Gẹnẹsis 33
33
E Jekọb Do Vba Isọ
1E Jekọb keghi bẹghe vbe Isọ dee kẹe kevbe arhin uri eva (400) ni lelẹe. Ọ keghi rhunmwuda ọnii gha ivbiẹre ne Lia, Rekiẹl kevbe egbakhian rẹn eva. 2Ọ keghi viọ iran kevbe ivbi iran ke odaro, Lia kevbe ivbi ẹre keghi lele iran, Rekiẹl kevbe Josẹf keghi ke odieke. 3E Jekọb keghi ke odaro ne iran hia, ọ na mu ẹko rhuotọ igba ihinrọn vbe ọ te do sẹ ehe ne ọtiọnrẹn ye. 4Sokpan Isọ keghi ya rhulẹ vba ẹre, ọ keghi viọ obọ kinnọ ẹre urhu, ọ siẹe kẹ egbe ọ na ye unu soso ẹre unu. Iran e eva kegha viẹ. 5Isọ ghi ghe lẹga vbe ọ ghi miẹn avbe ikhuo kevbe emọ nii, ọ keghi nọ wẹẹ, “Gha ena khin ne u hẹ khian na?”
Jekọb wanniẹn wẹẹ, “Emọ ne ọ yẹ Osanobua ne ọ ya ru mwẹ ẹse nọ, enọwanrẹn.” 6Avbe egbakhian keghi rre, ke iran kevbe ivbi iran, iran kevbe mu ẹko rhuotọ. 7Lia kevbe ivbi ẹre keghi rre, vbe okiekie ehia, Josẹf kevbe Rekiẹl keghi rre, iran na vbe mu ẹko rhuotọ.
8Isọ keghi nọ rẹn wẹẹ, “Otu ne I ka vbe miẹn vbe odọ, de ne eni vbe khin vbọ, vba a yae kha?” E Jekọb wanniẹn wẹẹ, “Te I wẹ ne I yae gualọ aro ne ọ maa ọ wuẹ.” 9Sokpan Isọ wanniẹn wẹẹ, “Ne imẹ mwẹ sẹe mẹ ọtẹn mwẹ, viọ ọwuẹ hin rre.” 10E Jekọb keghi kha wẹẹ, “Ẹ i re erriọ, a deghẹ I miẹn aro nọmaa ọwuẹ, rhan obọ miẹn emwi ne I ya haoko guẹ. Ne I na bẹghe aro ruẹ na, ọ yevbe ne I bẹghe aro Osanobua vbe ẹghẹ na ne u na ye obọ ọse mu mwẹ. 11Lahọ, miẹn mwẹ emwi ne i ya guẹ na, Osanobua wa tohan mwẹ, ọ na viọ emwi ne I ho hia mẹ.” E Jekọb keghi kakabọ ye arhẹrhẹ gbagbae ye ọre egbe, ọ te do rhanbọ miẹn iran.
12Isọ keghi kha wẹẹ, “Gia mu egbe na a kpao. I gha ke odaro ne uwa.” 13E Jekọb keghi wanniẹn wẹẹ, “Ẹn, u rẹnrẹn ighẹ avbe ibiẹka ma wegbe, ke avbe ohuan, ẹmila kevbe ivbi iran negiẹrẹ rre evba. A gha tua iran okhian gbe ehia gha wulo fo. 14Lahọ u ghi hẹko gha khian khẹ ima ne I hẹko gha leluẹ dee, I gha tua owẹ ye okhian, zẹ vbene avbe ẹmila kevbe emọ negiẹrẹ gha sẹtin, ma te do vba ruẹ vbe Sẹa.” 15Isọ keghi kha wẹẹ, “I ghi sẹ emwa mwẹ eso rae nuẹn khekherriọ.” Sokpan e Jekọb wanniẹn wẹẹ, “U ru ẹse gbe, sokpan, ghẹ gbokhuo, aro ne ọ maa ruẹn ọkpa ọre I gualọ.” 16Ẹre Isọ ghi na suẹn okhian werriegbe gha rrie Sẹa ẹdẹnẹdẹrriọ. 17Sokpan e Jekọb kegha rrie Sukọt ehe ne ọ na ya bọlọ owa ne egbe ẹre kevbe irhu ne avbe emwirri ẹre. Ọnii ọ siẹe ne a na tie evba nii Sukọt.
18E Jekọb keghi sẹ Siẹkẹm vbe otọ Kenan hẹnnẹdẹn vbe ọ ghi dọlegbe ke Mẹsopotamia rre. Ọ keghi bu agọ ẹre ye uwu oha vbe odaro ẹvbo nii. 19Igho esiliva iyisẹn ọre ọ ya gu ivbi uniẹn Hamọ ne erha Siẹkẹm dẹ asẹ otọ nii. 20Ọ keghi gbe aka ye evba, ọ keghi he ẹre eni El gie Osanobua Izrẹl.
Currently Selected:
Gẹnẹsis 33: EDO96
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996
Gẹnẹsis 33
33
E Jekọb Do Vba Isọ
1E Jekọb keghi bẹghe vbe Isọ dee kẹe kevbe arhin uri eva (400) ni lelẹe. Ọ keghi rhunmwuda ọnii gha ivbiẹre ne Lia, Rekiẹl kevbe egbakhian rẹn eva. 2Ọ keghi viọ iran kevbe ivbi iran ke odaro, Lia kevbe ivbi ẹre keghi lele iran, Rekiẹl kevbe Josẹf keghi ke odieke. 3E Jekọb keghi ke odaro ne iran hia, ọ na mu ẹko rhuotọ igba ihinrọn vbe ọ te do sẹ ehe ne ọtiọnrẹn ye. 4Sokpan Isọ keghi ya rhulẹ vba ẹre, ọ keghi viọ obọ kinnọ ẹre urhu, ọ siẹe kẹ egbe ọ na ye unu soso ẹre unu. Iran e eva kegha viẹ. 5Isọ ghi ghe lẹga vbe ọ ghi miẹn avbe ikhuo kevbe emọ nii, ọ keghi nọ wẹẹ, “Gha ena khin ne u hẹ khian na?”
Jekọb wanniẹn wẹẹ, “Emọ ne ọ yẹ Osanobua ne ọ ya ru mwẹ ẹse nọ, enọwanrẹn.” 6Avbe egbakhian keghi rre, ke iran kevbe ivbi iran, iran kevbe mu ẹko rhuotọ. 7Lia kevbe ivbi ẹre keghi rre, vbe okiekie ehia, Josẹf kevbe Rekiẹl keghi rre, iran na vbe mu ẹko rhuotọ.
8Isọ keghi nọ rẹn wẹẹ, “Otu ne I ka vbe miẹn vbe odọ, de ne eni vbe khin vbọ, vba a yae kha?” E Jekọb wanniẹn wẹẹ, “Te I wẹ ne I yae gualọ aro ne ọ maa ọ wuẹ.” 9Sokpan Isọ wanniẹn wẹẹ, “Ne imẹ mwẹ sẹe mẹ ọtẹn mwẹ, viọ ọwuẹ hin rre.” 10E Jekọb keghi kha wẹẹ, “Ẹ i re erriọ, a deghẹ I miẹn aro nọmaa ọwuẹ, rhan obọ miẹn emwi ne I ya haoko guẹ. Ne I na bẹghe aro ruẹ na, ọ yevbe ne I bẹghe aro Osanobua vbe ẹghẹ na ne u na ye obọ ọse mu mwẹ. 11Lahọ, miẹn mwẹ emwi ne i ya guẹ na, Osanobua wa tohan mwẹ, ọ na viọ emwi ne I ho hia mẹ.” E Jekọb keghi kakabọ ye arhẹrhẹ gbagbae ye ọre egbe, ọ te do rhanbọ miẹn iran.
12Isọ keghi kha wẹẹ, “Gia mu egbe na a kpao. I gha ke odaro ne uwa.” 13E Jekọb keghi wanniẹn wẹẹ, “Ẹn, u rẹnrẹn ighẹ avbe ibiẹka ma wegbe, ke avbe ohuan, ẹmila kevbe ivbi iran negiẹrẹ rre evba. A gha tua iran okhian gbe ehia gha wulo fo. 14Lahọ u ghi hẹko gha khian khẹ ima ne I hẹko gha leluẹ dee, I gha tua owẹ ye okhian, zẹ vbene avbe ẹmila kevbe emọ negiẹrẹ gha sẹtin, ma te do vba ruẹ vbe Sẹa.” 15Isọ keghi kha wẹẹ, “I ghi sẹ emwa mwẹ eso rae nuẹn khekherriọ.” Sokpan e Jekọb wanniẹn wẹẹ, “U ru ẹse gbe, sokpan, ghẹ gbokhuo, aro ne ọ maa ruẹn ọkpa ọre I gualọ.” 16Ẹre Isọ ghi na suẹn okhian werriegbe gha rrie Sẹa ẹdẹnẹdẹrriọ. 17Sokpan e Jekọb kegha rrie Sukọt ehe ne ọ na ya bọlọ owa ne egbe ẹre kevbe irhu ne avbe emwirri ẹre. Ọnii ọ siẹe ne a na tie evba nii Sukọt.
18E Jekọb keghi sẹ Siẹkẹm vbe otọ Kenan hẹnnẹdẹn vbe ọ ghi dọlegbe ke Mẹsopotamia rre. Ọ keghi bu agọ ẹre ye uwu oha vbe odaro ẹvbo nii. 19Igho esiliva iyisẹn ọre ọ ya gu ivbi uniẹn Hamọ ne erha Siẹkẹm dẹ asẹ otọ nii. 20Ọ keghi gbe aka ye evba, ọ keghi he ẹre eni El gie Osanobua Izrẹl.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996