Markusi 8
8
Mavurithero ghoghuwadi ghomaghuroto
(Mat 15:32–39)
1Mumayuwa gha, apa dha kukongwedhire mbunga pofotji, dha fire ndhara, hetha Jesusi hakathishongero wendi no gha wa tongwerire eshi: 2“Na dhi fera n̂eke mbunga, yoyishi mayuwa mahatu hana kara nange, ene hana piri yokudya. 3Ngeshi ngo ni wa huthe nondhara dhawo, ngo ha fere pakatji. Yoyishi hamweya hopapawo ne kayenda ha tunda.”
4Hakathishongero wendi ha mu huthire eshi: “Kupi ghokuwana munu muno mumamboreya, ghuroto ghokwikutitha waheya?”
5Ha wepura eshi: “Maghuroto mangatji mu di nagho?” Awo eshi: “Kwoko nomawadi.”
6Ko kudhirawera mbunga, dhi hungumane pamuve. Jesusi gha tumburire maghuroto kwoko nomawadi, ha tumera no kughayondaghura. Ha gha pa hakathishongero wendi, ha tapere mbunga. 7Ha karire karo nothi dhodhipu. Gha tumerire karo no gha wa tongwerire eshi, ha dhi wa tapere nadho. 8Wahe ha dire no hekutire. No yigonyo‐gonyo eyi ya thigharire po, ha yi kongwedhire muyikote kwoko noyiwadi. 9Waheya awa ha dire yi, momu ha kare yira mayovi mane. Ko kuwatuma kwendi ha huke kumaghumbo ghawo.
Muhaha waWafarasayi
(Mat 16:1–12)
10Kapupi kamanana ko kuperama kwendi muwato nawakathishongero wendi, no ha kumine mumukunda waDalmanuta.
11NaWafarasayi heyire kukwendi, no ha kukananine nendi eshi, gha shwaghithe thidimukitho thomudiwiru. 12Ko kuhethangana kwendi thikuma eshi: “Nye hana kurumberera wa hanahoka thitetukitho? Shemwa na kumutongwera eshi, awo mbadi mba wana thidimukitho.”
13Ha wa thighi kwawo ha kanduke thambodiya.
14Ene ha vuramine kushimba maghuroto, oku wo ne noghuroto ghofotji keho muwato. 15Ha wa shingi eshi: “Mu koneke no mu kukongore kumuhaha waWafarasayi no waHerodesi.”
16Munyima ha kuyongire eshi: “Yoyi tuna piri ghuroto, yo ghana kuyighambera.”
17Jesusi gha dimukire yighayara yawo, ha ningi kukwawo eshi: “Nye muna kukuyongera eshi muna piri ghuroto? Mbadi muna kutjwathana no kuyuva temba ndi? Shime mwa karera nomitjima dhodhikukutu ndi? 18Mwa kara nomeho nomatwi, ene mbadi muna kumona no kuyuva ndi? 19No mbadi muna kuvuruka apa na yondawerire hanu mayovi kwoko, maghuroto kwoko ndi? Yingatji yikote mwa kongwedherire yigonyo‐gonyo?” Awo ha mu hutha eshi: “Dikumi noyiwadi.”
20“Munyima ne, agha kwoko nomawadi kwawanu mayovi mane, yingatji yikote mwa yarithire?” Awo eshi: “Kwoko noyiwadi.”
21Ko kughamba Jesusi eshi: “Shime mbadi muna kuyitjwathana ndi?”
Merukitho ghamurume ghomukunga
22Aye gha kumine kuBetsayida, no hanu ha mu reterire murume ghomukunga, gho ha mu kandererire eshi, gha mu kambeke nyara. 23Ko kumukwata kwendi mukunga padyoko no gha mu shwaghithire mudighumbo. Ndani gha mu rambire mate pameho ghendi, no kumukambeka nyara. Ha mwipura eshi: “Kumona ghuna kumona ndi?”
24Mukunga gha kambukire no gha ningire eshi: “Hanu na kumona, ene na kuwamona yira yitondo yina kudhinguruka.”
25Karo ha mukambeka Jesusi nyara pameho ghendi. Mukunga gherukire, no gha konine kumona thiwana yoyihe yokayenda. 26Ha mu tumu kukwawo no gha mu raghire eshi: “Wa yenda kumbara, no perere poye eshi, ghu ka yi tongore kwamunu.”
Manongweneno ghaPetrusi
(Mat 16:13–20; Luk 9:18–21)
27Jesusi gha yendire nawakathishongero wendi kumaghumbo ghaSesareya‐Filipi. Mundhira ghepurire hakathishongero wendi eshi: “Ngepi di hana kuninga hanu, eshi Yame dye?”
28Awo ha mu hutha eshi: “Yowe Johannesi ghoMukadiyoghero hamweya eshi Eliya, no hamweya eshi yofotji ghopawaporofeta.”
29Ko kuwepura Jesusi eshi: “Amwe ne, ngepi di muna kughayara, eshi Yame dye?” Petrusi gha mu tongwerire eshi: “Yowe Kristusi.”
30Ha wa shingi thikuana eshi ha mu hokora kwawanu.
Jesusi ghana kuyuvitha rokutanga yifa yendi muvumbukera
(Mat 16:21–23; Luk 9:22)
31Munyima ko kutanga kuwahonga eshi, Mwanamunu mbo ghana nyanda thikuma. No mbana mu mwagha hamayami nawapristeri hohakuru nawakamarukwaro, no mbana mu pagha. Ene munyima dhomayuwa mahatu, mbo ghana vumbuka. 32No n̂ando dhi mbadi gha dhi hota‐hotire kudhighamba. Apa gha yuvire kemo Petrusi, ko kumuthighurura pambadi, gha mu shinge. 33Ko kuthetuka Jesusi no gha ghamberire Petrusi kughutho wawakathishongero eshi: “Shwaghe munyima dhange, Shatani! Yoyi mbadi ghuna kundhundha n̂ando dhaNyambi, dhawanu ndani.”
Yokushimba thikurushe
(Mat 16:24–28; Luk 9:23–27)
34Jesusi ghethire mbunga nawakathishongero wendi no gha wa tongwerire eshi: “Oyu ghana haka kunikutha, gha kushwahure thinda, no gha tumbure thikurushe thendi gha ni kuthe. 35Yoyishi yomuhe oyu ghana kushana kughamwena moyo wendi, mbo ghuna yongara. Ene yomuhe oyu ghana kumwagha moyo wendi papange no pan̂ando dhaNyambi, mbo ghana ghu ghamwena. 36Nye keho mbo yi ghamwena munu, ngambi ha munu kaye kokahe, ene mudhimu wendi wa thimbama mukunyanda. 37Endi noyitapa munye mbo gha ghamwenitha munu yu mudhimu wendi. 38Kwayomuhe oyu ghana kufa honyi kukwange no kuman̂ando ghange, mumayuwa ghawayiharuri awa ha mwagha Nyambi, yira hatjori yiyeka, naye mbo ghana mu fu honyi Mwanamunu, apa mbo gha kuma mughufumu waWihe nawaengeli wendi hokupongoka.”
Currently Selected:
Markusi 8: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Markusi 8
8
Mavurithero ghoghuwadi ghomaghuroto
(Mat 15:32–39)
1Mumayuwa gha, apa dha kukongwedhire mbunga pofotji, dha fire ndhara, hetha Jesusi hakathishongero wendi no gha wa tongwerire eshi: 2“Na dhi fera n̂eke mbunga, yoyishi mayuwa mahatu hana kara nange, ene hana piri yokudya. 3Ngeshi ngo ni wa huthe nondhara dhawo, ngo ha fere pakatji. Yoyishi hamweya hopapawo ne kayenda ha tunda.”
4Hakathishongero wendi ha mu huthire eshi: “Kupi ghokuwana munu muno mumamboreya, ghuroto ghokwikutitha waheya?”
5Ha wepura eshi: “Maghuroto mangatji mu di nagho?” Awo eshi: “Kwoko nomawadi.”
6Ko kudhirawera mbunga, dhi hungumane pamuve. Jesusi gha tumburire maghuroto kwoko nomawadi, ha tumera no kughayondaghura. Ha gha pa hakathishongero wendi, ha tapere mbunga. 7Ha karire karo nothi dhodhipu. Gha tumerire karo no gha wa tongwerire eshi, ha dhi wa tapere nadho. 8Wahe ha dire no hekutire. No yigonyo‐gonyo eyi ya thigharire po, ha yi kongwedhire muyikote kwoko noyiwadi. 9Waheya awa ha dire yi, momu ha kare yira mayovi mane. Ko kuwatuma kwendi ha huke kumaghumbo ghawo.
Muhaha waWafarasayi
(Mat 16:1–12)
10Kapupi kamanana ko kuperama kwendi muwato nawakathishongero wendi, no ha kumine mumukunda waDalmanuta.
11NaWafarasayi heyire kukwendi, no ha kukananine nendi eshi, gha shwaghithe thidimukitho thomudiwiru. 12Ko kuhethangana kwendi thikuma eshi: “Nye hana kurumberera wa hanahoka thitetukitho? Shemwa na kumutongwera eshi, awo mbadi mba wana thidimukitho.”
13Ha wa thighi kwawo ha kanduke thambodiya.
14Ene ha vuramine kushimba maghuroto, oku wo ne noghuroto ghofotji keho muwato. 15Ha wa shingi eshi: “Mu koneke no mu kukongore kumuhaha waWafarasayi no waHerodesi.”
16Munyima ha kuyongire eshi: “Yoyi tuna piri ghuroto, yo ghana kuyighambera.”
17Jesusi gha dimukire yighayara yawo, ha ningi kukwawo eshi: “Nye muna kukuyongera eshi muna piri ghuroto? Mbadi muna kutjwathana no kuyuva temba ndi? Shime mwa karera nomitjima dhodhikukutu ndi? 18Mwa kara nomeho nomatwi, ene mbadi muna kumona no kuyuva ndi? 19No mbadi muna kuvuruka apa na yondawerire hanu mayovi kwoko, maghuroto kwoko ndi? Yingatji yikote mwa kongwedherire yigonyo‐gonyo?” Awo ha mu hutha eshi: “Dikumi noyiwadi.”
20“Munyima ne, agha kwoko nomawadi kwawanu mayovi mane, yingatji yikote mwa yarithire?” Awo eshi: “Kwoko noyiwadi.”
21Ko kughamba Jesusi eshi: “Shime mbadi muna kuyitjwathana ndi?”
Merukitho ghamurume ghomukunga
22Aye gha kumine kuBetsayida, no hanu ha mu reterire murume ghomukunga, gho ha mu kandererire eshi, gha mu kambeke nyara. 23Ko kumukwata kwendi mukunga padyoko no gha mu shwaghithire mudighumbo. Ndani gha mu rambire mate pameho ghendi, no kumukambeka nyara. Ha mwipura eshi: “Kumona ghuna kumona ndi?”
24Mukunga gha kambukire no gha ningire eshi: “Hanu na kumona, ene na kuwamona yira yitondo yina kudhinguruka.”
25Karo ha mukambeka Jesusi nyara pameho ghendi. Mukunga gherukire, no gha konine kumona thiwana yoyihe yokayenda. 26Ha mu tumu kukwawo no gha mu raghire eshi: “Wa yenda kumbara, no perere poye eshi, ghu ka yi tongore kwamunu.”
Manongweneno ghaPetrusi
(Mat 16:13–20; Luk 9:18–21)
27Jesusi gha yendire nawakathishongero wendi kumaghumbo ghaSesareya‐Filipi. Mundhira ghepurire hakathishongero wendi eshi: “Ngepi di hana kuninga hanu, eshi Yame dye?”
28Awo ha mu hutha eshi: “Yowe Johannesi ghoMukadiyoghero hamweya eshi Eliya, no hamweya eshi yofotji ghopawaporofeta.”
29Ko kuwepura Jesusi eshi: “Amwe ne, ngepi di muna kughayara, eshi Yame dye?” Petrusi gha mu tongwerire eshi: “Yowe Kristusi.”
30Ha wa shingi thikuana eshi ha mu hokora kwawanu.
Jesusi ghana kuyuvitha rokutanga yifa yendi muvumbukera
(Mat 16:21–23; Luk 9:22)
31Munyima ko kutanga kuwahonga eshi, Mwanamunu mbo ghana nyanda thikuma. No mbana mu mwagha hamayami nawapristeri hohakuru nawakamarukwaro, no mbana mu pagha. Ene munyima dhomayuwa mahatu, mbo ghana vumbuka. 32No n̂ando dhi mbadi gha dhi hota‐hotire kudhighamba. Apa gha yuvire kemo Petrusi, ko kumuthighurura pambadi, gha mu shinge. 33Ko kuthetuka Jesusi no gha ghamberire Petrusi kughutho wawakathishongero eshi: “Shwaghe munyima dhange, Shatani! Yoyi mbadi ghuna kundhundha n̂ando dhaNyambi, dhawanu ndani.”
Yokushimba thikurushe
(Mat 16:24–28; Luk 9:23–27)
34Jesusi ghethire mbunga nawakathishongero wendi no gha wa tongwerire eshi: “Oyu ghana haka kunikutha, gha kushwahure thinda, no gha tumbure thikurushe thendi gha ni kuthe. 35Yoyishi yomuhe oyu ghana kushana kughamwena moyo wendi, mbo ghuna yongara. Ene yomuhe oyu ghana kumwagha moyo wendi papange no pan̂ando dhaNyambi, mbo ghana ghu ghamwena. 36Nye keho mbo yi ghamwena munu, ngambi ha munu kaye kokahe, ene mudhimu wendi wa thimbama mukunyanda. 37Endi noyitapa munye mbo gha ghamwenitha munu yu mudhimu wendi. 38Kwayomuhe oyu ghana kufa honyi kukwange no kuman̂ando ghange, mumayuwa ghawayiharuri awa ha mwagha Nyambi, yira hatjori yiyeka, naye mbo ghana mu fu honyi Mwanamunu, apa mbo gha kuma mughufumu waWihe nawaengeli wendi hokupongoka.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986