1 Mose 27
27
Yakobi wuyiba lusakumunu lu Esawu
1Mu thangu Isaki kamenuna ngolo, meso mandi mayiza ba mbumbuluka ayi makadi buela mona. Wutela muana andi wuthete: «Esawu» Yandi wuvutula: «Minu niandu, ndilembo kuwa.» 2Buna Isaki wunkamba: «Tala buabu ndieka kinunu ayi ndikadi zaba lumbu ki lufua luami. 3Buabu, ndikubombidila, bonga madionga, buta ayi tsaku, yenda ku nsitu wuphondila bulu. 4Wundambila kiawu banga bundizodilanga, wundatina muingi ndidia mbote ayi muela ami wukusakumuna tekila ndifua.»
5Buna Lebeka wuwa mu thangu Isaki kaba mokana ayi Esawu, muana andi. Buna Esawu wuyenda ku nsitu mu veta bulu ayi nata kiawu. 6Lebeka wukamba muana andi Yakobi: «Nguilu se diaku bukalembo kambi khomba aku Esawu buabu: 7“Wundatina bulu ki nsitu ayi wundambila kiawu banga bundizodilanga, muingi ndidia mbote, muingi ndikusakumuna va meso ma Yave, tekila ndifua.” 8Buabu, muana ami, wunguila, ayi vanga mandieka kukamba. 9Ndikubombidila, yenda bongi mu nkangu bibulu bana bole bakhombo bambote, wubatuadi muingi ndilambila se diaku bidia bimbote phila kanzodilanga. 10Mawunata biawu kudi se diaku muingi kadia, ayi kakusakumuna tekila kafua.»
11Yakobi wuvutula kudi ngudi andi Lebeka buabu: «Esawu, khomba ami widi na mika miphuele mu nitu andi, vayi nkanda nitu ami widi nalengo lengo. 12Buabu ti tata wumfifitidi mu nitu, makabakula ti ndidi nkua luvunu, buna mandi baka tsingulu bika lusakumunu.» 13Vayi ngudi andi wumvutudila: «Muana ami, bika tsingulu yibua va minu. Vayi ngeyo, wunguila ayi yenda wumbongila bana ba zikhombo.»
14Yandi wuyenda ku babonga, wubanata kudi ngudi andi ayi ngudi andi wulambila Isaki supu banga bukanzodilanga. 15Buna Lebeka wubonga minlele mi Esawu, muana andi wuthete wu bakala, miluta kitoko miba mu nzo andi, wuvuatisa biawu Yakobi, muana andi wu bakala wu tsuka 16ayi wutula minkanda mi bana ba khombo mu mioko ayi mu dinga. 17Bosi wutula mu koko ku Yakobi supu kimbote ayi mapa makalamba. 18Buna Yakobi wukota mu nzo kudi se diandi, wukamba: «Se diami» Yandi wuvutula: «Ndilembo kuwe, wukhamba nge nani.» 19Yakobi wuvutula kudi se diandi: «Ndidi Esawu, muana aku wuthete. Phengi mamo banga buwukhembi. Ndikubombidila, kala muingi wudia bulu kiami ki nsitu muingi muela aku wutsakumuna.» 20Vayi Isaki wukamba muana andi wubakala: «Muana ami wubakala, bue metumbu bakila kiawu mu nsualu buabu?» Yakobi wuvutula: «Yave, Nzambi aku, tuedi kiawu va ntuala ami.»
21Buna Isaki wukamba Yakobi: «Ndikubombidila, fikama vava muingi ndififita, buna mandivisa ti ngeyo muana ami Esawu voti ve.» 22Yakobi wufikama vakala se diandi Isaki, buna niandi wumfifita ayi wunkamba: «Mbembo aku, mbembo Yakobi vayi mioko mi Esawu.» 23Vayi kasi kumvisa ko bila mioko miandi miba ayi mika banga mi Esawu, khomba andi. Buna wunsakumuna. 24Bosi wunyuvula diaka: «Mu kedika ngeyo widi muana ami Esawu?» Yandi wuvutula: «Ninga, minu kuandi.»
25Isaki wuvutula: «Fikika yawu va ndidi muingi ndidia mbizi yi nsitu yi muana ami muingi muela ami wukusakumuna.» Buna wumfikikila yawu ayi Isaki wudia. Yakobi wunatina phe vinu, niandi wunua. 26Landila diawu, Isaki, se diandi, wunkamba: «Ndikubombidila, fikama vava va ndidi ayi wumbumbi, muana ami.» 27Yakobi wufikama ayi wumbumba. Isaki wuwa tsudi minlele miandi, buna wutona kunsakumuna#27.27 Tala Ebe 11.20. ayi wunkamba: «Tala, tsudi yi muana ami yidi banga tsudi tsola yisakumuna Yave.
28“Bika Yave
Kakunokisina
Dinoko di zulu,
Bika ntoto wukubutila
Bidia biphuele muingi
Mbongo ayi vinu
Biba yaku.
29Bika batu ba
Zitsi zinkaka
Bakusadila ayi
Batu bamakanda
Manzenza bakufukimina.
Ba mfumu zi
Zikhomba ziaku,
Bika bana ba ngudi aku
Bakubuongimina,
Bika kasingu
Mutu wela kusinga,
Kasakumunu mutu
Wela kusakumuna#27.29 Tala 12.3.!”»
30Tala mambu mabua mu thangu Isaki kamana sakumuna Yakobi, Inga tala mayiza bua mu thangu Yakobi katumbu totuka va thadisi se diandi Isaki: Esawu, khomba andi yi bakala wuvutuka bu kaba ku veta. 31Niandi phe wulamba supu ki mbote ayi wunata kiawu kudi se diandi, wukamba: «Telama, se diami ayi dia mbizi muingi wutsakumuna.» 32Vayi Isaki, se diandi wunyuvula: «Nge nani?» Yandi wuvutula: «Minu Esawu, muana aku wubakala wuthete.»
33Buna Isaki wutona zakama mu ngolo zizio ayi wunyuvula: «Buna nani niowo vondidi bulu ki nsitu, wundatini kiawu ayi ndidi kiawu tekila ngeyo wiza ayi ndisakumuni ayi sikasakumunu.»
34Esawu bu kaba wa phova zi se diandi, ntima andi wukala kiadi ayi wuyamikina mu ndinga yingolo ayi kingongo. Buna wukamba se diandi: «Tata, wutsakumuna, inga wutsakumuna minu phe, se diami.» 35Vayi se diandi wunkamba: «Khomba aku wizidingi ayi bukhita mu baka lusakumunu lubedi luaku.» 36Wuvutula: «Yisi ko mu bila kiokio bakuntedilanga mu zina di Yakobi, “nio wunyibanga” bila khumbu zole kaphunini! Wuyiba kikulutu#27.36 Yakobi mu ki Ebeleo dibangudulu: mvuni, nzioni, dedikisa Hos 12.4, tala phe 25.29-34. kiami, buabu tala, meyiba diaka lusakumunu luami.» Bosi wubuela: «Wisi lunda ko lusakumunu mu diambu diami.» 37Vayi mu vana Esawu mvutu, Isaki wukamba: « Mbekuntula mfumu aku, ayi mbekumvana zikhomba ziandi zizio zi babakala muingi baba bisadi biandi. Mbesakumuna tsola ziandi muingi ziwala mbongo ayi vinu. Mbi ndilenda buela vanga, muana ami?» 38Buna Esawu wubuela kamba se diandi: «Lolo kuandi lusakumunu lubedi yaku, se diami!» Buna Esawu wudila 39Buna mu kumvutudila, Isaki, se diandi wunkamba:
«Mawuba thama ayi ntoto
Wu mbozi, thama ayi
Dinoko di mba ku zulu.
40Mawuzingila mu sabala
Kiaku ayi mawusadila khomba
Aku yi bakala vayi thangu
Yela kuiza yiwala
Kutumuka mu
Kinanga kiandi
Ayi ngeyo wela
Tolumuna vangu
Kikatula va tsingu aku.»
Yakobi wutini kudi nguandi khazi Labani
41Vayi Esawu wulunda nganzi mu ntima kudi khomba andi yi bakala Yakobi mu diambu di lusakumunu lunsakumuna se diandi ayi niandi wukikamba: «Bilumbu bi matanga bi se diami bifikimini, landila diawu ndiela vonda Yakobi, khomba ami.» 42Bu batudisila Lebeka ziphova zi Esawu, muana andi wubakala wuthete wutedisa mu nsualu Yakobi, muana andi wu lezi ayi wunkamba: «Wa, Esawu, khomba aku yi bakala makabua ntima ti wukuvondidi. 43Buabu, muana ami wubakala, wunguila mbote, telama, tinina kudi khomba ami yi bakala Labani ku Alami 44Kuna fueti kala mu ndambu bilumbu nate nganzi zi khomba aku zikulukidi. 45Nate nganzi yi khomba aku yivongidi ayi zimbakene diambu diwumvangidi ayi mandifidisa mutu mu kuiza kulanda. Mbengi kuluzimbisa beno babole lumbu kimosi.»
46Landila diodio, Lebeka wukamba Isaki: «Ndikadi buela mona khini mu zinga mu diambu di bana bandumba ba Heti, bazitu bami. Ti Yakobi kuedidi phe ndumba yi muisi Heti, buna mfunu mbi mu buela zinga!»
Currently Selected:
1 Mose 27: YOM-CD
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation
1 Mose 27
27
Yakobi wuyiba lusakumunu lu Esawu
1Mu thangu Isaki kamenuna ngolo, meso mandi mayiza ba mbumbuluka ayi makadi buela mona. Wutela muana andi wuthete: «Esawu» Yandi wuvutula: «Minu niandu, ndilembo kuwa.» 2Buna Isaki wunkamba: «Tala buabu ndieka kinunu ayi ndikadi zaba lumbu ki lufua luami. 3Buabu, ndikubombidila, bonga madionga, buta ayi tsaku, yenda ku nsitu wuphondila bulu. 4Wundambila kiawu banga bundizodilanga, wundatina muingi ndidia mbote ayi muela ami wukusakumuna tekila ndifua.»
5Buna Lebeka wuwa mu thangu Isaki kaba mokana ayi Esawu, muana andi. Buna Esawu wuyenda ku nsitu mu veta bulu ayi nata kiawu. 6Lebeka wukamba muana andi Yakobi: «Nguilu se diaku bukalembo kambi khomba aku Esawu buabu: 7“Wundatina bulu ki nsitu ayi wundambila kiawu banga bundizodilanga, muingi ndidia mbote, muingi ndikusakumuna va meso ma Yave, tekila ndifua.” 8Buabu, muana ami, wunguila, ayi vanga mandieka kukamba. 9Ndikubombidila, yenda bongi mu nkangu bibulu bana bole bakhombo bambote, wubatuadi muingi ndilambila se diaku bidia bimbote phila kanzodilanga. 10Mawunata biawu kudi se diaku muingi kadia, ayi kakusakumuna tekila kafua.»
11Yakobi wuvutula kudi ngudi andi Lebeka buabu: «Esawu, khomba ami widi na mika miphuele mu nitu andi, vayi nkanda nitu ami widi nalengo lengo. 12Buabu ti tata wumfifitidi mu nitu, makabakula ti ndidi nkua luvunu, buna mandi baka tsingulu bika lusakumunu.» 13Vayi ngudi andi wumvutudila: «Muana ami, bika tsingulu yibua va minu. Vayi ngeyo, wunguila ayi yenda wumbongila bana ba zikhombo.»
14Yandi wuyenda ku babonga, wubanata kudi ngudi andi ayi ngudi andi wulambila Isaki supu banga bukanzodilanga. 15Buna Lebeka wubonga minlele mi Esawu, muana andi wuthete wu bakala, miluta kitoko miba mu nzo andi, wuvuatisa biawu Yakobi, muana andi wu bakala wu tsuka 16ayi wutula minkanda mi bana ba khombo mu mioko ayi mu dinga. 17Bosi wutula mu koko ku Yakobi supu kimbote ayi mapa makalamba. 18Buna Yakobi wukota mu nzo kudi se diandi, wukamba: «Se diami» Yandi wuvutula: «Ndilembo kuwe, wukhamba nge nani.» 19Yakobi wuvutula kudi se diandi: «Ndidi Esawu, muana aku wuthete. Phengi mamo banga buwukhembi. Ndikubombidila, kala muingi wudia bulu kiami ki nsitu muingi muela aku wutsakumuna.» 20Vayi Isaki wukamba muana andi wubakala: «Muana ami wubakala, bue metumbu bakila kiawu mu nsualu buabu?» Yakobi wuvutula: «Yave, Nzambi aku, tuedi kiawu va ntuala ami.»
21Buna Isaki wukamba Yakobi: «Ndikubombidila, fikama vava muingi ndififita, buna mandivisa ti ngeyo muana ami Esawu voti ve.» 22Yakobi wufikama vakala se diandi Isaki, buna niandi wumfifita ayi wunkamba: «Mbembo aku, mbembo Yakobi vayi mioko mi Esawu.» 23Vayi kasi kumvisa ko bila mioko miandi miba ayi mika banga mi Esawu, khomba andi. Buna wunsakumuna. 24Bosi wunyuvula diaka: «Mu kedika ngeyo widi muana ami Esawu?» Yandi wuvutula: «Ninga, minu kuandi.»
25Isaki wuvutula: «Fikika yawu va ndidi muingi ndidia mbizi yi nsitu yi muana ami muingi muela ami wukusakumuna.» Buna wumfikikila yawu ayi Isaki wudia. Yakobi wunatina phe vinu, niandi wunua. 26Landila diawu, Isaki, se diandi, wunkamba: «Ndikubombidila, fikama vava va ndidi ayi wumbumbi, muana ami.» 27Yakobi wufikama ayi wumbumba. Isaki wuwa tsudi minlele miandi, buna wutona kunsakumuna#27.27 Tala Ebe 11.20. ayi wunkamba: «Tala, tsudi yi muana ami yidi banga tsudi tsola yisakumuna Yave.
28“Bika Yave
Kakunokisina
Dinoko di zulu,
Bika ntoto wukubutila
Bidia biphuele muingi
Mbongo ayi vinu
Biba yaku.
29Bika batu ba
Zitsi zinkaka
Bakusadila ayi
Batu bamakanda
Manzenza bakufukimina.
Ba mfumu zi
Zikhomba ziaku,
Bika bana ba ngudi aku
Bakubuongimina,
Bika kasingu
Mutu wela kusinga,
Kasakumunu mutu
Wela kusakumuna#27.29 Tala 12.3.!”»
30Tala mambu mabua mu thangu Isaki kamana sakumuna Yakobi, Inga tala mayiza bua mu thangu Yakobi katumbu totuka va thadisi se diandi Isaki: Esawu, khomba andi yi bakala wuvutuka bu kaba ku veta. 31Niandi phe wulamba supu ki mbote ayi wunata kiawu kudi se diandi, wukamba: «Telama, se diami ayi dia mbizi muingi wutsakumuna.» 32Vayi Isaki, se diandi wunyuvula: «Nge nani?» Yandi wuvutula: «Minu Esawu, muana aku wubakala wuthete.»
33Buna Isaki wutona zakama mu ngolo zizio ayi wunyuvula: «Buna nani niowo vondidi bulu ki nsitu, wundatini kiawu ayi ndidi kiawu tekila ngeyo wiza ayi ndisakumuni ayi sikasakumunu.»
34Esawu bu kaba wa phova zi se diandi, ntima andi wukala kiadi ayi wuyamikina mu ndinga yingolo ayi kingongo. Buna wukamba se diandi: «Tata, wutsakumuna, inga wutsakumuna minu phe, se diami.» 35Vayi se diandi wunkamba: «Khomba aku wizidingi ayi bukhita mu baka lusakumunu lubedi luaku.» 36Wuvutula: «Yisi ko mu bila kiokio bakuntedilanga mu zina di Yakobi, “nio wunyibanga” bila khumbu zole kaphunini! Wuyiba kikulutu#27.36 Yakobi mu ki Ebeleo dibangudulu: mvuni, nzioni, dedikisa Hos 12.4, tala phe 25.29-34. kiami, buabu tala, meyiba diaka lusakumunu luami.» Bosi wubuela: «Wisi lunda ko lusakumunu mu diambu diami.» 37Vayi mu vana Esawu mvutu, Isaki wukamba: « Mbekuntula mfumu aku, ayi mbekumvana zikhomba ziandi zizio zi babakala muingi baba bisadi biandi. Mbesakumuna tsola ziandi muingi ziwala mbongo ayi vinu. Mbi ndilenda buela vanga, muana ami?» 38Buna Esawu wubuela kamba se diandi: «Lolo kuandi lusakumunu lubedi yaku, se diami!» Buna Esawu wudila 39Buna mu kumvutudila, Isaki, se diandi wunkamba:
«Mawuba thama ayi ntoto
Wu mbozi, thama ayi
Dinoko di mba ku zulu.
40Mawuzingila mu sabala
Kiaku ayi mawusadila khomba
Aku yi bakala vayi thangu
Yela kuiza yiwala
Kutumuka mu
Kinanga kiandi
Ayi ngeyo wela
Tolumuna vangu
Kikatula va tsingu aku.»
Yakobi wutini kudi nguandi khazi Labani
41Vayi Esawu wulunda nganzi mu ntima kudi khomba andi yi bakala Yakobi mu diambu di lusakumunu lunsakumuna se diandi ayi niandi wukikamba: «Bilumbu bi matanga bi se diami bifikimini, landila diawu ndiela vonda Yakobi, khomba ami.» 42Bu batudisila Lebeka ziphova zi Esawu, muana andi wubakala wuthete wutedisa mu nsualu Yakobi, muana andi wu lezi ayi wunkamba: «Wa, Esawu, khomba aku yi bakala makabua ntima ti wukuvondidi. 43Buabu, muana ami wubakala, wunguila mbote, telama, tinina kudi khomba ami yi bakala Labani ku Alami 44Kuna fueti kala mu ndambu bilumbu nate nganzi zi khomba aku zikulukidi. 45Nate nganzi yi khomba aku yivongidi ayi zimbakene diambu diwumvangidi ayi mandifidisa mutu mu kuiza kulanda. Mbengi kuluzimbisa beno babole lumbu kimosi.»
46Landila diodio, Lebeka wukamba Isaki: «Ndikadi buela mona khini mu zinga mu diambu di bana bandumba ba Heti, bazitu bami. Ti Yakobi kuedidi phe ndumba yi muisi Heti, buna mfunu mbi mu buela zinga!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation