Maajɨ Bɛtɔ Twamagɨɨ 6
6
Ja Jǝgam Nǝb Maajɨgɔ Nʌbʌl
1A kumtɨn gɨɨ, nǝb mɛlalɨgɔ lada lɛ. Nǝngɔ Yahudawa nɨ nyʊwa nyiyo Girikagɔ lɛɨ, a tǝl loratǝmɔ a dul Yahudawa nɨ nyʊwa nyiyo Ibrane lɛɨ. Jʊ a bwɨɨ, mɨ jǝ nǝ nɔɔtǝmkʊlab jinɔ jǝjalǝn nɛ kum jǝbɔ kum. 2Nǝngɔ bɛtɔ mɛlalɨ nɨ kʊb jeli yoi a jo nǝb bwangtǝmɔ gwam ja sʊwa ji gɔ, “A bʊm bɔ nyɔ, nǝn bǝla kiyotǝm kɛl Kwaamaɨ, nǝn dɔ tǝgatǝm jǝjalǝn. 3Kambɔ, jǝ́ jǝg nǝbɔ nʌbʌl a kʊm jen, nǝb nɨ n nǝb nyanɨ, nǝb nɨ a yii nǝn Yʊwa Kwaamaɨ jǝbɔ nyǝmtǝmɨ, wʊnɨ nǝn nǝ ji maajɨ nɨ lɛɨ, 4sǝ nǝn tǝnǝn nǝn dɔ maatǝm keli, jǝbɔ mɛlatǝm kɛl Kwaamaɨ.”
5Nǝbɔ gwam a nyʊwa lǝma kɛl nɨ ja sʊwaɨ. Nǝngɔ ja jǝg Istifanusi, nʊ nɨ a yii nǝn nǝtǝm bɨlǝngkɛl jǝbɔ Yʊwa Kwaamaɨ, jǝbɔ Filibus, jǝbɔ Burokoras, jǝbɔ Nikanar, jǝbɔ Timan, jǝbɔ Barminas, jǝbɔ Nikolas, wʊnɨ a bɛ a Antakiyaɨ, n ke bɔ bwɛ Yahuda, a dɔ bwangtǝm jǝfʊlǝn. 6Nǝb nɨ n nǝbɔ ja nʊng ji a kǝga bɛtɔ twamagɨɨ. Nǝngɔ ja maa keligɨɨ, ja ya jim kang bwiligɨɨ.
7Kɛl Kwaamaɨ ja kǝga lɛ. Nǝb bwangtǝmɔ a mʊgɔ Urushalimaɨ jǝ sʊ lɛ nǝn bɨlǝngǝn. Nǝbkǝlam Yahudawagɨɨ a lada a yǝlam nǝb nǝtǝm bɨlǝngkɛl.
Ja Ta Istifanus
8Istifanus a nya yiitǝm nǝn lǝma Kwaamaɨ jǝbɔ kwaan. Maa daltɔ jǝ laatǝm kang lɛ jǝbɔ kanjǝl nɨ nʊng lɛ gɔ Kwaama dakini jǝbɔ gɔ a kʊm nǝbɨɨ. 9Nǝngɔ kaam nǝbɔ a kan mɛlalɨ nɨ jǝ jo lɛ gɔ “Nǝb jǝgtǝm duli” wʊnɨ ja bɛ a Kuranei, jǝbɔ Iskandariyaɨ, jǝbɔ kaamɨ a tǝm Kilikiyaɨ, jǝbɔ Asiyaɨ, ja gun tʌgo a Istifanus gǝm nǝn gʊbkatǝmɨ. 10Ja la bɔ dul nǝn gɔ, jʊ a bwɨɨ, gǝ sʊwa kɛlɔ nǝn nyǝmtǝm nɨ Yʊwa Kwaamaɨ a nǝ gǝnɨ.
11Nǝngɔ ja fǝ dul kaam nǝbɔ shig shigi gɔ ja sʊwa gɔ, “Bǝ nyʊwa gǝn kal dun Musaɨ lɛ jǝbɔ a Kwaamaɨ.”
12A na nyɔ ja gung nǝl nǝbɨɨ, jǝbɔ dʊʊm nǝbɨɨ, jǝbɔ nǝb mɛlatǝm diilɔ. Nǝngɔ ja gun tʌgo a Istifanus gǝmɨ, ja ta gǝnɨ, ja yɔ nǝn gɔ a kǝga nǝb dʊʊm koteregɨɨ. 13Nǝngɔ ja bɛ nǝn nǝb gabakɛlɨɨ, jǝ sʊwa lɛ gɔ, “Bwɛ nɨ kwangkwang sʊwa kɛl bwɨlan nɛ a a dul daa sagsag nɨ jǝbɔ diil Musaɨ. 14Nǝn nyʊwa gǝn sʊwa lɛ gɔ Yesu Bwɛ Nazarat nɨ kʌb kʌb daa nɨ, fʌto fʌto jǝfʊlǝntɨn nɨ Musa a bǝla bǝmɨ.”
15Nǝb nɨ gwam yǝm a daa nǝb dʊʊm koteregɨɨ ja tal gǝm nu. Ja kuwo kǝga gǝnɔ a yǝlam na kǝga bwɛ twama Kwaamaɨ.
Currently Selected:
Maajɨ Bɛtɔ Twamagɨɨ 6: DBD
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation
Maajɨ Bɛtɔ Twamagɨɨ 6
6
Ja Jǝgam Nǝb Maajɨgɔ Nʌbʌl
1A kumtɨn gɨɨ, nǝb mɛlalɨgɔ lada lɛ. Nǝngɔ Yahudawa nɨ nyʊwa nyiyo Girikagɔ lɛɨ, a tǝl loratǝmɔ a dul Yahudawa nɨ nyʊwa nyiyo Ibrane lɛɨ. Jʊ a bwɨɨ, mɨ jǝ nǝ nɔɔtǝmkʊlab jinɔ jǝjalǝn nɛ kum jǝbɔ kum. 2Nǝngɔ bɛtɔ mɛlalɨ nɨ kʊb jeli yoi a jo nǝb bwangtǝmɔ gwam ja sʊwa ji gɔ, “A bʊm bɔ nyɔ, nǝn bǝla kiyotǝm kɛl Kwaamaɨ, nǝn dɔ tǝgatǝm jǝjalǝn. 3Kambɔ, jǝ́ jǝg nǝbɔ nʌbʌl a kʊm jen, nǝb nɨ n nǝb nyanɨ, nǝb nɨ a yii nǝn Yʊwa Kwaamaɨ jǝbɔ nyǝmtǝmɨ, wʊnɨ nǝn nǝ ji maajɨ nɨ lɛɨ, 4sǝ nǝn tǝnǝn nǝn dɔ maatǝm keli, jǝbɔ mɛlatǝm kɛl Kwaamaɨ.”
5Nǝbɔ gwam a nyʊwa lǝma kɛl nɨ ja sʊwaɨ. Nǝngɔ ja jǝg Istifanusi, nʊ nɨ a yii nǝn nǝtǝm bɨlǝngkɛl jǝbɔ Yʊwa Kwaamaɨ, jǝbɔ Filibus, jǝbɔ Burokoras, jǝbɔ Nikanar, jǝbɔ Timan, jǝbɔ Barminas, jǝbɔ Nikolas, wʊnɨ a bɛ a Antakiyaɨ, n ke bɔ bwɛ Yahuda, a dɔ bwangtǝm jǝfʊlǝn. 6Nǝb nɨ n nǝbɔ ja nʊng ji a kǝga bɛtɔ twamagɨɨ. Nǝngɔ ja maa keligɨɨ, ja ya jim kang bwiligɨɨ.
7Kɛl Kwaamaɨ ja kǝga lɛ. Nǝb bwangtǝmɔ a mʊgɔ Urushalimaɨ jǝ sʊ lɛ nǝn bɨlǝngǝn. Nǝbkǝlam Yahudawagɨɨ a lada a yǝlam nǝb nǝtǝm bɨlǝngkɛl.
Ja Ta Istifanus
8Istifanus a nya yiitǝm nǝn lǝma Kwaamaɨ jǝbɔ kwaan. Maa daltɔ jǝ laatǝm kang lɛ jǝbɔ kanjǝl nɨ nʊng lɛ gɔ Kwaama dakini jǝbɔ gɔ a kʊm nǝbɨɨ. 9Nǝngɔ kaam nǝbɔ a kan mɛlalɨ nɨ jǝ jo lɛ gɔ “Nǝb jǝgtǝm duli” wʊnɨ ja bɛ a Kuranei, jǝbɔ Iskandariyaɨ, jǝbɔ kaamɨ a tǝm Kilikiyaɨ, jǝbɔ Asiyaɨ, ja gun tʌgo a Istifanus gǝm nǝn gʊbkatǝmɨ. 10Ja la bɔ dul nǝn gɔ, jʊ a bwɨɨ, gǝ sʊwa kɛlɔ nǝn nyǝmtǝm nɨ Yʊwa Kwaamaɨ a nǝ gǝnɨ.
11Nǝngɔ ja fǝ dul kaam nǝbɔ shig shigi gɔ ja sʊwa gɔ, “Bǝ nyʊwa gǝn kal dun Musaɨ lɛ jǝbɔ a Kwaamaɨ.”
12A na nyɔ ja gung nǝl nǝbɨɨ, jǝbɔ dʊʊm nǝbɨɨ, jǝbɔ nǝb mɛlatǝm diilɔ. Nǝngɔ ja gun tʌgo a Istifanus gǝmɨ, ja ta gǝnɨ, ja yɔ nǝn gɔ a kǝga nǝb dʊʊm koteregɨɨ. 13Nǝngɔ ja bɛ nǝn nǝb gabakɛlɨɨ, jǝ sʊwa lɛ gɔ, “Bwɛ nɨ kwangkwang sʊwa kɛl bwɨlan nɛ a a dul daa sagsag nɨ jǝbɔ diil Musaɨ. 14Nǝn nyʊwa gǝn sʊwa lɛ gɔ Yesu Bwɛ Nazarat nɨ kʌb kʌb daa nɨ, fʌto fʌto jǝfʊlǝntɨn nɨ Musa a bǝla bǝmɨ.”
15Nǝb nɨ gwam yǝm a daa nǝb dʊʊm koteregɨɨ ja tal gǝm nu. Ja kuwo kǝga gǝnɔ a yǝlam na kǝga bwɛ twama Kwaamaɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation