1 Mose 4
4
Khayini ayi Abeli
1Adami wuzaba nketo andi Eva. Yandi wubaka buemba, wubuta muana wu bakala, wumvana zina Khayini. Wunkamba: «Mbutidi muana wu bakala mu lusadusu lu Yave#4.1 Mbutidi: voti "mbeki" muana. Mu ki Ebeleo dibanza diadi "mbutidi" didedakene ayi zina di Khayini. Phila kipa kiaki ki mabanza kieti monika beni mu Luwawanu lu Khulu (tala phe 1 Mos 29.32,33,34 ayi bibuku binkaka). .» 2Wubuta diaka khomba Khayini, wukavana zina di Abeli.
Abeli wuba mvungi mameme, Khayini, nkuni wu zitsola. 3Lumbu kimosi, Khayini wunata mim'butu mintoto mi kayonzika mu vana nkayilu kudi Yave. 4Abeli phe wunata nkayilu wu bana ba mameme ba kitoko ayi manzi mawu. Diawu Yave wuyangalala mu Abeli ayi nkayilu#4.4 Tala Ebe 11.4. andi. 5Vayi kasi yangalala ko mu Khayini ayi nkayilu andi. Diawu dimfuemisa ngolo ayi zizi kiandi kiba na yindindi. 6Yave wukamba Khayini: «Bila mbi wididi nganzi ayi bila mbi zizi kiaku kidi nayindindi? 7Ti wulenda diaka vanga dimbote, buna mawununga, disumu didi banga simbi kikedi va muelo aku. Tidi kuyala, vayi ngeyo ba mfumu mu diawu.»
8Vayi Kayini wukamba khomba andi Abeli: «Bika tutotuka#4.8 Tutotuka: Diambu diadi disi ko mu tsonokono yithama yi Ebeleo, vayi minkanda miphuele minkaka milembo sadila dio. kueto ayi tueyendingi malembe malembe.» Bu batula ku nsitu, Khayini wubuila Abeli, khomba andi ayi wumvonda#4.8 Wumvonda: Tala Mat 23.35, Luk 11.51, 1 Yoa 3.12..
9Yave wuyuvula Khayini: «Kue kuidi Abeli, khomba aku?» Khayini wuvutula : «Nzebiami ko. Minu ndidi nkebi khomba ami?» 10Yave wuvutula: «Diambu mbi vengi? Menga#4.10 Menga: Tala Ebe 12.24. ma khomba aku malembo kumbi, malembo yamikini tona va ntoto nate kuaku ku ndidi. 11Tona buabu singulu kuaku ayi kukulu mu ntoto wuzibudi munu mu yakula mu koko kuaku menga ma khomba aku wuwuvondidi. 12Thangu zizio wela kuna mu ntoto, wulendi ko buela kuvana bimvuama biandi. Mawuba ndiengidi ayi nzungani va ntoto.»
13Khayini wukamba Yave : «Zitu ki disumu diami kilutidi munene mu nata kiawu. 14Tala, wukhukidi buabu thama va ntuala bizizi bi batu ayi va ntuala zizi kiaku. Mandiba ndiengidi ayi nzungani va ntoto. Woso mutu wukumbona makaphonda.» 15Yave wunkamba: «Woso wumvonda Khayini, kafueti vutudulu nlandu nkumbu tsambudi.»
Yave wutula dimbu kudi Khayini muingi woso mutu wukumona kabika kumvonda. 16Buna Khayini wubotuka va zizi ki Yave, wuyenda kadi mu tsi Nodi#4.16 Nodi: Tsi yikambu zabakana. Dizina beni difuanakene ayi diambu tsi yi nzungani., yidi ku ntotukilanga thangu ku Edeni.
Nkuna Khayini
17Khayini wuzaba nketo andi, niandi wubaka buemba ayi wubuta Enoki. Khayini wutunga mbanza yikavana zina di muana andi Enoki. 18Enoki wubuta Iladi, Iladi wubuta Mehuyaeli, Mehuyaeli wubuta Metusaeli, Metusaeli wubuta Lemeki.
19Lemeki wukuela baketo bole, zina di wuthete Ada, wunzole Tsila. 20Ada wubuta Yabali, niandi disa di batu bankalanga mu nzo zingoto ayi bantuilanga bibulu. 21Zina di khomba andi, Yubali, khaya yi babo bansikanga tsambi yi nsinga ayi phitula. 22Tsila phe wubuta Tubali-Khayini#4.22 Tubali-Khayini: nkulu wu bamfulanga bisengo bidi meno., mfudi bisadulu biphila mu phila bitsongo ayi bisengo. Busi ki Tubali-Khayini wuba Naama.
23Lumbu kimosi, Lemeki wukamba kudi baketo bandi:
«Ada ayi Tsila, weno
Mbote ndinga ami,
Lubaketo ba Lemeki, lutoma
Libula matu meno mu
Wa phova ami:
Ndivondidi mutu
Wunduekidi, inga ditoko
Diadi kaphondidi.
24Ti Khayini lenda vutudulu
Nlandu khumbu tsambudi,
Buna Lemeki lenda
Vutudulu Lusambudi ayi
Khumbu tsambudi.»
25Adami wuzaba diaka nketo andi. Eva wubuta muana bakala, wumvana zina di Seti#4.25 Seti: Mu ki Ebeleo, dinzola dedakana mu mbangudulu yayi: "Nzambi wupheni"., bila wukamba: «Yave wupheni muana wunkaka va fulu ki Abeli wubavonda kudi Khayini.»
26Seti phe wubuta muana wu bakala. Wumvana zina Enosi. Mu thangu yoyo batu batona sambila Nzambi mu zina di Yave.
Currently Selected:
1 Mose 4: YOM-CD
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation
