Be Mochi 7
7
Fwa a Estifano è jan a chafya mo be Atkwentì ángá
1Ekǝnggwa Chu mo ekǝ́n è ká Estifano eka jan, “Be fwa a be nobǝ jan anga a chu o na, no eshwen?”
2Estifano è janfwe ye ngge be atkwenti ya ehwyà jan, “Be nwenjwa m ngge be ate m ya, nye buton nye e fo m. Ehwya e no egǝ̀ngǝ̀n ángá, è mbwibwa a zǝn be ebǝ ata mo je Ebrayi atan a gè chà no a sǝnsen mo Mesopotamiya sangǝ́ gè chà bwa dwa a Haran. 3Ehwya è jan ye, ‘Gwa eyasǝnsen mbo ngge be ya mbwe o, we ken adi sǝnsen hon a ma tú o ángá.’
4“Enona, gè gwa sǝnsen mo be ya Kaldiya nè ken no a eten a Haran. Chashin a ate ye è fǝ ara ángá, Ehwya è du ye bwa adi sǝnsen ena a nye dwano a zǝn asuswana na. 5Ehwya è no didi ye ye mofǝ́n mo sǝnsen a zǝn hon ra, èé echi fù akan. Tea gè senvǝ ngge ge jan ne, a ge ngge be ebi mbwe ba defǝ́n mo sǝnsen hon, bi adi atan enò Ebrayi è fwa ye ngge nwen ra ángá. 6Ena a abu Ehwya è jan fwa ngge ge ángá, ‘Be ebi mbo a ken a no be ya echan adi sǝnsen e fwa ye ḿ mo be ra ángá. Ba fu be fí na tswa be ekan mo be je gwé ndwe (400) a zǝn. 7Tea ma kǝn be efi ya a tswa be fí anga ten, chashin ba gwa a je mo sǝnsen hon, be bwa a fen m adi zǝn ena.’ 8Kǝnggwa gè no Ebrayi dwavǝ esenm mo tkyà etsenm. Enona, Ebrayi è mbwa Eshaku nè tsen nó tkyà adi tsǝnò e chwen a ta mo embwam mo nwen hon. Beti bishi Eshaku è mbwa Yakubu ngge Yakubu è mbwa be ebǝ ata abonbon gwi chu fà mo ya a Esǝrela hon.
9“Adia be ebǝ ata abonbon hon, è ze Esufu ángá, bè ti ye jwade abu fí a Masa. Tea Ehwya è no ngge ge, 10nè tivǝ́ ye adi be ekan mbwe binbin. Ehwya gaten è no Esufu enggaton nè bwejwa ye, gè ben esese chafya mo Firona, tì echa a Masa. Enona, tì hon è bwe ye gè no Gomna a sǝnsen mo Masa ngge chu a tswa tem̀ mbwe hon binbin.
11“Ekǝnggwa mbe ekǝnkǝn nya è fu a sǝnsen mo Masa ngge sǝnsen mo Ka-ana, nè du be nobǝ ngǝ ekan àywá ngge be ebǝ ata mo je è ben be mode ra. 12Atan a Yakubu è fo bè jan mode no a Masa ángá, gè tson be ebǝ je, mbǝgya mbwe, shi a Masa adi kèn ekwafya mo be, evǝa be e jwa mode. 13Adi eshim mo be adi e fà, Esufu è fitu be nwenjwa ye ende a gè no ángá ngge Firona è bwa yi kpenmu mo Esufu. 14Chashin mo mò ena, Esufu è tson be nwenjwa ye be e ti ate ye Yakubu ngge be ya mbwe ye binbin e shi a Masa. Binbin mo be nobǝ hon è no gwi chwen a fà chu chwen (75). 15Enona, Yakubu è shi a Masa. Zǝn a a ge ngge be ebǝ ata mo je è fǝ ángá. 16Bè kpu ekǝnjuju mo be twabǝ ken di a Shekem, a afkudì a Ebrayi è jwa a zǝn mbǝgya ndedon mo Hamo a Shekem ngge tse ángá.
17“Abu ekpengga è no bwa anga tenten, atan a Ehwya a bwe de a fǝ vǝ-esenm mbwe ngge Ebrayi ángá, efim mo yamuje a Masa è tubi ara embo. 18Ekǝnggwa bè dwa nobǝ akan tì a Masa, nobǝ hon è yi ye mò akan a chu Esufu ra. 19Gè tswa be yamuje fí àywá, nè du be ebǝ ata mo je kpu mbǝgyashan mo be kpu nggwafwa abu be e fǝ.
20“A adi ekpengga ena, a bè mbwa Mosa, gè fwa ye nwen kukwa chafya mo Ehwya ra. Bè fyo ye mo fka ta a tswa a kan mbwe ate ye. 21Atan a bè ti ye nyigwa a je ángá, nwen mo Firona ndegwa è ti ye nè fyo ye abu nwen ye. 22Bè tú gu Mosa enggaton yishwa mo be ya a Masa. Gè jan yi fwa nè bwe yi be mò ngge echakpo àywá.
23“Atan a Mosa è kengga ara je gwi ndwe (40) ángá, gè ka a tsuruku mbwe jan ge e ken e ban e di be ya mbwe ye, be ya a Esǝrela, evǝa ge e di yishwa ekan a be no a tswa mo nó ángá. 24Atan a gè ken ángá, nò kè akan gè di ya a Masa akan è no tswa ya a Esǝrela akan ekan anga, enona, gè ken chá ebgan sǝ́ ya a Esǝrela hon, nè gu ya a Masa hon kpwakpo chu mò a gè bwe ya a Esǝrela ángá. 25Mosa è ka jan, be ya mbwe ye a yi jan Ehwya è bwe mochi anga ngge ge evǝa ge ti e vǝ́ be, tea bè yi be ra. 26Zǝngga re mo nó, Mosa è di be ya a Esǝrela fà è no butsǝ anga. Gè tkyan ge e kwa a engga mo be evǝa ge e kpèn e tswa be fwa hon, nè jan, ‘A nye be ndedon, nya be nwenjwa so, ano bwe a ge nye nda anga nye e dì sojunye ju?’
27“Tea ende nwene éè tswa akan ekan anga, è tsǝ Mosa ken a buetkwa nè jan, ‘Nwene e du o we no chu ngge ekpenkǝ́n a chu je ángá a ara? 28O nda anga we gu m abu wá gu ya a Masa hon andǝgya ángá?’ 29Atan a Mosa è fo fwa ena ángá, gè tse ken a sǝnsen mo ya Mediya, zǝn a gè no abu ya echan, nè mbwa mbǝgya ndedon fà ángá.
30“Chashin a je gwi ndwe è twafǝ̀ ara ángá, maleka mo Ehwya è mbwibwa a zǝn Mosa a tswa dgyén-fǝ̀ è no de fǝtu anga a tswavǝ́n tenten a Hwì a Sinayi. 31Atan a Mosa è di mò hon ángá, gè tàn ebwikpe. Abu gè ken tenten, ge e di e seshi mò hon ángá, gè fo aken mo Ehwya jan, 32‘A me ma Ehwya hon mo be ate o, Ehwya mo Ebrayi, Eshaku ngge Yakubu.’ Etsentsen è tsen Mosa àywá, enona gè dgyan ye ge e di ende éè jan fwa anga ra.
33“Ekǝnggwa Ehwya è jan ye jan, ‘Kpenvǝ́ kpumo a tkyafù mbo, adia zǝn a o ywano ni a sǝnsen echanwenwen. 34M di ara ekan a be tswa be nobǝ mam anga a Masa, m fo ara dwa ekpem mo be, m shwa ara evǝa me e fken e gwa be. Asuswana bwa, ma tson o chí, o twabǝ a ken a Masa.’
35“Ena a Mosa hon nwene a be ya a Esǝrela è segwa ye nè jan, ‘Ara du o a ge we no chu ngge ekpenkǝ́n a chu je?’ Ehwya e chu ye è tson ye ge e ken e no efanvǝn mo be ngge efkenvǝ mo be adi efka mo maleka è mbwibwa adi fǝ̀ è de be fǝtu hon ángá. 36Mosa è kpu be vǝ́ a je mo Masa nè bwe be moeditanm ngge be echi àywá a tswa Masa, a zǝn Sǝn Ebenben ngge a tswa ehwen mo je gwi ndwe.
37“Ena a Mosa hon è jan ara be ya a Esǝrela jan, ‘Ehwya a swa a vǝ́ efojan akan abu me a tswa engga mo ya mu nye,’ ángá. 38Gè no abibi ngge be nobǝ mo Ehwya a tswa ehwen, atan a maleka è jan fwa ngge ge a chu Hwì a Sinayi, tangge be ebǝ ata mo je. Gè cha be fwa a zǝn Ehwya nwene e no nya anga, ti no je.
39“Tea be ebǝ ata mo je è se be e tse ye. Bè segwa ye, nè dgyan jan be e twabǝ e ken a Masa. 40Bè jan Aruna jan, ‘Bwe je be ehwyá ya a no be efanvǝn chafya mo je anga. Adi ḿ mo Mosa ena, nwene è no efanvǝn mo je nè kpu je gwa a je mo Masa ángá, je yi je mò e bwe ngge ge ángá ra.’ 41Eni a atan a bè mbwe sen akan è no abu ezon-ndwa. Bè tkòn mò no sen hon ngge ju eshanm, bè twa bón tàn mò a bè mbwe ngge kpwabu mo be ángá. 42Enona, Ehwya è twanga chashin no be, nè gwa be bè fen nò, fka ngge be ngǝkpe. Mò hon ena defǝ ngge mò a bè bá no a tswa Fwaebam, jan,
“ ‘A nye be ya a Esǝrela,
a a me a nyè yagu be efyomo kpu
tkòn no ye ngge be mò enom a ehwen,
mo je gwi ndwe ángá?
43É yé, nyè tku ken fen anga
sen mo nye,
Molechi ngge ngǝkpe mo ehwyá mo
nye a bè fǝ́ anga Refan ángá.
Be sen a nye bwe ngge be bu mo
nye ángá evǝa nye e fen be.
Enona, ma gwa be nobǝ ba kpu nye abu
fí a ken sǝnsen e dgyen twafǝ̀ Babila ángá.’
44“Be ebǝ ata mo je è ken anga ngge Afku, è tú jan Ehwya nè no ngge be a tswa ehwen. Bè tsa nó abu Ehwya è jan Mosa, ngge abu Ehwya è tú ye nó ángá. 45A bè cha ara Afku hon ángá, be ebǝ ata mo je atan a Joshuwa è no efanvǝn mo be ángá gè ti nó bwa ngge be, a sǝnsen a Ehwya è no be, a gè nyonvǝ́ ara be efi ya è dwano a zǝn ángá. Afku hon è no ngge be ti bwangga adi ekpengga mo tì Dawuda. 46Dawuda a Ehwya è dgyan àywá, è bgó Ehwya jan be e gwa ye ge e mbwe zǝn enom mo Ehwya mo ebǝ je Yakubu. 47Tea Sulemano è mbwe Àtá mo Ehwya hon a ge.
48“Nye yi jan, Ehwya hon e dgwa ti ara ángá, no ye anga a tswa mo àtá a be nobǝ mbwe a be ángá ra, abu be efojan è bá ekpe ekpe è jan,
49“Ehwya jan, ‘Kpe a zǝn botì mam,
sǝnsen hon, a zǝn cha fu mam.
Yishwa àtá hon nwone a wa
mbwe a no m ángá no engǝ?
Efki ra, zǝn nya etkem mam,
no a che?
50Fwa ye a me hon nwene è bwe
gu be mò ena ngge be bu mam anga ra?’
51“A nye be ya chu echam, tsuruku mo nye ngge tón mo nye chà no etwapem. Nye no tén abu be ate nye. Nogwa nogwa nye no twa ese anga ngge Engǝ́ mo Ehwya. 52Bè ben di ara efojan akan nwene a be ate nye è chà tswa didi be ye fí ra? Bè gu èé be ya è jan fwa a chu ebwam mo Ebitete Akan hon. Asuswana nye tsǝ du ara ye, nye gu ye. 53A nye hon ya è cha edon hon nwone a bè ti tson bwa nye chá bu mo be maleka ángá, tea nye tse nye be ra.”
Etwagum mo Estifano ngge ten
54Atan a be Atkwentì mo be ya a Yahuda è fo fwa a Estifano è jan anga, bè vǝ́ engo àywá nè kǝ́n san a chu ye. 55Tea Estifano è mbo ngge Engǝ́ mo Ehwya, gè takpa vǝ́ chá kpe nè di egǝ̀n mo Ehwya ngge Yeso ywano chá budgo mo Ehwya. 56Gè jan, “Di, m di kpe fkigwa, ngge Nwen Nobǝ hon ywano chá budgo mo Ehwya.”
57Abu bè fo enò ángá, bè twape be tón mo be ngge dwa etànm àywá nè ngga ye a ju kè akan. 58Bè vǝ fan ye vǝ́ a je mo eten efifi hon nè kwa ara ye ten etwam. Atan enò be ya è tso ye efya ángá, è kpén gu mokàn mo be kpu bwa fǝn chafya mo ezon-ndedon akan a bè fǝ́ anga Shawulu, ge e dgon be nó.
59Atan a bè twa wi ye be ten anga ángá, Estifano è bgó ebgo jan, “Yeso Etsodwe, cha nya mam.” 60Ekǝnggwa gè hò shi a sen a chu ekpanvǝ mbwe nè tandwa jan, “Etsodwe, we nyi mbo mò ebgen ena a chu be ra.” A ge jan fwa ara enò ángá, fǝ è ti ara ye.
Currently Selected:
Be Mochi 7: ICH
Highlight
Share
Copy
Want to have your highlights saved across all your devices? Sign up or sign in
© 2024 Luke Initiative for Scripture Translation
Be Mochi 7
7
Fwa a Estifano è jan a chafya mo be Atkwentì ángá
1Ekǝnggwa Chu mo ekǝ́n è ká Estifano eka jan, “Be fwa a be nobǝ jan anga a chu o na, no eshwen?”
2Estifano è janfwe ye ngge be atkwenti ya ehwyà jan, “Be nwenjwa m ngge be ate m ya, nye buton nye e fo m. Ehwya e no egǝ̀ngǝ̀n ángá, è mbwibwa a zǝn be ebǝ ata mo je Ebrayi atan a gè chà no a sǝnsen mo Mesopotamiya sangǝ́ gè chà bwa dwa a Haran. 3Ehwya è jan ye, ‘Gwa eyasǝnsen mbo ngge be ya mbwe o, we ken adi sǝnsen hon a ma tú o ángá.’
4“Enona, gè gwa sǝnsen mo be ya Kaldiya nè ken no a eten a Haran. Chashin a ate ye è fǝ ara ángá, Ehwya è du ye bwa adi sǝnsen ena a nye dwano a zǝn asuswana na. 5Ehwya è no didi ye ye mofǝ́n mo sǝnsen a zǝn hon ra, èé echi fù akan. Tea gè senvǝ ngge ge jan ne, a ge ngge be ebi mbwe ba defǝ́n mo sǝnsen hon, bi adi atan enò Ebrayi è fwa ye ngge nwen ra ángá. 6Ena a abu Ehwya è jan fwa ngge ge ángá, ‘Be ebi mbo a ken a no be ya echan adi sǝnsen e fwa ye ḿ mo be ra ángá. Ba fu be fí na tswa be ekan mo be je gwé ndwe (400) a zǝn. 7Tea ma kǝn be efi ya a tswa be fí anga ten, chashin ba gwa a je mo sǝnsen hon, be bwa a fen m adi zǝn ena.’ 8Kǝnggwa gè no Ebrayi dwavǝ esenm mo tkyà etsenm. Enona, Ebrayi è mbwa Eshaku nè tsen nó tkyà adi tsǝnò e chwen a ta mo embwam mo nwen hon. Beti bishi Eshaku è mbwa Yakubu ngge Yakubu è mbwa be ebǝ ata abonbon gwi chu fà mo ya a Esǝrela hon.
9“Adia be ebǝ ata abonbon hon, è ze Esufu ángá, bè ti ye jwade abu fí a Masa. Tea Ehwya è no ngge ge, 10nè tivǝ́ ye adi be ekan mbwe binbin. Ehwya gaten è no Esufu enggaton nè bwejwa ye, gè ben esese chafya mo Firona, tì echa a Masa. Enona, tì hon è bwe ye gè no Gomna a sǝnsen mo Masa ngge chu a tswa tem̀ mbwe hon binbin.
11“Ekǝnggwa mbe ekǝnkǝn nya è fu a sǝnsen mo Masa ngge sǝnsen mo Ka-ana, nè du be nobǝ ngǝ ekan àywá ngge be ebǝ ata mo je è ben be mode ra. 12Atan a Yakubu è fo bè jan mode no a Masa ángá, gè tson be ebǝ je, mbǝgya mbwe, shi a Masa adi kèn ekwafya mo be, evǝa be e jwa mode. 13Adi eshim mo be adi e fà, Esufu è fitu be nwenjwa ye ende a gè no ángá ngge Firona è bwa yi kpenmu mo Esufu. 14Chashin mo mò ena, Esufu è tson be nwenjwa ye be e ti ate ye Yakubu ngge be ya mbwe ye binbin e shi a Masa. Binbin mo be nobǝ hon è no gwi chwen a fà chu chwen (75). 15Enona, Yakubu è shi a Masa. Zǝn a a ge ngge be ebǝ ata mo je è fǝ ángá. 16Bè kpu ekǝnjuju mo be twabǝ ken di a Shekem, a afkudì a Ebrayi è jwa a zǝn mbǝgya ndedon mo Hamo a Shekem ngge tse ángá.
17“Abu ekpengga è no bwa anga tenten, atan a Ehwya a bwe de a fǝ vǝ-esenm mbwe ngge Ebrayi ángá, efim mo yamuje a Masa è tubi ara embo. 18Ekǝnggwa bè dwa nobǝ akan tì a Masa, nobǝ hon è yi ye mò akan a chu Esufu ra. 19Gè tswa be yamuje fí àywá, nè du be ebǝ ata mo je kpu mbǝgyashan mo be kpu nggwafwa abu be e fǝ.
20“A adi ekpengga ena, a bè mbwa Mosa, gè fwa ye nwen kukwa chafya mo Ehwya ra. Bè fyo ye mo fka ta a tswa a kan mbwe ate ye. 21Atan a bè ti ye nyigwa a je ángá, nwen mo Firona ndegwa è ti ye nè fyo ye abu nwen ye. 22Bè tú gu Mosa enggaton yishwa mo be ya a Masa. Gè jan yi fwa nè bwe yi be mò ngge echakpo àywá.
23“Atan a Mosa è kengga ara je gwi ndwe (40) ángá, gè ka a tsuruku mbwe jan ge e ken e ban e di be ya mbwe ye, be ya a Esǝrela, evǝa ge e di yishwa ekan a be no a tswa mo nó ángá. 24Atan a gè ken ángá, nò kè akan gè di ya a Masa akan è no tswa ya a Esǝrela akan ekan anga, enona, gè ken chá ebgan sǝ́ ya a Esǝrela hon, nè gu ya a Masa hon kpwakpo chu mò a gè bwe ya a Esǝrela ángá. 25Mosa è ka jan, be ya mbwe ye a yi jan Ehwya è bwe mochi anga ngge ge evǝa ge ti e vǝ́ be, tea bè yi be ra. 26Zǝngga re mo nó, Mosa è di be ya a Esǝrela fà è no butsǝ anga. Gè tkyan ge e kwa a engga mo be evǝa ge e kpèn e tswa be fwa hon, nè jan, ‘A nye be ndedon, nya be nwenjwa so, ano bwe a ge nye nda anga nye e dì sojunye ju?’
27“Tea ende nwene éè tswa akan ekan anga, è tsǝ Mosa ken a buetkwa nè jan, ‘Nwene e du o we no chu ngge ekpenkǝ́n a chu je ángá a ara? 28O nda anga we gu m abu wá gu ya a Masa hon andǝgya ángá?’ 29Atan a Mosa è fo fwa ena ángá, gè tse ken a sǝnsen mo ya Mediya, zǝn a gè no abu ya echan, nè mbwa mbǝgya ndedon fà ángá.
30“Chashin a je gwi ndwe è twafǝ̀ ara ángá, maleka mo Ehwya è mbwibwa a zǝn Mosa a tswa dgyén-fǝ̀ è no de fǝtu anga a tswavǝ́n tenten a Hwì a Sinayi. 31Atan a Mosa è di mò hon ángá, gè tàn ebwikpe. Abu gè ken tenten, ge e di e seshi mò hon ángá, gè fo aken mo Ehwya jan, 32‘A me ma Ehwya hon mo be ate o, Ehwya mo Ebrayi, Eshaku ngge Yakubu.’ Etsentsen è tsen Mosa àywá, enona gè dgyan ye ge e di ende éè jan fwa anga ra.
33“Ekǝnggwa Ehwya è jan ye jan, ‘Kpenvǝ́ kpumo a tkyafù mbo, adia zǝn a o ywano ni a sǝnsen echanwenwen. 34M di ara ekan a be tswa be nobǝ mam anga a Masa, m fo ara dwa ekpem mo be, m shwa ara evǝa me e fken e gwa be. Asuswana bwa, ma tson o chí, o twabǝ a ken a Masa.’
35“Ena a Mosa hon nwene a be ya a Esǝrela è segwa ye nè jan, ‘Ara du o a ge we no chu ngge ekpenkǝ́n a chu je?’ Ehwya e chu ye è tson ye ge e ken e no efanvǝn mo be ngge efkenvǝ mo be adi efka mo maleka è mbwibwa adi fǝ̀ è de be fǝtu hon ángá. 36Mosa è kpu be vǝ́ a je mo Masa nè bwe be moeditanm ngge be echi àywá a tswa Masa, a zǝn Sǝn Ebenben ngge a tswa ehwen mo je gwi ndwe.
37“Ena a Mosa hon è jan ara be ya a Esǝrela jan, ‘Ehwya a swa a vǝ́ efojan akan abu me a tswa engga mo ya mu nye,’ ángá. 38Gè no abibi ngge be nobǝ mo Ehwya a tswa ehwen, atan a maleka è jan fwa ngge ge a chu Hwì a Sinayi, tangge be ebǝ ata mo je. Gè cha be fwa a zǝn Ehwya nwene e no nya anga, ti no je.
39“Tea be ebǝ ata mo je è se be e tse ye. Bè segwa ye, nè dgyan jan be e twabǝ e ken a Masa. 40Bè jan Aruna jan, ‘Bwe je be ehwyá ya a no be efanvǝn chafya mo je anga. Adi ḿ mo Mosa ena, nwene è no efanvǝn mo je nè kpu je gwa a je mo Masa ángá, je yi je mò e bwe ngge ge ángá ra.’ 41Eni a atan a bè mbwe sen akan è no abu ezon-ndwa. Bè tkòn mò no sen hon ngge ju eshanm, bè twa bón tàn mò a bè mbwe ngge kpwabu mo be ángá. 42Enona, Ehwya è twanga chashin no be, nè gwa be bè fen nò, fka ngge be ngǝkpe. Mò hon ena defǝ ngge mò a bè bá no a tswa Fwaebam, jan,
“ ‘A nye be ya a Esǝrela,
a a me a nyè yagu be efyomo kpu
tkòn no ye ngge be mò enom a ehwen,
mo je gwi ndwe ángá?
43É yé, nyè tku ken fen anga
sen mo nye,
Molechi ngge ngǝkpe mo ehwyá mo
nye a bè fǝ́ anga Refan ángá.
Be sen a nye bwe ngge be bu mo
nye ángá evǝa nye e fen be.
Enona, ma gwa be nobǝ ba kpu nye abu
fí a ken sǝnsen e dgyen twafǝ̀ Babila ángá.’
44“Be ebǝ ata mo je è ken anga ngge Afku, è tú jan Ehwya nè no ngge be a tswa ehwen. Bè tsa nó abu Ehwya è jan Mosa, ngge abu Ehwya è tú ye nó ángá. 45A bè cha ara Afku hon ángá, be ebǝ ata mo je atan a Joshuwa è no efanvǝn mo be ángá gè ti nó bwa ngge be, a sǝnsen a Ehwya è no be, a gè nyonvǝ́ ara be efi ya è dwano a zǝn ángá. Afku hon è no ngge be ti bwangga adi ekpengga mo tì Dawuda. 46Dawuda a Ehwya è dgyan àywá, è bgó Ehwya jan be e gwa ye ge e mbwe zǝn enom mo Ehwya mo ebǝ je Yakubu. 47Tea Sulemano è mbwe Àtá mo Ehwya hon a ge.
48“Nye yi jan, Ehwya hon e dgwa ti ara ángá, no ye anga a tswa mo àtá a be nobǝ mbwe a be ángá ra, abu be efojan è bá ekpe ekpe è jan,
49“Ehwya jan, ‘Kpe a zǝn botì mam,
sǝnsen hon, a zǝn cha fu mam.
Yishwa àtá hon nwone a wa
mbwe a no m ángá no engǝ?
Efki ra, zǝn nya etkem mam,
no a che?
50Fwa ye a me hon nwene è bwe
gu be mò ena ngge be bu mam anga ra?’
51“A nye be ya chu echam, tsuruku mo nye ngge tón mo nye chà no etwapem. Nye no tén abu be ate nye. Nogwa nogwa nye no twa ese anga ngge Engǝ́ mo Ehwya. 52Bè ben di ara efojan akan nwene a be ate nye è chà tswa didi be ye fí ra? Bè gu èé be ya è jan fwa a chu ebwam mo Ebitete Akan hon. Asuswana nye tsǝ du ara ye, nye gu ye. 53A nye hon ya è cha edon hon nwone a bè ti tson bwa nye chá bu mo be maleka ángá, tea nye tse nye be ra.”
Etwagum mo Estifano ngge ten
54Atan a be Atkwentì mo be ya a Yahuda è fo fwa a Estifano è jan anga, bè vǝ́ engo àywá nè kǝ́n san a chu ye. 55Tea Estifano è mbo ngge Engǝ́ mo Ehwya, gè takpa vǝ́ chá kpe nè di egǝ̀n mo Ehwya ngge Yeso ywano chá budgo mo Ehwya. 56Gè jan, “Di, m di kpe fkigwa, ngge Nwen Nobǝ hon ywano chá budgo mo Ehwya.”
57Abu bè fo enò ángá, bè twape be tón mo be ngge dwa etànm àywá nè ngga ye a ju kè akan. 58Bè vǝ fan ye vǝ́ a je mo eten efifi hon nè kwa ara ye ten etwam. Atan enò be ya è tso ye efya ángá, è kpén gu mokàn mo be kpu bwa fǝn chafya mo ezon-ndedon akan a bè fǝ́ anga Shawulu, ge e dgon be nó.
59Atan a bè twa wi ye be ten anga ángá, Estifano è bgó ebgo jan, “Yeso Etsodwe, cha nya mam.” 60Ekǝnggwa gè hò shi a sen a chu ekpanvǝ mbwe nè tandwa jan, “Etsodwe, we nyi mbo mò ebgen ena a chu be ra.” A ge jan fwa ara enò ángá, fǝ è ti ara ye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Luke Initiative for Scripture Translation