1 Mose 1
1
THONONO NZA AYI BATU
1-11
Nzambi vengi zulu, ntoto ayi batu
1Vana thonono Nzambi wuvanga zulu ayi ntoto.
2Ntoto wuba kadi tsundu ayi phavala ayi tombe kiba va mbata phinda minlangu ayi Pheve yi Nzambi yiba vevilanga va mbata minlangu beni.
3Nzambi wukamba: «Bika kiya kiba!» Buna ki ya kiba. 4Nzambi wumona ti kiya kiba kimbote, buna wuvambisa kiya ayi tombe. 5Nzambi wutedila kiya muini ayi tombe builu. Masika maba ayi nsuka wuba: kiawu kiba lumbu kithete.
6Nzambi wubuela kamba: «Bika luyalungunu luba va khati muvambisa minlangu mu ndambu zole». 7Nzambi wuvanga luyalungunu ayi wuvambisa minlangu mitsi ayi minlangu miyilu. Bobo phe bubela. 8Nzambi wutedila luyalungunu, zulu. Masika maba ayi nsuka wuba: kiawu kiba lumbu kinzole.
9Nzambi wukamba: «Bika minlangu midi kutsi zulu mikutakana va fulu kimosi muingi ntoto wuyuma wumonika.» Bobo phe bubela. 10Nzambi wutedila tsi yiyuma ntoto, ayi wutedila lukutukunu lu minlangu mbu. Nzambi wumona diawu diambu dimbote.
11Nzambi wukamba: «Bika ntoto wubuta biti, bimbutanga mbongo, minti midi makundi malenda buta makundi banga buididi ziphila zi minti, muingi mibutana va ntoto.» Bobo phe bubela. 12Ntoto wubuta biti, biti bidi na mbongo banga buididi buphila buawu, minti mimbutanga makundi madi na mbongo banga buididi ziphila ziawu. Nzambi wumona diawu diambu dimbote. 13Masika maba ayi nsuka wuba: Kiawu kiba lumbu kintatu.
14Nzambi wukamba: «Bika bima binkienzulanga luyalungunu lu zulu biba muvambisa muini ayi builu, bika biba bidimbu mu songa zi tsungi, bilumbu ayi mimvu. 15Bika bima beni bilezima ku zulu mukienzula ntoto.» Bobo phe bubela. 16Buna Nzambi wuvanga bima biole bineni binkienzulanga : kimosi kilutidi tola, thangu, mu yala mu muini ayi kilutidi keva, ngonda, mu yala mu builu ayi wubuela phe zimbuetete#1.16 Buditubulu ti Nzambi wuvanga thangu, ngonda ayi zimbuete, buku kiaki kilembo bangusa malongi mabikitula zi nzambi.. 17Nzambi wutula biawu mu luyalungunu lu zulu muingi bikienzulanga ntoto, 18biyala mu muini ayi mu builu, ayi mu vambisa kiya ayi tombe. Nzambi wumona diawu diambu dimbote. 19Masika maba ayi nsuka wuba: kiawu kiba lumbu kinya.
20Nzambi wubuela kamba: «Bika minlangu mifundubula bibulu bimoyo, bika zinuni phe zitilumuka va yilu ntoto kutsi luyalungunu lu zulu.» 21Nzambi wuvanga bulu bitsisi beni bi nlangu bimvemanga ayi bimfunananga mu nlangu ayi bulu bibio bidi mavavi, bibio bidi moyo ayi binkibanga banga buididi ziphila ziawu ayi zinuni zizio banga buididi ziphila ziawu. Nzambi wumona diawu diambu dimbote. 22Nzambi wusakumuna biawu ayi wukamba: «Butananu, niekeno ayi wesanu nlangu mi mimbu, ayi bika zinuni phe ziwoka va ntoto!» 23Masika maba ayi nsuka wuba: kiawu kiba lumbu kintanu.
24Nzambi wukamba: «Bika ntoto wubuta mintindu mimio mi bibulu bidi moyo banga buididi buphila buawu: bulu biyodama, bulu bifioti ayi bulu binsitu banga buididi ziphila ziawu!» Bobo phe bubela. 25Buna Nzambi wuvanga ntindu mimio mi bibulu: Bibulu binsitu banga buididi buphila buawu, bibulu biyodama banga buididi buphila buawu, bibio bidi moyo bindiatanga va ntoto banga buididi buphila buawu. Nzambi wumona diawu diambu dimbote.
26Nzambi wukamba: «Bika tuvanga mutu mu kifuani kieto, banga butuididi. Bika kayala mbizi zidi mu mbu, zinuni zidi ku zulu, bibulu biyodama, ntoto wumvimba ayi bibulu bibio bindiatilanga mu vumu va ntoto!»
27Nzambi wuvanga
Mutu mu kifuani kiandi,
Mu kifuani ki Nzambi
Wubavanga. Wubavanga
Bakala ayi nketo.
28Nzambi wubasakumuna ayi wubakamba: «Butananu, niekeno, wesanu ntoto ayi yalanu wawu. Yinimisanu mbizi zimbu, zinuni zi zulu ayi bibulu bibio bidi moyo bindiatilanga mu vumu va ntoto.» 29Nzambi wukamba: «Tala, ndiluveni biti bidi na mbongo va mbata ntoto wuwo ayi minti mimio mimbutanga makundi madi na mbongo. Bibio mabiba bidia bieno. 30Pheni mu dia biti bibio bikhunzu kudi bibulu bibio va ntoto, kudi zinuni zizio zintilumukanga ayi kudi bibio bidi moyo binkibanga va ntoto bidi muela wumoyo.» Bobo phe bubela. 31Nzambi wumona ti bibio bikavanga biba bimbote beni. Masika maba ayi nsuka wuba: kiawu kiba lumbu kinsambanu.
Currently Selected:
1 Mose 1: YOM-CD
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation
