Be Mochi 6
6
Bè swavǝ be nobǝ chwen a fà, ya a kwa mode ángá
1Abu efim mo be ya e ekǝ̀n-etsǝ́m a chu Ehwya è no tubi anga, be ya a Yahuda ya è jan hwi Heleni (Girka) a engga mo be ángá, è kwa ara dwawi etom a chu be ya a Yahuda ya è jan hwi Ebru anga jan ne, nogwa nogwa atan a be kwa mode anga, be ká be be gwafǝ́n mo be, ya a Heleni anga ra. 2Enona, be gwi chu fà hon è fǝ́ fǝn gu be ya ekǝ̀n-etsǝ́m hon nè jan, “Ga se ye je e twa e gwa mochi mo fwa mo Ehwya ejanm evǝa je e ti ekpengga mo je ti e no e kwa be nobǝ mode anga ra. 3Be nwenjwa, nye e swavǝ be nobǝ chwen a fà a tswa engga mo nye, be nobǝ ya e mbo ngge Engǝ́ mo Ehwya n no ngge enggaton àywá. Ja ti mochi ena ti a du be a bu, 4ngge a je ja ti tsuruku mo je a nyi adi ebgo ebgom ngge mochi mo Fwa Esese hon.”
5Binbin mo be nobǝ è fo etkwa mo pyoro epam mo be etsonchi hon. Ekǝnggwa bè swa Estifano, nobǝ è mbo ngge chaebi ngge Engǝ́ mo Ehwya tangge Filibu ngge Burokoro ngge Nikana ngge Timo ngge Barinina ngge Nikola ya a Antakiya (nwene è bwa kwa adi efen efenm yishwa mo ya a Ebru ángá). 6Bè kpu be nobǝ chwen a fà ena bwa chafya mo be etsonchi hon. Be etsonchi hon è tu be bu a chu nè bgó ebgo a chu be.
7Enona, be ya ekǝ̀n-etsǝ́m è no kpwà adi be nobǝ embo fwa mo Ehwya ejanm. Efim mo be ya ekǝ̀n-etsǝ́m a Urishelima è no tubi anga myan myan. Embo mo be ekǝ́n è nga be ya è tse fwa mo Ehwya anga, nè tsǝ́ekǝ̀n a chu mo nó gaten.
Bè fu Estifano
8Asuswana Estifano, nobǝ a Ehwya è no ye esese ngge echakpo àywá, gè bwe be moeditanm ngge be echi ezǝzǝju àywá a engga mo be nobǝ hon. 9Ekǝnggwa, efyan etwam è kwa ara engga mo Estifano ngge be ya a àtá chuefǝnm mo be nobǝ egwagwa (abu bè fǝ́ be anga). Be ya hon ena è no be ya a Esǝrela a eten a Sirini ngge be ya a Alezandiriya tangge be efa mo Kilikiya ngge Eshiya. 10Tea bè twa ti be efyan ngge ge ra, adia enggaton mbwe eno e ra Engǝ́ mo Ehwya nwene a gè jan fwa anga adi efka mo nó ángá.
11Ekǝnggwa, bè tsa be nobǝ ya ehwyà engǝ̀tonton jan nè jan, “Je fo Estifano no janpin Mosa ngge Ehwya anga.”
12A chu fwa ena, bè tú be nobǝ tangge be atkwen nobǝ ngge be etumo mo edon etsǝn. Bè fu Estifano nè ti ye ken a zǝn be Atkwentì mo be ya a Yahuda. 13Bè kpu be nobǝ ya ehwyà bwa fe fwafe a chu ye jan, “Nobǝ ena chà gwa didi ye ejanpinm mo Àtá mo Ehwya ngge edon a Mosa è no je ángá ra. 14Adia jè fo ara ye gè jan, Yeso ya a Nazarati hon kǝn a bwi Àtá mo Ehwya ena na twa a fwe binbin mo be moefì a Mosa è ti no je ángá.”
15Binbin mo be Atkwentì mo be ya a Yahuda è nggwa Estifano fǝzǝn a ju, nè di jan fǝzǝn embǝgya mbwe è no mbǝgye zǝ anga abu ḿ mo maleka.
Currently Selected:
Be Mochi 6: ICH
Highlight
Share
Copy
Want to have your highlights saved across all your devices? Sign up or sign in
© 2024 Luke Initiative for Scripture Translation
