Luka Mʊlalɨgɔ
Mʊlalɨgɔ
Nʊ a mʊla Fulon Kɛl Lǝmɨ nɨɨ jǝ jo gǝn gɔ Luka. Bulus bwɛ twama a mʊla a dul gǝn gɔ, “Fwal mɨ Luka nǝ nyinong” (Kolosii 4:14). Luka jǝbɔ Bulus ja yɔ daatɨnɔ a gǝlala, jǝ sʊwa kɛl nyan nɛ a dul Yesu Kiristii. Gǝ na dakini jǝbɔ Bulus nǝn kwama nɨ Bulus a lɔsomii, a tuulɔ Romaɨ (2 Timoti 4:11). Nǝn Luka tag a mʊla langǝn bwangǝn Maajɨ Bɛtɔ Twamagɨɨ.
Nǝn Luka a mʊla fulon kɛl lǝmɨ nɨ a gul bwaa Yesui, a bʊla a gun nǝn kʊlɨ tagɨ. A mʊlam kaa balɨ dunɔ nǝn Tiyofalas. Tiyofalas na kaa nǝ dʊʊ, n nǝ dʊʊ a kʊm nǝb dʊʊm Romagɨɨ. Swɨ lɛ a nyǝm bɨlǝngkɛl a dul Yesu Kiristii. Luka a mʊla kanjǝl nɨ a bwɨ a kwama Yesu a yoolii. A mʊla, a sʊwa kanga kanjǝl nɨ a bwɨmɨ. Luka ke bɔ bwɛ Yahuda. Mʊla nʊ nɨ gǝm lɛ ke bɔ bwɛ Yahudaɨ. Gǝ nʊng nʊng jǝfʊlǝn Yahudawagɨɨ jǝbɔ yɨm jinɔ.
Luka a mʊla langǝn bwangǝn gǝnɔ sǝ a nʊng nǝbɔ gɔ Yesu nǝn gɔ jǝg nǝbɔ lɛɨ. Fulon Kɛl Lǝmɨ Nɨ Luka A Mʊlaɨ, a dul Yesu Kiristii, na a nǝbɨɨ gwam a yooli nɨ.
Kanjǝlɔ A Mʊgɔ Langǝn Bwangǝn Nɨɨ
Yaltǝm 1:1-4
Bʌtʌm Jǝbɔ Dʊʊlǝn Yohanaɨ Nǝ Yʊtǝm Mwɛ Sagsag Jǝbɔ Yesu 1:5--2:52
Maajɨ Yohanaɨ Nǝ Yʊtǝm Mwɛ Sagsag 3:1-20
Yʊtǝm Mwɛ Sagsag Yesui Jǝbɔ Tɛltǝm Gǝnɔ A Mʊgɔ Kuul 3:21--4:13
Maajɨ Yesui A Galili 4:14--9:50
Yesu A Bǝla Galiligɔ A Shu Urushalima 9:51--19:27
Dɨltǝm Maajɨ Yesui Jǝbɔ Mwɛtǝm Gǝnɔ Jǝbɔ Bwaa Gǝnɔ 19:28--23:56
Guntǝm Yesui A Bwaa Jǝbɔ Nʊngtǝm Dul Gǝnɔ, Jǝbɔ Guntǝm Gǝnɔ 24:1-53
Currently Selected:
Luka Mʊlalɨgɔ: DBD
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation