Gẹnẹsis 32
32
E Jekọb Muegbe Ne Ọ Miẹn Isọ Aro
1Ugbẹn vbe Jekọb ghi khian vbe odẹ, avbe odibo Osanobua keghi do vba ẹre. 2Ugbẹn vbe ọ ghi bẹghe iran, ọ wẹẹ, “Agọ Osanobua ọna khin”; ọ kegha tie evba nii Mahanem. 3E Jekọb keghi gie emwa ke odaro bu Isọ ne ọtiọnrẹn vbe Idọm. 4Ọna tama iran ne iran kha vbenian: “Mẹ ne Jekọb, ne ọguọmwadia ruẹ ne ọ họn ẹmwẹ nuẹn do khama Isọ ne arowa mwẹ wẹẹ, ọghe Leban ọre I gha ye kevbe wẹẹ I ma ho ne I gha dee ọ te do sẹ ẹghẹ na. 5I mwẹ ẹmila, ekẹtẹkẹtẹ, ohuan, ẹwe, kevbe eviẹn. Te I gie uhunmwu guẹ enọwanrẹn ne I ya gualọ aro ne ọ maa vbe obọ ruẹ.”
6Ugbẹn vbe iran ne a gie ẹre uhunmwu ghi rre, iran wẹẹ, “Ma sẹ ehe ne Isọ ne ọtuẹn ye, rẹn sẹ odẹ nẹ nian ne ọ na bu ruẹ dee. Ọ viọ arhin uri eva ba egbe.” 7Ohan keghi mu e Jekọb ẹsẹse, iro na han rẹn. Ọ keghi wa emwa ni guẹe, ohuan, kevbe ẹwe kevbe ekẹtẹkẹtẹ ye ihe eva. 8“A deghẹ Isọ ghi rre do gu otu n okaro gbinna, ọkpa sẹtin lẹ fe.”
9Ẹre Jekọb na na erhunmwu wẹẹ, “Osanobua Ebraham ne erhamwẹ odede kevbe ọghe Aizik ne erhamwẹ, u ghi danmwehọ mwẹ, wẹ ọ re ọ tama mwẹ Nọyaẹnmwa wẹẹ, ‘Ne I werriegbe gha rrie ẹvbo mwẹ ne I vbe bu avbe etẹn mwẹ, wẹẹ u gha ruẹe ne emwi hia gha ma mẹ.’ 10Mẹ ma sẹ ne a gha mwẹ itohan kevbe ẹmwẹ ọmwa yẹ ọmwa ne uwẹ mwẹ ghe mwẹ ghe, mẹ ne ọguọmwadia ruẹ. Vbe I fian Jọdan rra, mẹ mwẹ ọkpa kẹkan nọ, banbanna nian, mẹ vbe otu eva na ghi nọ. 11Lahọ, miẹn mwẹ fan vbe obọ ẹtin Isọ ne ọtẹn mwẹ. Afianma fian mwẹ we te ọ dee ra do gun mwẹ gbinna ne ọ wa fuẹn ima-an kevbe ikhuo kevbe emọ negiẹrẹ. 12Yerre vbene u yan hẹ wẹẹ, ‘I gha gie emwi hia gha ma nuẹn, I gha vbe viọ ivbi uniẹn ruẹn nuẹn, a i ra sẹtin ka iran. Iran gha bun vbe ekhae ni rre ọkpẹn okun.’ ”
13-14Ọ ghi gbe asọn nii nẹ vbe evba, ọ keghi viọ avbe emwi na gie Isọ ne ọtiọnrẹn vbe uwu emwi ne ọ mwẹ. Ẹwe amwẹ uri (200) deba ovbukhọ ugie, ohuan uri (200) deba ogho ugie. 15Ekẹtẹkẹtẹ ọgban ne a minọ ẹnrẹn ewẹn iran kevbe ivbi iran, ẹmila iyeva ẹkhuia igbe, ẹsin amwẹ ugie kevbe ọwẹ igbe. 16Ọ keghi viọ oghẹn ọkpọkpa ne eguọmwadia ẹre, ọ tama iran wẹẹ, “Wa ke odaro ni ima, wa ghi gha fian ẹkpo ye adesẹneva oghẹn ọkpa kevbe nọkpa ne ọ lelẹe.” 17Ọ keghi tama ọguọmwadia ne ọ ke odaro wẹẹ, “Isọ ne ọtẹn mwẹ gha vba ruẹ ọ na kha wẹẹ, ‘Gha ọre arowa ruẹ? Vbua rrie? Gha ọ yan emwirri ne u hẹ khian na?’ 18U ghi kha wẹẹ, ‘Ọghe Jekọb ne ọguọmwadia ruẹ nọ. Te ọ viọ iran gie Isọ ne arowa mwẹ zẹ vbe emwi ihaoko. Jekọb tobọ ẹre wa lele ima iyeke dee nian.’ ” 19Ọ na vbe tama nogieva, nogieha kevbe iran hia ni lele nene oghẹn ohuan khian. “Enian wa gha tama Isọ vbe uwa gha miẹn ọẹn. 20Wa ghi kha wẹẹ, ‘Ẹmwata nọ, e Jekọb ne ọguọmwadia ruẹ wa lele ima iyeke dee.’ ” E Jekọb keghi rorẹe wẹẹ, “I gha ya avbe emwi ihaoko ne I viọ ke odaro na fu ẹre ẹko rre. I gha ghi do vba ẹre, u gha ghe, ọ gha yabọ mwẹ.” 21Emwi ihaoko nii keghi ke odaro ne irẹn. Ọ keghi ye gbe asọn nii vbe agọ.
E Jekọb Vẹn Vbe Peniẹl
22Vbe asọn ọkpa nii, e Jekọb keghi kpaegbe, ọ viọ amwẹ ọnrẹn eveva, avbe egbakhian eva ne ọ mwẹ, kevbe ivbiẹre owọrọ, ọ keghi fian ẹzẹ Jabọk gberra vbe ehe ne a na wa ẹre. 23Ọ ghi viọ iran gberra nẹ, ọ kevbe viọ emwi ne ọ mwẹ hia gberra. 24Ọ keghi kẹ irẹn ọkpa vbe odieke. Orhiọnkpa keghi do guẹe vẹn ẹdẹ te do gbe. 25Okpia nii ghi miẹn we obọ ẹre ra gba irẹn, ọ keghi gbe emwi ye Jekọb ugboloko ẹkun, ẹkun ẹnrẹn keghi lahin akhuẹn rre vbe ne iran na vẹn nii. 26Okpia nii keghi kha wẹẹ, “Sẹmwẹ rae I ghe te ẹdẹ ghi ra gbe.” Sokpan Jekọb wanniẹn wẹẹ, “I i suẹ rae vbe ẹ i re te u fiangbe mwẹ nẹ.” 27Ọmwa nii nọ rẹn wẹẹ, “Vba a tie eni ruẹn?” Rẹn wanniẹn wẹẹ, “E Jekọb.” 28Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.” 29E Jekọb keghi kha wẹẹ, “Lahọ ta eni ruẹn ma mwẹ.” Sokpan rẹn wanniẹn wẹẹ, “Vbọzẹ ne u na nọ eni mwẹ?” Ẹre ọ ghi na fiangbe Jekọb.
30E Jekọb keghi kha wẹẹ, “I miẹn Osanobua vbe ghe aro mwẹ ghe aro ruẹ, I keghi ye rre agbọn.” Ẹre ọ na ghi gha tie eni evba nii Peniẹl. 31Ovẹn keghi yan rre vba e Jekọb vbe ọ wa kpao vbe Peniẹl rre, ọ na ghi gha sukpẹ owẹ rhunmwuda ẹkun ẹnrẹn. 32Ọnii ọ siẹe ne a na miẹn wẹ uhin do sẹ ẹdẹnẹrẹ na, uniẹn ivbi Izrẹl i rri inian ne ọ rre ugboloko ẹkun rhunmwuda inian ni ọre a na fi e Jekọb emwi.
Currently Selected:
Gẹnẹsis 32: EDO96
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996
Gẹnẹsis 32
32
E Jekọb Muegbe Ne Ọ Miẹn Isọ Aro
1Ugbẹn vbe Jekọb ghi khian vbe odẹ, avbe odibo Osanobua keghi do vba ẹre. 2Ugbẹn vbe ọ ghi bẹghe iran, ọ wẹẹ, “Agọ Osanobua ọna khin”; ọ kegha tie evba nii Mahanem. 3E Jekọb keghi gie emwa ke odaro bu Isọ ne ọtiọnrẹn vbe Idọm. 4Ọna tama iran ne iran kha vbenian: “Mẹ ne Jekọb, ne ọguọmwadia ruẹ ne ọ họn ẹmwẹ nuẹn do khama Isọ ne arowa mwẹ wẹẹ, ọghe Leban ọre I gha ye kevbe wẹẹ I ma ho ne I gha dee ọ te do sẹ ẹghẹ na. 5I mwẹ ẹmila, ekẹtẹkẹtẹ, ohuan, ẹwe, kevbe eviẹn. Te I gie uhunmwu guẹ enọwanrẹn ne I ya gualọ aro ne ọ maa vbe obọ ruẹ.”
6Ugbẹn vbe iran ne a gie ẹre uhunmwu ghi rre, iran wẹẹ, “Ma sẹ ehe ne Isọ ne ọtuẹn ye, rẹn sẹ odẹ nẹ nian ne ọ na bu ruẹ dee. Ọ viọ arhin uri eva ba egbe.” 7Ohan keghi mu e Jekọb ẹsẹse, iro na han rẹn. Ọ keghi wa emwa ni guẹe, ohuan, kevbe ẹwe kevbe ekẹtẹkẹtẹ ye ihe eva. 8“A deghẹ Isọ ghi rre do gu otu n okaro gbinna, ọkpa sẹtin lẹ fe.”
9Ẹre Jekọb na na erhunmwu wẹẹ, “Osanobua Ebraham ne erhamwẹ odede kevbe ọghe Aizik ne erhamwẹ, u ghi danmwehọ mwẹ, wẹ ọ re ọ tama mwẹ Nọyaẹnmwa wẹẹ, ‘Ne I werriegbe gha rrie ẹvbo mwẹ ne I vbe bu avbe etẹn mwẹ, wẹẹ u gha ruẹe ne emwi hia gha ma mẹ.’ 10Mẹ ma sẹ ne a gha mwẹ itohan kevbe ẹmwẹ ọmwa yẹ ọmwa ne uwẹ mwẹ ghe mwẹ ghe, mẹ ne ọguọmwadia ruẹ. Vbe I fian Jọdan rra, mẹ mwẹ ọkpa kẹkan nọ, banbanna nian, mẹ vbe otu eva na ghi nọ. 11Lahọ, miẹn mwẹ fan vbe obọ ẹtin Isọ ne ọtẹn mwẹ. Afianma fian mwẹ we te ọ dee ra do gun mwẹ gbinna ne ọ wa fuẹn ima-an kevbe ikhuo kevbe emọ negiẹrẹ. 12Yerre vbene u yan hẹ wẹẹ, ‘I gha gie emwi hia gha ma nuẹn, I gha vbe viọ ivbi uniẹn ruẹn nuẹn, a i ra sẹtin ka iran. Iran gha bun vbe ekhae ni rre ọkpẹn okun.’ ”
13-14Ọ ghi gbe asọn nii nẹ vbe evba, ọ keghi viọ avbe emwi na gie Isọ ne ọtiọnrẹn vbe uwu emwi ne ọ mwẹ. Ẹwe amwẹ uri (200) deba ovbukhọ ugie, ohuan uri (200) deba ogho ugie. 15Ekẹtẹkẹtẹ ọgban ne a minọ ẹnrẹn ewẹn iran kevbe ivbi iran, ẹmila iyeva ẹkhuia igbe, ẹsin amwẹ ugie kevbe ọwẹ igbe. 16Ọ keghi viọ oghẹn ọkpọkpa ne eguọmwadia ẹre, ọ tama iran wẹẹ, “Wa ke odaro ni ima, wa ghi gha fian ẹkpo ye adesẹneva oghẹn ọkpa kevbe nọkpa ne ọ lelẹe.” 17Ọ keghi tama ọguọmwadia ne ọ ke odaro wẹẹ, “Isọ ne ọtẹn mwẹ gha vba ruẹ ọ na kha wẹẹ, ‘Gha ọre arowa ruẹ? Vbua rrie? Gha ọ yan emwirri ne u hẹ khian na?’ 18U ghi kha wẹẹ, ‘Ọghe Jekọb ne ọguọmwadia ruẹ nọ. Te ọ viọ iran gie Isọ ne arowa mwẹ zẹ vbe emwi ihaoko. Jekọb tobọ ẹre wa lele ima iyeke dee nian.’ ” 19Ọ na vbe tama nogieva, nogieha kevbe iran hia ni lele nene oghẹn ohuan khian. “Enian wa gha tama Isọ vbe uwa gha miẹn ọẹn. 20Wa ghi kha wẹẹ, ‘Ẹmwata nọ, e Jekọb ne ọguọmwadia ruẹ wa lele ima iyeke dee.’ ” E Jekọb keghi rorẹe wẹẹ, “I gha ya avbe emwi ihaoko ne I viọ ke odaro na fu ẹre ẹko rre. I gha ghi do vba ẹre, u gha ghe, ọ gha yabọ mwẹ.” 21Emwi ihaoko nii keghi ke odaro ne irẹn. Ọ keghi ye gbe asọn nii vbe agọ.
E Jekọb Vẹn Vbe Peniẹl
22Vbe asọn ọkpa nii, e Jekọb keghi kpaegbe, ọ viọ amwẹ ọnrẹn eveva, avbe egbakhian eva ne ọ mwẹ, kevbe ivbiẹre owọrọ, ọ keghi fian ẹzẹ Jabọk gberra vbe ehe ne a na wa ẹre. 23Ọ ghi viọ iran gberra nẹ, ọ kevbe viọ emwi ne ọ mwẹ hia gberra. 24Ọ keghi kẹ irẹn ọkpa vbe odieke. Orhiọnkpa keghi do guẹe vẹn ẹdẹ te do gbe. 25Okpia nii ghi miẹn we obọ ẹre ra gba irẹn, ọ keghi gbe emwi ye Jekọb ugboloko ẹkun, ẹkun ẹnrẹn keghi lahin akhuẹn rre vbe ne iran na vẹn nii. 26Okpia nii keghi kha wẹẹ, “Sẹmwẹ rae I ghe te ẹdẹ ghi ra gbe.” Sokpan Jekọb wanniẹn wẹẹ, “I i suẹ rae vbe ẹ i re te u fiangbe mwẹ nẹ.” 27Ọmwa nii nọ rẹn wẹẹ, “Vba a tie eni ruẹn?” Rẹn wanniẹn wẹẹ, “E Jekọb.” 28Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.” 29E Jekọb keghi kha wẹẹ, “Lahọ ta eni ruẹn ma mwẹ.” Sokpan rẹn wanniẹn wẹẹ, “Vbọzẹ ne u na nọ eni mwẹ?” Ẹre ọ ghi na fiangbe Jekọb.
30E Jekọb keghi kha wẹẹ, “I miẹn Osanobua vbe ghe aro mwẹ ghe aro ruẹ, I keghi ye rre agbọn.” Ẹre ọ na ghi gha tie eni evba nii Peniẹl. 31Ovẹn keghi yan rre vba e Jekọb vbe ọ wa kpao vbe Peniẹl rre, ọ na ghi gha sukpẹ owẹ rhunmwuda ẹkun ẹnrẹn. 32Ọnii ọ siẹe ne a na miẹn wẹ uhin do sẹ ẹdẹnẹrẹ na, uniẹn ivbi Izrẹl i rri inian ne ọ rre ugboloko ẹkun rhunmwuda inian ni ọre a na fi e Jekọb emwi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996