Be Mochi 8
8
1Shawulu è no a zǝn nè chadwa mo egum mo Estifano.
Bè tswa be ya è ba Yeso fí anga nè bushan be
Nò eni, be nobǝ è kwa ara be nobǝ ya è tsǝ́ekǝ̀n no a chu Ehwya a Urishelima ángá, fí ekǝnkǝn nya etswam. Bè bushan gu be, bè ken chá be efa sǝnsen mo Yahudiya ngge Samariya, è kpwà be etsonchi hon ya è nya be ra. 2Be ya è tsen Ehwya anga, è ti kǝn mo Estifano ken di nè dwafǝ mbwe a tswa nya ebgenm àywá. 3Tea Shawulu è kwa ara be ya ekǝ̀n-etsǝ́m fí etswam, nè kwa mu ngge mu no fu be ndedon èé ndegwa kpu ken no nggwa anga a àtá ehwyatu.
Filibu ken du edgon a chu Fwa Esese a eten a Samariya
4Be ya ekǝ̀n-etsǝ́m ya a bè bushan ara be ángá, è jan be nobǝ Fwa Esese, a egwa egwa mo be zǝn e bè ken ángá. 5Filibu è shi ḿ mbwe chá eten efifi akan a sǝnsen mo Samariya, nè du edgon mo Kristi a zǝn. 6Be nobǝ ya è fo mò a Filibu è jan be nè di be echi mò ezǝzǝju ya a gè bwe ángá, binbin mo be è bu seshi tón a chu fwa a gè jan be ángá. 7Be engǝ́ esera è gwa a je a ju be nobǝ embo ngge dwa etànm echakpokpo, be ya modwa-edan ngge be ya ju engǝfǝfu è ben ematswam. 8Enona, be nobǝ a eten efifi hon è fo etkwa àywá.
Sima ya bwi etsonm
9Nobǝ akan, è no a tswa eten efifi hon, bè fǝ́ ye anga Sima. Gè no ya bwi etsonm, nè bwe bwi emotete nwone è zǝ̀ be nobǝ a Samariya ju anga. Gè no séfǝ́ anga jan ga nobǝ echa. 10Binbin mo be nobǝ è digǝ̀n ye, be nwenfi tangge mbǝgya, è buton fo ye nè no jan anga jan, “Nobǝ ena a Echakpo Echa mo Ehwya.” 11Bè no ba bwi ye anga adia gè dgyen ara fon, gè no bwe be mò zǝ̀ be ju anga adi efka mo emotete mbwe hon. 12Tea atan a be nobǝ embo è tsǝ́ekǝ̀n a chu Fwa Esese a Filibu è jan be anga a chu zǝnotì mo Ehwya ngge ti mo Yeso Kristi ángá, bè bwe be batisǝma, ndedon ngge ndegwa. 13Sima e chu ye è tsǝ́ekǝ̀n, bè bwe ye batisǝma. Gè kwa ara Filibu, ebam no ken anga egwa egwa mo zǝn, nè tàn ebwikpe àywá a chu be moeditanm ngge be echi mo mò ezǝzǝju a gè di ángá.
14Atan a be etsonchi hon a Urishelima è fo jan be ya a Samariya cha ara fwa mo Ehwya ángá, bè tson Bitru ngge Yohana ken a zǝn be. 15Atan a bè kengga ángá, bè bgó ebgo a chu be ya è cha Ehwya efwe efwe evǝa be e ben Engǝ́ mo Ehwya, 16adia Engǝ́ mo Ehwya è chà shwa ye a chu ende akan mo be ra. Bè chà bwe kpwà be batisǝma adi ti mo Yeso Etsodwe. 17Ekǝnggwa Bitru ngge Yohana è tu be bu a chu, kǝnggwa bè cha Engǝ́ mo Ehwya hon.
18Atan a Sima è diyi jan be nobǝ cha Engǝ́ mo Ehwya hon anga atan a be etsonchi è tu be bu etum a chu ángá, gè no Bitru ngge Yohana tse, 19nè jan, “Nye no m echakpo ena èé me evǝa egwa egwa a m tu ye bu a chu, ga cha Engǝ́ mo Ehwya.”
20Bitru è jan, “Tse mbo ge e tkò ngge bo, adia o ka jan wa jwa edwe a Ehwya dwe be nobǝ anga ngge tse. 21O fwa mbo ngge buhwen a wa ben adi mochi ena ángá ra, adia tsuruku mbo fwa ye esese a chafya mo Ehwya ra. 22Twa etwa mo mofǝ̀ ena, we bgó ebgo a zǝn Etsodwe hon, ehwyà ge gwa a no o ebgen mbo adia o no ngge yishwa tashwa ekam ena a tsuruku mbo. 23Adia m di jan o mbo ngge engǝbgen esera a chu je, ngge ebgen dwatì no a chu o.”
24Ekǝnggwa Sima è jan be jan, “Nye e bgó ebgo a chu m a zǝn Etsodwe evǝa akan mo be mò a nye jan na, e bwe ye ngge me ra.”
25Atan a Bitru ngge Yohana è jan fwa ara be nobǝ mò a be yi, nè du ara edgon mo fwa mo Ehwya ángá, bè twabǝ ken a Urishelima nè no jan be nobǝ Fwa Esese anga a tswa be eten nwofyan àywá a efa mo be ya a Samariya abu bè nyaken efǝ ángá.
Filibu ngge afatkya akan ya Etiyopiya
26Adi ḿ mo Filibu, maleka mo Ehwya è jan ye jan, “We kpo efǝ e ken chá mo Kpan, tú anga efǝ e ken chá ehwen. Efǝ e vǝ a Urishelima ken shi a Gaza ángá.” 27Enona, gè vǝ́ a je nè ti kèn, abu gè nyashi ángá, gè ben afatkya akan ya a Etiyopiya. Gè no nobǝ echa akan è fu ebentse mo Kandakatu (ètì mo be ya Etiyopiya), no a bu mbwe ángá. Nobǝ hon è ken a Urishelima evǝa ge e fen efen nè twabǝ nyabwa. 28Afatkya hon è twabǝ nyabwa a mu a chu keke-enyo mbwe, nè no ká afketa hon a Efojan Eshaya è bá ángá. 29Ekǝnggwa Engǝ́ mo Ehwya è jan Filibu jan, “Ken a zǝn keke-enyo e nokǝ̀n, we no ken anga a buetkwa mbwe.”
30Enona, Filibu è tse ken tenten a zǝn keke-enyo hon nè fo nobǝ hon no ká afketa a Efojan Eshaya è ba ángá. Filibu è ká ye eka jan, “Chú o hwayi mò a o ká anga ni mbo?”
31Gè janfwe ye, “Ma bwe engǝ m chà hwa a yi ye, ano nobǝ akan tú m nó ra?” Enona, gè fǝ́ Filibu dwa jan ne tón e vǝ́ e chu ngge ge.
32Afatkya hon e ká anga be Fwaebam nwone e jan,
“Bè du ye abu son ken adi zǝn a be
yagu be efyomo anga,
abu nwen son atan a bè
hwi ye fǝfǝ a ju anga,
gè no emtsǝtsǝ nè fki ye vǝ ra.
33Atan a bè bwe ye mò ebgenju,
bè cha be dwa be chutì be
e kpèn ye kǝ́n adi ebi ra.
Ende e jan a ti be nobǝ fwa a chu
mo be efi mbwe ángá a ara?
Adia bè ti ara nya mbwe
a di zǝnchaje ena.”
34Ekǝnggwa afatkya hon è ká Filibu eka jan, “M bgó o, jan m, ende a efojan hon è jan fwa anga a chu mo nó ángá, a ara, a chu ye nè, a a chu nobǝ efki?” 35Ekǝnggwa Filibu, è kwa ara ye moetum tke a chu Fwaebam hon ena, nè no jan ye Fwa Esese anga a chu Yeso.
36Abu bè nyabwa a efǝ ángá, bè bwangga a zǝn a mbǝ è no ángá, afatkya hon è ká eka jan, “Di mbǝ no na, ano bwe a ge ba bwe m batisǝma ra?” [ 37Filibu è janfwe ye, “Ano o no ara ngge chaebi a tsuruku mbo binbin a chu Ehwya, ba bwe o batisǝma.”
Afatkya hon è jan, “M no ara ngge chaebi jan Yeso Kristi a Nwen mo Ehwya.”]
38Ekǝnggwa afatkya hon è du be be e fu e ndnya keke-enyo hon. Filibu ngge ge, bè shwa a sen nè kwashi a tswa mbǝ hon, Filibu è bwe ye batisǝma. 39Atan a bè gwa a je mo mbǝ hon ángá, Engǝ́ mo Etsodwe è ti Filibu ti nya ara kè akan. Afatkya hon è didi ye ye efwe ra, tea gè nya m̀ mbwe nè no shánju anga ngge vǝtsen. 40Beti bishi, Filibu è di jan ge no a eten Azotu, nè tkukwa gu be eten nè no du edgon a chu Fwa Esese anga ti kengga a Kesariya.
Currently Selected:
Be Mochi 8: ICH
Highlight
Share
Copy
Want to have your highlights saved across all your devices? Sign up or sign in
© 2024 Luke Initiative for Scripture Translation
Be Mochi 8
8
1Shawulu è no a zǝn nè chadwa mo egum mo Estifano.
Bè tswa be ya è ba Yeso fí anga nè bushan be
Nò eni, be nobǝ è kwa ara be nobǝ ya è tsǝ́ekǝ̀n no a chu Ehwya a Urishelima ángá, fí ekǝnkǝn nya etswam. Bè bushan gu be, bè ken chá be efa sǝnsen mo Yahudiya ngge Samariya, è kpwà be etsonchi hon ya è nya be ra. 2Be ya è tsen Ehwya anga, è ti kǝn mo Estifano ken di nè dwafǝ mbwe a tswa nya ebgenm àywá. 3Tea Shawulu è kwa ara be ya ekǝ̀n-etsǝ́m fí etswam, nè kwa mu ngge mu no fu be ndedon èé ndegwa kpu ken no nggwa anga a àtá ehwyatu.
Filibu ken du edgon a chu Fwa Esese a eten a Samariya
4Be ya ekǝ̀n-etsǝ́m ya a bè bushan ara be ángá, è jan be nobǝ Fwa Esese, a egwa egwa mo be zǝn e bè ken ángá. 5Filibu è shi ḿ mbwe chá eten efifi akan a sǝnsen mo Samariya, nè du edgon mo Kristi a zǝn. 6Be nobǝ ya è fo mò a Filibu è jan be nè di be echi mò ezǝzǝju ya a gè bwe ángá, binbin mo be è bu seshi tón a chu fwa a gè jan be ángá. 7Be engǝ́ esera è gwa a je a ju be nobǝ embo ngge dwa etànm echakpokpo, be ya modwa-edan ngge be ya ju engǝfǝfu è ben ematswam. 8Enona, be nobǝ a eten efifi hon è fo etkwa àywá.
Sima ya bwi etsonm
9Nobǝ akan, è no a tswa eten efifi hon, bè fǝ́ ye anga Sima. Gè no ya bwi etsonm, nè bwe bwi emotete nwone è zǝ̀ be nobǝ a Samariya ju anga. Gè no séfǝ́ anga jan ga nobǝ echa. 10Binbin mo be nobǝ è digǝ̀n ye, be nwenfi tangge mbǝgya, è buton fo ye nè no jan anga jan, “Nobǝ ena a Echakpo Echa mo Ehwya.” 11Bè no ba bwi ye anga adia gè dgyen ara fon, gè no bwe be mò zǝ̀ be ju anga adi efka mo emotete mbwe hon. 12Tea atan a be nobǝ embo è tsǝ́ekǝ̀n a chu Fwa Esese a Filibu è jan be anga a chu zǝnotì mo Ehwya ngge ti mo Yeso Kristi ángá, bè bwe be batisǝma, ndedon ngge ndegwa. 13Sima e chu ye è tsǝ́ekǝ̀n, bè bwe ye batisǝma. Gè kwa ara Filibu, ebam no ken anga egwa egwa mo zǝn, nè tàn ebwikpe àywá a chu be moeditanm ngge be echi mo mò ezǝzǝju a gè di ángá.
14Atan a be etsonchi hon a Urishelima è fo jan be ya a Samariya cha ara fwa mo Ehwya ángá, bè tson Bitru ngge Yohana ken a zǝn be. 15Atan a bè kengga ángá, bè bgó ebgo a chu be ya è cha Ehwya efwe efwe evǝa be e ben Engǝ́ mo Ehwya, 16adia Engǝ́ mo Ehwya è chà shwa ye a chu ende akan mo be ra. Bè chà bwe kpwà be batisǝma adi ti mo Yeso Etsodwe. 17Ekǝnggwa Bitru ngge Yohana è tu be bu a chu, kǝnggwa bè cha Engǝ́ mo Ehwya hon.
18Atan a Sima è diyi jan be nobǝ cha Engǝ́ mo Ehwya hon anga atan a be etsonchi è tu be bu etum a chu ángá, gè no Bitru ngge Yohana tse, 19nè jan, “Nye no m echakpo ena èé me evǝa egwa egwa a m tu ye bu a chu, ga cha Engǝ́ mo Ehwya.”
20Bitru è jan, “Tse mbo ge e tkò ngge bo, adia o ka jan wa jwa edwe a Ehwya dwe be nobǝ anga ngge tse. 21O fwa mbo ngge buhwen a wa ben adi mochi ena ángá ra, adia tsuruku mbo fwa ye esese a chafya mo Ehwya ra. 22Twa etwa mo mofǝ̀ ena, we bgó ebgo a zǝn Etsodwe hon, ehwyà ge gwa a no o ebgen mbo adia o no ngge yishwa tashwa ekam ena a tsuruku mbo. 23Adia m di jan o mbo ngge engǝbgen esera a chu je, ngge ebgen dwatì no a chu o.”
24Ekǝnggwa Sima è jan be jan, “Nye e bgó ebgo a chu m a zǝn Etsodwe evǝa akan mo be mò a nye jan na, e bwe ye ngge me ra.”
25Atan a Bitru ngge Yohana è jan fwa ara be nobǝ mò a be yi, nè du ara edgon mo fwa mo Ehwya ángá, bè twabǝ ken a Urishelima nè no jan be nobǝ Fwa Esese anga a tswa be eten nwofyan àywá a efa mo be ya a Samariya abu bè nyaken efǝ ángá.
Filibu ngge afatkya akan ya Etiyopiya
26Adi ḿ mo Filibu, maleka mo Ehwya è jan ye jan, “We kpo efǝ e ken chá mo Kpan, tú anga efǝ e ken chá ehwen. Efǝ e vǝ a Urishelima ken shi a Gaza ángá.” 27Enona, gè vǝ́ a je nè ti kèn, abu gè nyashi ángá, gè ben afatkya akan ya a Etiyopiya. Gè no nobǝ echa akan è fu ebentse mo Kandakatu (ètì mo be ya Etiyopiya), no a bu mbwe ángá. Nobǝ hon è ken a Urishelima evǝa ge e fen efen nè twabǝ nyabwa. 28Afatkya hon è twabǝ nyabwa a mu a chu keke-enyo mbwe, nè no ká afketa hon a Efojan Eshaya è bá ángá. 29Ekǝnggwa Engǝ́ mo Ehwya è jan Filibu jan, “Ken a zǝn keke-enyo e nokǝ̀n, we no ken anga a buetkwa mbwe.”
30Enona, Filibu è tse ken tenten a zǝn keke-enyo hon nè fo nobǝ hon no ká afketa a Efojan Eshaya è ba ángá. Filibu è ká ye eka jan, “Chú o hwayi mò a o ká anga ni mbo?”
31Gè janfwe ye, “Ma bwe engǝ m chà hwa a yi ye, ano nobǝ akan tú m nó ra?” Enona, gè fǝ́ Filibu dwa jan ne tón e vǝ́ e chu ngge ge.
32Afatkya hon e ká anga be Fwaebam nwone e jan,
“Bè du ye abu son ken adi zǝn a be
yagu be efyomo anga,
abu nwen son atan a bè
hwi ye fǝfǝ a ju anga,
gè no emtsǝtsǝ nè fki ye vǝ ra.
33Atan a bè bwe ye mò ebgenju,
bè cha be dwa be chutì be
e kpèn ye kǝ́n adi ebi ra.
Ende e jan a ti be nobǝ fwa a chu
mo be efi mbwe ángá a ara?
Adia bè ti ara nya mbwe
a di zǝnchaje ena.”
34Ekǝnggwa afatkya hon è ká Filibu eka jan, “M bgó o, jan m, ende a efojan hon è jan fwa anga a chu mo nó ángá, a ara, a chu ye nè, a a chu nobǝ efki?” 35Ekǝnggwa Filibu, è kwa ara ye moetum tke a chu Fwaebam hon ena, nè no jan ye Fwa Esese anga a chu Yeso.
36Abu bè nyabwa a efǝ ángá, bè bwangga a zǝn a mbǝ è no ángá, afatkya hon è ká eka jan, “Di mbǝ no na, ano bwe a ge ba bwe m batisǝma ra?” [ 37Filibu è janfwe ye, “Ano o no ara ngge chaebi a tsuruku mbo binbin a chu Ehwya, ba bwe o batisǝma.”
Afatkya hon è jan, “M no ara ngge chaebi jan Yeso Kristi a Nwen mo Ehwya.”]
38Ekǝnggwa afatkya hon è du be be e fu e ndnya keke-enyo hon. Filibu ngge ge, bè shwa a sen nè kwashi a tswa mbǝ hon, Filibu è bwe ye batisǝma. 39Atan a bè gwa a je mo mbǝ hon ángá, Engǝ́ mo Etsodwe è ti Filibu ti nya ara kè akan. Afatkya hon è didi ye ye efwe ra, tea gè nya m̀ mbwe nè no shánju anga ngge vǝtsen. 40Beti bishi, Filibu è di jan ge no a eten Azotu, nè tkukwa gu be eten nè no du edgon a chu Fwa Esese anga ti kengga a Kesariya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Luke Initiative for Scripture Translation