukire. Ha ghambathana kwawo eshi: “Kupi keho ghana kuyiwana yinu yi, noghunyanyami munye ha mu pa yu, eshi mumoko ghendi kukona kushwagha mo mangcamu ghomakuru? 3Oyu ne kadi muyuwi ndi? Kadi mwana Maria yu ndi? No kadi yomina wawaJakobusi naJosese naJudasi naSimoni ndi? No han̂amba dhendi ne, kadi wa ha tunga netu ndi?” Yo ha mu shamwenine.
4Jesusi ne ha wa hutha eshi: “Mbadiko muporofeta oyu ha dhira kukutekera, shimengwa muditunga dyokakoghatji kendi, nawapendi nodiko dyendi.”
5Yodigho naye temba mbadi gha konine kutenda thinu, ene gha kambekire nyara dhendi hakakukorwa hamweya no herukire. 6Jesusi gha tetukire hakaNasareti yokupira matawero. Yo gha yendawerire mumaparaghumbo ghamweya no gha ka hongire hanu.
Matumeno ghawakathishongero
(Mat 10:5–15; Luk 9:1–6)
7Hetha kwendi hakathishongero dikumi nohawadi no kuwatuma hawadi‐hawadi. No gha tapire kukwawo ngcamu dhokutjidha hamupepo hohamango. 8Ha wa rawera eshi: “Mwa shimba thidya mundhira, shimengwa mutagha pithagho, nondjato temba, ngambi ghuroto, ngambi kakomani komanyinga. 9Ene mu shupate makuha, no mbadi mwa kona kushimba yivata yiwadi.” 10Karo ha wa ragha eshi: “Mu kehe ndhugho dhi sho ha ka mu tambure thiwana, mu kare mo kate kudiyuwa di, mbo mu funguraka mo. 11No wahe awa sho ha ka dhire kumutambura, no kushwena kumutegherera, mu wa thighe. Ho mu kukumune rukungu kumapadhi ghenu, eshi dhi kare nongononi dhawo.”
12Nawo ha yendire no ha yawerire hanu eshi ha piruke. 13No ha shwaghithire hashatani hohengi. Nawanu hohengi herukire pakuwawetha nomaghadhi.
Yifa yaJohannesi ghoMukadiyoghero
(Mat 14:1–12; Luk 9:7–9)
14Naye fumu Herodesi gha yuvire yaJesusi, yoyi Dina dyendi dya yukire kokuhe. Po gha ghamberire eshi: “Johannesi ghoMukadiyoghero nga vumbuka mwawafu. Yo ghana kutenda yitenda yokengo yo.”
15Hamweya nga ningi eshi yoEliya. No hamwe eshi, yofotji ghopawaporofeta.
16Ene Herodesi gha dhegheterire eshi, yoJohannesi yu na tetire mutwi, yo nga vumbuka mwawafu. 17Yoyi Herodesi thinda gha tumine eshi, ha mu kwate Johannesi, no ha mu pake mudorongo, pamahimeno ghaHerodiyasi, ghomuna minendi Filipusi yu gha nyangire. 18Pan̂ando dhaJohannesi edhi gha ghambangire kwaHerodesi eshi: “Mbadi ya pwa kufundhwera kukoye eshi, ghu yeke muna minoye.”
19Keho yu Herodiyasi gha dhimbire Johannesi, no gha himine kumupagha. Ene mbadi gha yi konine. 20Fumu Herodesi ne gha yapire Johannesi, no gha dimukire eshi, munu ghomuhunga no mupongoki. Gha mu kungire no gha yuvangire rwingi kuman̂ando ghendi, ngambi kenge gha mu pakire mudorongo.
21Apa dya rikanyine diyuwa dyomushamurukero wendi, ha tendi kwendi diyumbu dyawamanduna wendi nawakamakuto homuGalileya yomuhe. 22Pakwingena mukamadighana ghomwana Herodiyasi gha kine, ya mu towarerire Herodesi nawa ha karire muthidyero. Ko kuninga fumu kwamushengeteya yu eshi: “Ni kumbere eyi ghuna himi, n̂anyi ni yi kupe.” 23Ha mwedhera kwendi eshi: “Thothihe ethi sho ni kumbere, na kuthikupa, ngambi dihenda dyoghutungi wange.”
24Mukamadighana ko kuyenda kwanyina gha ka mwipure eshi: “Nye sho ni ka rombe?” Nyina gha mu huthire eshi: “Mutwi waJohannesi ghoMukadiyoghero.”
25Ha huka wangu kwafumu no gha rombire eshi: “Ni pe mutwi waJohannesi ghoMukadiyoghero papurayiti!”
26Ko kundundumena thikuma fumu, yoyi gha tendire medhero kuthitunumeho thawa gha karire nawo kuthidyero. Yo gha dhirire kuyimushwenena. 27Naye fumu ha tumu wangu mukamarombe eshi: “Ka rete mutwi waJohannesi.” Ko kuyenda kwendi gha ka tete mutwi wendi mudorongo. 28Ha ka reta mutwi papurayiti, no gha ghu pire mukamadighana. Aye ne gha ghu twarire kwanyina. 29Apa ha yi yuvire hakathishongero wendi, heyire gho ha tumburire mwimba ha ghu vumbeke mumbira.
Mavurithero ghokutanga ghomaghuroto
(Mat 14:13–21; Luk 9:10–17; Joh 6:1–14)
30Mumayuwa gha ko kahuka hapostoli kwaJesusi, ha mu tongwere yoyihe eyi ha tendire no yi ha hongire muDina dyendi. 31Ha ningi Jesusi kukwawo eshi: “Mwiye tu yende, tu yakunuke kamanana pithetu, mu kone kuturumutha namwe.” Yoyishi hengi awa hana kwiya ghungongosha. Hathinda nawo hana piri nako dhokudya. 32Ko kuyenda kwawo nowato eshi ha ka shane dyango dyokuturumuthera.
33No mbunga dha wa monine apa ha yendire, no hengi ha wa dimukire. Ko kukurambathana kwawo wahe homumaghumbo no ha dyadyaverire kughutho wawo padiya. 34Apa gha kandukire Jesusi muwato, ha mono kwendi mbunga dhi. Ko kuwafera kwendi n̂eke hanu wa, yoyishi ha karire yira ndjwi dhokupira mudithi. Yodigho ha tanga kwendi kuwayawera thikuma. 35Pakutokera diyuwa, ha henyine hakathishongero kukwendi no ha mu ningire eshi: “Dyango dino ne, dyamamboreya no dina tokera. 36Wa tume ha ka ghure hathinda mumaghumbo no mumanbara yidya, yoyishi hana piri yokudya.”
37Aye ha wa dimbwerera eshi: “Mu wa pe eyi sha dye.” Ko kumwipura kwawo eshi: “Tu yende tu ka ghure maghuroto ghomanyinga mathere mawadi no tu wa pe, ha dye ndi?”
38Aye eshi: “Mu yende mu ka mone eshi, mangatji maghuroto mu di nagho!” Nawo ha tendire kemo, no ha mu yuvithire eshi: “Maghuroto kwoko nothi dhiwadi keho.”
39Ko kuwarawera kwendi eshi, ha hungumeke hanu pamuhonyi difwa kudifwa. 40Ha hungumana kwawo mafwa ghamweya dithere dyofotji, ghamweya ne makumi kwoko. 41Jesusi gha tumburire maghuroto kwoko gha nothi dhiwadi, ha dighamena kuwiru ha tumera. Ha yondaghura maghuroto no gha gha pire hakathishongero wendi eshi ha wa tapere. Nothi dhiwadi karo gha dhi taperire waheya. 42Wahe ha dire no hekutire. 43Hakathishongero ha kongwedhire yigonyo gonyo eyi ya thigharire po muyikote dikumi noyiwadi. 44Awa ha dire madya gha, ha rikanyine harume muthitara thawo mayovi kwoko.
Jesusi ghana kuyenda pameyu
(Mat 14:22–33; Joh 6:15–21)
45Pawangu wangu ha thineneka hakathishongero wendi eshi, ha perame muwato, ha tjinaghane thambodiya kuBetsayida, oku ye ne pa kuragha hanu ha huke kukwawo. 46Munyima dhokuragha hanu, ha dhini kudirundu gha ka rapere.
47Pakutokera diyuwa, wa karire wato pakahandha kodikuruviya, aye ne padiya. 48Ha mono kwendi eshi, kunyanda hana kunyanda pakuvugha, yoyi wa wa wanine mupepo. No murughura gheyire kukwawo ghuyenda pameyu. Ho gha shanine kuwapiterera. 49Apa ha mu monine, oku ghana kuyenda pameyu, ha ghayarire eshi, thirumba. Ko kukugherera kwawo thikuma. 50Yoyi wahe ha mu monine no ha tutukwire thikuma. Aye ha wa tambekera eshi: “Mwa yapa! Mu tjimape, yame vene!”
51Ko kuperama kwendi muwato no mupepo wa turire. Awo ne ha yapire no ha tetukire thikuma. 52Yoyi ngambi pamavurithero ghomaghuroto, mbadi ha mu tjwathanine shime. Mitjima dhawo mbadi dha vishukire thiwana.
Jesusi ghana kwirukitha hanu muthiko thaGenesareti
(Mat 14:34–36)
53Ko kurandeka kwawo shime kughutho kate kuditunga dyaGenesareti no ha ka thekerire wato. 54Apa gha kandukire muwato ko kumudimuka wangu hanu. 55Ko kuyendaghura kwawo mumukunda ghoghuhe. Awa ha karire muyindhivi no pamadidi ha pwire kushimba, no ha wa twarire kumango agha ha mu yuverire. 56Momuhe omu ghengenine mumambara no mumaghumbo, ha mu reterire hakakukorwa. Ha wa twarire pambandha no ha mu kumberire eshi, ngambi kukundama vene kumukungo ghothivata thendi, hana kwiruka wahe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986