Luka 8
8
Nɔɔtǝm Nɨ A Bwangtǝn Yesui
1Yesu a ja kǝga nǝn yɔmɔ. Dɔba tuulɔtɨnɔ lɛ jǝbɔ bɛlɨ tuulɔtɨnɔ. Kiyo fulon kɛl lǝmɨgɔ lɛ a dul fɔlɔn lɔ Kwaamaɨ. Bɛtɔ mɛlalɨ gǝnɔ kʊb jeli yoi wo dakini jǝbɔ gɔ. 2Kaam nɔɔtǝm nɨ ga jǝg jim yʊwa bwɨla jǝbɔ kaam bɔɔlatɨnɨ, bwang gǝm lɛ tʌji. Win a kʊm nɔɔtǝm nɨ nǝn Maryamu wʊnɨ jǝ jo lɛ gɔ bwɛn Magadaliyaɨ, wʊnɨ ga jǝg gǝm nǝblaamɔ nʌbʌli, 3jǝbɔ Yuwana nwala Kuzaɨ bwɛyʊgalɨ Hiridusi, jǝbɔ Suzanatu, jǝbɔ kaam nɔɔtǝmɔ a lada wʊnɨ ja maa jim tɨkalɨ nǝn kanjǝl nɨ jǝ nǝngǝnɨ.
Mʊsǝn Kɛl A Dul Nǝ Kwala
(Mat 13:1-23; Mar 4:1-9)
4Nǝbɔ a lada bɛ lɛ a daa gǝ woi tuulɔ jǝbɔ tuulɔ. Nǝngɔ a sʊwa ji mʊsǝn kɛlɔ gɔ, 5“Kaa nǝ jʊngtǝm twam a jel ya wa dʊʊm a tɔtwam gǝn. Nǝn kwama nɨ gǝ wam dʊʊmɔ lɛɨ, nǝngɔ kaam dʊʊmɔ a tǝla a golaɨ, nǝbɔ a falam nǝn naa, lǝbɨtɨnɔ a sobam. 6Kaam dʊʊmɔ a tǝla a daa tatǝn. Kwama ja gimi, ja kʊshɨlam, jʊ a bwɨɨ mɨ mwɛ wo. 7Kaam dʊʊmɔ a tǝla a kʊm shola. Ja dʊʊl dakinii, nǝngɔ sholagɔ a bǝm jii. 8Nǝngɔ kaam dʊʊmɔ a tǝla a tǝm nyanɨ, nǝngɔ ja dʊʊla ja jǝg dulɔ naagɔ fʊlkʊb a laa jʊ nǝ kwalagɔ a kwalɨ.”
Kwama nɨ Yesu a dɨm sʊwatǝm jinɔ fulon kɛl nɨɨ, nǝngɔ a jo ji nǝn diili gɔ, “Nʊ nɨ nǝn lɔl nyʊwatǝmɨ, bɛ ga nyʊwa.”
Jʊ Mʊsǝn Kɛl Nɨ Nʊng Lɛɨ
(Mat 13:10-17; Mar 4:10-12)
9Bɛtɔ mɛlalɨ gǝnɔ a bʌ gǝn gɔ, “Mʊsǝn kɛl nɨ mʊ sʊwa nǝnɨ, gǝ nʊng wɛ?”
10Nǝngɔ a sʊwa gɔ, “A jenɔ ja kwɛl ja jǝla jem jǝ́ nyǝm kanjǝl nɨ ja yʊ yʊɨ a fɔlɔn lɔ Kwaamaɨ. Tangǝn nǝbɔ mǝ sʊwa ji mʊsǝn kɛltɨn, sǝ na ja kuwoi, mɨsɔ jǝ nyǝm lɛ, sǝ na ja nyʊwaɨ, mɨsɔ jǝ fɛta lɛ.
Yesu A Fɛta Jʊ Mʊsǝn Kɛl Nɨ Nʊng Lɛɨ
(Mat 13:18-23; Mar 4:13-20)
11“Mʊsǝn kɛl nɨ nǝn gɔ, dʊʊmɔ gǝ nʊng kɛl Kwaamaɨ. 12Dʊʊm nɨ a tǝla a golaɨ, n nǝb nɨ na a nyʊwa kɛl Kwaamaɨ, Mammɔ ba jǝgǝm a mʊgɔ nǝl jinɔ gǝmɨ, sǝ ja nǝ bɔ bɨlǝngkɛl nɨ jǝ bʊʊm lɛɨ. 13Dʊʊm nɨ a tǝla a daa tatǝnɨ, n nǝbɔ gǝ yo kɛl Kwaamaɨ lɛ nǝn fulotǝm nǝlɨ. Na ja nyʊwaɨ, mɨ ji nǝn nʌl. Jǝ nǝ bɨlǝngkɛlɔ nǝn dǝm nyɔ. Na ja tɛl jii, mɨ jǝ tɨm bǝlatǝm kɛl Kwaamaɨ lɛ. 14Dʊʊm nɨ a tǝla a kʊm sholaɨ, n nǝb nɨ a nyʊwa kɛl Kwaamaɨ. Na jǝ daamɨ, komʌn kanjǝl yooligɔ, jǝbɔ saatǝm shilogɔ jǝbɔ nyʊwatǝm lǝmagɔ ba bǝmǝm bɨlǝngkɛlɔ. Mɨ jǝ maa jǝ nya lɛɨ. 15Dʊʊm nɨ a tǝla a tǝm nyanɨ, n nǝbɔ na a nyʊwa kɛl Kwaamaɨ ja ta gwanggwang nǝlɔ wini, ja kʊ nǝl ja jǝg dʊʊmɔ a ladaɨ.
Fitilagɔ Bǝ Kuwom Daa
(Mar 4:21-25)
16“Mɨsɔ nǝl kul fitila lɛ sǝ a do kʌshi a sum tʌgo. Mɨsɔ gǝ swa lɛ a sʊʊ wɨlǝn. Na ga kul fitilagɨɨ, gǝ swa a dʌbʌl kʌngteng, sǝ nǝbɔ a kuwom daa nǝn. 17Mɨ nǝn jʊ nɨ wo ja yʊ yʊɨ mɨsɔ jel lɛɨ. Mɨ nǝn kɛl nɨ ja ta a mʊgɔ nǝlɨ, mɨsɔ jel lɛ a talɨɨ. 18A dul kɛl nɨɨ bɛ jǝ́ kaa lɔl jenɔ a bʊm bʊmɨ na jǝ́ nyʊwa kɛl lɛɨ. Nʊ nɨ nǝn jǝlɨ, jǝ sʊ gǝm sʊ. Nʊ nɨ mɨ nǝn jǝlɨ, jʊ gǝ bʊʊla lɛ gǝ nǝnɨ, jǝ yem gǝm yem.”
Nyɨya Yesui Jǝbɔ Kɛtǝlam Gǝnɔ
(Mat 12:46-50; Mar 3:31-35)
19Nyɨya Yesui jǝbɔ kɛtǝlam gǝnɔ ja bɛ a daa gǝ woi, ja nya bɔ kuwotǝm gǝnɔ, jʊ a bwɨɨ nǝbɔ a lada. 20Nǝngɔ kaa nǝl ba sʊwa gǝn gɔ, “Nɛnɛ mɔ jǝbɔ kɛtǝlam mʊnɔ tɨlam a yooli. Jǝ swɨ lɛ ja kuwo ń.”
21Nǝngɔ a jǝla ji gɔ, “Nɛnɛ mɨ jǝbɔ kɛtǝlam mǝndɨ n nǝb nɨ nyʊwa kɛl Kwaama lɛɨ, jǝ maa maajɨ lɛ nǝnɨ.”
Yesu A Tɨ Nǝn Yʊwa Mwɛmɔ
(Mat 8:23-27; Mar 4:35-41)
22Kaa di Yesu a dɔ tɨyamwɛng jǝbɔ bɛtɔ mɛlalɨ gǝnɔ. Nǝngɔ a sʊwa ji gɔ, “Bǝ yab fʌlen a dʌng wɨma wuleni.” Nǝngɔ ja gun ja dɔ tɨyamwɛngɔ ja shui. 23Ji a mʊgɔ yɔmɨ, nǝngɔ dumɔ a do gǝnɨ. Nǝngɔ yʊwagɔ a gun a wɨmaɨ, mwɛmɔ a yii mʊgɔ tɨyamwɛngɔ. Jǝ na a nyiyo bwaa. 24Nǝngɔ bɛtɔ mɛlalɨ gǝnɔ ba gung gǝnɨ gɔ, “Tɛlalɔ, Tɛlalɔ, ya bǝ bʊla lɛ!”
A kǝlaɨ, nǝngɔ a ga yʊwagɔ jǝbɔ mwɛ nɨ mʊla lɛɨ gǝm wulongi. Nǝngɔ yʊwagɔ jǝbɔ mwɛmɔ a tɨɨ. 25Nǝngɔ a bʌ ji gɔ, “Nǝtǝm bɨlǝngkɛl jenɔ fee?”
Taalɔ a ta ji, nǝngɔ ja ta kang a nyiyoi. Nǝngɔ jǝ bʌbko lɛɨ gɔ, “Nʊ nɨ nuwo yʊwagɔ jǝbɔ mwɛmɔ mʊla lɛɨ nyʊwa kɛl gǝnɔ lɛɨ?”
Yesu A Jǝg Nǝblaamɔ A Gǝlala
(Mat 8:28-34; Mar 5:1-20)
26Ja yab wɨmagɔ. Nǝngɔ ba ja gǝla a kaa tǝm nɨ jǝ jo lɛ gɔ Garasinaɨ. Daagɔ a yǝga jǝbɔ Galili. 27Kwama nɨ Yesu a gǝla a tɨyamwɛngɔ gǝm a kʌng wɨmaɨ, nǝngɔ kaa nǝ yʊwa bwɨla a tuulɔ gɔ ba tǝga gǝnɨ. Nʊgɔ mɨ dʊʊ dwang lɛ. Mɨ gǝ daa lɛ a lɔ. Gǝ daa a kalfʌto. 28Kwama a kuwo Yesui, nǝngɔ a ga kamɨgɨɨ gɔ, “Yesu, Bʊla Kwaamaɨ, Nǝ Dʊʊnɔ, n wɛ mʊ saa lɛ a daa mɨ woi? N kela ń ka ń nɨ ɨ lɛ gaalan.”
29Jʊ a bwɨ a sʊwa nyɨɨ, Yesu a kwɛl a sʊwa yʊwa bwɨlagɔ gɔ a jelʌm a daa gǝ woi. Yʊwa bwɨlagɔ maa maajɨ lɛ nǝn gɔ a kʊta. Nǝbɔ tɔɔ gǝn nɛ tɔɔɨ. Kang gǝnɔ jǝbɔ naa gǝnɔ gwam ja bwabam bwabamɨ nǝn golman. Na yʊwa bwɨlagɔ a gung gǝnɨ, a tulolam golmanɔ sǝ a shu nǝn gɔ a kuul.
30Nǝngɔ Yesu a bʌ gǝn gɔ, “Dun mʊnɔ nǝn nuwo?”
Nǝngɔ a jǝla gǝn gɔ, “Lada.”
Dun gǝnɔ nǝn Lada jʊ a bwɨɨ nǝblaamɔ a bʊtɔ gǝnɨ a lada. 31Nǝngɔ nǝblaamɔ a tɨtǝn kelatǝm Yesui gɔ ka ga tʊng ji lɛ a bʊwa nɨ mɨ dɨltǝm woi.
32Ja kɔtʌgo a daa nɨ nyiyolitɨnɔ ja jam lɛ woi a kʊngnǝn yem. Nǝngɔ nǝblaamɔ a kela Yesu gɔ a bǝla ji jǝ dɔ mʊgɔ nyiyolitɨn nɨɨ. Nǝngɔ a jǝla jimi. 33Kwama nɨ nǝblaam nɨ a jelam bʊtɔ balɨ nɨɨ, nǝngɔ ja dɔ mʊgɔ nyiyolitɨn nɨɨ. Nǝngɔ ja mwala nǝn ji ya ja gǝla nǝn ji a mʊgɔ wɨmaɨ. Nǝngɔ nyiyolitɨn nɨ a nɔɔ mwɛmɔ a bʊlalaɨ.
34Kwama nǝb nɨ tɔɔ nyiyolitɨnɔ lɛ a kuwo jʊ nɨɨ, nǝngɔ ja mwal ya ja sʊwa nǝbɔ fulon kɛlɔ a mʊgɔ tuulɔ ji jǝbɔ tǝm jinɔ. 35Nǝbɔ a jel ba kuwo jʊ nɨ a bwɨɨ. Nǝngɔ ja bɛ a daa Yesu woi, ba ja nya nʊ nɨ nǝblaamɔ a jelʌm a bʊtɔ gǝnɨ, yǝm a kǝga Yesui gǝm. A dʊʊ dwang nyanɔ. Dul gǝnɔ kwamɨgǝn. Nǝngɔ taalɔ a ta jii. 36Nǝb nɨ a kuwo jʊ nɨ a bwɨɨ, nǝngɔ ja sʊwa tangǝn nǝbɔ kanga nǝ yʊwa bwɨla nɨ a nya gungtǝmɨ. 37Nǝbɔ a tǝm Garasinaɨ a kuwo gwam, taalɔ a ta ji. Nǝngɔ ja kela Yesu gɔ a bǝla tǝm jini. Nǝngɔ a yǝla a dɔ mʊgɔ tɨyamwɛngɔ a shui.
38Nʊ nɨ nǝblaamɔ a jel a bʊtɔ gǝnɨ, a kela gǝn gɔ jǝ shu jǝbɔ gɔ. Nǝngɔ Yesu a kaa gǝn gɔ, 39“Yǝla yɔ a lɔ ya sʊwa nǝbɔ gʌleng jʊ nɨ Kwaama a maa mʊnɨ.”
Nǝngɔ nʊ nɨ a yǝla ya sʊwa nǝbɔ gwam a mʊgɔ tǝm jini, gʌleng jʊ nɨ Yesu a maa gǝmɨ.
Bwɛnɔɔlɨ Jairusi Jǝbɔ Nɔɔlɨ Nɨ Tʊʊmɔ Jel Gǝm Lɛɨ
(Mat 9:18-26; Mar 5:21-43)
40Yǝlatǝm Yesui a gwanga kʌng wɨma wuleni, nǝbɔ a mʊrka woi ja yo gǝn a daa jǝ yam gǝn nɛ wo gwamɨ. 41Nǝngɔ kaa balɨ nɨ jǝ jo lɛ gɔ Yayirusi, n nǝ dʊʊ a kan mɛlalɨ, ba yal a kǝga Yesui, kel gǝn nɛ gɔ a bɛ a lɔ gɔ. 42Nǝngɔ a kela gǝn gɔ bwɛnɔɔlɨ gǝnɔ nɨ win swarɨ nǝn jolɔ kʊb jeli yoi, gǝ na a nyiyo bwaa.
Yesu shu lɛ wo, bwɨ nǝbɨɨ a lada jǝ tʊnga gǝn nɛ. 43Kaa nɔɔlɨ wo a kʊm kʌm nǝbɨɨ mɨ kwamɨgǝn. A la jolɔ kʊb jeli yo tʊʊmɔ jel gǝm lɛ. Nɔɔlɨ nɨ a jʌ jʊ nɨ a ladaɨ a daagɔ nǝb bʊʊmɔ woi, a nyʊwa bɔ lǝma. 44Nǝngɔ a yɔ a gul Yesui, a ke nyiyo dwang malǝng dʊʊn gǝnɨ. Tʌgo a kang, tʊʊmɔ a tɨɨ.
45Yesu a bʌ gɔ, “Nuwo a ke i?”
Nǝngɔ nǝbɔ gɔ ke bɔ jii, Bitrus gɔ, “Nǝ dʊʊ, bwɨ nǝb nɨ a kang ń, mǝmsa ń nɛɨ.”
46Nǝngɔ Yesu a sʊwa gǝn gɔ, “Kaa nǝl a ke i. N nyʊwa kwaan gungtǝm nǝbɨɨ a jel a daa mǝ woi.”
47Nɔɔlɨ nɨ kuwo lɛ jǝ nyǝm gǝn nyǝmɨ, nǝngɔ a jeli, bʊtɔgɔ ka lɛ nǝn kʌbkʌb nyɔ. A jʊng a kǝga Yesui a sʊwa gǝn jʊ a bwɨ gǝ ke gǝnɨ, jǝbɔ lǝma nɨ gǝ nya tʌgo a kangɨ. 48Yesu a jǝla gǝn gɔ, “Bʊla mɨ, nǝtǝm bɨlǝngkɛl mʊnɔ a gung ń. Yɔ kwamɨgǝn.”
49A dɨ bɔ kɛlɔ a nyiyo gǝnɨ, nǝngɔ kaa bwɛ twama a jel a lɔ Yayirusi, nǝ dʊʊ kan mɛlalɨgɔ, ba sʊwa Yayirus gɔ, “Bwɛnɔɔlɨ mʊnɔ a bʊla. Bɛ ka ń nǝ lɛ feyigɔ gaalan.”
50Yesu a nyʊwa nyɨɨ, nǝngɔ a sʊwa Yayirus gɔ, “Bɛ ka ń nyʊwa lɛ taal. Nǝ bɨlǝngkɛl. Bwɛnɔɔlɨ nɨ yǝla fulo fulo.”
51Ja la lɔngɨ, a jǝla bɔ kaa nǝl a dɔ dakini jǝbɔ gɔ, na ke bɔ Bitrus, jǝbɔ Yohana, jǝbɔ Yakubu, jǝbɔ tɨya bwɛnɔɔlɨ nɨ jǝbɔ nɛnɛ gɨɨ. 52Bwɨ nǝb nɨ a mʊrka a lɔ nɨɨ, jǝ ji wigɔ lɛ jǝ gaba kwaalɨgɔ lɛ a dul bwɛnɔɔlɨ nɨ a bʊlaɨ. Yesu a sʊwa gɔ, “Bɛ ka jǝ́ ji lɛ wi. Bwɛnɔɔlɨ nɨ a bʊla bɔ. Gǝ daa dum.”
53Nǝngɔ ja nʊngǝm nǝn nʊngǝlɨ. Ja kwɛl ja nyǝm a bʊla bʊlaɨ. 54Yesu a ta kang gǝnɔ. Nǝngɔ a jo gǝn nǝn diil gɔ, “Bwɛnɔɔlɨ, gun.”
55Dʊʊmɨgɔ a fulo. Tʌgo a kang a gun a tɨ tɨɨ. Nǝngɔ Yesu a sʊwa ji gɔ, “Jǝ́ nǝ gǝn jǝjalǝnɔ a ja.” 56Tɛtǝlam gǝnɔ a ta kang a nyiyo. Nǝngɔ Yesu a gʊ lɔl jini gɔ bɛ ka ja sʊwa lɛ kaa nǝl jʊ nɨ a bwɨɨ.
Currently Selected:
Luka 8: DBD
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation
Luka 8
8
Nɔɔtǝm Nɨ A Bwangtǝn Yesui
1Yesu a ja kǝga nǝn yɔmɔ. Dɔba tuulɔtɨnɔ lɛ jǝbɔ bɛlɨ tuulɔtɨnɔ. Kiyo fulon kɛl lǝmɨgɔ lɛ a dul fɔlɔn lɔ Kwaamaɨ. Bɛtɔ mɛlalɨ gǝnɔ kʊb jeli yoi wo dakini jǝbɔ gɔ. 2Kaam nɔɔtǝm nɨ ga jǝg jim yʊwa bwɨla jǝbɔ kaam bɔɔlatɨnɨ, bwang gǝm lɛ tʌji. Win a kʊm nɔɔtǝm nɨ nǝn Maryamu wʊnɨ jǝ jo lɛ gɔ bwɛn Magadaliyaɨ, wʊnɨ ga jǝg gǝm nǝblaamɔ nʌbʌli, 3jǝbɔ Yuwana nwala Kuzaɨ bwɛyʊgalɨ Hiridusi, jǝbɔ Suzanatu, jǝbɔ kaam nɔɔtǝmɔ a lada wʊnɨ ja maa jim tɨkalɨ nǝn kanjǝl nɨ jǝ nǝngǝnɨ.
Mʊsǝn Kɛl A Dul Nǝ Kwala
(Mat 13:1-23; Mar 4:1-9)
4Nǝbɔ a lada bɛ lɛ a daa gǝ woi tuulɔ jǝbɔ tuulɔ. Nǝngɔ a sʊwa ji mʊsǝn kɛlɔ gɔ, 5“Kaa nǝ jʊngtǝm twam a jel ya wa dʊʊm a tɔtwam gǝn. Nǝn kwama nɨ gǝ wam dʊʊmɔ lɛɨ, nǝngɔ kaam dʊʊmɔ a tǝla a golaɨ, nǝbɔ a falam nǝn naa, lǝbɨtɨnɔ a sobam. 6Kaam dʊʊmɔ a tǝla a daa tatǝn. Kwama ja gimi, ja kʊshɨlam, jʊ a bwɨɨ mɨ mwɛ wo. 7Kaam dʊʊmɔ a tǝla a kʊm shola. Ja dʊʊl dakinii, nǝngɔ sholagɔ a bǝm jii. 8Nǝngɔ kaam dʊʊmɔ a tǝla a tǝm nyanɨ, nǝngɔ ja dʊʊla ja jǝg dulɔ naagɔ fʊlkʊb a laa jʊ nǝ kwalagɔ a kwalɨ.”
Kwama nɨ Yesu a dɨm sʊwatǝm jinɔ fulon kɛl nɨɨ, nǝngɔ a jo ji nǝn diili gɔ, “Nʊ nɨ nǝn lɔl nyʊwatǝmɨ, bɛ ga nyʊwa.”
Jʊ Mʊsǝn Kɛl Nɨ Nʊng Lɛɨ
(Mat 13:10-17; Mar 4:10-12)
9Bɛtɔ mɛlalɨ gǝnɔ a bʌ gǝn gɔ, “Mʊsǝn kɛl nɨ mʊ sʊwa nǝnɨ, gǝ nʊng wɛ?”
10Nǝngɔ a sʊwa gɔ, “A jenɔ ja kwɛl ja jǝla jem jǝ́ nyǝm kanjǝl nɨ ja yʊ yʊɨ a fɔlɔn lɔ Kwaamaɨ. Tangǝn nǝbɔ mǝ sʊwa ji mʊsǝn kɛltɨn, sǝ na ja kuwoi, mɨsɔ jǝ nyǝm lɛ, sǝ na ja nyʊwaɨ, mɨsɔ jǝ fɛta lɛ.
Yesu A Fɛta Jʊ Mʊsǝn Kɛl Nɨ Nʊng Lɛɨ
(Mat 13:18-23; Mar 4:13-20)
11“Mʊsǝn kɛl nɨ nǝn gɔ, dʊʊmɔ gǝ nʊng kɛl Kwaamaɨ. 12Dʊʊm nɨ a tǝla a golaɨ, n nǝb nɨ na a nyʊwa kɛl Kwaamaɨ, Mammɔ ba jǝgǝm a mʊgɔ nǝl jinɔ gǝmɨ, sǝ ja nǝ bɔ bɨlǝngkɛl nɨ jǝ bʊʊm lɛɨ. 13Dʊʊm nɨ a tǝla a daa tatǝnɨ, n nǝbɔ gǝ yo kɛl Kwaamaɨ lɛ nǝn fulotǝm nǝlɨ. Na ja nyʊwaɨ, mɨ ji nǝn nʌl. Jǝ nǝ bɨlǝngkɛlɔ nǝn dǝm nyɔ. Na ja tɛl jii, mɨ jǝ tɨm bǝlatǝm kɛl Kwaamaɨ lɛ. 14Dʊʊm nɨ a tǝla a kʊm sholaɨ, n nǝb nɨ a nyʊwa kɛl Kwaamaɨ. Na jǝ daamɨ, komʌn kanjǝl yooligɔ, jǝbɔ saatǝm shilogɔ jǝbɔ nyʊwatǝm lǝmagɔ ba bǝmǝm bɨlǝngkɛlɔ. Mɨ jǝ maa jǝ nya lɛɨ. 15Dʊʊm nɨ a tǝla a tǝm nyanɨ, n nǝbɔ na a nyʊwa kɛl Kwaamaɨ ja ta gwanggwang nǝlɔ wini, ja kʊ nǝl ja jǝg dʊʊmɔ a ladaɨ.
Fitilagɔ Bǝ Kuwom Daa
(Mar 4:21-25)
16“Mɨsɔ nǝl kul fitila lɛ sǝ a do kʌshi a sum tʌgo. Mɨsɔ gǝ swa lɛ a sʊʊ wɨlǝn. Na ga kul fitilagɨɨ, gǝ swa a dʌbʌl kʌngteng, sǝ nǝbɔ a kuwom daa nǝn. 17Mɨ nǝn jʊ nɨ wo ja yʊ yʊɨ mɨsɔ jel lɛɨ. Mɨ nǝn kɛl nɨ ja ta a mʊgɔ nǝlɨ, mɨsɔ jel lɛ a talɨɨ. 18A dul kɛl nɨɨ bɛ jǝ́ kaa lɔl jenɔ a bʊm bʊmɨ na jǝ́ nyʊwa kɛl lɛɨ. Nʊ nɨ nǝn jǝlɨ, jǝ sʊ gǝm sʊ. Nʊ nɨ mɨ nǝn jǝlɨ, jʊ gǝ bʊʊla lɛ gǝ nǝnɨ, jǝ yem gǝm yem.”
Nyɨya Yesui Jǝbɔ Kɛtǝlam Gǝnɔ
(Mat 12:46-50; Mar 3:31-35)
19Nyɨya Yesui jǝbɔ kɛtǝlam gǝnɔ ja bɛ a daa gǝ woi, ja nya bɔ kuwotǝm gǝnɔ, jʊ a bwɨɨ nǝbɔ a lada. 20Nǝngɔ kaa nǝl ba sʊwa gǝn gɔ, “Nɛnɛ mɔ jǝbɔ kɛtǝlam mʊnɔ tɨlam a yooli. Jǝ swɨ lɛ ja kuwo ń.”
21Nǝngɔ a jǝla ji gɔ, “Nɛnɛ mɨ jǝbɔ kɛtǝlam mǝndɨ n nǝb nɨ nyʊwa kɛl Kwaama lɛɨ, jǝ maa maajɨ lɛ nǝnɨ.”
Yesu A Tɨ Nǝn Yʊwa Mwɛmɔ
(Mat 8:23-27; Mar 4:35-41)
22Kaa di Yesu a dɔ tɨyamwɛng jǝbɔ bɛtɔ mɛlalɨ gǝnɔ. Nǝngɔ a sʊwa ji gɔ, “Bǝ yab fʌlen a dʌng wɨma wuleni.” Nǝngɔ ja gun ja dɔ tɨyamwɛngɔ ja shui. 23Ji a mʊgɔ yɔmɨ, nǝngɔ dumɔ a do gǝnɨ. Nǝngɔ yʊwagɔ a gun a wɨmaɨ, mwɛmɔ a yii mʊgɔ tɨyamwɛngɔ. Jǝ na a nyiyo bwaa. 24Nǝngɔ bɛtɔ mɛlalɨ gǝnɔ ba gung gǝnɨ gɔ, “Tɛlalɔ, Tɛlalɔ, ya bǝ bʊla lɛ!”
A kǝlaɨ, nǝngɔ a ga yʊwagɔ jǝbɔ mwɛ nɨ mʊla lɛɨ gǝm wulongi. Nǝngɔ yʊwagɔ jǝbɔ mwɛmɔ a tɨɨ. 25Nǝngɔ a bʌ ji gɔ, “Nǝtǝm bɨlǝngkɛl jenɔ fee?”
Taalɔ a ta ji, nǝngɔ ja ta kang a nyiyoi. Nǝngɔ jǝ bʌbko lɛɨ gɔ, “Nʊ nɨ nuwo yʊwagɔ jǝbɔ mwɛmɔ mʊla lɛɨ nyʊwa kɛl gǝnɔ lɛɨ?”
Yesu A Jǝg Nǝblaamɔ A Gǝlala
(Mat 8:28-34; Mar 5:1-20)
26Ja yab wɨmagɔ. Nǝngɔ ba ja gǝla a kaa tǝm nɨ jǝ jo lɛ gɔ Garasinaɨ. Daagɔ a yǝga jǝbɔ Galili. 27Kwama nɨ Yesu a gǝla a tɨyamwɛngɔ gǝm a kʌng wɨmaɨ, nǝngɔ kaa nǝ yʊwa bwɨla a tuulɔ gɔ ba tǝga gǝnɨ. Nʊgɔ mɨ dʊʊ dwang lɛ. Mɨ gǝ daa lɛ a lɔ. Gǝ daa a kalfʌto. 28Kwama a kuwo Yesui, nǝngɔ a ga kamɨgɨɨ gɔ, “Yesu, Bʊla Kwaamaɨ, Nǝ Dʊʊnɔ, n wɛ mʊ saa lɛ a daa mɨ woi? N kela ń ka ń nɨ ɨ lɛ gaalan.”
29Jʊ a bwɨ a sʊwa nyɨɨ, Yesu a kwɛl a sʊwa yʊwa bwɨlagɔ gɔ a jelʌm a daa gǝ woi. Yʊwa bwɨlagɔ maa maajɨ lɛ nǝn gɔ a kʊta. Nǝbɔ tɔɔ gǝn nɛ tɔɔɨ. Kang gǝnɔ jǝbɔ naa gǝnɔ gwam ja bwabam bwabamɨ nǝn golman. Na yʊwa bwɨlagɔ a gung gǝnɨ, a tulolam golmanɔ sǝ a shu nǝn gɔ a kuul.
30Nǝngɔ Yesu a bʌ gǝn gɔ, “Dun mʊnɔ nǝn nuwo?”
Nǝngɔ a jǝla gǝn gɔ, “Lada.”
Dun gǝnɔ nǝn Lada jʊ a bwɨɨ nǝblaamɔ a bʊtɔ gǝnɨ a lada. 31Nǝngɔ nǝblaamɔ a tɨtǝn kelatǝm Yesui gɔ ka ga tʊng ji lɛ a bʊwa nɨ mɨ dɨltǝm woi.
32Ja kɔtʌgo a daa nɨ nyiyolitɨnɔ ja jam lɛ woi a kʊngnǝn yem. Nǝngɔ nǝblaamɔ a kela Yesu gɔ a bǝla ji jǝ dɔ mʊgɔ nyiyolitɨn nɨɨ. Nǝngɔ a jǝla jimi. 33Kwama nɨ nǝblaam nɨ a jelam bʊtɔ balɨ nɨɨ, nǝngɔ ja dɔ mʊgɔ nyiyolitɨn nɨɨ. Nǝngɔ ja mwala nǝn ji ya ja gǝla nǝn ji a mʊgɔ wɨmaɨ. Nǝngɔ nyiyolitɨn nɨ a nɔɔ mwɛmɔ a bʊlalaɨ.
34Kwama nǝb nɨ tɔɔ nyiyolitɨnɔ lɛ a kuwo jʊ nɨɨ, nǝngɔ ja mwal ya ja sʊwa nǝbɔ fulon kɛlɔ a mʊgɔ tuulɔ ji jǝbɔ tǝm jinɔ. 35Nǝbɔ a jel ba kuwo jʊ nɨ a bwɨɨ. Nǝngɔ ja bɛ a daa Yesu woi, ba ja nya nʊ nɨ nǝblaamɔ a jelʌm a bʊtɔ gǝnɨ, yǝm a kǝga Yesui gǝm. A dʊʊ dwang nyanɔ. Dul gǝnɔ kwamɨgǝn. Nǝngɔ taalɔ a ta jii. 36Nǝb nɨ a kuwo jʊ nɨ a bwɨɨ, nǝngɔ ja sʊwa tangǝn nǝbɔ kanga nǝ yʊwa bwɨla nɨ a nya gungtǝmɨ. 37Nǝbɔ a tǝm Garasinaɨ a kuwo gwam, taalɔ a ta ji. Nǝngɔ ja kela Yesu gɔ a bǝla tǝm jini. Nǝngɔ a yǝla a dɔ mʊgɔ tɨyamwɛngɔ a shui.
38Nʊ nɨ nǝblaamɔ a jel a bʊtɔ gǝnɨ, a kela gǝn gɔ jǝ shu jǝbɔ gɔ. Nǝngɔ Yesu a kaa gǝn gɔ, 39“Yǝla yɔ a lɔ ya sʊwa nǝbɔ gʌleng jʊ nɨ Kwaama a maa mʊnɨ.”
Nǝngɔ nʊ nɨ a yǝla ya sʊwa nǝbɔ gwam a mʊgɔ tǝm jini, gʌleng jʊ nɨ Yesu a maa gǝmɨ.
Bwɛnɔɔlɨ Jairusi Jǝbɔ Nɔɔlɨ Nɨ Tʊʊmɔ Jel Gǝm Lɛɨ
(Mat 9:18-26; Mar 5:21-43)
40Yǝlatǝm Yesui a gwanga kʌng wɨma wuleni, nǝbɔ a mʊrka woi ja yo gǝn a daa jǝ yam gǝn nɛ wo gwamɨ. 41Nǝngɔ kaa balɨ nɨ jǝ jo lɛ gɔ Yayirusi, n nǝ dʊʊ a kan mɛlalɨ, ba yal a kǝga Yesui, kel gǝn nɛ gɔ a bɛ a lɔ gɔ. 42Nǝngɔ a kela gǝn gɔ bwɛnɔɔlɨ gǝnɔ nɨ win swarɨ nǝn jolɔ kʊb jeli yoi, gǝ na a nyiyo bwaa.
Yesu shu lɛ wo, bwɨ nǝbɨɨ a lada jǝ tʊnga gǝn nɛ. 43Kaa nɔɔlɨ wo a kʊm kʌm nǝbɨɨ mɨ kwamɨgǝn. A la jolɔ kʊb jeli yo tʊʊmɔ jel gǝm lɛ. Nɔɔlɨ nɨ a jʌ jʊ nɨ a ladaɨ a daagɔ nǝb bʊʊmɔ woi, a nyʊwa bɔ lǝma. 44Nǝngɔ a yɔ a gul Yesui, a ke nyiyo dwang malǝng dʊʊn gǝnɨ. Tʌgo a kang, tʊʊmɔ a tɨɨ.
45Yesu a bʌ gɔ, “Nuwo a ke i?”
Nǝngɔ nǝbɔ gɔ ke bɔ jii, Bitrus gɔ, “Nǝ dʊʊ, bwɨ nǝb nɨ a kang ń, mǝmsa ń nɛɨ.”
46Nǝngɔ Yesu a sʊwa gǝn gɔ, “Kaa nǝl a ke i. N nyʊwa kwaan gungtǝm nǝbɨɨ a jel a daa mǝ woi.”
47Nɔɔlɨ nɨ kuwo lɛ jǝ nyǝm gǝn nyǝmɨ, nǝngɔ a jeli, bʊtɔgɔ ka lɛ nǝn kʌbkʌb nyɔ. A jʊng a kǝga Yesui a sʊwa gǝn jʊ a bwɨ gǝ ke gǝnɨ, jǝbɔ lǝma nɨ gǝ nya tʌgo a kangɨ. 48Yesu a jǝla gǝn gɔ, “Bʊla mɨ, nǝtǝm bɨlǝngkɛl mʊnɔ a gung ń. Yɔ kwamɨgǝn.”
49A dɨ bɔ kɛlɔ a nyiyo gǝnɨ, nǝngɔ kaa bwɛ twama a jel a lɔ Yayirusi, nǝ dʊʊ kan mɛlalɨgɔ, ba sʊwa Yayirus gɔ, “Bwɛnɔɔlɨ mʊnɔ a bʊla. Bɛ ka ń nǝ lɛ feyigɔ gaalan.”
50Yesu a nyʊwa nyɨɨ, nǝngɔ a sʊwa Yayirus gɔ, “Bɛ ka ń nyʊwa lɛ taal. Nǝ bɨlǝngkɛl. Bwɛnɔɔlɨ nɨ yǝla fulo fulo.”
51Ja la lɔngɨ, a jǝla bɔ kaa nǝl a dɔ dakini jǝbɔ gɔ, na ke bɔ Bitrus, jǝbɔ Yohana, jǝbɔ Yakubu, jǝbɔ tɨya bwɛnɔɔlɨ nɨ jǝbɔ nɛnɛ gɨɨ. 52Bwɨ nǝb nɨ a mʊrka a lɔ nɨɨ, jǝ ji wigɔ lɛ jǝ gaba kwaalɨgɔ lɛ a dul bwɛnɔɔlɨ nɨ a bʊlaɨ. Yesu a sʊwa gɔ, “Bɛ ka jǝ́ ji lɛ wi. Bwɛnɔɔlɨ nɨ a bʊla bɔ. Gǝ daa dum.”
53Nǝngɔ ja nʊngǝm nǝn nʊngǝlɨ. Ja kwɛl ja nyǝm a bʊla bʊlaɨ. 54Yesu a ta kang gǝnɔ. Nǝngɔ a jo gǝn nǝn diil gɔ, “Bwɛnɔɔlɨ, gun.”
55Dʊʊmɨgɔ a fulo. Tʌgo a kang a gun a tɨ tɨɨ. Nǝngɔ Yesu a sʊwa ji gɔ, “Jǝ́ nǝ gǝn jǝjalǝnɔ a ja.” 56Tɛtǝlam gǝnɔ a ta kang a nyiyo. Nǝngɔ Yesu a gʊ lɔl jini gɔ bɛ ka ja sʊwa lɛ kaa nǝl jʊ nɨ a bwɨɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation