Maajɨ Bɛtɔ Twamagɨɨ 14
14
Bulus Jǝbɔ Barnaba A Ikoniya
1Bulus jǝbɔ Barnaba ja dɔ kan mɛlalɨ Yahudawa nɨ a Ikoniyaɨ kanga jǝ maam lɛɨ. Ja kiyo kɛl Kwaamaɨ. Nǝbɔ a lada a nǝ bɨlǝngkɛl, Yahudawagɔ jǝbɔ Bʌtʌbɔ. 2A Yahudawa nɨ ja kɔ bwangtǝm kɛl Kwaamaɨ, ja yǝla dul Bʌtʌbi, ja kal kʊm jinɔ jǝbɔ nǝb bwangtǝmɔ.
3A dul kɛl nɨ Bulus jǝbɔ Barnaba ja yɨ wo a kʊta dangǝn. Jǝ kiyo kɛl Tɛlalɔɨ lɛ nǝn kwaan. Kwaama a nʊng gɔ kɛl nɨ ja sʊwa a kɛl dul lǝma gǝnɨ n bɨlǝngkɛl a gola nǝtǝm ji kwaan nʊngtǝm kanjǝl jǝbɔ maatǝm kanjǝl laatǝm kang.
4Nǝb tuulɔ gɔ a bel lɔngɔ yo. Kaamɨ gǝ na a gul Yahudawagɨɨ, kaamɨ a gul bɛtɔ twamagɨɨ. 5Nǝngɔ Bʌtʌbɔ, jǝbɔ Yahudawagɔ, jǝbɔ nǝb dʊʊm nɨ dakini jǝbɔ jii, ja fɛka ja gun tʌgo a bɛtɔ twama nɨ gǝmɨ, ja nǝ ji gaalan, ja mala ji nǝn tɛl, sǝ ja bʊla.
6Kanga bɛtɔ twamagɔ a nyʊwa fuloni, nǝngɔ ja mwala ja shu a tuulɔtɨn Listira jǝbɔ Darba a tǝm Likoniyaɨ, jǝbɔ tangǝn tǝmtɨn nɨ a kang jii. 7A daatɨn gɔ, nǝngɔ ja ja kǝga nǝn kiyotǝm fulon kɛl lǝmɨ nɨ.
Bulus A Kiyo Kɛl Kwaamaɨ A Listira
8Kaa nǝl wo a Listira, wʊnɨ naa gǝnɔ a swam swamɨ. Mɨ gǝ yɔ yɔm lɛ. Jʊ a ta nǝn kwama bʌtʌm gǝnɨ. 9Nyʊwa kiyotǝm kɛl Bulusi lɛ. Nǝngɔ Bulus a ya gǝm nui. Bulus a kuwo nǝtǝm bɨlǝngkɛl gǝnɔ, wʊnɨ dǝg lɛ ja gung gǝnɨ. 10Nǝngɔ a gung diil gǝnɔ nǝn kwaan gɔ, “Gun tɨ tɨɨ nǝn naatɨn mʊnɔ.” Nǝngɔ a gun a mɔ, a tǝl yɔmɨ.
11Mʊrkalɨ nǝbɔ a kuwo jʊ nɨ Bulus a maaɨ, nǝngɔ ja gung diil jinɔ nǝn nyiyo Ikoniyaɨ gɔ, “Kwaamatɨnɔ a gǝla bǝm nǝn bʊtɔ nǝfitʌmi!” 12Nǝngɔ ja ja Barnaba gǝm dunɔ gɔ Zafsaɨ. Ja jo Bulus gɔ Hamisa, jʊ a bwɨɨ nǝn gɔ nǝ dʊʊ kiyotǝm kɛlɨ. 13Nǝngɔ nǝkǝla Zafsaɨ, wʊnɨ kan wabɨ gǝnɔ a yooli tuulɔ gɨɨ, a bɛ nǝn nɛɛtɨnɔ jǝbɔ fɨlǝn langǝn tɨyagɔ a nyanga tuulɔ gɨɨ, swɨ lɛ sǝ jǝ twɨ bɛtɔ twamagɔ gǝm yulʌn.
14Bɛtɔ twama nɨ, Barnaba jǝbɔ Bulus, ja nyʊwa nyɨɨ, ja wʊlala dwangtɨn jinɔ. Ja mwal ja dɔ kʊm nǝbɨɨ, jǝ sʊwa lɛ gɔ, 15“N wɛ a bwɨ jǝ́ maa lɛ nyɨɨ? Nǝn nǝfitʌm na jen. Nǝn bɛ jem nǝn fulon kɛl lǝmɨ, sǝ jǝ́ yǝla jǝ́ bǝla kanjǝl nɨ a bʊm bɨɨ gǝm gul. Jǝ́ yǝla a daa Kwaama kʊlɨ woi, wʊnɨ a fɛ dʌbʌlɔ jǝbɔ tǝmɨ, jǝbɔ wɨmagɔ jǝbɔ kanjǝl nɨ a mʊgɔ jin gwamɨ. 16Nǝn galɨgǝn, a bǝla nǝfitʌmɔ gwam ja maa jʊ a bʊm jimi. 17A gǝnɔ a ja kǝga nǝn maatǝm kanjǝlɔ, sǝ a nʊng gɔ gǝ wo. A maa jǝ nyan a gola nǝtǝm jen mwɛ kwama jǝbɔ shena nɨ dǝg bwili kʌsotǝmɔ lɛɨ. Nǝn gɔ nǝ jen jǝjalǝn nɛɨ. Nǝn gɔ dǝg jen fulotǝm nǝl lɛɨ.” 18Kɛltɨn nɨ pʌd ja bʊʊ twɨtǝm yulʌn nɨ nǝn dǝm nyɔ.
19Kaam Yahudawagɔ a bɛ a Antakiya jǝbɔ Ikoniyaɨ, nǝngɔ ja swag nǝbɔ ja mala Bulus nǝn tɛlɨ, ja gʊ gǝn a gul tuulɔ jǝ dʌng lɛ gɔ a bʊla. 20Nǝn kwama nǝb bwangtǝmɔ a kang gǝnɨ, nǝngɔ a gun a dɔ mʊgɔ tuulɔngɨ. Nǝn tǝmsɛlɨ nǝngɔ a shu a Darba dakini jǝbɔ Barnabaɨ.
Yǝlatǝm A Antakiya Nɨ A Suriyaɨ
21Nǝn kwama Bulus jǝbɔ Barnaba a kiyo fulon kɛl lǝmɨgɔ a Darbaɨ, ja nya nǝb bwangtǝm Kwaamaɨ a lada. Nǝngɔ ja yǝla a Listira jǝbɔ Ikoniya jǝbɔ Antakiyaɨ. 22Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.” 23Kwama ja jǝg nǝb dʊʊmɔ a daatɨn mʊrkalɨ nǝb bwangtǝm Kwaamaɨ gwamɨ, nǝngɔ ja dɔ maatǝm keli jǝbɔ dotǝm diil mwɛɨ, ja dǝg ji a kang Tɛlalɔɨ, wʊnɨ ja nǝ bɨlǝngkɛl nǝn gɨɨ.
24Ja do a golagɔ a yɔ a tǝm Bisidiyaɨ, nǝngɔ ja shu a tǝm Bamfiliyaɨ. 25Nǝn kwama ja kiyo kɛl Kwaamaɨ a Pagaɨ, nǝngɔ ja shu a Ataliyaɨ. 26A daa gɔ, nǝngɔ ja dɔ tɨyamwɛngɔ ja yǝla a Antakiyaɨ, a daa nɨ galɨgǝn ja maa jim keli sǝ Kwaama a kɨla ji a maajɨ nɨ ja maaɨ.
27Ja bɛ woi, ja mʊr mʊrkalɨ nǝb bwangtǝm Kwaamaɨ, ja nǝ ji fulon jʊ Kwaama a maa a daa ji woi. Ja sʊwa nǝb bwangtǝmɔ tag kanga Kwaama a wum Bʌtʌbɔ gǝm nyanga kan nǝtǝm bɨlǝngkɛlɨ. 28Ja yɨ wo kumtɨnɔ a gǝlala jǝbɔ nǝb bwangtǝmɔ.
Currently Selected:
Maajɨ Bɛtɔ Twamagɨɨ 14: DBD
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation
