Maajɨ Bɛtɔ Twamagɨɨ 7
7
Kɛl Istifanusi
1Nǝngɔ dalɨ nǝkǝlagɔ a bʌ Istifanus gɔ, “Kanjǝl nɨ n bɨlǝngkɛl ka?”
2Nǝngɔ Istifanus a sʊwa ji gɔ, “Jǝ́ kɛtǝlam mǝndɨ jǝbɔ tɛtǝlam mɨɨ, jǝ́ nyʊwa ɨ. Kwaama nǝ dʊʊlǝnɔ a nʊng dul gǝnɔ a daa tʊga bǝn Ibrahim woi, nǝn kwama nɨ gɔ a tǝm Bagadazaɨ, nǝn kwama gɔ lǝga bɔ ga yɨ a Haranɨ. 3Kwaama a sʊwa gǝn gɔ, ‘Gun a tǝm jen, ń bǝla nanǝgam mʊnɔ, sǝ ń yɔ a tǝm nɨ mǝ nʊng ń nɛɨ.’
4“Nǝngɔ tʊga bǝn a gun a tǝm nǝbɔ Kaldiyaɨ ba yɨ a Haranɨ. Nǝn kwama tɛtɛ gɔ a bʊlamɨ, nǝngɔ Kwaama a bɛ nǝn gɔ a tǝm nɨ jǝ́ yǝm wo kǝngkɨɨ. 5Kwaama a nǝ bɔ Ibrahim kʊla a tǝm gɔ. A nǝ gǝn bɔ fatǝm naagɔ win. Kwaama a maa gǝm swatǝm yaa gɔ, tǝm nɨ yǝlam a gɔ jǝbɔ guu nǝb nɨ bwang gǝm lɛɨ. Nǝn kwama gɔ, mɨ nǝn bwɛ. 6Nǝngɔ Kwaama a sʊwa gɔ dʊʊm Ibrahimi yǝlam yǝlam faabǝm a kaa tǝm. Nǝbɔ dǝg ji dǝg ja yǝlam jwaalɛb. Ja nǝ ji gaalan nɨ la lɛ jolɔ fʊlkʊb naalɨ. 7Kwaama a sʊwa gɔ, ‘Mǝ mwɛ mwɛ tǝm nɨ jǝ yǝlam jwaalɛb jin nɛɨ. A gulɔ gǝm jǝ jel jel ja maa mɨ bǝlátǝm a daa nɨ.’ 8Nǝngɔ Kwaama a maa Ibrahim gǝm swatǝm yaa a dul biyotǝm mwɛnɨ. N dul kɛl nɨ nǝn kwama Ibrahim a bʌm Ishakui, nǝngɔ a biyo gǝm mwɛnɔ a kumɔ a yiim naalǝbɨ. Ishaku nǝn gɔ a bʌ Yakubui. Yakubu nǝn gɔ tag a bʌ tʊgalam bǝnɔ nɨ kʊb jeli yoi.
9“Tʊgalam nɨ maa nungon nɛ jǝbɔ kɨla ji Yusufu. Nǝngɔ ja miyo gǝnɨ, nǝngɔ nǝb nɨ a ten gǝnɨ, a shu nǝn gɔ a Masarɨ. Kanjǝl nɨ a bwɨ nyɔ sul, Kwaama dakini jǝbɔ gɔ. 10Nǝngɔ a jǝg gǝn a mʊgɔ gaalan gǝnɔ gǝm pʌdi. A nǝ gǝn lǝma nǝl jǝbɔ nyǝmtǝm a kǝga Firaunaɨ, Fɔlɔ Masarɨ. Nǝngɔ Firauna a dǝg gǝn a yǝlam gwamna nǝb tǝmgɨɨ gwamɨ. Nǝngɔ a dǝg nǝb lɔ gǝnɔ a kang gǝn pʌdi.
11“Nǝngɔ kaa jʊwan bwɨla a shig a tǝm Masar jǝbɔ Kananaɨ, jǝbɔ gʌleng gaalan bwɨla. Tʊgalam bǝnɔ mɨ nǝn jǝjalǝn. 12Nǝn kwama Yakubu a nyʊwa gɔ jaamɔ wo a tǝm Masarɨ, nǝngɔ a twam tʊgalam bǝnɔ a yɔm tɨkǝgagɨɨ. 13A yɔm jinɔ na yogɔ, Yusufu a nʊng dul gǝnɔ a daa kɛtǝlam gǝnɔ woi. Firauna ba nyǝm gɔ nǝb nɨ n kɛtǝlam Yusufui. 14Nǝngɔ Yusufu a twam tɨya gɔ Yakubu gǝm gɔ a bɛ jǝbɔ nǝbam gǝnɔ pʌdi. Gwam jinɔ ja la nǝbɔ fʊltǝnʌbʌl jeli nʊ. 15Nǝngɔ Yakubu a shu a Masarɨ. A bʊla wo jǝbɔ tʊgalam bǝnɔ. 16Nǝngɔ ja wɔɔ bʌlʌn jinɔ ja shu nǝn a tuulɔ Shekemi, ya ja fʌl ji a tuu Ibrahimi wʊnɨ a ten nǝn kemʌni a daagɔ bɛtɔ lɔ Hamori a Shekemi.
17“Nǝn kwama swatǝm yaa nɨ Kwaama a maa Ibrahim gǝm a dwamaɨ, nǝbɔ a sɔ a lada a tǝm Masar. 18Nǝngɔ kaa fɔlɔ a tǝm Masar wʊnɨ a nyǝm bɔ gɔ nuwo nyɨ nǝn Yusufui, maa fɔlɔn nɛɨ. 19Fɔlɔ nɨ a wul nǝbam bǝnɔ. A nǝ tʊgalam bǝnɔ gaalan. A dǝg gɔ ja tǝlam bɛtɔ fetʌn jinɔ, kage ja bʊʊ.
20“Nǝngɔ kwama gɔ ja bʌm Musaɨ, bwɛ nɨ a bʊm dangǝn a kǝga Kwaamaɨ. Ja bwa gǝn bwaala taal a lɔ tɛtɛ gɨɨ. 21Nǝn kwama ja yam gǝn a tiyoi, nǝngɔ bwɛnɔɔlɨ Firaunaɨ a do gǝn, a bwa gǝn na bʊla gɨɨ. 22Nǝngɔ ja mɛla Musa gǝm nyǝmtǝm nǝbɔ Masarɨ. A yǝlam nǝ sʊwatǝm kɛl jǝbɔ maajɨ nǝn fɔlɔn.
23“Nǝn kwama a lam jolɔ fʊltǝnaalɨ, nǝngɔ a maa bʊʊlalɨ gɔ gǝ yɔ yɔ yɔm fɔla a daa kɛtǝlam gǝnɔ nǝbɔ Israilaɨ woi. 24Nǝn kwama a kuwo kaa bwɛ Masarɨ nyʊwa kaa bwɛ Israila gǝm lɛɨ, nǝngɔ a tɨka gǝnɨ. A bʊg bwɛ Masar nɨ, a jʌ. 25A bʊʊla gɔ kɛna nǝbam gǝnɔ nyǝm nyǝm gɔ Kwaama dǝg gǝn dǝg gǝ jǝg ji sul, ja nyǝm bɔ. 26Nǝn tǝmsɛlɨɨ, kaamɨ tag maa kɨlan nɛ. Nǝngɔ a saa sǝ gǝ dɔ kʊm jini. A sʊwa ji gɔ, ‘Jǝ́ lɔ kɛ. N wɛ a bwɨ jǝ́ nǝbka gaalan nɛɨ?’
27“Nǝngɔ nʊ nɨ nyʊwa kɨla gɔ gǝm lɛɨ, a tʊng Musa a kelii. A sʊwa gɔ, ‘Nuwo a dǝg ń gɔ ń yǝlam nǝ dʊʊ jǝbɔ nǝ mwatɨtǝm borang a kʊm nǝnɨ? 28Mʊ swɨ lɛ ń jʌ i kanga mʊn jʌm bwɛ Masar nɨ dʊgalǝnɨ ka?’#7:28 Dʌng: Jeltǝmɔ 2:14. 29Nǝn kwama Musa a nyʊwam kɛl nɨɨ, nǝngɔ a mwal a shu ya yɨ yɨm faabǝn a tǝm Madayanaɨ. N daagɔ a bʌm bɛtɔ batǝnɔ wo yoi.
30“Nǝn kwama jolɔ fʊltǝnaal a shui, kaa bwɛ twama Kwaamaɨ a nʊng dul gǝnɔ a daa Musa woi a ben kǝla wʊnɨ twɨ lɛ a kaa kʊm tɨyaɨ, a kuul Yem Sinaii. 31Musa a kuwo nyɨɨ, a ta kang a nyiyo nǝn jʊ nɨ gǝ kuwoi. A bɛ nǝn dɔɔm gɔ sǝ ba gǝ dʌngi, nǝngɔ a nyʊwa diil Tɛlalɔɨ a sʊwa gɔ, 32‘Nǝmǝ mǝ Kwaama tʊgalam mʊnɨ, jǝbɔ Kwaama Ibrahimi, jǝbɔ a Ishakui, jǝbɔ a Yakubui.’#7:32 Dʌng: Jeltǝmɔ 3:6. Nǝngɔ bʊtɔ Musaɨ sʊwa mam lɛɨ, a mwɨ bɔ a dʌng.
33“Nǝngɔ Tɛlalɔ a sʊwa gǝn gɔ, ‘Jǝgǝm twam mʊnɔ, daa nɨ mʊ tɨm woi, n daa sagsag. 34Bɨlǝngǝn, n kuwo gaalanɔ jǝ nǝ nǝbam mǝndɨ lɛ a tǝm Masarɨ. N nyʊwa wi jinɔ. Mǝ gǝla sǝ ba n bʊʊ nǝn ji. Kǝngkǝnɨ bɛ sǝ ba n twam ń a tǝm Masar.’#7:34 Dʌng: Jeltǝmɔ 3:5,7,8,10.
35“Musa nɨ ja kɔɨ, ja sʊwa gɔ, ‘Nuwo a dǝg ń gɔ ń yǝlam nǝ dʊʊ jǝbɔ nǝ mwatɨtǝm borangɨ?’ N nʊ Kwaama a twam sǝ a yǝlam nǝ dʊʊ jǝbɔ nǝ jǝgtǝm a gola tɨkalɨ bwɛ twama Kwaamaɨ nɨ a nʊng dul gǝnɔ a daa gǝ woi a kʊm bɛ tɨya nɨɨ. 36Nǝngɔ a jǝg ji a tǝm Masarɨ. A maa maajɨ kanjǝl tatǝm kang a nyiyo jǝbɔ kanjǝl laatǝm kang a tǝm Masar, jǝbɔ Wɨma Feli jǝbɔ kwaran, a yɔ nǝn a jolɔ fʊltǝnaalɨ.
37“N Musa nɨ a sʊwa nǝbɔ Israilaɨ gɔ, ‘Kwaama tʊng jem tʊng kaa nǝkuwotǝmkǝga na mǝ a kʊm kɛtǝlam jeni.’#7:37 Dʌng: Dʌngtǝm Borangɔ 18:15. 38Nǝn gɔ a mʊgɔ nǝb nɨ a mʊrka a kuuli. Nǝn gɔ dakini jǝbɔ bwɛ twama Kwaamaɨ nɨ a sʊwa gǝn kɛl a dʌbʌl Yem Sinaii. Nǝn gɔ dakini jǝbɔ tʊgalam bǝnɨ. Nǝn gɔ a yo kɛl kʊlɨ nɨ a bɛ bǝm nǝnɨ.
39“Tʊgalam bǝnɔ ja kɔ bwangtǝm diil gǝnɔ. Ja yǝla gǝm gul. Jǝ swɨ lɛ ja yǝla a tǝm Masar. 40Nǝngɔ ja sʊwa Haruna gɔ, ‘Fɛ bǝm kwaamatɨn nɨ ja bǝm kǝga lɛɨ, jʊ a bwɨɨ Musa nɨ a jǝg bǝn a tǝm Masarɨ, bǝ nyǝm bɔ jʊ a bwɨ nǝn gɨɨ.’#7:40 Dʌng: Jeltǝmɔ 32:1. 41Nǝn kwama gɔ ja fɛ shomɔ nǝn mʊn, wʊnɨ a jelka bɛ nɛɛgɔ nyɨɨ, ja twɨ gǝm yulʌn, jǝ maa bǝlátǝm lɛ nǝn maajɨ nɨ ja maa nǝn kang jini. 42N kɛl dul jʊ nɨ Kwaama a yǝla jim guli, a yǝla nǝn ji a gola bwangtǝm nyanyamɨtɨnɨ. Kanga ja mʊla a mʊgɔ langǝn bwangǝn nǝbkuwotǝmkǝgagɨɨ gɔ,
“ ‘Jǝ́ nǝbɔ Israilaɨ,
jǝ́ biyo mɨ yʊwaltɨn,
jǝ́ twɨ mɨ yulʌn,
a yɔ nǝn a joltɨnɔ fʊltǝnaal
a mʊgɔ kuuli ka?
43N bolatǝm jǝ́ maa jǝbɔ gushi Mɔlɛkɨ,
jǝbɔ jelkatǝm nyanyamɨ shom Ramfanɨ,
shomtɨn nɨ jǝ́ kʊʊ sǝ jǝ́ maa jim bǝlátǝmɨ.
Mǝ tʊng jen tʊng#7:43 Dʌng: Amos 5:25. fʌlen a gul Babila.’
44“Nǝn galɨgǝn tʊgalam bǝnɔ nǝn gushi wʊnɨ nʊng daa yɨm Kwaamaɨ lɛ a kuul jǝbɔ jii. N gushi wʊnɨ Kwaama a dǝg Musa gɔ a mɔɨ. A maa dǝngdǝng kanga Kwaama a sʊwa gǝn gɔ a mɔɨ. 45Gushi nɨ nǝn gɔ tʊgalam bǝnɔ a yo kʊla gǝnɨ, ja bɛ nǝn a tǝm nɨ nǝn kwama Joshuwa a yem dʊʊnɨ, nǝn kwama nɨ Kwaama a nǝm ji tǝm Bʌtʌbi, wʊnɨ a kaa ji a nu jini. Gushigɔ wo a ba la nǝn kwama Daudaɨ. 46Dauda a nya lǝma a daa Kwaama woi, a maa keli gɔ, gǝ mɔ mɔ Kwaama tʊga bǝn Yakubui gǝm kan bǝlátǝm. 47Nǝn Sulemanu a mɔ Kwaama gǝm lɔɨ.
48“Dalɨ nǝ Dʊʊ mɨ yɨ lɛ a lɔtɨn nɨ nǝfili a mɔɨ, kanga nǝkuwotǝmkǝgagɔ a sʊwaɨ gɔ,
49“ ‘Tɛlalɔ a sʊwa gɔ,
Dʌbʌlɔ nǝn gɔ kotere fɔlɔn mǝndɨɨ.
Tǝmɔ nǝn gɔ daa fatǝm naa mǝndɨɨ.
N lɔ wɛ laa jǝ́ mɔ mɨ lɛ tagɨ?
N daa won a yǝlam daa fǝbtǝm mǝndɨ?
50Ke bɔ mǝ nǝn kwaan mɨ mǝ fwal kanjǝl nɨ gwamɨ ka?’#7:50 Dʌng: Ishaya 66:2.
51“Jǝ́ nǝb kwamǝn dul, nǝb bwɨlang nǝl, nǝb bǝngɨ lɔl! Kwangkwang jǝ́ kɔ Yʊwa Kwaamaɨ lɛ. Kanga tʊgalam jenɔ a maaɨ, jen tʌjen n jʊ jǝ́ maa lɛɨ! 52A mʊgɔ nǝbkuwotǝmkǝga nɨ, nuwo a kʊm jin tʊgalam jenɔ a nǝ bɔ gaalanɨ? Ja jʌ nǝb nɨ a sʊwa kɛl a bɛtǝm Nǝ Dǝngdǝng nɨ. Nǝjen tag jǝ́ lungto gǝn, jǝ́ jʌ gǝnɨ. 53Nǝjen jǝ́ yo diilɔ a daagɔ bɛtɔ twama Kwaamaɨ woi, jǝ́ bwangtǝn bɔ.”
Ja Mala Istifanus Nǝn Tɛl A Bʊla
54Nǝn kwama ja nyʊwa jʊ nɨɨ, ja nyʊwa nabwɨl nǝn bɨlǝngǝn. Jǝ kʊʊ nungʌn jinɔ lɛ. 55Yʊwa Kwaamaɨ a kwɛl a yii bʊtɔ Istifanusi, a tal nu gǝnɔ dʌng dʌbʌlɔ lɛ. Kuwo dʊʊn Kwaamaɨ lɛ, jǝbɔ Yesu tɨm a kang jajǝng Kwaamaɨ. 56Nǝngɔ Istifanus gɔ, “Dʌng, n kuwo dʌbʌlɔ a wumo, jǝbɔ Bʊla Nǝlɨ tɨm a kang jajǝng Kwaamaɨ.”
57Nǝngɔ ja tǝl matǝm bwaalɨgɨɨ, ja mǝlalam lɔl jinɔ. Gwam jinɔ ja gun tʌgo a gǝ gǝm. 58Ja gʊ gǝn, ja yɔ nǝn gɔ a gulen, jǝ mala gǝn nɛ nǝn tatǝn, jǝ swɨ lɛ ja jʌ gǝn. Nǝngɔ nǝb dʌngi nugɔ a ya dwangtɨn jinɔ a daa kaa bwayǝlɨ woi, dun gǝnɔ nǝn Shawulu.
59Kanga nɨ jǝ mala Istifanus lɛ nǝn tatǝnɨ, nǝngɔ a maa keligɨɨ gɔ, “Tɛlalɔ Yesu, yo kʊlɨ mǝndɨ.” 60Nǝngɔ a gǝla a jʊng a gung diil gǝnɔ nǝn kwaan gɔ, “Tɛlalɔ, bɛ ka ń ta lɛ bwɨlangkɛl nɨ a dul jin.” Sʊwatǝmɔ nyɨɨ, nǝngɔ a bʊlaɨ.
Currently Selected:
Maajɨ Bɛtɔ Twamagɨɨ 7: DBD
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation
Maajɨ Bɛtɔ Twamagɨɨ 7
7
Kɛl Istifanusi
1Nǝngɔ dalɨ nǝkǝlagɔ a bʌ Istifanus gɔ, “Kanjǝl nɨ n bɨlǝngkɛl ka?”
2Nǝngɔ Istifanus a sʊwa ji gɔ, “Jǝ́ kɛtǝlam mǝndɨ jǝbɔ tɛtǝlam mɨɨ, jǝ́ nyʊwa ɨ. Kwaama nǝ dʊʊlǝnɔ a nʊng dul gǝnɔ a daa tʊga bǝn Ibrahim woi, nǝn kwama nɨ gɔ a tǝm Bagadazaɨ, nǝn kwama gɔ lǝga bɔ ga yɨ a Haranɨ. 3Kwaama a sʊwa gǝn gɔ, ‘Gun a tǝm jen, ń bǝla nanǝgam mʊnɔ, sǝ ń yɔ a tǝm nɨ mǝ nʊng ń nɛɨ.’
4“Nǝngɔ tʊga bǝn a gun a tǝm nǝbɔ Kaldiyaɨ ba yɨ a Haranɨ. Nǝn kwama tɛtɛ gɔ a bʊlamɨ, nǝngɔ Kwaama a bɛ nǝn gɔ a tǝm nɨ jǝ́ yǝm wo kǝngkɨɨ. 5Kwaama a nǝ bɔ Ibrahim kʊla a tǝm gɔ. A nǝ gǝn bɔ fatǝm naagɔ win. Kwaama a maa gǝm swatǝm yaa gɔ, tǝm nɨ yǝlam a gɔ jǝbɔ guu nǝb nɨ bwang gǝm lɛɨ. Nǝn kwama gɔ, mɨ nǝn bwɛ. 6Nǝngɔ Kwaama a sʊwa gɔ dʊʊm Ibrahimi yǝlam yǝlam faabǝm a kaa tǝm. Nǝbɔ dǝg ji dǝg ja yǝlam jwaalɛb. Ja nǝ ji gaalan nɨ la lɛ jolɔ fʊlkʊb naalɨ. 7Kwaama a sʊwa gɔ, ‘Mǝ mwɛ mwɛ tǝm nɨ jǝ yǝlam jwaalɛb jin nɛɨ. A gulɔ gǝm jǝ jel jel ja maa mɨ bǝlátǝm a daa nɨ.’ 8Nǝngɔ Kwaama a maa Ibrahim gǝm swatǝm yaa a dul biyotǝm mwɛnɨ. N dul kɛl nɨ nǝn kwama Ibrahim a bʌm Ishakui, nǝngɔ a biyo gǝm mwɛnɔ a kumɔ a yiim naalǝbɨ. Ishaku nǝn gɔ a bʌ Yakubui. Yakubu nǝn gɔ tag a bʌ tʊgalam bǝnɔ nɨ kʊb jeli yoi.
9“Tʊgalam nɨ maa nungon nɛ jǝbɔ kɨla ji Yusufu. Nǝngɔ ja miyo gǝnɨ, nǝngɔ nǝb nɨ a ten gǝnɨ, a shu nǝn gɔ a Masarɨ. Kanjǝl nɨ a bwɨ nyɔ sul, Kwaama dakini jǝbɔ gɔ. 10Nǝngɔ a jǝg gǝn a mʊgɔ gaalan gǝnɔ gǝm pʌdi. A nǝ gǝn lǝma nǝl jǝbɔ nyǝmtǝm a kǝga Firaunaɨ, Fɔlɔ Masarɨ. Nǝngɔ Firauna a dǝg gǝn a yǝlam gwamna nǝb tǝmgɨɨ gwamɨ. Nǝngɔ a dǝg nǝb lɔ gǝnɔ a kang gǝn pʌdi.
11“Nǝngɔ kaa jʊwan bwɨla a shig a tǝm Masar jǝbɔ Kananaɨ, jǝbɔ gʌleng gaalan bwɨla. Tʊgalam bǝnɔ mɨ nǝn jǝjalǝn. 12Nǝn kwama Yakubu a nyʊwa gɔ jaamɔ wo a tǝm Masarɨ, nǝngɔ a twam tʊgalam bǝnɔ a yɔm tɨkǝgagɨɨ. 13A yɔm jinɔ na yogɔ, Yusufu a nʊng dul gǝnɔ a daa kɛtǝlam gǝnɔ woi. Firauna ba nyǝm gɔ nǝb nɨ n kɛtǝlam Yusufui. 14Nǝngɔ Yusufu a twam tɨya gɔ Yakubu gǝm gɔ a bɛ jǝbɔ nǝbam gǝnɔ pʌdi. Gwam jinɔ ja la nǝbɔ fʊltǝnʌbʌl jeli nʊ. 15Nǝngɔ Yakubu a shu a Masarɨ. A bʊla wo jǝbɔ tʊgalam bǝnɔ. 16Nǝngɔ ja wɔɔ bʌlʌn jinɔ ja shu nǝn a tuulɔ Shekemi, ya ja fʌl ji a tuu Ibrahimi wʊnɨ a ten nǝn kemʌni a daagɔ bɛtɔ lɔ Hamori a Shekemi.
17“Nǝn kwama swatǝm yaa nɨ Kwaama a maa Ibrahim gǝm a dwamaɨ, nǝbɔ a sɔ a lada a tǝm Masar. 18Nǝngɔ kaa fɔlɔ a tǝm Masar wʊnɨ a nyǝm bɔ gɔ nuwo nyɨ nǝn Yusufui, maa fɔlɔn nɛɨ. 19Fɔlɔ nɨ a wul nǝbam bǝnɔ. A nǝ tʊgalam bǝnɔ gaalan. A dǝg gɔ ja tǝlam bɛtɔ fetʌn jinɔ, kage ja bʊʊ.
20“Nǝngɔ kwama gɔ ja bʌm Musaɨ, bwɛ nɨ a bʊm dangǝn a kǝga Kwaamaɨ. Ja bwa gǝn bwaala taal a lɔ tɛtɛ gɨɨ. 21Nǝn kwama ja yam gǝn a tiyoi, nǝngɔ bwɛnɔɔlɨ Firaunaɨ a do gǝn, a bwa gǝn na bʊla gɨɨ. 22Nǝngɔ ja mɛla Musa gǝm nyǝmtǝm nǝbɔ Masarɨ. A yǝlam nǝ sʊwatǝm kɛl jǝbɔ maajɨ nǝn fɔlɔn.
23“Nǝn kwama a lam jolɔ fʊltǝnaalɨ, nǝngɔ a maa bʊʊlalɨ gɔ gǝ yɔ yɔ yɔm fɔla a daa kɛtǝlam gǝnɔ nǝbɔ Israilaɨ woi. 24Nǝn kwama a kuwo kaa bwɛ Masarɨ nyʊwa kaa bwɛ Israila gǝm lɛɨ, nǝngɔ a tɨka gǝnɨ. A bʊg bwɛ Masar nɨ, a jʌ. 25A bʊʊla gɔ kɛna nǝbam gǝnɔ nyǝm nyǝm gɔ Kwaama dǝg gǝn dǝg gǝ jǝg ji sul, ja nyǝm bɔ. 26Nǝn tǝmsɛlɨɨ, kaamɨ tag maa kɨlan nɛ. Nǝngɔ a saa sǝ gǝ dɔ kʊm jini. A sʊwa ji gɔ, ‘Jǝ́ lɔ kɛ. N wɛ a bwɨ jǝ́ nǝbka gaalan nɛɨ?’
27“Nǝngɔ nʊ nɨ nyʊwa kɨla gɔ gǝm lɛɨ, a tʊng Musa a kelii. A sʊwa gɔ, ‘Nuwo a dǝg ń gɔ ń yǝlam nǝ dʊʊ jǝbɔ nǝ mwatɨtǝm borang a kʊm nǝnɨ? 28Mʊ swɨ lɛ ń jʌ i kanga mʊn jʌm bwɛ Masar nɨ dʊgalǝnɨ ka?’#7:28 Dʌng: Jeltǝmɔ 2:14. 29Nǝn kwama Musa a nyʊwam kɛl nɨɨ, nǝngɔ a mwal a shu ya yɨ yɨm faabǝn a tǝm Madayanaɨ. N daagɔ a bʌm bɛtɔ batǝnɔ wo yoi.
30“Nǝn kwama jolɔ fʊltǝnaal a shui, kaa bwɛ twama Kwaamaɨ a nʊng dul gǝnɔ a daa Musa woi a ben kǝla wʊnɨ twɨ lɛ a kaa kʊm tɨyaɨ, a kuul Yem Sinaii. 31Musa a kuwo nyɨɨ, a ta kang a nyiyo nǝn jʊ nɨ gǝ kuwoi. A bɛ nǝn dɔɔm gɔ sǝ ba gǝ dʌngi, nǝngɔ a nyʊwa diil Tɛlalɔɨ a sʊwa gɔ, 32‘Nǝmǝ mǝ Kwaama tʊgalam mʊnɨ, jǝbɔ Kwaama Ibrahimi, jǝbɔ a Ishakui, jǝbɔ a Yakubui.’#7:32 Dʌng: Jeltǝmɔ 3:6. Nǝngɔ bʊtɔ Musaɨ sʊwa mam lɛɨ, a mwɨ bɔ a dʌng.
33“Nǝngɔ Tɛlalɔ a sʊwa gǝn gɔ, ‘Jǝgǝm twam mʊnɔ, daa nɨ mʊ tɨm woi, n daa sagsag. 34Bɨlǝngǝn, n kuwo gaalanɔ jǝ nǝ nǝbam mǝndɨ lɛ a tǝm Masarɨ. N nyʊwa wi jinɔ. Mǝ gǝla sǝ ba n bʊʊ nǝn ji. Kǝngkǝnɨ bɛ sǝ ba n twam ń a tǝm Masar.’#7:34 Dʌng: Jeltǝmɔ 3:5,7,8,10.
35“Musa nɨ ja kɔɨ, ja sʊwa gɔ, ‘Nuwo a dǝg ń gɔ ń yǝlam nǝ dʊʊ jǝbɔ nǝ mwatɨtǝm borangɨ?’ N nʊ Kwaama a twam sǝ a yǝlam nǝ dʊʊ jǝbɔ nǝ jǝgtǝm a gola tɨkalɨ bwɛ twama Kwaamaɨ nɨ a nʊng dul gǝnɔ a daa gǝ woi a kʊm bɛ tɨya nɨɨ. 36Nǝngɔ a jǝg ji a tǝm Masarɨ. A maa maajɨ kanjǝl tatǝm kang a nyiyo jǝbɔ kanjǝl laatǝm kang a tǝm Masar, jǝbɔ Wɨma Feli jǝbɔ kwaran, a yɔ nǝn a jolɔ fʊltǝnaalɨ.
37“N Musa nɨ a sʊwa nǝbɔ Israilaɨ gɔ, ‘Kwaama tʊng jem tʊng kaa nǝkuwotǝmkǝga na mǝ a kʊm kɛtǝlam jeni.’#7:37 Dʌng: Dʌngtǝm Borangɔ 18:15. 38Nǝn gɔ a mʊgɔ nǝb nɨ a mʊrka a kuuli. Nǝn gɔ dakini jǝbɔ bwɛ twama Kwaamaɨ nɨ a sʊwa gǝn kɛl a dʌbʌl Yem Sinaii. Nǝn gɔ dakini jǝbɔ tʊgalam bǝnɨ. Nǝn gɔ a yo kɛl kʊlɨ nɨ a bɛ bǝm nǝnɨ.
39“Tʊgalam bǝnɔ ja kɔ bwangtǝm diil gǝnɔ. Ja yǝla gǝm gul. Jǝ swɨ lɛ ja yǝla a tǝm Masar. 40Nǝngɔ ja sʊwa Haruna gɔ, ‘Fɛ bǝm kwaamatɨn nɨ ja bǝm kǝga lɛɨ, jʊ a bwɨɨ Musa nɨ a jǝg bǝn a tǝm Masarɨ, bǝ nyǝm bɔ jʊ a bwɨ nǝn gɨɨ.’#7:40 Dʌng: Jeltǝmɔ 32:1. 41Nǝn kwama gɔ ja fɛ shomɔ nǝn mʊn, wʊnɨ a jelka bɛ nɛɛgɔ nyɨɨ, ja twɨ gǝm yulʌn, jǝ maa bǝlátǝm lɛ nǝn maajɨ nɨ ja maa nǝn kang jini. 42N kɛl dul jʊ nɨ Kwaama a yǝla jim guli, a yǝla nǝn ji a gola bwangtǝm nyanyamɨtɨnɨ. Kanga ja mʊla a mʊgɔ langǝn bwangǝn nǝbkuwotǝmkǝgagɨɨ gɔ,
“ ‘Jǝ́ nǝbɔ Israilaɨ,
jǝ́ biyo mɨ yʊwaltɨn,
jǝ́ twɨ mɨ yulʌn,
a yɔ nǝn a joltɨnɔ fʊltǝnaal
a mʊgɔ kuuli ka?
43N bolatǝm jǝ́ maa jǝbɔ gushi Mɔlɛkɨ,
jǝbɔ jelkatǝm nyanyamɨ shom Ramfanɨ,
shomtɨn nɨ jǝ́ kʊʊ sǝ jǝ́ maa jim bǝlátǝmɨ.
Mǝ tʊng jen tʊng#7:43 Dʌng: Amos 5:25. fʌlen a gul Babila.’
44“Nǝn galɨgǝn tʊgalam bǝnɔ nǝn gushi wʊnɨ nʊng daa yɨm Kwaamaɨ lɛ a kuul jǝbɔ jii. N gushi wʊnɨ Kwaama a dǝg Musa gɔ a mɔɨ. A maa dǝngdǝng kanga Kwaama a sʊwa gǝn gɔ a mɔɨ. 45Gushi nɨ nǝn gɔ tʊgalam bǝnɔ a yo kʊla gǝnɨ, ja bɛ nǝn a tǝm nɨ nǝn kwama Joshuwa a yem dʊʊnɨ, nǝn kwama nɨ Kwaama a nǝm ji tǝm Bʌtʌbi, wʊnɨ a kaa ji a nu jini. Gushigɔ wo a ba la nǝn kwama Daudaɨ. 46Dauda a nya lǝma a daa Kwaama woi, a maa keli gɔ, gǝ mɔ mɔ Kwaama tʊga bǝn Yakubui gǝm kan bǝlátǝm. 47Nǝn Sulemanu a mɔ Kwaama gǝm lɔɨ.
48“Dalɨ nǝ Dʊʊ mɨ yɨ lɛ a lɔtɨn nɨ nǝfili a mɔɨ, kanga nǝkuwotǝmkǝgagɔ a sʊwaɨ gɔ,
49“ ‘Tɛlalɔ a sʊwa gɔ,
Dʌbʌlɔ nǝn gɔ kotere fɔlɔn mǝndɨɨ.
Tǝmɔ nǝn gɔ daa fatǝm naa mǝndɨɨ.
N lɔ wɛ laa jǝ́ mɔ mɨ lɛ tagɨ?
N daa won a yǝlam daa fǝbtǝm mǝndɨ?
50Ke bɔ mǝ nǝn kwaan mɨ mǝ fwal kanjǝl nɨ gwamɨ ka?’#7:50 Dʌng: Ishaya 66:2.
51“Jǝ́ nǝb kwamǝn dul, nǝb bwɨlang nǝl, nǝb bǝngɨ lɔl! Kwangkwang jǝ́ kɔ Yʊwa Kwaamaɨ lɛ. Kanga tʊgalam jenɔ a maaɨ, jen tʌjen n jʊ jǝ́ maa lɛɨ! 52A mʊgɔ nǝbkuwotǝmkǝga nɨ, nuwo a kʊm jin tʊgalam jenɔ a nǝ bɔ gaalanɨ? Ja jʌ nǝb nɨ a sʊwa kɛl a bɛtǝm Nǝ Dǝngdǝng nɨ. Nǝjen tag jǝ́ lungto gǝn, jǝ́ jʌ gǝnɨ. 53Nǝjen jǝ́ yo diilɔ a daagɔ bɛtɔ twama Kwaamaɨ woi, jǝ́ bwangtǝn bɔ.”
Ja Mala Istifanus Nǝn Tɛl A Bʊla
54Nǝn kwama ja nyʊwa jʊ nɨɨ, ja nyʊwa nabwɨl nǝn bɨlǝngǝn. Jǝ kʊʊ nungʌn jinɔ lɛ. 55Yʊwa Kwaamaɨ a kwɛl a yii bʊtɔ Istifanusi, a tal nu gǝnɔ dʌng dʌbʌlɔ lɛ. Kuwo dʊʊn Kwaamaɨ lɛ, jǝbɔ Yesu tɨm a kang jajǝng Kwaamaɨ. 56Nǝngɔ Istifanus gɔ, “Dʌng, n kuwo dʌbʌlɔ a wumo, jǝbɔ Bʊla Nǝlɨ tɨm a kang jajǝng Kwaamaɨ.”
57Nǝngɔ ja tǝl matǝm bwaalɨgɨɨ, ja mǝlalam lɔl jinɔ. Gwam jinɔ ja gun tʌgo a gǝ gǝm. 58Ja gʊ gǝn, ja yɔ nǝn gɔ a gulen, jǝ mala gǝn nɛ nǝn tatǝn, jǝ swɨ lɛ ja jʌ gǝn. Nǝngɔ nǝb dʌngi nugɔ a ya dwangtɨn jinɔ a daa kaa bwayǝlɨ woi, dun gǝnɔ nǝn Shawulu.
59Kanga nɨ jǝ mala Istifanus lɛ nǝn tatǝnɨ, nǝngɔ a maa keligɨɨ gɔ, “Tɛlalɔ Yesu, yo kʊlɨ mǝndɨ.” 60Nǝngɔ a gǝla a jʊng a gung diil gǝnɔ nǝn kwaan gɔ, “Tɛlalɔ, bɛ ka ń ta lɛ bwɨlangkɛl nɨ a dul jin.” Sʊwatǝmɔ nyɨɨ, nǝngɔ a bʊlaɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation