Jọn 19
19
1Ẹghẹ nii ọre Pailet ghi na wẹ ne iran ya gbe Jesu asan. 2Avbe ivbiyokuo keghi ya igban do erhu ẹde, iran keghi mu ẹn rhuẹ ẹre uhunmwu, iran keghi rhuan ẹre ukpọn ododo. 3Iran bu ẹre gha dee, iran tuẹ ọe, “U gha tọ u kpẹre Ọba avbe Ju.” Iran keghi sikẹ ọre, iran keghi so ubi ye ọre aro.
4Pailet dọlegbe bu emwa ni gbe ẹbu ye ore, ọ tama iran wẹẹ, “Wa danmwehọ, I ra do rhie ẹre gie uwa, ne uwa miẹn ehe na rẹn wẹẹ, ‘I ma miẹn emwi ọkpa ne I gha ya bu abe gbe ẹe.’ ” 5Jesu keghi ladian ore ke irẹn kevbe erhu ẹde kevbe ukpọn ododo. Pailet tama iran wẹẹ, “Nene okpia ọ na khin o.”
6Ugbẹn vbe avbe igie ohẹn kevbe avbe ọgbalegbe ghi wa bẹghe ẹre, iran davan wẹẹ, “Kan rẹn mu ugbugbe! Kan rẹn mu ugbugbe!” Pailet tama iran wẹẹ, “Wa mu ẹn khekherriọ ne uwa tobọ uwa ya kan rẹn mu ugbugbe, Mẹ ma miẹn abe bu gbe ẹe.”
7Avbe Ju wanniẹn wẹẹ, “Ma mwẹ uhi ne ọ muẹn ne ọ na kei ne ọ wu rhunmwuda, ọ wẹ Ovbi Osanobua rẹn khin.”
8Pailet ghi họn vbe iran ta ẹmwẹ na, ohan keghi dọlegbe mu ẹn sẹ ayọ. 9Ọ keghi la uwu ẹguae, ọ nọ Jesu wẹ, “De ovbi ẹvbo ne uwẹ khin yi?”
Sokpan Jesu ma rhie ewanniẹn ne ẹn. 10Pailet tama rẹn wẹẹ, “U i gun mwẹ guan ra? Yerre ighẹ I mwẹ ẹtin ne i gha ya sẹtin fan an fua, I vbe mwẹ ẹtin ne I gha ya wẹ ne a kan ruẹn mu ugbugbe.”
11Jesu wanniẹn tama rẹn wẹ, “Akpawẹ Osanobua ma rhie ẹtin na nu ẹn, u i ghẹ gha mwẹ asẹ rhọkpa vbe egbe mwẹ. Rhunmwuda ọnii, ọmwa ne ọ mu mwẹ guẹ ọre ọ rri abe ne ọ sẹre.”
12Ugbẹn vbe Pailet họn ẹmwẹ na, ọ keghi dọlegbe rhiegba yọ wẹ ne irẹn fan ẹn fua. Sokpan avbe Ju dọlegbe van mu ẹn wẹẹ, “U gha fan oko na fua, ọnii rhie maa ighe u i re ọse Ọgbaisi. Ọmwaikọmwa ne ọ ma egbe ẹre ọba, ẹ i re ọse Ọgbaisi!”
13Pailet ghi họn ẹmwẹ na, ọ rhie Jesu ladian, ọ keghi tota ye, ẹkete ibuohiẹn ne ọ rre ehe ne a tie ẹre “Ibare Okuta,” (ne avbe Hibru tie ẹre Gabata.) 14Ẹghẹ ne a kha na, te ọ ghi ra sẹ ogiavan vbe ẹdẹ ne a ya tie ẹre akhuẹ ọre Emwiukpo Alagberra, Pailet khama avbe Ju wẹẹ, “Wa ghe Ọba uwa!” 15Ehia keghi wa gha go, iran wẹ, “Gbe ẹe rua! Gbe ẹe rua! Kan rẹn mu ugbugbe!”
Pailet nọ iran wẹẹ, “Te uwa wẹ ne I kan ọba uwa mu ugbugbe ra?”
Avbe igie ohẹn wanniẹn wẹẹ, “Ọgbaisi ọkpa ma rẹn ye ọba mwa!”
16Pailet keghi rhie Jesu ne iran, ne iran ya kan rẹn mu ugbugbe.
Iran Kan Jesu Mu Ugbugbe
(Matiu 27:32-44; Mak 15:21-32; Luk 23:26-43)
Iran keghi rhie Jesu kpao. 17Ọ keghi ke odaro ne iran, ọ mu ugbugbe ẹre, ọ keghi do sẹ ehe ne iran tie ẹre “Isi Ugboloko Uhunmwu Ọmwa,” (ne iran tie ẹre “Gọlgọta” vbe ẹvbo Hibru.) 18Iran keghi kan rẹn mu ugbugbe vbe evba nii, iran keghi vbe kan ikpia eva ọvbehe mu ugbugbe vbe evba nii, ọkpa vbe obọ erha ọmwa, kevbe nọkpa vbe obọ iye ọmwa: Jesu kegha rre adesẹneva iran. 19Pailet keghi gbẹn emwi mu ne iran mu yan ugbugbe, Emwi ne ọ gbẹn ọrọre: “Jesu ne ovbi e Nazarẹt ọba avbe Ju.” 20Avbe Ju ni bun ọre ọ tie emwi na, rhunmwuda ehe ne iran na kan Jesu mu ugbugbe ma rre gbe vbe adesẹ ore ẹvbo. Ẹvbo ne iran ya gbẹn ọẹn keghi re Hibru, Latin kevbe Grik. 21Avbe igie ohẹn avbe Ju tama Pailet wẹẹ, “Ghẹ gbẹn ọẹn re ‘Ọba avbe Ju’ sokpan wẹ, ‘Okpia na khare ighẹ rẹn ọrọre ọba avbe Ju!’ ”
22Pailet wanniẹn wẹẹ, “Emwi ne I gbẹn nẹ, a gbẹn ọẹn nẹ.”
23Avbe ivbiyokuo ghi kan Jesu mu ugbugbe nẹ, iran viọ ukpọn rẹn, iran ke ghae ẹre ye ihe enẹ ọkpọkpa ne ivbiyokuo ọkpọkpa. Iran keghi vbe mu ẹwu ẹre ne a do ke otọ ya sẹ ukhunmwu vbe ne ẹ i na mwẹ ehe ne a na dọlọ ẹe kugbe. 24Avbe ivbiyokuo keghi zẹ ọe vbe iro wẹẹ, “Wa ghẹ gia yanghaẹn ruan, wa gie a yan uta yọ ọmwa ne ọ kere ne ọ mu ẹn.” Iran ruẹe vberriọ ne ẹmwẹ ne ebe tae miẹn ehe na sẹ wẹẹ,
“Iran tue mwẹ ukpọn ghae.
Iran yan uta ye ẹwu mwẹ.”
Erriọ avbe ivbiyokuo ruẹe.
25Meri iye Jesu, ọtẹn iye ẹe ne okhuo ighe Meri ne amwẹ Kleopas kevbe Meri Magdalen, keghi do mudia ke ugbugbe Jesu. 26Jesu keghi bẹghe ọrhuanegbe ni ne ọ ho ẹmwẹ ọnrẹn, kevbe iye irẹn mudia ye evba. Rhunmwuda ọnii, ọ tama iye irẹn wẹẹ, “Okhuo, ghe ovbi uẹ.”
27Ọ keghi vbe tama ọrhuanegbe nii wẹẹ, “Ghe iye uẹ” ke ẹghẹ ni kpao, ọrhuanegbe nii keghi rhie ẹre gha rrie owa ne ọ ya tota ke irẹn.
Uwu Jesu
(Matiu 27:45-56; Mak 15:33-41; Luk 23:44-49)
28Jesu ghi miẹn wẹ a ru emwi hia orugba nẹ, ne ẹmwẹ ne ebe tae miẹn ehe na sẹ, ọ wẹẹ, “Ohanmwẹ amẹ gbe mwẹ!”
29Ọkpan ọkpa keghi rre evba, ayọn ne ọ kaẹn kegha rrọọ, iran keghi dinmwi ihiọn yọ, iran rhie ẹre yan ọkpọ erhan hisọp, iran keghi nien rẹn mu ye ọre akhuarhamwunu. 30Jesu ghi miẹn ayọn ni nẹ, ọ wẹẹ, “Ọ fo.” Ọ keghi vbokhọ ẹyaẹn ghe otọ ọ keghi kpan udu.
Iran Ye Asoro So Jesu Efẹn
31Avbe Ju keghi bu Pailet gha khian, iran wẹ ne ọ gie iran ya bunnọ avbe emwa ne a gbele ni owẹ ne a viọ iran tuorre vbe ugbugbe. Emwi ne ọ ya iran ru ọna ọrọre wẹ ẹdẹ Fraide nọ, iran i vbe ho ne ikun iran gha rre uhunmwu ugbugbe vbe Ẹdẹ Ikẹtin, kpataki vbe a miẹn wẹ Ẹdẹ Ikẹtin nii, ughaẹn ọ ya huan.
32Avbe ivbiyokuo keghi ya vbiolo owẹ ọmwa nokaro, kevbe ogieva ọghe iran ne a viọ ba Jesu gbele ua. 33Iran ghi sẹ ehe ne Jesu ye, iran keghi miẹn wẹ ọ wu nẹ, rhunmwuda ọnii, iran ma ghi vbiolo ẹre. owẹ. 34Sokpan, ọkpa vbe uwu avbe ivbiyokuo keghi so asoro ẹre ye Jesu efẹn, esagiẹn kevbe amẹ keghi gbe kua. ( 35Ọmwa ne aro ẹre sẹ emwi na ọre ọ ta ẹe. Ma rẹnrẹn ighe ẹmwata ọre ọ ta ẹe, ne uwa miẹn ehe na yayi.) 36A ru emwi na ne ẹmwẹ ne ebe ne ọ huanrẹn ta ẹe miẹn ehe na sẹ wẹ, “A i ra vbiolo ẹre ugboloko hiehie.” 37Ebe ne ọ huanrẹn vbe ta ẹe vbe ihe ọvbehe wẹ, “Iran ghi gha ghe ọmwa ne iran ye asoro so.”
Irorinmwi Jesu
(Matiu 27:57-61; Mak 15:42-47; Luk 23:50-56)
38Vbe iyeke emwi na, Josẹf ne ovbi ẹvbo ne a tie ẹre Arimatia keghi ya nọ Pailet deghẹ ọ gha gie irẹn mu ikun Jesu (Josẹf na, ọrhuanegbe Jesu vbe nọ, sokpan ọ ma rhie egbe ladian rhunmwuda ohan avbe Ju muẹn.) Pailet keghi kue ne ọ ya mu, rhunmwuda ọnii, Josẹf keghi ya muẹn kpao. 39Nikodimọs, ọmwa ne ọ ka vbe ya miẹn Jesu vbe asọn yi, keghi mu ori ne ọ winhin, ọghe alọe kevbe oziya ne a gua kugbe, ne ọ sẹ omwa uwan iyisẹn, ọ keghi lele Josẹf gha khian. 40Iran eva na keghi mu ikun Jesu iran keghi ya ukpọn eto ovbiohuẹ nọfua gbalọ ẹe ke ẹe kevbe ori nii rhunmwuda erriọ avbe Ju ya wa orinmwi ye ukpo. 41Vbe uwu ogba ne iran na gbe Jesu nii, idin okuta ọkpa ne a ma he ka mu orinmwi yi keghi rrọọ. 42Rhunmwuda ighe ẹdẹ ne ọ lele Ẹdẹ Ikẹtin avbe Ju nọ, iran keghi mu Jesu ye uwu idin nii, rhunmwuda ighe ẹ i rre vbe evba.
Currently Selected:
Jọn 19: EDO96
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996
Jọn 19
19
1Ẹghẹ nii ọre Pailet ghi na wẹ ne iran ya gbe Jesu asan. 2Avbe ivbiyokuo keghi ya igban do erhu ẹde, iran keghi mu ẹn rhuẹ ẹre uhunmwu, iran keghi rhuan ẹre ukpọn ododo. 3Iran bu ẹre gha dee, iran tuẹ ọe, “U gha tọ u kpẹre Ọba avbe Ju.” Iran keghi sikẹ ọre, iran keghi so ubi ye ọre aro.
4Pailet dọlegbe bu emwa ni gbe ẹbu ye ore, ọ tama iran wẹẹ, “Wa danmwehọ, I ra do rhie ẹre gie uwa, ne uwa miẹn ehe na rẹn wẹẹ, ‘I ma miẹn emwi ọkpa ne I gha ya bu abe gbe ẹe.’ ” 5Jesu keghi ladian ore ke irẹn kevbe erhu ẹde kevbe ukpọn ododo. Pailet tama iran wẹẹ, “Nene okpia ọ na khin o.”
6Ugbẹn vbe avbe igie ohẹn kevbe avbe ọgbalegbe ghi wa bẹghe ẹre, iran davan wẹẹ, “Kan rẹn mu ugbugbe! Kan rẹn mu ugbugbe!” Pailet tama iran wẹẹ, “Wa mu ẹn khekherriọ ne uwa tobọ uwa ya kan rẹn mu ugbugbe, Mẹ ma miẹn abe bu gbe ẹe.”
7Avbe Ju wanniẹn wẹẹ, “Ma mwẹ uhi ne ọ muẹn ne ọ na kei ne ọ wu rhunmwuda, ọ wẹ Ovbi Osanobua rẹn khin.”
8Pailet ghi họn vbe iran ta ẹmwẹ na, ohan keghi dọlegbe mu ẹn sẹ ayọ. 9Ọ keghi la uwu ẹguae, ọ nọ Jesu wẹ, “De ovbi ẹvbo ne uwẹ khin yi?”
Sokpan Jesu ma rhie ewanniẹn ne ẹn. 10Pailet tama rẹn wẹẹ, “U i gun mwẹ guan ra? Yerre ighẹ I mwẹ ẹtin ne i gha ya sẹtin fan an fua, I vbe mwẹ ẹtin ne I gha ya wẹ ne a kan ruẹn mu ugbugbe.”
11Jesu wanniẹn tama rẹn wẹ, “Akpawẹ Osanobua ma rhie ẹtin na nu ẹn, u i ghẹ gha mwẹ asẹ rhọkpa vbe egbe mwẹ. Rhunmwuda ọnii, ọmwa ne ọ mu mwẹ guẹ ọre ọ rri abe ne ọ sẹre.”
12Ugbẹn vbe Pailet họn ẹmwẹ na, ọ keghi dọlegbe rhiegba yọ wẹ ne irẹn fan ẹn fua. Sokpan avbe Ju dọlegbe van mu ẹn wẹẹ, “U gha fan oko na fua, ọnii rhie maa ighe u i re ọse Ọgbaisi. Ọmwaikọmwa ne ọ ma egbe ẹre ọba, ẹ i re ọse Ọgbaisi!”
13Pailet ghi họn ẹmwẹ na, ọ rhie Jesu ladian, ọ keghi tota ye, ẹkete ibuohiẹn ne ọ rre ehe ne a tie ẹre “Ibare Okuta,” (ne avbe Hibru tie ẹre Gabata.) 14Ẹghẹ ne a kha na, te ọ ghi ra sẹ ogiavan vbe ẹdẹ ne a ya tie ẹre akhuẹ ọre Emwiukpo Alagberra, Pailet khama avbe Ju wẹẹ, “Wa ghe Ọba uwa!” 15Ehia keghi wa gha go, iran wẹ, “Gbe ẹe rua! Gbe ẹe rua! Kan rẹn mu ugbugbe!”
Pailet nọ iran wẹẹ, “Te uwa wẹ ne I kan ọba uwa mu ugbugbe ra?”
Avbe igie ohẹn wanniẹn wẹẹ, “Ọgbaisi ọkpa ma rẹn ye ọba mwa!”
16Pailet keghi rhie Jesu ne iran, ne iran ya kan rẹn mu ugbugbe.
Iran Kan Jesu Mu Ugbugbe
(Matiu 27:32-44; Mak 15:21-32; Luk 23:26-43)
Iran keghi rhie Jesu kpao. 17Ọ keghi ke odaro ne iran, ọ mu ugbugbe ẹre, ọ keghi do sẹ ehe ne iran tie ẹre “Isi Ugboloko Uhunmwu Ọmwa,” (ne iran tie ẹre “Gọlgọta” vbe ẹvbo Hibru.) 18Iran keghi kan rẹn mu ugbugbe vbe evba nii, iran keghi vbe kan ikpia eva ọvbehe mu ugbugbe vbe evba nii, ọkpa vbe obọ erha ọmwa, kevbe nọkpa vbe obọ iye ọmwa: Jesu kegha rre adesẹneva iran. 19Pailet keghi gbẹn emwi mu ne iran mu yan ugbugbe, Emwi ne ọ gbẹn ọrọre: “Jesu ne ovbi e Nazarẹt ọba avbe Ju.” 20Avbe Ju ni bun ọre ọ tie emwi na, rhunmwuda ehe ne iran na kan Jesu mu ugbugbe ma rre gbe vbe adesẹ ore ẹvbo. Ẹvbo ne iran ya gbẹn ọẹn keghi re Hibru, Latin kevbe Grik. 21Avbe igie ohẹn avbe Ju tama Pailet wẹẹ, “Ghẹ gbẹn ọẹn re ‘Ọba avbe Ju’ sokpan wẹ, ‘Okpia na khare ighẹ rẹn ọrọre ọba avbe Ju!’ ”
22Pailet wanniẹn wẹẹ, “Emwi ne I gbẹn nẹ, a gbẹn ọẹn nẹ.”
23Avbe ivbiyokuo ghi kan Jesu mu ugbugbe nẹ, iran viọ ukpọn rẹn, iran ke ghae ẹre ye ihe enẹ ọkpọkpa ne ivbiyokuo ọkpọkpa. Iran keghi vbe mu ẹwu ẹre ne a do ke otọ ya sẹ ukhunmwu vbe ne ẹ i na mwẹ ehe ne a na dọlọ ẹe kugbe. 24Avbe ivbiyokuo keghi zẹ ọe vbe iro wẹẹ, “Wa ghẹ gia yanghaẹn ruan, wa gie a yan uta yọ ọmwa ne ọ kere ne ọ mu ẹn.” Iran ruẹe vberriọ ne ẹmwẹ ne ebe tae miẹn ehe na sẹ wẹẹ,
“Iran tue mwẹ ukpọn ghae.
Iran yan uta ye ẹwu mwẹ.”
Erriọ avbe ivbiyokuo ruẹe.
25Meri iye Jesu, ọtẹn iye ẹe ne okhuo ighe Meri ne amwẹ Kleopas kevbe Meri Magdalen, keghi do mudia ke ugbugbe Jesu. 26Jesu keghi bẹghe ọrhuanegbe ni ne ọ ho ẹmwẹ ọnrẹn, kevbe iye irẹn mudia ye evba. Rhunmwuda ọnii, ọ tama iye irẹn wẹẹ, “Okhuo, ghe ovbi uẹ.”
27Ọ keghi vbe tama ọrhuanegbe nii wẹẹ, “Ghe iye uẹ” ke ẹghẹ ni kpao, ọrhuanegbe nii keghi rhie ẹre gha rrie owa ne ọ ya tota ke irẹn.
Uwu Jesu
(Matiu 27:45-56; Mak 15:33-41; Luk 23:44-49)
28Jesu ghi miẹn wẹ a ru emwi hia orugba nẹ, ne ẹmwẹ ne ebe tae miẹn ehe na sẹ, ọ wẹẹ, “Ohanmwẹ amẹ gbe mwẹ!”
29Ọkpan ọkpa keghi rre evba, ayọn ne ọ kaẹn kegha rrọọ, iran keghi dinmwi ihiọn yọ, iran rhie ẹre yan ọkpọ erhan hisọp, iran keghi nien rẹn mu ye ọre akhuarhamwunu. 30Jesu ghi miẹn ayọn ni nẹ, ọ wẹẹ, “Ọ fo.” Ọ keghi vbokhọ ẹyaẹn ghe otọ ọ keghi kpan udu.
Iran Ye Asoro So Jesu Efẹn
31Avbe Ju keghi bu Pailet gha khian, iran wẹ ne ọ gie iran ya bunnọ avbe emwa ne a gbele ni owẹ ne a viọ iran tuorre vbe ugbugbe. Emwi ne ọ ya iran ru ọna ọrọre wẹ ẹdẹ Fraide nọ, iran i vbe ho ne ikun iran gha rre uhunmwu ugbugbe vbe Ẹdẹ Ikẹtin, kpataki vbe a miẹn wẹ Ẹdẹ Ikẹtin nii, ughaẹn ọ ya huan.
32Avbe ivbiyokuo keghi ya vbiolo owẹ ọmwa nokaro, kevbe ogieva ọghe iran ne a viọ ba Jesu gbele ua. 33Iran ghi sẹ ehe ne Jesu ye, iran keghi miẹn wẹ ọ wu nẹ, rhunmwuda ọnii, iran ma ghi vbiolo ẹre. owẹ. 34Sokpan, ọkpa vbe uwu avbe ivbiyokuo keghi so asoro ẹre ye Jesu efẹn, esagiẹn kevbe amẹ keghi gbe kua. ( 35Ọmwa ne aro ẹre sẹ emwi na ọre ọ ta ẹe. Ma rẹnrẹn ighe ẹmwata ọre ọ ta ẹe, ne uwa miẹn ehe na yayi.) 36A ru emwi na ne ẹmwẹ ne ebe ne ọ huanrẹn ta ẹe miẹn ehe na sẹ wẹ, “A i ra vbiolo ẹre ugboloko hiehie.” 37Ebe ne ọ huanrẹn vbe ta ẹe vbe ihe ọvbehe wẹ, “Iran ghi gha ghe ọmwa ne iran ye asoro so.”
Irorinmwi Jesu
(Matiu 27:57-61; Mak 15:42-47; Luk 23:50-56)
38Vbe iyeke emwi na, Josẹf ne ovbi ẹvbo ne a tie ẹre Arimatia keghi ya nọ Pailet deghẹ ọ gha gie irẹn mu ikun Jesu (Josẹf na, ọrhuanegbe Jesu vbe nọ, sokpan ọ ma rhie egbe ladian rhunmwuda ohan avbe Ju muẹn.) Pailet keghi kue ne ọ ya mu, rhunmwuda ọnii, Josẹf keghi ya muẹn kpao. 39Nikodimọs, ọmwa ne ọ ka vbe ya miẹn Jesu vbe asọn yi, keghi mu ori ne ọ winhin, ọghe alọe kevbe oziya ne a gua kugbe, ne ọ sẹ omwa uwan iyisẹn, ọ keghi lele Josẹf gha khian. 40Iran eva na keghi mu ikun Jesu iran keghi ya ukpọn eto ovbiohuẹ nọfua gbalọ ẹe ke ẹe kevbe ori nii rhunmwuda erriọ avbe Ju ya wa orinmwi ye ukpo. 41Vbe uwu ogba ne iran na gbe Jesu nii, idin okuta ọkpa ne a ma he ka mu orinmwi yi keghi rrọọ. 42Rhunmwuda ighe ẹdẹ ne ọ lele Ẹdẹ Ikẹtin avbe Ju nọ, iran keghi mu Jesu ye uwu idin nii, rhunmwuda ighe ẹ i rre vbe evba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996