Markusi 9
9
1Ha ghamba karo eshi: “Shemwa na kumutongwera eshi, pa di hamweya, awa ha nemana pano, awa mba dhira kufa, oku shime mbadi hana mono ghufumu waNyambi, apa mbo wiya nongcamu.”
Mathitunukero ghaJesusi mudirundu
(Mat 17:1–13; Luk 9:28–36)
2Munyima dhomayuwa kwoko nodyofotji, gha yendire Jesusi nawaPetrusi naJakobusi naJohannesi, ha ka kare pithawo kudirundu. Ko gha ka thitunukire kuthitunumeho thawo. 3Yivata yendi ya rwedhimine yira makerekeshe, no ga kenine kupiterera yinu yimweya yopamuve. 4Ko kuwahokokera haEliya naMosesi, ha kuvureke naJesusi. 5Ha ningi Petrusi kwaJesusi eshi: “Muruti, kuwa kuno tu di. Ninge tu ghumbe yishashara yihatu. Thofotji thoye, thofotji thaMosesi no thimweya thaEliya.” 6Ene mbadi gha dimukire eyi sho gha ghambe, yoyi ha tutukwire.
7Munyima ha di wa fiki divuyi. Ko kushwagha diywi mudiwiru eshi: “Oyu ne yom Wanange ghomuhakwa, kukwendi sho mu tawe!” 8Kapupi kamanana ko kutemaghura kwawo ha kenge kokuhe, ene mbadi ha monine ghumweya shimengwa Jesusi pithendi.
9Apa ha shurukire kudirundu, gha wa shingire eshi, ha yi tongora kwaghumweya eyi hana mono, oku shime mbadi ghana vumbuka Mwanamunu mwawafu.
10Awo ne ha kwatire man̂ando gha mumitjima dhawo, ne ha kwipudhurire eshi: “Nye yina kuninga kuvumbuka mwawafu?” 11Ko kumwipura kwawo eshi: “Nye hana kuningera hakamarukwaro eshi, Eliya ne yo mbo gha tanga kwiya?”
12Ha wa hutha kwendi eshi: “Yashemwa, Eliya ne mbo gha neya kukuroghitha yoyihe. Ene ngepi di, ha tjangire yaMwanamunu eshi, mbo gha nyande thikuma no kumushamuna? 13Na kumutongwera eshi: Eliya kare gheyire, no ha tendire nendi eyi ha himine, thika di ha yi mu tjangerire.”
Mungaghu ghothin̂akin̂aki
(Mat 17:14–21; Luk 9:37–43a)
14Apa ha kumine kwawakathishongero hamweya, ha wa wanine oku dhina wa dhingi mbunga. Pakatji kawo pa karire hakamarukwaro, awa ha kukananine nawo. 15Pakumumona hanu Jesusi, ha tetukire no ha dhondokire kukwendi ha ka murumerithe. 16Hepura kwendi hakamarukwaro eshi: “Nye muna kukukananena nawo?”
17Yofotji ghomumbunga gha henyine kwaJesusi no gha mu yuvithire eshi: “Muruti, na kara nomwanange oyu gha kara nomupepo ghushiyuvu. Yo na mu retera kuKoye. 18Kehe pano ngeshi mupepo ghu ghuna kumukwata no kumunyunga‐nyunga, no ghana kughara. Ho netha hakathishongero woye eshi, ha ghu shwaghithe mumwendi, ene kadi wakukona.”
19Ko kutonga Jesusi eshi: “Mawe, mwadiko dyokupira matawero mwe. Kate kupi sho ni kare nenu, no ngepi di sho ni mu tjimape? Mu rete mwanuke kukwange!” 20Munyima ha mu twarire kukwendi. Apa wa monine mupepo ghoghumango Jesusi, ko kumuwitha mwanuke pamuve no kumuyagheritha, kate kushwagha difudhi mukanwa kendi.
21Jesusi ne hepura kwawihe eshi: “Mwaka munye ya mu wana?” Aye wihe eshi: “Kutunda kuwanuke wendi. 22Rwingi wa mu thindekerire mumudiro no mumeyu eshi, ghu mu paghe. Owe ne, ngeshi ghuna haka kutenda thinu, ghu tu fere n̂eke no ghu tu ghamwene.”
23Ha mu tongwera Jesusi eshi: “Mbadiko yimweya, ngeshi ghu tawe, yoyiheya yiredhu.”
24Kapupi kamanana ko kuyoghomoka wiha mwanuke nomahodhi eshi: “Na tawa, Fumu, wiye ghu ni ghamwene no mukakupira matawero me.”
25Apa gha monine Jesusi eshi mbunga dhina kongana pofotji, ko kurawera mupepo ghoghumango eshi: “Owe mupepo ghothipurupuru, shwaghe mumwendi, no wa mba ka huka karo mumwendi!”
26Pakumana kworomoka thikuma mupepo no kugharumuna mwanuke, wa shwaghire mumwendi. Namwanuke gha karire yira mufu, kate ha ghambire hengi eshi: “Ghana fu.” 27Jesusi ne gha mu kwatire panyara no gha mu yeyurire, aye ne ko kwimana.
28Apa gha karire Jesusi nawakathishongero wendi mundhugho, ha mwipura eshi: “Nye tuna dhiri kushwaghitha twe mupepo ghu?”
29Aye ha wa hutha eshi: “Rudhi ru mbadi rwa kona kushwagha kenge‐kenge, shimengwa mumandapero nomuyidhirerekedha.”
Jesusi ghaha kuyuvitha paruwadi yifa yendi nomuvumbukero
(Mat 17:22–23; Luk 9:43–45)
30Ko kutunda kwawo padyango di no ha tjinaghanine kuGalileya, ene Jesusi mbadi gha hakire eshi, ha yi dimuke hanu. 31Yoyi gha hongire hakathishongero wendi eshi: “Mwanamunu, mbana mu tapa mumoko ghawanu, awo ne mbana mu pagha, no mudiyuwa dyoghuhatu mbo ghana vumbuka.”
32Awo ne mbadi ha tjwathanine man̂ando gha, no ha yapire kughamwipura.
Mukakupiterera mughufumu ghodiwiru
(Mat 18:1–5; Luk 9:46–48)
33Apa ha kumine muKafarnaghumu, hengenine mundhugho, ha wepura Jesusi eshi: “Nye muna kuyongo mundhira?”
34Awo ne non̂umbu temba, yoyi mundhira ha ghambaghurire eshi, yidye mukuru pakatji kawo. 35Apa gha ka hungumanine, hetha kwendi hashadikumi nohawadi no gha wa tongwerire eshi: “Ngeshi ghumweya ghana himi eshi gha kare kughutho, yo sho gha kare munyima dhawahe no mupika wawahe.” 36Jesusi ghethire mwanuke no kumwimeka paktji kawo, ha mu kwata nomoko mawadi ghughamba eshi: 37“Kehe yu ghokutambara hanuke horudhi ru muDina dyange, yame ghana tambura. No yomuhe ghokunitambura Me, kadi Yame keho ghana tambura, noYu gha ni tumine Me.”
Oyu gha dhira kutudhimba ne wetu
(Luk 9:49–50)
38Johannesi gha mwipurire Jesusi eshi: “Muruti, tuna mono ghokutjidha hashatani muDina dyoye, ene mbadi ghana tu kuthu. Ho tuna mu shingeka yoyi mbadi ghana kutukutha.”
39Ha ningi Jesusi eshi: “Mwa mu shinga, yoyishi mbadiko yu gha wana ngcamu muDina dyange, ho gha ghambe ghuyi kunyima dhange. 40Yoyishi oyu gha dhira kutudhimba ne, yo wetu. 41Karo eshi, yomuhe ghokumupa twiya eshi, yoyi mwa kara mwakaKristusi, shemwa na kumutongwera eshi, mbadi mbo gha yongaritha ndjambi dhendi.
Yokuharuritha
(Mat 18:6–9; Luk 17:1–2)
42“Yomuhe oyu ghana kuharuritha hanuke ho kutawa muMwange, ya rikanya kukwendi eshi, ha mu ghange diwe pathingo dhendi no ha mu vukumene paditondo. 43No ngeshi dyoko dyoye dina kuharuritha, di tete ko. Hasha kukoye kwingena mumoyo nodyoko dyofotji, kadi yira wa kukuma nomoko mawadi kumamwaghero ghoruruheya, mumudiro ghushidhimana; 44omu gha dhira kufa mavinyo ghawo. 45No ngeshi ha di kuharuritha dipadhi dyoye, di tete ko. Hasha kukoye kwingena mumoyo noghuhwere, kadi yira wa kukuma nomapadhi mawadi mumamwaghero ghororuheya, mumudiro ghushidhimana; 46omu gha dhira kufa mavinyo ghawo. 47No ngeshi diho dyoye dina kuharuritha, di korongore mo. Hasha kukoye kwingena mughufumu waNyambi nodiho dyofotji, kadi yira wa kukara nomeho mawadi, no kukuvukumena mumudiro ghoruruheya; 48omu gha dhira kufa mavinyo ghawo.
49“Yoyishi yomuhe gha pwa kukuta nomudiro, no kehe muyambo mbo ghuna pu kukuwa nomungwa.
50“Mungwa ne ghuwa, ene ngeshi ghuna hamupa mungwa ne, no nye keho, sha ghu tove?
“Mu kare nomungwa mumwenu no mu pare nothiraro.”
Currently Selected:
Markusi 9: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Markusi 9
9
1Ha ghamba karo eshi: “Shemwa na kumutongwera eshi, pa di hamweya, awa ha nemana pano, awa mba dhira kufa, oku shime mbadi hana mono ghufumu waNyambi, apa mbo wiya nongcamu.”
Mathitunukero ghaJesusi mudirundu
(Mat 17:1–13; Luk 9:28–36)
2Munyima dhomayuwa kwoko nodyofotji, gha yendire Jesusi nawaPetrusi naJakobusi naJohannesi, ha ka kare pithawo kudirundu. Ko gha ka thitunukire kuthitunumeho thawo. 3Yivata yendi ya rwedhimine yira makerekeshe, no ga kenine kupiterera yinu yimweya yopamuve. 4Ko kuwahokokera haEliya naMosesi, ha kuvureke naJesusi. 5Ha ningi Petrusi kwaJesusi eshi: “Muruti, kuwa kuno tu di. Ninge tu ghumbe yishashara yihatu. Thofotji thoye, thofotji thaMosesi no thimweya thaEliya.” 6Ene mbadi gha dimukire eyi sho gha ghambe, yoyi ha tutukwire.
7Munyima ha di wa fiki divuyi. Ko kushwagha diywi mudiwiru eshi: “Oyu ne yom Wanange ghomuhakwa, kukwendi sho mu tawe!” 8Kapupi kamanana ko kutemaghura kwawo ha kenge kokuhe, ene mbadi ha monine ghumweya shimengwa Jesusi pithendi.
9Apa ha shurukire kudirundu, gha wa shingire eshi, ha yi tongora kwaghumweya eyi hana mono, oku shime mbadi ghana vumbuka Mwanamunu mwawafu.
10Awo ne ha kwatire man̂ando gha mumitjima dhawo, ne ha kwipudhurire eshi: “Nye yina kuninga kuvumbuka mwawafu?” 11Ko kumwipura kwawo eshi: “Nye hana kuningera hakamarukwaro eshi, Eliya ne yo mbo gha tanga kwiya?”
12Ha wa hutha kwendi eshi: “Yashemwa, Eliya ne mbo gha neya kukuroghitha yoyihe. Ene ngepi di, ha tjangire yaMwanamunu eshi, mbo gha nyande thikuma no kumushamuna? 13Na kumutongwera eshi: Eliya kare gheyire, no ha tendire nendi eyi ha himine, thika di ha yi mu tjangerire.”
Mungaghu ghothin̂akin̂aki
(Mat 17:14–21; Luk 9:37–43a)
14Apa ha kumine kwawakathishongero hamweya, ha wa wanine oku dhina wa dhingi mbunga. Pakatji kawo pa karire hakamarukwaro, awa ha kukananine nawo. 15Pakumumona hanu Jesusi, ha tetukire no ha dhondokire kukwendi ha ka murumerithe. 16Hepura kwendi hakamarukwaro eshi: “Nye muna kukukananena nawo?”
17Yofotji ghomumbunga gha henyine kwaJesusi no gha mu yuvithire eshi: “Muruti, na kara nomwanange oyu gha kara nomupepo ghushiyuvu. Yo na mu retera kuKoye. 18Kehe pano ngeshi mupepo ghu ghuna kumukwata no kumunyunga‐nyunga, no ghana kughara. Ho netha hakathishongero woye eshi, ha ghu shwaghithe mumwendi, ene kadi wakukona.”
19Ko kutonga Jesusi eshi: “Mawe, mwadiko dyokupira matawero mwe. Kate kupi sho ni kare nenu, no ngepi di sho ni mu tjimape? Mu rete mwanuke kukwange!” 20Munyima ha mu twarire kukwendi. Apa wa monine mupepo ghoghumango Jesusi, ko kumuwitha mwanuke pamuve no kumuyagheritha, kate kushwagha difudhi mukanwa kendi.
21Jesusi ne hepura kwawihe eshi: “Mwaka munye ya mu wana?” Aye wihe eshi: “Kutunda kuwanuke wendi. 22Rwingi wa mu thindekerire mumudiro no mumeyu eshi, ghu mu paghe. Owe ne, ngeshi ghuna haka kutenda thinu, ghu tu fere n̂eke no ghu tu ghamwene.”
23Ha mu tongwera Jesusi eshi: “Mbadiko yimweya, ngeshi ghu tawe, yoyiheya yiredhu.”
24Kapupi kamanana ko kuyoghomoka wiha mwanuke nomahodhi eshi: “Na tawa, Fumu, wiye ghu ni ghamwene no mukakupira matawero me.”
25Apa gha monine Jesusi eshi mbunga dhina kongana pofotji, ko kurawera mupepo ghoghumango eshi: “Owe mupepo ghothipurupuru, shwaghe mumwendi, no wa mba ka huka karo mumwendi!”
26Pakumana kworomoka thikuma mupepo no kugharumuna mwanuke, wa shwaghire mumwendi. Namwanuke gha karire yira mufu, kate ha ghambire hengi eshi: “Ghana fu.” 27Jesusi ne gha mu kwatire panyara no gha mu yeyurire, aye ne ko kwimana.
28Apa gha karire Jesusi nawakathishongero wendi mundhugho, ha mwipura eshi: “Nye tuna dhiri kushwaghitha twe mupepo ghu?”
29Aye ha wa hutha eshi: “Rudhi ru mbadi rwa kona kushwagha kenge‐kenge, shimengwa mumandapero nomuyidhirerekedha.”
Jesusi ghaha kuyuvitha paruwadi yifa yendi nomuvumbukero
(Mat 17:22–23; Luk 9:43–45)
30Ko kutunda kwawo padyango di no ha tjinaghanine kuGalileya, ene Jesusi mbadi gha hakire eshi, ha yi dimuke hanu. 31Yoyi gha hongire hakathishongero wendi eshi: “Mwanamunu, mbana mu tapa mumoko ghawanu, awo ne mbana mu pagha, no mudiyuwa dyoghuhatu mbo ghana vumbuka.”
32Awo ne mbadi ha tjwathanine man̂ando gha, no ha yapire kughamwipura.
Mukakupiterera mughufumu ghodiwiru
(Mat 18:1–5; Luk 9:46–48)
33Apa ha kumine muKafarnaghumu, hengenine mundhugho, ha wepura Jesusi eshi: “Nye muna kuyongo mundhira?”
34Awo ne non̂umbu temba, yoyi mundhira ha ghambaghurire eshi, yidye mukuru pakatji kawo. 35Apa gha ka hungumanine, hetha kwendi hashadikumi nohawadi no gha wa tongwerire eshi: “Ngeshi ghumweya ghana himi eshi gha kare kughutho, yo sho gha kare munyima dhawahe no mupika wawahe.” 36Jesusi ghethire mwanuke no kumwimeka paktji kawo, ha mu kwata nomoko mawadi ghughamba eshi: 37“Kehe yu ghokutambara hanuke horudhi ru muDina dyange, yame ghana tambura. No yomuhe ghokunitambura Me, kadi Yame keho ghana tambura, noYu gha ni tumine Me.”
Oyu gha dhira kutudhimba ne wetu
(Luk 9:49–50)
38Johannesi gha mwipurire Jesusi eshi: “Muruti, tuna mono ghokutjidha hashatani muDina dyoye, ene mbadi ghana tu kuthu. Ho tuna mu shingeka yoyi mbadi ghana kutukutha.”
39Ha ningi Jesusi eshi: “Mwa mu shinga, yoyishi mbadiko yu gha wana ngcamu muDina dyange, ho gha ghambe ghuyi kunyima dhange. 40Yoyishi oyu gha dhira kutudhimba ne, yo wetu. 41Karo eshi, yomuhe ghokumupa twiya eshi, yoyi mwa kara mwakaKristusi, shemwa na kumutongwera eshi, mbadi mbo gha yongaritha ndjambi dhendi.
Yokuharuritha
(Mat 18:6–9; Luk 17:1–2)
42“Yomuhe oyu ghana kuharuritha hanuke ho kutawa muMwange, ya rikanya kukwendi eshi, ha mu ghange diwe pathingo dhendi no ha mu vukumene paditondo. 43No ngeshi dyoko dyoye dina kuharuritha, di tete ko. Hasha kukoye kwingena mumoyo nodyoko dyofotji, kadi yira wa kukuma nomoko mawadi kumamwaghero ghoruruheya, mumudiro ghushidhimana; 44omu gha dhira kufa mavinyo ghawo. 45No ngeshi ha di kuharuritha dipadhi dyoye, di tete ko. Hasha kukoye kwingena mumoyo noghuhwere, kadi yira wa kukuma nomapadhi mawadi mumamwaghero ghororuheya, mumudiro ghushidhimana; 46omu gha dhira kufa mavinyo ghawo. 47No ngeshi diho dyoye dina kuharuritha, di korongore mo. Hasha kukoye kwingena mughufumu waNyambi nodiho dyofotji, kadi yira wa kukara nomeho mawadi, no kukuvukumena mumudiro ghoruruheya; 48omu gha dhira kufa mavinyo ghawo.
49“Yoyishi yomuhe gha pwa kukuta nomudiro, no kehe muyambo mbo ghuna pu kukuwa nomungwa.
50“Mungwa ne ghuwa, ene ngeshi ghuna hamupa mungwa ne, no nye keho, sha ghu tove?
“Mu kare nomungwa mumwenu no mu pare nothiraro.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986