Luka 1
1
Luka A Twam Tiyofalas Gǝm Langǝn Bwangǝn
1Nǝbɔ a lada na a saa golagɔ jǝ mʊlam kanjǝl nɨ lɛ a bwɨ a kʊm nǝnɨ. 2Ja mʊla kanjǝl nɨ kanga nɨ nǝn nyʊwa a nyiyo nǝb nɨ wo nǝn tɨkǝga ja kuwo kanjǝl nɨ tag a bwɨ gwamɨ, nǝb maajɨ kɛl Kwaamaɨ. 3Gǝ na nyɔ mǝ tǝmɨ n kwɛl n fɨɨ fɨɨ kanjǝl nɨ a tǝltǝm jinɔ gǝm. A bʊm nyɔ tǝmɨ n mʊla mʊn kanjǝl nɨ dǝngdǝng, nǝ dʊʊ Tiyofalas, 4sǝ ń nyǝm kanjǝl nɨ ja mɛla mʊnɨ, n bɨlǝngǝn.
Ja Sʊwa Fulon Bʌtʌm Yohanaɨ Nǝ Yʊtǝm Mwɛ Sagsag
5Nǝn kwama nɨ Hiridus n fɔlɔ tǝm Yahudiyaɨ, kaa nǝkǝla wo dunɔ nǝn Zakariya. Gǝ na a nya nǝbkǝlam bǝ Abiyaɨ. Nwala gɔ Alisabatu n nya bǝ Harunaɨ. 6Gwam jinɔ nɨ yoi jǝ nǝb dǝngdǝng a kǝga Kwaamaɨ, jǝ kɨla diiltɨn Tɛlalɔɨ lɛ kanga ja mʊla a langǝn bwangǝn Kwaamaɨ. Mɨ ji nǝn jǝ tuwol. 7Mɨ ji nǝn bɛtɨ. Alisabatu n jolʌm. Gwam jinɔ ja gʌlo.
8Kaa di, nya bǝ Zakariyaɨ nǝji a maajɨɨ, Zakariya nǝn gɔ n nǝ tǝlatǝm twama a Kan Kwaamanɨ. 9A kwamagɔ ja mʊrǝm ji gwam ja jǝgǝm gǝn kanga jǝfʊlǝn jinɔ a sʊwa gɔ ja maaɨ, sǝ ya dɔ daa sagsagɔ lɛ a mʊgɔ lɔng Tɛlalɔɨ ya twɨ yulʌn nɛ a daa twɨtǝm yulʌni. 10Kwama twɨtǝm yulʌnɔ a laɨ, nǝbɔ a bɛ a lada maa keli Kwaamaɨ lɛ a yooli.
11Nǝngɔ bwɛ twama Tɛlalɔɨ a jel a nʊng dul gǝnɔ a daa gǝ woi, a gwanga kang jajǝng a daa twɨtǝm yulʌni. 12Nǝn kwama nɨ Zakariya a kuwom gǝnɨ, a kǝlamtǝn dǝbǝr, taalɔ a ta gǝn. 13Nǝngɔ bwɛ twama Kwaamaɨ a sʊwa gǝn gɔ, “Ka ń nyʊwa lɛ taal Zakariya. Kwaama a nyʊwa keli mʊnɔ. Nwala mɔ Alisabatu bʌ mʊn bʌ bwɛ balɨ. Mʊ ja gǝm dunɔ mɔʊ Yohana.
14“Yǝlam mʊn jǝ lǝma jǝbɔ fulotǝm nǝl. Nǝbɔ a lada nyʊwa nyʊwa fulotǝm nǝl nǝn bʌtʌm gǝnɔ. 15Yǝlam nǝ dʊʊ a kǝga Kwaamaɨ. Mɨsɔ nɔɔ bʊgɛ lɛ jǝbɔ jʊ nɨ maa gǝn nɛɨ. Jʊ a ta nǝn kwama nɨ a fʌl nɛnɛ gɨɨ, Yʊwa Kwaamaɨ gǝ na jǝbɔ gɔ. 16Yǝla yǝla nǝn nǝbɔ Israilaɨ a lada a daagɔ Tɛlalɔ Kwaama jinɔ woi. 17Ja ja kǝga a Tɛlalɔ gǝm a mʊgɔ yʊwa jǝbɔ kwaan na a Iliyaɨ. Yǝla yǝla nǝn nǝl tɛbɨɨ a daa bɛtɔ lɔ jii woi. Yǝla yǝla nǝn nǝb bǝngɨ lɔlɔ ja bwangtǝn gola nǝb yʊlanɨ jǝbɔ nǝb dǝngdǝngɔ.”
18Nǝngɔ Zakariya a bʌ bwɛ twama Kwaamaɨ gɔ, “Mǝ nyǝm nyǝn kɛl nɨ n bɨlǝngkɛl? N gʌlo gʌloi, nwala mɨ tǝgǝn gʌlonɔ a ta gǝn.”
19Nǝngɔ bwɛ twama Kwaamaɨ a jǝla gǝn gɔ, “Nǝmǝ mǝ Jibrailu! Mǝ tɨ a kǝga Kwaamaɨ, nǝngɔ a twam ɨ gɔ ba n sʊwa ń fulon kɛl lǝmɨ nɨɨ. 20Kǝngkǝnɨ nyiyo mʊnɔ nʊng nʊng, mɨsɔ mʊ sʊwa kɛl lɛ, ba la nǝn kwama jʊ nɨ bwɨm lɛɨ, jʊ a bwɨɨ mʊ nǝ bɔ bɨlǝngkɛl nǝn kɛl mǝndɨ wʊnɨ yǝlam bɨlǝngkɛl lɛɨ na kum gǝnɔ a laɨ.”
21Nǝbɔ yam Zakariya lɛ, jǝ bʊʊla lɛ gɔ, “N wɛ a bwɨ ga ta bʊtɔ nyɔ a mʊgɔ Kan Kwaamanɨ?” 22Kwama nɨ a jelʌm ba nya jii, a nya bɔ kwaan a sʊwa ji kɛl. Ja nyǝm Kwaama a nʊng gǝn a dʊgam nyangnyang a Kan Kwaaman. Nʊng ji kanjǝlɔ lɛ nǝn kang. Nyiyo gǝnɔ a wumo bɔ a sʊwa kɛl.
23Kumɔ a tagǝm maajɨ gǝnɨ, nǝngɔ a yǝla a shu a lɔɨ. 24A kʊta bɔ, nǝngɔ fʌlɔ a ta nwala gɔ Alisabatui. A yʊ fʌlɔ bwaala nʊ a sʊwa bɔ kɛl. 25Alisabatu a sʊwa gɔ, “Nǝn Tɛlalɔ a maa mɨ jʊ nɨɨ. Nǝn kumtɨn nɨ Kwaama a ji bʊnǝn mɨɨ, a dem mɨ jǝ tuwol a mʊgɔ nǝbɨɨ.”
Bwɛ Twama Kwaamaɨ A Sʊwa Kɛl Bʌtʌm Yesui
26Fʌl Alisabatui a la bwaala nukuni, nǝngɔ Kwaama a twam bwɛ twama gǝnɔ Jibrailu a tuulɔ Nazaratɨ, a tǝm Galilii, 27a daa kaa bwɛnɔɔlɨ woi, wʊnɨ a swa yaa jǝbɔ kaa nǝlɨ, dunɔ nǝn Yusufu. A jel a dʊʊm Daudaɨ. Dun bwɛnɔɔlɨ gɨɨ nǝn Maryamu. 28Nǝngɔ bwɛ twama Kwaamaɨ ya sʊwa gǝn gɔ, “Mǝ yal ń nɛ mʊ nʊ nɨ Kwaama a ya mʊn bwili gǝnɨ. Tɛlalɔ dakini jǝbɔ mɔ.”
29Kɛl nɨ ga sʊwa nyɨɨ a kom Maryamu. Bʊʊla lɛ gɔ yaltǝm wɛ nyɔ. 30Nǝngɔ bwɛ twama Kwaamaɨ a sʊwa gǝn gɔ, “Ka ń nyʊwa lɛ taal Maryamu. Ń nya lǝma a daa Kwaama woi! 31Mʊ do do fʌl, mʊ bʌm bwɛ balɨ. Mʊ ja gǝm dunɔ gɔ Yesu. 32Yǝlam gʌleng nǝlɨ, jǝ jo gǝn gɔ Bʊla nʊ nɨ a Laa Dʊʊlǝnɨ. Tɛlalɔ Kwaama nǝ gǝn nǝ kotere fɔlɔn tʊga gǝ Daudaɨ. 33Nǝn gɔ maa fɔlɔn lɔ Yakubui lɛɨ mɨ dɨtǝm wo. Fɔlɔn gǝnɔ mɨ dɨtǝm wo.”
34Maryamu a bʌ bwɛ twama Kwaamaɨ gɔ, “Jʊ nɨ bwɨ nyǝn? Mǝ lǝga bɔ n nyǝm balɨ.”
35Nǝngɔ bwɛ twama Kwaamaɨ a jǝla gǝn gɔ, “Yʊwa Kwaamaɨ nǝn gɔ bɛ lɛ a daa mʊ woi. Kwaan nʊ nɨ a Laa Dʊʊlǝnɨ nǝn gɔ ba sum ń nɛɨ. Nǝ sagsag nɨ mʊ bʌ lɛɨ, jǝ jo dun gǝnɔ gɔ Bʊla Kwaamaɨ. 36Alisabatu nanǝga mʊnɔ wʊnɨ ja sʊwa gɔ n jolʌmi kǝngkǝnɨ nǝngǝn nǝn fʌl bwaala nukun a gʌlotǝm gǝnɔ gǝm. 37Mɨ jʊ nɨ wo a laa kwaan Kwaamaɨ.”
38Nǝngɔ Maryamu a jǝla gǝn gɔ, “Mǝ bwɛn jwaalɛ Tɛlalɔɨ. Bɛ a yǝlam mɨ nyɔ kanga mʊ sʊwaɨ.” Nǝngɔ bwɛ twama Kwaamaɨ a bǝla gǝnɨ.
Maryamu A Yɔ Alisabatu Gǝm Fɔla
39A kumtɨn gɔ Maryamu a gun a fɛka dǝbǝr dǝbǝr a yɔ a kaa tuulɔ a yem Yahudiya. 40Ya dɔ a lɔ Zakariyaɨ, nǝngɔ a yal Alisabatui. 41Kwama nɨ Alisabatu a nyʊwam diil Maryamui yal gǝn nɛɨ, nǝngɔ bwɛ nɨ a fʌl gǝnɨ a mǝgaɨ, Yʊwa Kwaamaɨ tag a yii Alisabatu.
42Nǝngɔ a jǝla gǝn nǝn diil gɔ, “Ń nya bwili Kwaamaɨ a kʊm nɔɔtǝmɨ! Bwɛ nɨ mʊ bʌ lɛɨ, a nya bwili Kwaamaɨ tǝgǝn. 43N lǝma wɛ a nya ɨ nyɨɨ, nyɨya Tɛlalɔ mɨɨ bɛ lɛ fɔ a daa mɨ woi? 44Nǝn kwama nɨ mǝ nyʊwam yaltǝm mʊnɨ, bwɛ dwalɨ nɨ a fʌl mɨɨ, a mǝga nǝn fulotǝm nǝl. 45Bwiligɔ na a mɔ mʊ nʊ nɨ mʊ nǝ bɨlǝngkɛl mɔʊ jʊ Tɛlalɔ a sʊwa ńɨ, bwɨ bwɨ nyɔ.”
Nafɨ Maryamui
46Maryamu gɔ,
“Nǝl mǝndɨ dʊʊl Tɛlalɔ lɛ.
47Dʊʊmɨ mǝndɨ gǝ na a bǝlátǝm Kwaamaɨ, Nǝbʊʊlɨ mɨɨ,
48jʊ a bwɨɨ Kwaama a bʊʊla nǝn bwɛn jwaalɛ gǝnɔ,
wʊnɨ mɨ gung dul lɛɨ.
A kǝga nɨɨ, kaltɨnɔ gwam jo i
gɔ nʊ a yo bwili Kwaamaɨ.
49Jʊ a bwɨɨ nǝ kwaanɔ a maa
mɨ gʌleng kanjǝl gǝnɔ,
dun gǝnɔ n sagsag.
50Bʊnatǝm gǝnɔ gǝ la la nǝb nɨ dʊʊl gǝn nɛɨ,
kal jǝbɔ kaltɨn.
51A maa gʌleng maajɨ nǝn kang gǝnɔ,
a kwɨ nǝb nɨ gung dul lɛɨ
nǝn dʌmʌn.
52A shig fɔlɔlɔmɔ a kotere fɔlɔn jinɔ gǝm,
a gung nǝb nɨ mɨ a nyiyo jǝlɨ.
53A ja nǝn nǝb nɨ nyʊwa jʊwan nɛɨ nǝn kanjǝl nyan.
A kaa nǝb shilogɔ kangɔ kwakwa.
54A tɨka bwɛ jwaalɛ gǝnɔ Israila,
ji bʊnǝn nǝbam gǝnɨ lɛ,
55kanga a swa yaa a daa tʊgalam bǝnɔ woi,
a daa Ibrahim woi jǝbɔ
dʊʊm gǝnɔ mɨ dɨtǝm wo.”
56Maryamu a yɨ jǝbɔ Alisabatu bwaalagɔ taal. Nǝngɔ a yǝla a shu a lɔɨ.
Ja Bʌ Yohana Nǝ Yʊtǝm Mwɛ Sagsagɔ
57Kwama butotǝm Alisabatui a laɨ, nǝngɔ a bʌ bwɛ balɨɨ. 58Nǝbam gǝnɔ jǝbɔ nǝbɔ yǝm dakini jǝbɔ gɨɨ, ja nyʊwa gɔ Tɛlalɔ a ji bʊnǝn gǝnɔ a ladaɨ, nǝngɔ ja maa fulotǝm nǝl jǝbɔ gɨɨ.
59Kum naalǝbɔ a la kanga ba jǝ biyo bwɛ gǝm mwɛnɔ lɛ jǝbɔ jatǝm duni, jǝ swɨ lɛ ja ja gǝm dun tɨya gɔ Zakariyaɨ, 60nǝngɔ nɛnɛ gɔ a sʊwa ji gɔ, “Mɨ nyɔ, jǝ jo gǝn gɔ Yohana.”
61Nǝngɔ ja sʊwa gǝn gɔ, “Mɨ nǝn nʊ nɨ wo a ja dun gɔ a mʊgɔ nanǝgam jeni.”
62Nǝngɔ ja sʊwa tɛtɛ gɔ nǝn kangɨ gɔ, ga sʊwa ji kanga jǝ jam dun bwɛɨ lɛɨ. 63Nǝngɔ a bʌ ji jʊ gǝ mʊla jim dun bwɛɨ lɛ nǝnɨ, a mʊla gɔ, “Dunɔ nǝn Yohana.” Jʊgɔ a laa kwaan nǝbɨɨ. 64Tʌgo a kang nyiyo gǝnɔ a wumo, ben gǝnɔ a kwɨya. Nǝngɔ a tǝl sʊwatǝm kɛlɨ, bǝlá Kwaama lɛɨ.
65Taalɔ a ta fatǝm yɨm gǝnɔ gwam. Nǝbɔ yǝm a yem Yahudiyaɨ, ja sʊwa kɛl a dul kanjǝl nɨ a bwɨ gwamɨ. 66Nǝb nɨ gwam a nyʊwa jʊ nɨɨ, jǝ bʊʊla lɛ gɔ, “N wɛ bwɛ dwalɨ nɨ yǝlam lɛɨ?” Ja bʌ jʊ nɨ jʊ a bwɨɨ ja kuwo kwaan Tɛlalɔɨ gǝ na jǝbɔ gɔ.
Nafɨ Zakariyaɨ
67Yʊwa Kwaamaɨ a yii tɨya gɔ Zakariyaɨ, nǝngɔ a sʊwa gɔ,
68“Bɛ bǝ bǝlá Tɛlalɔ Kwaama nǝbɔ Israilaɨ!
A bɛ sǝ ba jǝg dul nǝbam gǝnɨ.
69A gung bǝm nʊ nɨ ba bʊʊ lɛ nǝn bǝnɨ,
jel a lɔ bwɛ jwaalɛ gǝnɔ Daudaɨ.
70(Kanga Kwaama a sʊwa
a nyiyo nǝbkuwotǝmkǝga gǝnɔ sagsag galɨgǝnɨ).
71Bʊʊ bʊʊ nǝn bǝn a daa nǝb kiim bǝnɔ woi
jǝbɔ nǝb nɨ gwam kɔ bǝn nɛɨ,
72sǝ a ji bʊnǝn tʊgalam bǝnɨ,
sǝ a bʊʊla nǝn swatǝm yaa
sagsag nɨ ga maa jimi.
73Nǝn gɔ wɛɛlɨgɔ a wɛɛl tɨya
bǝn Ibrahim gǝmɨ:
74A wɛɛl gɔ gǝ jǝg bǝn jǝg a
kang nǝb kiim bǝnɨ,
sǝ bǝ bwang gǝm mɨ nyʊwatǝm taal wo,
75a gola yɨm sagsag jǝbɔ bwangtǝm Kwaamaɨ
dǝngdǝng a kǝga Kwaamaɨ mɨ dɨtǝm wo.
76Mɔ, mʊ bʊla mɨ,
jǝ jo ń jo ń
gɔ nǝkuwotǝmkǝga
nʊ a Laa Dʊʊlǝnɨ,
nǝmɔ mʊ ja kǝga lɛ
a Tɛlalɔ gǝmɨ,
sǝ ń fɛka gǝm golagɨɨ,
77sǝ ń sʊwa nǝbam gǝnɔ kɛl bʊʊtǝm jinɔ,
a gola kǝlǝmtǝm bwɨlangkɛl jinɔ gǝm.
78Kwaama bǝnɔ a bʊʊ nǝn bǝn
nyɔ a dul gʌleng bʊnatǝm gǝnɔ gǝm.
A gola bʊnatǝm gǝnɔ,
nyalǝmɔ won won a dʌbʌl
a gǝla a dul bǝn,
79sǝ a won a nǝb nɨ yǝm
a kumtojilii jǝbɔ nǝb nɨ
a nyiyo bwaaɨ,
sǝ a yɔ nǝn bǝn a gola
yɨm kwamɨgǝn.”
80Nǝngɔ bwɛ dwalɨ nɨ a dʊʊl a mʊgɔ kʊlɨɨ. A yɨ a mʊgɔ kuul, a bɛ nǝn a kumɔ a nʊng dul gǝnɔ a daa nǝbɔ Israilaɨ woi.
Currently Selected:
Luka 1: DBD
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation
Luka 1
1
Luka A Twam Tiyofalas Gǝm Langǝn Bwangǝn
1Nǝbɔ a lada na a saa golagɔ jǝ mʊlam kanjǝl nɨ lɛ a bwɨ a kʊm nǝnɨ. 2Ja mʊla kanjǝl nɨ kanga nɨ nǝn nyʊwa a nyiyo nǝb nɨ wo nǝn tɨkǝga ja kuwo kanjǝl nɨ tag a bwɨ gwamɨ, nǝb maajɨ kɛl Kwaamaɨ. 3Gǝ na nyɔ mǝ tǝmɨ n kwɛl n fɨɨ fɨɨ kanjǝl nɨ a tǝltǝm jinɔ gǝm. A bʊm nyɔ tǝmɨ n mʊla mʊn kanjǝl nɨ dǝngdǝng, nǝ dʊʊ Tiyofalas, 4sǝ ń nyǝm kanjǝl nɨ ja mɛla mʊnɨ, n bɨlǝngǝn.
Ja Sʊwa Fulon Bʌtʌm Yohanaɨ Nǝ Yʊtǝm Mwɛ Sagsag
5Nǝn kwama nɨ Hiridus n fɔlɔ tǝm Yahudiyaɨ, kaa nǝkǝla wo dunɔ nǝn Zakariya. Gǝ na a nya nǝbkǝlam bǝ Abiyaɨ. Nwala gɔ Alisabatu n nya bǝ Harunaɨ. 6Gwam jinɔ nɨ yoi jǝ nǝb dǝngdǝng a kǝga Kwaamaɨ, jǝ kɨla diiltɨn Tɛlalɔɨ lɛ kanga ja mʊla a langǝn bwangǝn Kwaamaɨ. Mɨ ji nǝn jǝ tuwol. 7Mɨ ji nǝn bɛtɨ. Alisabatu n jolʌm. Gwam jinɔ ja gʌlo.
8Kaa di, nya bǝ Zakariyaɨ nǝji a maajɨɨ, Zakariya nǝn gɔ n nǝ tǝlatǝm twama a Kan Kwaamanɨ. 9A kwamagɔ ja mʊrǝm ji gwam ja jǝgǝm gǝn kanga jǝfʊlǝn jinɔ a sʊwa gɔ ja maaɨ, sǝ ya dɔ daa sagsagɔ lɛ a mʊgɔ lɔng Tɛlalɔɨ ya twɨ yulʌn nɛ a daa twɨtǝm yulʌni. 10Kwama twɨtǝm yulʌnɔ a laɨ, nǝbɔ a bɛ a lada maa keli Kwaamaɨ lɛ a yooli.
11Nǝngɔ bwɛ twama Tɛlalɔɨ a jel a nʊng dul gǝnɔ a daa gǝ woi, a gwanga kang jajǝng a daa twɨtǝm yulʌni. 12Nǝn kwama nɨ Zakariya a kuwom gǝnɨ, a kǝlamtǝn dǝbǝr, taalɔ a ta gǝn. 13Nǝngɔ bwɛ twama Kwaamaɨ a sʊwa gǝn gɔ, “Ka ń nyʊwa lɛ taal Zakariya. Kwaama a nyʊwa keli mʊnɔ. Nwala mɔ Alisabatu bʌ mʊn bʌ bwɛ balɨ. Mʊ ja gǝm dunɔ mɔʊ Yohana.
14“Yǝlam mʊn jǝ lǝma jǝbɔ fulotǝm nǝl. Nǝbɔ a lada nyʊwa nyʊwa fulotǝm nǝl nǝn bʌtʌm gǝnɔ. 15Yǝlam nǝ dʊʊ a kǝga Kwaamaɨ. Mɨsɔ nɔɔ bʊgɛ lɛ jǝbɔ jʊ nɨ maa gǝn nɛɨ. Jʊ a ta nǝn kwama nɨ a fʌl nɛnɛ gɨɨ, Yʊwa Kwaamaɨ gǝ na jǝbɔ gɔ. 16Yǝla yǝla nǝn nǝbɔ Israilaɨ a lada a daagɔ Tɛlalɔ Kwaama jinɔ woi. 17Ja ja kǝga a Tɛlalɔ gǝm a mʊgɔ yʊwa jǝbɔ kwaan na a Iliyaɨ. Yǝla yǝla nǝn nǝl tɛbɨɨ a daa bɛtɔ lɔ jii woi. Yǝla yǝla nǝn nǝb bǝngɨ lɔlɔ ja bwangtǝn gola nǝb yʊlanɨ jǝbɔ nǝb dǝngdǝngɔ.”
18Nǝngɔ Zakariya a bʌ bwɛ twama Kwaamaɨ gɔ, “Mǝ nyǝm nyǝn kɛl nɨ n bɨlǝngkɛl? N gʌlo gʌloi, nwala mɨ tǝgǝn gʌlonɔ a ta gǝn.”
19Nǝngɔ bwɛ twama Kwaamaɨ a jǝla gǝn gɔ, “Nǝmǝ mǝ Jibrailu! Mǝ tɨ a kǝga Kwaamaɨ, nǝngɔ a twam ɨ gɔ ba n sʊwa ń fulon kɛl lǝmɨ nɨɨ. 20Kǝngkǝnɨ nyiyo mʊnɔ nʊng nʊng, mɨsɔ mʊ sʊwa kɛl lɛ, ba la nǝn kwama jʊ nɨ bwɨm lɛɨ, jʊ a bwɨɨ mʊ nǝ bɔ bɨlǝngkɛl nǝn kɛl mǝndɨ wʊnɨ yǝlam bɨlǝngkɛl lɛɨ na kum gǝnɔ a laɨ.”
21Nǝbɔ yam Zakariya lɛ, jǝ bʊʊla lɛ gɔ, “N wɛ a bwɨ ga ta bʊtɔ nyɔ a mʊgɔ Kan Kwaamanɨ?” 22Kwama nɨ a jelʌm ba nya jii, a nya bɔ kwaan a sʊwa ji kɛl. Ja nyǝm Kwaama a nʊng gǝn a dʊgam nyangnyang a Kan Kwaaman. Nʊng ji kanjǝlɔ lɛ nǝn kang. Nyiyo gǝnɔ a wumo bɔ a sʊwa kɛl.
23Kumɔ a tagǝm maajɨ gǝnɨ, nǝngɔ a yǝla a shu a lɔɨ. 24A kʊta bɔ, nǝngɔ fʌlɔ a ta nwala gɔ Alisabatui. A yʊ fʌlɔ bwaala nʊ a sʊwa bɔ kɛl. 25Alisabatu a sʊwa gɔ, “Nǝn Tɛlalɔ a maa mɨ jʊ nɨɨ. Nǝn kumtɨn nɨ Kwaama a ji bʊnǝn mɨɨ, a dem mɨ jǝ tuwol a mʊgɔ nǝbɨɨ.”
Bwɛ Twama Kwaamaɨ A Sʊwa Kɛl Bʌtʌm Yesui
26Fʌl Alisabatui a la bwaala nukuni, nǝngɔ Kwaama a twam bwɛ twama gǝnɔ Jibrailu a tuulɔ Nazaratɨ, a tǝm Galilii, 27a daa kaa bwɛnɔɔlɨ woi, wʊnɨ a swa yaa jǝbɔ kaa nǝlɨ, dunɔ nǝn Yusufu. A jel a dʊʊm Daudaɨ. Dun bwɛnɔɔlɨ gɨɨ nǝn Maryamu. 28Nǝngɔ bwɛ twama Kwaamaɨ ya sʊwa gǝn gɔ, “Mǝ yal ń nɛ mʊ nʊ nɨ Kwaama a ya mʊn bwili gǝnɨ. Tɛlalɔ dakini jǝbɔ mɔ.”
29Kɛl nɨ ga sʊwa nyɨɨ a kom Maryamu. Bʊʊla lɛ gɔ yaltǝm wɛ nyɔ. 30Nǝngɔ bwɛ twama Kwaamaɨ a sʊwa gǝn gɔ, “Ka ń nyʊwa lɛ taal Maryamu. Ń nya lǝma a daa Kwaama woi! 31Mʊ do do fʌl, mʊ bʌm bwɛ balɨ. Mʊ ja gǝm dunɔ gɔ Yesu. 32Yǝlam gʌleng nǝlɨ, jǝ jo gǝn gɔ Bʊla nʊ nɨ a Laa Dʊʊlǝnɨ. Tɛlalɔ Kwaama nǝ gǝn nǝ kotere fɔlɔn tʊga gǝ Daudaɨ. 33Nǝn gɔ maa fɔlɔn lɔ Yakubui lɛɨ mɨ dɨtǝm wo. Fɔlɔn gǝnɔ mɨ dɨtǝm wo.”
34Maryamu a bʌ bwɛ twama Kwaamaɨ gɔ, “Jʊ nɨ bwɨ nyǝn? Mǝ lǝga bɔ n nyǝm balɨ.”
35Nǝngɔ bwɛ twama Kwaamaɨ a jǝla gǝn gɔ, “Yʊwa Kwaamaɨ nǝn gɔ bɛ lɛ a daa mʊ woi. Kwaan nʊ nɨ a Laa Dʊʊlǝnɨ nǝn gɔ ba sum ń nɛɨ. Nǝ sagsag nɨ mʊ bʌ lɛɨ, jǝ jo dun gǝnɔ gɔ Bʊla Kwaamaɨ. 36Alisabatu nanǝga mʊnɔ wʊnɨ ja sʊwa gɔ n jolʌmi kǝngkǝnɨ nǝngǝn nǝn fʌl bwaala nukun a gʌlotǝm gǝnɔ gǝm. 37Mɨ jʊ nɨ wo a laa kwaan Kwaamaɨ.”
38Nǝngɔ Maryamu a jǝla gǝn gɔ, “Mǝ bwɛn jwaalɛ Tɛlalɔɨ. Bɛ a yǝlam mɨ nyɔ kanga mʊ sʊwaɨ.” Nǝngɔ bwɛ twama Kwaamaɨ a bǝla gǝnɨ.
Maryamu A Yɔ Alisabatu Gǝm Fɔla
39A kumtɨn gɔ Maryamu a gun a fɛka dǝbǝr dǝbǝr a yɔ a kaa tuulɔ a yem Yahudiya. 40Ya dɔ a lɔ Zakariyaɨ, nǝngɔ a yal Alisabatui. 41Kwama nɨ Alisabatu a nyʊwam diil Maryamui yal gǝn nɛɨ, nǝngɔ bwɛ nɨ a fʌl gǝnɨ a mǝgaɨ, Yʊwa Kwaamaɨ tag a yii Alisabatu.
42Nǝngɔ a jǝla gǝn nǝn diil gɔ, “Ń nya bwili Kwaamaɨ a kʊm nɔɔtǝmɨ! Bwɛ nɨ mʊ bʌ lɛɨ, a nya bwili Kwaamaɨ tǝgǝn. 43N lǝma wɛ a nya ɨ nyɨɨ, nyɨya Tɛlalɔ mɨɨ bɛ lɛ fɔ a daa mɨ woi? 44Nǝn kwama nɨ mǝ nyʊwam yaltǝm mʊnɨ, bwɛ dwalɨ nɨ a fʌl mɨɨ, a mǝga nǝn fulotǝm nǝl. 45Bwiligɔ na a mɔ mʊ nʊ nɨ mʊ nǝ bɨlǝngkɛl mɔʊ jʊ Tɛlalɔ a sʊwa ńɨ, bwɨ bwɨ nyɔ.”
Nafɨ Maryamui
46Maryamu gɔ,
“Nǝl mǝndɨ dʊʊl Tɛlalɔ lɛ.
47Dʊʊmɨ mǝndɨ gǝ na a bǝlátǝm Kwaamaɨ, Nǝbʊʊlɨ mɨɨ,
48jʊ a bwɨɨ Kwaama a bʊʊla nǝn bwɛn jwaalɛ gǝnɔ,
wʊnɨ mɨ gung dul lɛɨ.
A kǝga nɨɨ, kaltɨnɔ gwam jo i
gɔ nʊ a yo bwili Kwaamaɨ.
49Jʊ a bwɨɨ nǝ kwaanɔ a maa
mɨ gʌleng kanjǝl gǝnɔ,
dun gǝnɔ n sagsag.
50Bʊnatǝm gǝnɔ gǝ la la nǝb nɨ dʊʊl gǝn nɛɨ,
kal jǝbɔ kaltɨn.
51A maa gʌleng maajɨ nǝn kang gǝnɔ,
a kwɨ nǝb nɨ gung dul lɛɨ
nǝn dʌmʌn.
52A shig fɔlɔlɔmɔ a kotere fɔlɔn jinɔ gǝm,
a gung nǝb nɨ mɨ a nyiyo jǝlɨ.
53A ja nǝn nǝb nɨ nyʊwa jʊwan nɛɨ nǝn kanjǝl nyan.
A kaa nǝb shilogɔ kangɔ kwakwa.
54A tɨka bwɛ jwaalɛ gǝnɔ Israila,
ji bʊnǝn nǝbam gǝnɨ lɛ,
55kanga a swa yaa a daa tʊgalam bǝnɔ woi,
a daa Ibrahim woi jǝbɔ
dʊʊm gǝnɔ mɨ dɨtǝm wo.”
56Maryamu a yɨ jǝbɔ Alisabatu bwaalagɔ taal. Nǝngɔ a yǝla a shu a lɔɨ.
Ja Bʌ Yohana Nǝ Yʊtǝm Mwɛ Sagsagɔ
57Kwama butotǝm Alisabatui a laɨ, nǝngɔ a bʌ bwɛ balɨɨ. 58Nǝbam gǝnɔ jǝbɔ nǝbɔ yǝm dakini jǝbɔ gɨɨ, ja nyʊwa gɔ Tɛlalɔ a ji bʊnǝn gǝnɔ a ladaɨ, nǝngɔ ja maa fulotǝm nǝl jǝbɔ gɨɨ.
59Kum naalǝbɔ a la kanga ba jǝ biyo bwɛ gǝm mwɛnɔ lɛ jǝbɔ jatǝm duni, jǝ swɨ lɛ ja ja gǝm dun tɨya gɔ Zakariyaɨ, 60nǝngɔ nɛnɛ gɔ a sʊwa ji gɔ, “Mɨ nyɔ, jǝ jo gǝn gɔ Yohana.”
61Nǝngɔ ja sʊwa gǝn gɔ, “Mɨ nǝn nʊ nɨ wo a ja dun gɔ a mʊgɔ nanǝgam jeni.”
62Nǝngɔ ja sʊwa tɛtɛ gɔ nǝn kangɨ gɔ, ga sʊwa ji kanga jǝ jam dun bwɛɨ lɛɨ. 63Nǝngɔ a bʌ ji jʊ gǝ mʊla jim dun bwɛɨ lɛ nǝnɨ, a mʊla gɔ, “Dunɔ nǝn Yohana.” Jʊgɔ a laa kwaan nǝbɨɨ. 64Tʌgo a kang nyiyo gǝnɔ a wumo, ben gǝnɔ a kwɨya. Nǝngɔ a tǝl sʊwatǝm kɛlɨ, bǝlá Kwaama lɛɨ.
65Taalɔ a ta fatǝm yɨm gǝnɔ gwam. Nǝbɔ yǝm a yem Yahudiyaɨ, ja sʊwa kɛl a dul kanjǝl nɨ a bwɨ gwamɨ. 66Nǝb nɨ gwam a nyʊwa jʊ nɨɨ, jǝ bʊʊla lɛ gɔ, “N wɛ bwɛ dwalɨ nɨ yǝlam lɛɨ?” Ja bʌ jʊ nɨ jʊ a bwɨɨ ja kuwo kwaan Tɛlalɔɨ gǝ na jǝbɔ gɔ.
Nafɨ Zakariyaɨ
67Yʊwa Kwaamaɨ a yii tɨya gɔ Zakariyaɨ, nǝngɔ a sʊwa gɔ,
68“Bɛ bǝ bǝlá Tɛlalɔ Kwaama nǝbɔ Israilaɨ!
A bɛ sǝ ba jǝg dul nǝbam gǝnɨ.
69A gung bǝm nʊ nɨ ba bʊʊ lɛ nǝn bǝnɨ,
jel a lɔ bwɛ jwaalɛ gǝnɔ Daudaɨ.
70(Kanga Kwaama a sʊwa
a nyiyo nǝbkuwotǝmkǝga gǝnɔ sagsag galɨgǝnɨ).
71Bʊʊ bʊʊ nǝn bǝn a daa nǝb kiim bǝnɔ woi
jǝbɔ nǝb nɨ gwam kɔ bǝn nɛɨ,
72sǝ a ji bʊnǝn tʊgalam bǝnɨ,
sǝ a bʊʊla nǝn swatǝm yaa
sagsag nɨ ga maa jimi.
73Nǝn gɔ wɛɛlɨgɔ a wɛɛl tɨya
bǝn Ibrahim gǝmɨ:
74A wɛɛl gɔ gǝ jǝg bǝn jǝg a
kang nǝb kiim bǝnɨ,
sǝ bǝ bwang gǝm mɨ nyʊwatǝm taal wo,
75a gola yɨm sagsag jǝbɔ bwangtǝm Kwaamaɨ
dǝngdǝng a kǝga Kwaamaɨ mɨ dɨtǝm wo.
76Mɔ, mʊ bʊla mɨ,
jǝ jo ń jo ń
gɔ nǝkuwotǝmkǝga
nʊ a Laa Dʊʊlǝnɨ,
nǝmɔ mʊ ja kǝga lɛ
a Tɛlalɔ gǝmɨ,
sǝ ń fɛka gǝm golagɨɨ,
77sǝ ń sʊwa nǝbam gǝnɔ kɛl bʊʊtǝm jinɔ,
a gola kǝlǝmtǝm bwɨlangkɛl jinɔ gǝm.
78Kwaama bǝnɔ a bʊʊ nǝn bǝn
nyɔ a dul gʌleng bʊnatǝm gǝnɔ gǝm.
A gola bʊnatǝm gǝnɔ,
nyalǝmɔ won won a dʌbʌl
a gǝla a dul bǝn,
79sǝ a won a nǝb nɨ yǝm
a kumtojilii jǝbɔ nǝb nɨ
a nyiyo bwaaɨ,
sǝ a yɔ nǝn bǝn a gola
yɨm kwamɨgǝn.”
80Nǝngɔ bwɛ dwalɨ nɨ a dʊʊl a mʊgɔ kʊlɨɨ. A yɨ a mʊgɔ kuul, a bɛ nǝn a kumɔ a nʊng dul gǝnɔ a daa nǝbɔ Israilaɨ woi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation