Markusi 7
7
Yithimwetwedha yoyikara yawaJuda
(Mat 15:1–9)
1Mudiyuwa dimweya, heyire Hafarasayi nawakamarukwaro homuJerusalema kwaJesusi. 2Apa ha monine eshi, hakathishongero wendi hamweya, kudya hana kudya nonyara dhodidhiro, ko kuyinungathana kwawo.
3Yoyi Hafarasayi nawaJuda mbadi ha kona kudya oku mbadi hana yogho nyara dhawo thiwana. Yoyishi ha tawire kuyithimwetwedha yawakuru. 4Ngambi oku hana kutunda kumaghurithero, mbadi ha kona kudya oku mbadi hana kuyogho. Kemo ha tawire kumihingo dhodhingi edhi sho ha tende roruhe eshi, kukenitha makopi, turonga noyinwitho.
5Po ha mwipwerire Hafarasayi nawakamarukwaro eshi: “Nye hana kudhira kukupakerera hakathishongero woye no kuthimwetwedha yawakuru? Awo ne kudya hana kudya nonyara dhodidhiro.”
6Aye ne ko kuwahutha eshi: “Ghuhunga eyi gha ghambire Jesaya, kukwenu mwakadifurumeko. No gha mu yawerire thika di ya pwire kutjanga eshi:
‘Diko di dina kunifumaneka nomiromo,
mitjima dhawo ne kayenda Nange.
7No nyara‐nyara hana kunifumaneka Me.
Muyihonga eyi hana kuwahonga mumiragho dhawo.’
8“Yoyishi pakuthigha mwe miragho dhaNyambi, muna kutawa po yithimwetwedha yawakuru, eshi kuyogha turonga nomakopi noyinu yimweya yokenge yo, yo mwa tendanga mwe thikuma.”
9Karo ha wa tongwera eshi: “Mwa yi dimuka thiwana kuthingha muragho waNyambi pambadi. Ene kuyithimwetwedha yawakuru muna kutawa mwe. 10Yoyi Mosesi gha ningire eshi: ‘Fumaneke wiho nanyoko, noyomuhe ghokutuka wihe nanyina, gha kone kufa.’ 11Amwe ne muna kughamba eshi: ‘Ngeshi ha ghamba munu kwawihe nanyina eshi: Korbani’ kuninga eshi, thothihe ethi na nyanda eshi, ni mu ghamwenithe ne tha kara ndupu. 12Munyima mbadi mwa kona kumuthigha eshi, gha ghamwene hawihe nanyina. 13Dyo mwa kashitha n̂ando dhaNyambi, muyithimwetwedha eyi mwa tawa. Noyinu yimweya yokenge yo rwingi muna kuyitendanga.”
Ethi tha tenda munu ghuyi
(Mat 15:10–20)
14Ko kwitha kwendi mbunga dhodhihe no gha dhi tongwerire eshi: “Mu tegherere kukwange no mu tjwathane eshi! 15Mbadiko thinu thopanunda thina kwingena mwamunu, no thina kumupa ghuyi. Ene ethi thina kushwagha mumwendi, tho thina kumwipitha. 16Oyu gha kara nomatwi ghokuyuva gha yuve!”
17Apa gha tundire kumbunga, ghengenine mundhugho dhimweya, ko kumwipura hakathishongero wendi eshi: “Nye ghuna ghamba?” 18Aye gha wa huthire eshi: “Namwe karo mwa pira maghano ndi? Mbadi muna kuyitjwathana eshi, thothihe thokutunda panunda no kwingena mwamunu ne mbadi thina kumutenda ghuyi. 19Yoyishi mbadi thina kwingena mumutjima, ene mudira. No thina kuyenda mwimi no kushwagha mo.” Yodigho, yidya yoyihe ya rogha kughutho wa Nyambi.
20Ame wendi karo eshi: “Ethi thina kushwagha mwamunu ne, tho tha tenda ghuyi munu. 21Yoyishi mumutjima wamunu, mo yina kushwagha yighayara yoyimango eshi, kunyanga, rungu, kupagha, 22widhi yirumbera, ghughandhi, difurumeko, tjereha, dishamu, nya, dihuna noghuthuta. 23Maghuyi ghomahe gha, gha shwagha mwimi no ghepitha munu.”
Mukamadi ghomukaSirofenisi
(Mat 15:21–28)
24Ko kufunguruka Jesusi gha yende kuthiko tha Tirusi naSidoni. Apa ghengenine mundhugho, mbadi gha hakire eshi, gha yi dimike munu ghumweya. Ene mbadi gha konine kukundeka. 25Pa karire mukamadi ghumweya namwanendi ghombuyama, oyu gha karire nomupepo ghoghumango. Nyina gha yuvire Jesusi eshi gha neya, ko kuyenda gha ka kuvame kumapadhi ghaJesusi. 26Mbuyama yu gha karire Muhirika no gha pwire kushamuruka muSirofenisiye. Ha kumbera kwendi eshi, gha shwaghithe shatani mwamwanendi. 27Jesusi ne gha ningire kukwendi eshi: “Mwikutithange tango hanuke. Yoyi mbadi ya rogha eshi, kutumbura ghuroto wawanuke no kughumwaghera kutumbwaghana.”
28Aye ne ko kukutha kwaJesusi eshi: “Kemo Fumu, ene tumbwaghana, tuna dyanga yighufefere yawanuke mwimi dhothidyero.”
29Ha mu hutha Jesusi eshi: “Pan̂ando dhino na kukughamwena. Yende ngenyu, shatani ne ghana shwagha mwamwanoye.”
30Apa gha hukire kudighumbo dyawo, gha ka wanine mukamadighana ghana rara mughudidi, no mupepo ghoghumango ghuna shwagha mumwendi.
Merukitho ghathipurupuru
31Jesusi gha shwaghire mumukunda waTirusi, ha tjinaghana Sidoni kate ka kuma kudikuruviya dyomuGalileya, kuthiko thomambara dikumi. 32Ko kumuretera kwawo thipurupuru thokudhira kughamba, no ha mu kumberire eshi, gha mu kambeke nyara dhendi. 33Aye ne ha mu tunditha mudihanga, ko kumuvuka mumatwi ghendi nominwe no kupaka mate parudimi rwendi. 34Gha dighamenine kudiwiru, ha tongo ghuninga kwathipurupuru eshi: “Efeta!” kuninga eshi: “Ghu yandhuruke!”
35Podigho popo ko kuyandhuruka matwi ghendi, no rudimi rwendi rwa vishukire, no gha tangire kughamba ghuhunga. 36Jesusi gha wa shingire eshi, kadi ya kutongora kwamunu. Ene rungatji gha wa shingire, awo ne rwingi ha yi tongorire. 37Ha tetuka wahe no ha ningire eshi: “Gha tenda yoyiheya ghuhunga. Gha yuvitha hakakufa matwi no gha ghambitha hayipurupuru.”
Currently Selected:
Markusi 7: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Markusi 7
7
Yithimwetwedha yoyikara yawaJuda
(Mat 15:1–9)
1Mudiyuwa dimweya, heyire Hafarasayi nawakamarukwaro homuJerusalema kwaJesusi. 2Apa ha monine eshi, hakathishongero wendi hamweya, kudya hana kudya nonyara dhodidhiro, ko kuyinungathana kwawo.
3Yoyi Hafarasayi nawaJuda mbadi ha kona kudya oku mbadi hana yogho nyara dhawo thiwana. Yoyishi ha tawire kuyithimwetwedha yawakuru. 4Ngambi oku hana kutunda kumaghurithero, mbadi ha kona kudya oku mbadi hana kuyogho. Kemo ha tawire kumihingo dhodhingi edhi sho ha tende roruhe eshi, kukenitha makopi, turonga noyinwitho.
5Po ha mwipwerire Hafarasayi nawakamarukwaro eshi: “Nye hana kudhira kukupakerera hakathishongero woye no kuthimwetwedha yawakuru? Awo ne kudya hana kudya nonyara dhodidhiro.”
6Aye ne ko kuwahutha eshi: “Ghuhunga eyi gha ghambire Jesaya, kukwenu mwakadifurumeko. No gha mu yawerire thika di ya pwire kutjanga eshi:
‘Diko di dina kunifumaneka nomiromo,
mitjima dhawo ne kayenda Nange.
7No nyara‐nyara hana kunifumaneka Me.
Muyihonga eyi hana kuwahonga mumiragho dhawo.’
8“Yoyishi pakuthigha mwe miragho dhaNyambi, muna kutawa po yithimwetwedha yawakuru, eshi kuyogha turonga nomakopi noyinu yimweya yokenge yo, yo mwa tendanga mwe thikuma.”
9Karo ha wa tongwera eshi: “Mwa yi dimuka thiwana kuthingha muragho waNyambi pambadi. Ene kuyithimwetwedha yawakuru muna kutawa mwe. 10Yoyi Mosesi gha ningire eshi: ‘Fumaneke wiho nanyoko, noyomuhe ghokutuka wihe nanyina, gha kone kufa.’ 11Amwe ne muna kughamba eshi: ‘Ngeshi ha ghamba munu kwawihe nanyina eshi: Korbani’ kuninga eshi, thothihe ethi na nyanda eshi, ni mu ghamwenithe ne tha kara ndupu. 12Munyima mbadi mwa kona kumuthigha eshi, gha ghamwene hawihe nanyina. 13Dyo mwa kashitha n̂ando dhaNyambi, muyithimwetwedha eyi mwa tawa. Noyinu yimweya yokenge yo rwingi muna kuyitendanga.”
Ethi tha tenda munu ghuyi
(Mat 15:10–20)
14Ko kwitha kwendi mbunga dhodhihe no gha dhi tongwerire eshi: “Mu tegherere kukwange no mu tjwathane eshi! 15Mbadiko thinu thopanunda thina kwingena mwamunu, no thina kumupa ghuyi. Ene ethi thina kushwagha mumwendi, tho thina kumwipitha. 16Oyu gha kara nomatwi ghokuyuva gha yuve!”
17Apa gha tundire kumbunga, ghengenine mundhugho dhimweya, ko kumwipura hakathishongero wendi eshi: “Nye ghuna ghamba?” 18Aye gha wa huthire eshi: “Namwe karo mwa pira maghano ndi? Mbadi muna kuyitjwathana eshi, thothihe thokutunda panunda no kwingena mwamunu ne mbadi thina kumutenda ghuyi. 19Yoyishi mbadi thina kwingena mumutjima, ene mudira. No thina kuyenda mwimi no kushwagha mo.” Yodigho, yidya yoyihe ya rogha kughutho wa Nyambi.
20Ame wendi karo eshi: “Ethi thina kushwagha mwamunu ne, tho tha tenda ghuyi munu. 21Yoyishi mumutjima wamunu, mo yina kushwagha yighayara yoyimango eshi, kunyanga, rungu, kupagha, 22widhi yirumbera, ghughandhi, difurumeko, tjereha, dishamu, nya, dihuna noghuthuta. 23Maghuyi ghomahe gha, gha shwagha mwimi no ghepitha munu.”
Mukamadi ghomukaSirofenisi
(Mat 15:21–28)
24Ko kufunguruka Jesusi gha yende kuthiko tha Tirusi naSidoni. Apa ghengenine mundhugho, mbadi gha hakire eshi, gha yi dimike munu ghumweya. Ene mbadi gha konine kukundeka. 25Pa karire mukamadi ghumweya namwanendi ghombuyama, oyu gha karire nomupepo ghoghumango. Nyina gha yuvire Jesusi eshi gha neya, ko kuyenda gha ka kuvame kumapadhi ghaJesusi. 26Mbuyama yu gha karire Muhirika no gha pwire kushamuruka muSirofenisiye. Ha kumbera kwendi eshi, gha shwaghithe shatani mwamwanendi. 27Jesusi ne gha ningire kukwendi eshi: “Mwikutithange tango hanuke. Yoyi mbadi ya rogha eshi, kutumbura ghuroto wawanuke no kughumwaghera kutumbwaghana.”
28Aye ne ko kukutha kwaJesusi eshi: “Kemo Fumu, ene tumbwaghana, tuna dyanga yighufefere yawanuke mwimi dhothidyero.”
29Ha mu hutha Jesusi eshi: “Pan̂ando dhino na kukughamwena. Yende ngenyu, shatani ne ghana shwagha mwamwanoye.”
30Apa gha hukire kudighumbo dyawo, gha ka wanine mukamadighana ghana rara mughudidi, no mupepo ghoghumango ghuna shwagha mumwendi.
Merukitho ghathipurupuru
31Jesusi gha shwaghire mumukunda waTirusi, ha tjinaghana Sidoni kate ka kuma kudikuruviya dyomuGalileya, kuthiko thomambara dikumi. 32Ko kumuretera kwawo thipurupuru thokudhira kughamba, no ha mu kumberire eshi, gha mu kambeke nyara dhendi. 33Aye ne ha mu tunditha mudihanga, ko kumuvuka mumatwi ghendi nominwe no kupaka mate parudimi rwendi. 34Gha dighamenine kudiwiru, ha tongo ghuninga kwathipurupuru eshi: “Efeta!” kuninga eshi: “Ghu yandhuruke!”
35Podigho popo ko kuyandhuruka matwi ghendi, no rudimi rwendi rwa vishukire, no gha tangire kughamba ghuhunga. 36Jesusi gha wa shingire eshi, kadi ya kutongora kwamunu. Ene rungatji gha wa shingire, awo ne rwingi ha yi tongorire. 37Ha tetuka wahe no ha ningire eshi: “Gha tenda yoyiheya ghuhunga. Gha yuvitha hakakufa matwi no gha ghambitha hayipurupuru.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986