Esiteli 7
7
Ndengodokolo yi Hamani
1Ntinu ayi Hamani bayiza mu yangalala ku ndambisa yikubika Esteli, nketo ntinu. 2Ntinu wuyuvula Esteli, mu lumbu kinzole, ku tsuka ndambisa: «Bue buididi ndombolo aku, o nketo ntinu? Bika yikuvanu. Ayi mbi tidi? Kadiambu ko ndambu kitinu, bika divangama» 3Esteli, nketo ntinu, wuvutula ayi wukamba: «Ti ndimonokono nlemvo mu meso maku, o ntinu, ayi ti didi dimbote kudi ntinu, bika mu ndombolo ami bavukisa muela ami, ayi nkangu ami, bobo buididi ndombolo ami. 4Bila tutekoso, minu ayi batu bami, muingi tufukusu, tuvondo ayi tubungu. Ti diaka tu tekoso banga mimvika mi babakala ayi banga bisadi bi baketo, nginu mvuendi nasui. Bila nzomono yikadi dedakana ti mbivusu yivengo kudi ntinu.» 5Buna ntinu Kizelisesi wuyuvula, inga wuvutula kudi Esteli, nketo ntinu: «Nani nionio ayi kue kudi mutu beni wukabukidi ntima mu vanga diambu diphila yayi?» 6Buna Esteli wuvutula: «Mutu, mbeni ayi nyamisi wowo, Hamani, mutu wumbi.» Buna Hamani wumona wonga mu diambu di ntinu ayi nketo ntinu. 7Vayi ntinu, mu nganzi andi, wutelama ayi wubotuka va fulu kindambisa mu kuenda ku lumbu lu nzo ayi Hamani yandi mosi wutelama mu leba Esteli mu diambu di muela andi, bila wumona ti dimbi diezengo mu diambu diandi kudi ntinu. 8Buna ntinu, yandi, bedi ku lumbu lu nzo ntinu mu nzo yi ndambisa ayi Hamani wukibuisa va mbuka vaba Esteli. Buna ntinu wukamba: «Bekam'bonga nketo ami mu kingolo ayi minu mu nzo?» Buna phova yitotuka mu nua ntinu, bafuka zizi ki Hamani#7.8 Babefukanga zizi ki batu zengolo nkanu wu lufua. Diambu divanga bisadi dimonisa ti phova zi ntinu zidi banga nzengolo nkanu lufua.. 9Halabona, wumosi mu bisadi bi nzo va ntuala ntinu, wukamba: «Nti Hamani kakubikidi widi mu diambu di Molodokayi, nio wutuba mambote mu diambu di ntinu, wutelamene mu nzo Hamani, wunda mu makumole tanu ma zimetele.» Buna ntinu wukamba: «Lunledika va yilu.» 10Baledika Hamani va nti wowo wukakubika mu diambu di Molodokayi, buna nganzi yi ntinu yivonga.
Currently Selected:
Esiteli 7: YOM-CD
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation