Jean 17
17
Jésus amavovo na Nzambé gôndé aneengi edi
1N’emana énigôa aneengie nane, Jésus amabôkaméa na g’ôba gôévovo na Nzambé. Angô mbe: Téta, ndéône ébuéyi. Itsa Muanoo me, géneega sondômbee woo gômbe Muanee dôta angagôneegeda. 2Omani éétsa me ényanga gôétôma oma muetso, gômbe neetsa monyoe amôbô na môbô gôbdé ane amamana éwe ésevoa gôéétsa me. 3Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe. 4Namatsutsuéda gô tsina géneegage sondômbee woo. Eyanzee évôni émeetsô me n’ewe, namani éedugéda. 5N’atsatsee Téta gobeda me gô tungu édigaa éwe, gôéétsa me ôndômbee okumakee ômabaka n’ami v’ebandô tsinane madeo ésikanô.
6Me namamenyeda éwe gôndé oma amayuua éwe va gatse asi tsengene. Omaweseda ahngô na gôndé me. Omeaa te woo. N’ewe ômeetsa me ahngô. N’ahngô amagobeda ôgie woo. 7Ahngô ahsabômudô mbe éetso émeetsewe me, éviga te gôndé éwe. 8Me nameetsa ahngô mabégôme mamadiia me gôndé éwe. Ahmamasinga. Ahmanigôgéô na gô pie mbe me namaviga te gôndé éwe g’ôba. Ahsitsuma me paga mbe: ôsikudégu na Nzambé.
9Me navovo n’ewe Nzambé te gôndé ahngô. Tsavovo gôndé asi tsengene. Navovo n’ewe te gô ane amawesedewe na gôndé me, gôébégô ahngô te woo. 10Eetsô éndé na me, te éoo. Eetso éndé n’ewe te éami. Ondômbee okumakee wami ôenanô gôndé omee woo. 11Me nanôtôgi tsabadô gô tsengene, géé ahngô asinôtôga, agébaka gô tsengene. Me naviga te na gôndé éwe. Nagôduka Téta Nzambé, kenea ahngô gô ényangee éainee éoo, te ane ameetsewe me. Nanyôngéô mbe ahngô abé môvo gandé wa n’oo tôndé môvo. 12Vamabaka me nagébaka n’ahngô, namakenea ahngô gô ényangee éainee éôô, te éne émeetsewe me. Nameebakanéda ahngô gôsibé ta na môvo amadimbanani. Buétsé te ône ameendô gô Matendeo moo mbe angakea te nane. 13N’atsatsee naviga na vandé éwe. Navovo n’ewe mabégô mema, nagébaka gô tsenge nedué. Nanyôngéô mbe mitéma miaô miyôé na genyônga sami gésaba n’okana. 14Nameetsa ahngô mabégô moo. Asi tsengene avinga ahngô to gôsabahngô n’evamba na mabégô matsengene, te mônongovo gandé me gébé n’evamba na mabégô matsengene. 15Me nagôduka mbe, kenea angô andé amasetu na ône môbévani. 16Ahsaba n’evamba na mabégô matsenge te mônongovo gandé me gébé n’evamba na mabégô matsengene. 17Aaganéda ahngô na mane matsengene mbe avamba n’ewe gô ngudi yamane mapie. Etsinee ametso mapie te ôgie woo. 18Ewe ômatôma me mbe: Kiaka na gô tsina. Me dôta namatôma ahngô mbe: Kiakani tsinane nyetso. 19Me naadeekeda memuene na gôndé éwe, te gôndé ahngô, gômbe ahngô dôta angaadeekeda anguene na gôndé éwe, Kumu amabégô mapie.
20Osambôe wami ôsakôdéa n’ahngô atévo. Navovo n’ewe dôta gôndé ane angeetsa me mitémamie gô meekédume maô. 21Nagôduka Téta mbe angô muetso angaba môvo na wa n’oo, gandé éwe môvo n’ami. Me dôta nandé môvo n’ewe. Nagôduka mbe anguene angaba n’evamba gômbe asi tsengene asangatsuma paga mbe me tsitômu n’ewe. 22Me nameetsa ahngô ôndômbee okumakee ômeetsô me n’ewe, te mbe angaba môtémovo gandé wa n’oo tôndé môtémovo. 23Me nandé gôndé ahngô. Ewe ôndé gôndé me. Vane gô évambee éne éavitoo, asi tsengene angeena na vede mbe te éwe ômatôma me na éwe ônyôngéô omee woo ganyôngéô éwe me.
24Téta, éwe ômeetsa me ahngô. Me nanyôngéô mbe gôngaba me, n’ahngô dôta ahngaba wangô. Gômbe angeena ôbébayi ondômbee wami. Te ôndômbee ômeetsô me n’ewe gamootéa éwe ényôngéô me, bandôa v’ebandô tsinane madeo ésikanô. 25Téta, kumu éetsimama, asi tsengene asamenya éneegeda éwe, géé me tsabômu égôneegeda. Omee woo adua asabômu mbe te éwe ômatôma me. 26Me namagômenyeda gôndé ahngô. Na nangoomba éahmenyeda gandé éwe. Vane étondoe éndé n’ewe gôndé me, éngaba gôndé ahngô. Na me dôta nangaba gôndé ahngô.
Currently Selected:
Jean 17: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
