Be Mochi 9
9
Abu Shawulu è nga ya ekǝ̀n-etsǝ́m ángá
(Be Mochi 22:6-16; 26:12-18)
1Shawulu è chà no ngge tsuruku efkum àywá a chu be ya ekǝ̀n-etsǝ́m a chu Etsodwe, nè dgyan anga ge e gu be. Enona, gè ken a zǝn Chu mo ekǝ́n hon, 2nè bgó jan be e no ye be afketa chí a ge kpu a ken be àtá chuefǝnm a Damasku evǝa ano ge ben ara egwa egwa e no ḿ mo ya Efwa hon, ndedon èé ndegwa a zǝn, ga fu be a tswa awya a ken a Urishelima. 3Abu gè ken tén ara a Damasku a adi chí ena ángá, kè akan enggasansan è vǝ chá kpe shwa bwipe ye. 4Gè kposhi a sen nè fo aken, jan ye jan, “Shawulu, Shawulu, ano bwe a ge o tswa m fí anga?”
5Shawulu è ká eka jan, “A bo wa ara, Etsodwe?”
Aken hon è janfwe ye, “A me ma Yeso, ende a o tswa ye fí anga.
6“Asuswana, nyi etkyen, we kwashi a tswa eten efifi hon, ende akan a jan o mò nwone e no ara kenm wa bwe ángá.”
7Be ndedon ya è ken anga ngge Shawulu, è ywano a zǝn nè jan ti be fwa ra, bè fo aken hon, tea bè di be ende akan ra. 8Shawulu è nyi etkyen a sǝnsen hon, tea atan a gè fki fǝzǝn mbwe ángá, gè diben ye mò akan ra. Enona, be ya è ken anga ngge ge ángá, è vǝ ye evǝ́m shi a tswa Damasku. 9Gè no a zǝn mo tsǝ ta ngge fǝzǝn mbwe ebwibwi, gè de ye ra nè ngǝ ye mò akan ra.
10A Damasku hon, ende akan è ba Yeso anga a bè fǝ́ anga Ananiya, è no a zǝn. Enggwà è kan ye a fǝzǝn, Etsodwe è fǝ́ ye dwa jan, “Ananiya!”
Gè janfwe ye, “Ee, a me ena Etsodwe.”
11Etsodwe hon è jan ye, “Ken a mu Yahuda e no efǝku ‘Eywaywaju’ ángá, atan a o kengga ara zǝn, we ká eka mo nobǝ akan ya Tasu a bè fǝ́ anga Shawulu. Ge bgó m ebgo anga, asuswana. 12Adi enggwà, m̀ tú ara ye ende akan a bè fǝ́ anga Ananiya, bwa tu ye bu no a chu evǝa ge e di zǝn efwe.”
13Ananiya è janfwe ye, “Etsodwe, be nobǝ embo jan ara m fwa a chu be mò esera a nobǝ hon è bwe ángá, abu fí a gè tswa be ya e ba o anga a Urishelima. 14Be Ekǝ́n echa no ara ye emwentì ge e bwa ana evǝa ge e fu binbin mo be ya e bgó ebgo anga adi ti mbo.”
15Tea Etsodwe è jan Ananiya jan, “Ken m̀ mbo, adia nobǝ ena a ya mochi mam a m swavǝ ara ángá, evǝa ge e ti fwa mam e ken a zǝn be ya e fwa be ya a Esǝrela ra ngge be tì mo be tangge be ya a Esǝrela. 16Ma tú ye abu ga ngǝ ekan àywá a chu ti mam ángá.”
17Ekǝnggwa, è Ananiya è nyi etkyen nè ken kwashi a mu hon. Gè tu Shawulu bu a chu, nè jan, “Nwenjwa Shawulu, Yeso Etsodwe hon nwene è mbwibwa a zǝn o a efǝ atan a ò nyabwa ana ángá, tson m bwa a ge, evǝa we di zǝn efwe ngge we mbo ngge Engǝ́ mo Ehwya.” 18Kè akan, mò akan abu be afka mo gwejo è vǝ a fǝzǝn mo Shawulu twashwa a sen, gè kwa ara zǝn edim efwe. Gè nyi etkyen, bè bwe ye batisǝma. 19A gè de fwa ara mode ángá, gè ben echafǝju.
Shawulu a eten a Damasku ngge Urishelima
Shawulu è no a Damasku mo be tsǝnò nwofyan ngge be ya è ba Yeso anga. 20Kè akan, gè kwa ara edgon edum a tswa be àtá chuefǝnm mo be ya a Yahuda jan, “Yeso a Nwen mo Ehwya.” 21Binbin mo be ya è fo ye ángá, mò hon è zǝ̀ be ju. Bè ká eka jan, “Ena fwa ye ende è gu be ya e fǝ́dwa anga adi ti mo Yeso a Urishelima ángá ra? Chú gè bwa ye ana evǝa ge e fu be a tswa awya abu be ya àtá ehwyatu e ken a zǝn be Ekǝ́n echa ra?”
22Tea Shawulu è no tubi anga adi echakpo mo edgon edum hon, nè no bwezhin be ya a Yahuda a Damasku tsuruku anga. Gè no tú anga jan Yeso na Kristi hon.
23Chashin mo be tsǝnò embo, be ya a Yahuda è senvǝ abu be e gu ye, 24tea Shawulu è fo ara fuchin mo be hon. Ènò ngge etsǝ bè no dgon se be fǝtsǝmo mo eten efifi hon anga evǝa be e gu ye. 25Tea be ya è ba ye anga è ti ye etsǝ adi esha ti du vǝ́ chá je mo èkwà mo eten hon adi edu éè no a ju mo nó ángá, nè du ye shi a sen.
26Atan a gè bwa a Urishelima ángá, gè tkyan ge e no ngge be ya ekǝ̀n-etsǝ́m, tea binbin mo be è tsen be ye etsenm, nè cha be dwa jan eshwen, ge nga ara ya ekǝ̀n-etsǝ́m ra. 27Tea Banaba è ti ye bwa a zǝn be etsonchi. Gè jantu be abu Shawulu è di Etsodwe ngge Etsodwe hon è jan fwa ngge ge atan a gè nyaken efǝ Damasku ngge abu Shawulu e chu ye è du edgon a chu Yeso nè tsen ye etsentsen ra a Damasku ángá. 28Enona, Shawulu è no ngge be nè no tku m̀ mbwe anga egwagwa a Urishelima. Gè no du edgon anga ngge ekǝ̀n-ebonm adi ti mo Etsodwe. 29Gè jan fwa nè twa efyan ngge be ya a Yahuda ya è fo hwi Girka anga, tea bè kwa ara efwa endam abu be e gu ye. 30Atan a be ya ekǝ̀n-etsǝ́m è fo enò ángá, bè ti ye shi a Kesariya, nè du ye nya a Tasu.
31Ekǝnggwa binbin mo be ya ekǝ̀n-etsǝ́m a efa mo Yahudiya, Galili ngge Samariya è ben tsuruku edwam a sen. Be ben echakpo ngge ekǝ̀n-ebonm a zǝn Engǝ́ Echanwenwen. Efim mo be ya ekǝ̀n-etsǝ́m hon è tubi, ngge bè no zǝno a tswa etsentsen mo Ehwya.
Bitru è matswa Aniye
32Abu Bitru è no tkukwa be zǝn ken anga, nò kè akan gè ken evǝa ge e ban e di be ya ekǝ̀n-etsǝ́m a Lida. 33A zǝn gè ben nobǝ akan a bè fǝ́ anga Aniye, ya modwa-edan, gè dwafu ara sǝ mo je chwen a ta. 34Bitru è jan ye, “Aniye, Yeso Kristi matswa ara o. Nyi etkyen, we ti sǝ mbo.” Kè akan, Aniye è nyi etkyen. 35Binbin be ya è dwano a Lida ngge sǝnsen mo Sharon ángá, è di Aniye nè tsǝ́ekǝ̀n a chu Etsodwe.
Bitru è fǝ́zǝ Tabita twanga bwa angǝ
36A Jopa, ndegwa ya ekǝ̀n-etsǝ́m akan è no a zǝn, ti a bè fǝ́ ye anga a Tabita adi hwi Ebru (adi hwi Girka, bè fǝ́ ye anga Doka). Gè no bwe bwi mò esese anga nè bwejwa be ya ekan anga. 37Atan enò, gè dwa modwa nè fǝ ara. Bè gwa kǝn mbwe ju nè ti twàno a tswa àtá a kpe akan. 38Eten a Lida è no tenten a zǝn eten a Jopa, enona, atan a be ya ekǝ̀n-etsǝ́m è fo jan Bitru nè no a Lida ángá, bè tson be nobǝ fà be e ken e jan ye jan, “Je dònvǝ, bwa asuswana.”
39Bitru è nya ngge be nobǝ fà hon, atan a gè bwangga ángá, bè ti ye vǝ́ àtá a kpe hon zǝn a bè twà ye no ángá. Binbin mo be gwafǝ́n è ywa ngàhwya Bitru, nè no kpedwa anga, nè no tú ye be mokàn ngge be adanmo efki efki a Doka è bwe no be atan a gè chà no angǝ ángá.
40Bitru è du be nobǝ vǝ́ gu a je mo àtá hon, ekǝnggwa gè hò a sen a chu be ekpanvǝ mbwe nè bgó ebgo. Gè twanga ken chá ndegwa hon éè fǝ ara ángá nè jan, “Tabita, nyi etkyen.” Gè fki fǝzǝn mbwe, abu gè di Bitru ángá, gè chu etkyen. 41Bitru è fu ye bu nè bwejwa ye evǝa ge e ywa etkyen a chu kpwafu mbwe. Ekǝnggwa gè fǝ́ be ya ekǝ̀n-etsǝ́m ngge be gwafǝ́n hon dwa nè ti Tabita ti no be angǝ. 42Etkyen mo mò ena kpò gu a tswa eten a Jopa, nè du be nobǝ embo tsǝ́ekǝ̀n a chu Etsodwe. 43Bitru è ti be tsǝnò embo a Jopa ngge nobǝ akan a bè fǝ́ anga Sima, ya mochi mo kpumo.
Currently Selected:
Be Mochi 9: ICH
Highlight
Share
Copy
Want to have your highlights saved across all your devices? Sign up or sign in
© 2024 Luke Initiative for Scripture Translation
Be Mochi 9
9
Abu Shawulu è nga ya ekǝ̀n-etsǝ́m ángá
(Be Mochi 22:6-16; 26:12-18)
1Shawulu è chà no ngge tsuruku efkum àywá a chu be ya ekǝ̀n-etsǝ́m a chu Etsodwe, nè dgyan anga ge e gu be. Enona, gè ken a zǝn Chu mo ekǝ́n hon, 2nè bgó jan be e no ye be afketa chí a ge kpu a ken be àtá chuefǝnm a Damasku evǝa ano ge ben ara egwa egwa e no ḿ mo ya Efwa hon, ndedon èé ndegwa a zǝn, ga fu be a tswa awya a ken a Urishelima. 3Abu gè ken tén ara a Damasku a adi chí ena ángá, kè akan enggasansan è vǝ chá kpe shwa bwipe ye. 4Gè kposhi a sen nè fo aken, jan ye jan, “Shawulu, Shawulu, ano bwe a ge o tswa m fí anga?”
5Shawulu è ká eka jan, “A bo wa ara, Etsodwe?”
Aken hon è janfwe ye, “A me ma Yeso, ende a o tswa ye fí anga.
6“Asuswana, nyi etkyen, we kwashi a tswa eten efifi hon, ende akan a jan o mò nwone e no ara kenm wa bwe ángá.”
7Be ndedon ya è ken anga ngge Shawulu, è ywano a zǝn nè jan ti be fwa ra, bè fo aken hon, tea bè di be ende akan ra. 8Shawulu è nyi etkyen a sǝnsen hon, tea atan a gè fki fǝzǝn mbwe ángá, gè diben ye mò akan ra. Enona, be ya è ken anga ngge ge ángá, è vǝ ye evǝ́m shi a tswa Damasku. 9Gè no a zǝn mo tsǝ ta ngge fǝzǝn mbwe ebwibwi, gè de ye ra nè ngǝ ye mò akan ra.
10A Damasku hon, ende akan è ba Yeso anga a bè fǝ́ anga Ananiya, è no a zǝn. Enggwà è kan ye a fǝzǝn, Etsodwe è fǝ́ ye dwa jan, “Ananiya!”
Gè janfwe ye, “Ee, a me ena Etsodwe.”
11Etsodwe hon è jan ye, “Ken a mu Yahuda e no efǝku ‘Eywaywaju’ ángá, atan a o kengga ara zǝn, we ká eka mo nobǝ akan ya Tasu a bè fǝ́ anga Shawulu. Ge bgó m ebgo anga, asuswana. 12Adi enggwà, m̀ tú ara ye ende akan a bè fǝ́ anga Ananiya, bwa tu ye bu no a chu evǝa ge e di zǝn efwe.”
13Ananiya è janfwe ye, “Etsodwe, be nobǝ embo jan ara m fwa a chu be mò esera a nobǝ hon è bwe ángá, abu fí a gè tswa be ya e ba o anga a Urishelima. 14Be Ekǝ́n echa no ara ye emwentì ge e bwa ana evǝa ge e fu binbin mo be ya e bgó ebgo anga adi ti mbo.”
15Tea Etsodwe è jan Ananiya jan, “Ken m̀ mbo, adia nobǝ ena a ya mochi mam a m swavǝ ara ángá, evǝa ge e ti fwa mam e ken a zǝn be ya e fwa be ya a Esǝrela ra ngge be tì mo be tangge be ya a Esǝrela. 16Ma tú ye abu ga ngǝ ekan àywá a chu ti mam ángá.”
17Ekǝnggwa, è Ananiya è nyi etkyen nè ken kwashi a mu hon. Gè tu Shawulu bu a chu, nè jan, “Nwenjwa Shawulu, Yeso Etsodwe hon nwene è mbwibwa a zǝn o a efǝ atan a ò nyabwa ana ángá, tson m bwa a ge, evǝa we di zǝn efwe ngge we mbo ngge Engǝ́ mo Ehwya.” 18Kè akan, mò akan abu be afka mo gwejo è vǝ a fǝzǝn mo Shawulu twashwa a sen, gè kwa ara zǝn edim efwe. Gè nyi etkyen, bè bwe ye batisǝma. 19A gè de fwa ara mode ángá, gè ben echafǝju.
Shawulu a eten a Damasku ngge Urishelima
Shawulu è no a Damasku mo be tsǝnò nwofyan ngge be ya è ba Yeso anga. 20Kè akan, gè kwa ara edgon edum a tswa be àtá chuefǝnm mo be ya a Yahuda jan, “Yeso a Nwen mo Ehwya.” 21Binbin mo be ya è fo ye ángá, mò hon è zǝ̀ be ju. Bè ká eka jan, “Ena fwa ye ende è gu be ya e fǝ́dwa anga adi ti mo Yeso a Urishelima ángá ra? Chú gè bwa ye ana evǝa ge e fu be a tswa awya abu be ya àtá ehwyatu e ken a zǝn be Ekǝ́n echa ra?”
22Tea Shawulu è no tubi anga adi echakpo mo edgon edum hon, nè no bwezhin be ya a Yahuda a Damasku tsuruku anga. Gè no tú anga jan Yeso na Kristi hon.
23Chashin mo be tsǝnò embo, be ya a Yahuda è senvǝ abu be e gu ye, 24tea Shawulu è fo ara fuchin mo be hon. Ènò ngge etsǝ bè no dgon se be fǝtsǝmo mo eten efifi hon anga evǝa be e gu ye. 25Tea be ya è ba ye anga è ti ye etsǝ adi esha ti du vǝ́ chá je mo èkwà mo eten hon adi edu éè no a ju mo nó ángá, nè du ye shi a sen.
26Atan a gè bwa a Urishelima ángá, gè tkyan ge e no ngge be ya ekǝ̀n-etsǝ́m, tea binbin mo be è tsen be ye etsenm, nè cha be dwa jan eshwen, ge nga ara ya ekǝ̀n-etsǝ́m ra. 27Tea Banaba è ti ye bwa a zǝn be etsonchi. Gè jantu be abu Shawulu è di Etsodwe ngge Etsodwe hon è jan fwa ngge ge atan a gè nyaken efǝ Damasku ngge abu Shawulu e chu ye è du edgon a chu Yeso nè tsen ye etsentsen ra a Damasku ángá. 28Enona, Shawulu è no ngge be nè no tku m̀ mbwe anga egwagwa a Urishelima. Gè no du edgon anga ngge ekǝ̀n-ebonm adi ti mo Etsodwe. 29Gè jan fwa nè twa efyan ngge be ya a Yahuda ya è fo hwi Girka anga, tea bè kwa ara efwa endam abu be e gu ye. 30Atan a be ya ekǝ̀n-etsǝ́m è fo enò ángá, bè ti ye shi a Kesariya, nè du ye nya a Tasu.
31Ekǝnggwa binbin mo be ya ekǝ̀n-etsǝ́m a efa mo Yahudiya, Galili ngge Samariya è ben tsuruku edwam a sen. Be ben echakpo ngge ekǝ̀n-ebonm a zǝn Engǝ́ Echanwenwen. Efim mo be ya ekǝ̀n-etsǝ́m hon è tubi, ngge bè no zǝno a tswa etsentsen mo Ehwya.
Bitru è matswa Aniye
32Abu Bitru è no tkukwa be zǝn ken anga, nò kè akan gè ken evǝa ge e ban e di be ya ekǝ̀n-etsǝ́m a Lida. 33A zǝn gè ben nobǝ akan a bè fǝ́ anga Aniye, ya modwa-edan, gè dwafu ara sǝ mo je chwen a ta. 34Bitru è jan ye, “Aniye, Yeso Kristi matswa ara o. Nyi etkyen, we ti sǝ mbo.” Kè akan, Aniye è nyi etkyen. 35Binbin be ya è dwano a Lida ngge sǝnsen mo Sharon ángá, è di Aniye nè tsǝ́ekǝ̀n a chu Etsodwe.
Bitru è fǝ́zǝ Tabita twanga bwa angǝ
36A Jopa, ndegwa ya ekǝ̀n-etsǝ́m akan è no a zǝn, ti a bè fǝ́ ye anga a Tabita adi hwi Ebru (adi hwi Girka, bè fǝ́ ye anga Doka). Gè no bwe bwi mò esese anga nè bwejwa be ya ekan anga. 37Atan enò, gè dwa modwa nè fǝ ara. Bè gwa kǝn mbwe ju nè ti twàno a tswa àtá a kpe akan. 38Eten a Lida è no tenten a zǝn eten a Jopa, enona, atan a be ya ekǝ̀n-etsǝ́m è fo jan Bitru nè no a Lida ángá, bè tson be nobǝ fà be e ken e jan ye jan, “Je dònvǝ, bwa asuswana.”
39Bitru è nya ngge be nobǝ fà hon, atan a gè bwangga ángá, bè ti ye vǝ́ àtá a kpe hon zǝn a bè twà ye no ángá. Binbin mo be gwafǝ́n è ywa ngàhwya Bitru, nè no kpedwa anga, nè no tú ye be mokàn ngge be adanmo efki efki a Doka è bwe no be atan a gè chà no angǝ ángá.
40Bitru è du be nobǝ vǝ́ gu a je mo àtá hon, ekǝnggwa gè hò a sen a chu be ekpanvǝ mbwe nè bgó ebgo. Gè twanga ken chá ndegwa hon éè fǝ ara ángá nè jan, “Tabita, nyi etkyen.” Gè fki fǝzǝn mbwe, abu gè di Bitru ángá, gè chu etkyen. 41Bitru è fu ye bu nè bwejwa ye evǝa ge e ywa etkyen a chu kpwafu mbwe. Ekǝnggwa gè fǝ́ be ya ekǝ̀n-etsǝ́m ngge be gwafǝ́n hon dwa nè ti Tabita ti no be angǝ. 42Etkyen mo mò ena kpò gu a tswa eten a Jopa, nè du be nobǝ embo tsǝ́ekǝ̀n a chu Etsodwe. 43Bitru è ti be tsǝnò embo a Jopa ngge nobǝ akan a bè fǝ́ anga Sima, ya mochi mo kpumo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Luke Initiative for Scripture Translation