Fịrị Ḅara 3
3
Ikúlé Nyẹ́biḅọ Gwọm
1Gbẹ́rẹ́ éné Pita na Jọn na Tamunoopuwarị múm sị n muu tẹ́ghẹ̄ tẹ́rẹ́ énékịẹnyẹ ḅụ éné ḅa, anịị tẹ́ghẹ̄ tẹ́ghẹ̄ sáá ma ḅụ. 2Anị ngaa Fíafía opu ḅụ́pọ́ ma ḅụ, nnị anị sị sị ḅara, gbẹ́rẹ́ owitụ́wọ imii ikúléḅọ saghị nnị oyi sa ene ene. Éné gbọ́rụ́ gbọ́rụ́ nnị o dighi anị ngaa mú muum sị o mú nyẹ́bi Tamunoopuwarị ma muarịapụ ḅara. 3O ḅo Pita na Jọn na árị sáá Tamunoopuwárị bie ma soarị, ọ warị bii ḅẹẹ nnị nyẹ́doghu ọ pịrịị. 4Pita warị dadaa tọ́rụ́ pa ọ ḅụ gbánā Jọn sọ tọ́rụ́ pa ọ ḅụ gbánā ḅara, Pita warị ḅẹẹ, <<Tọ́rụ pa wa dighi!>> 5Ọ warị nnị dighi, kúruarị ḅẹẹ ori nna ḅárábie nyẹ nyánáḅobẹm.
6Kụ́ma Pita warị ọ ḅẹẹ, <<Pị́naḅala na odoḅala a nyanagha, kụ́ma a nyánányẹ a pa i pịrịbẹm, Jizọs Krais Nazarẹtị ḅụ saghị ḅoḅọ ẹ́rẹ́ ḅụ saghị sị nwángị!>> 7Ọ warị ḅara pa ori amaḅara ḅụ ori ọlọ sị ḅárásua ọ pịrị sị ọ saghị. Anị gbẹ́rẹ́kiri ọ ḅụọ na ọ ḅara na ḅo ịnyọ nyanam. 8Ọ warị dosi sị ọ ḅụọ ḅụ sẹ, warị sághị nwángị ikelekelé. Anịsáa ọ warị nnị na Tamuoopuwarị ma sọọ, nwángịarị dosiarị sị boma pa Tamuno pịrịarị. 9Anị ngaa fịnịapụ ma ori arịm nwángịarị sị boma pa Tamuno pịrịarị. 10Nnị ḅoo o lighilighiḅo sáá ḅẹẹ ori anịị Fíafía opu ḅụ́pọ́ ma ḅụ fịnịfịnị nyẹ́bibiḅọ ma, nyẹ́ma n tọ́rụ́nẹ́ngim mị owitụ́wọ ma ḅụ pághányẹ.
Pita Oku Tamunoopuwarị Ma Bie
11Owitụ́wọ ma pa Pita na Jọn na ọlọ sẹ́ma sáá Solomọn bie ma ḅụ, nnị ḅọ́rọ́maa sáá anị sị ḅara, túminị́ ma árịnyẹ n tọ́rụ́nẹ́ngim, nnị warị mangị n damaḅo. 12Pita túminị́ ma árị sáá, ori n ḅẹẹm, <<I jẹa Izirẹlịapụ, mịị nyẹ ma anị tegó ọ tọ́rụ́nẹ́ngimaarị, o tegó tọ́rụ́ findi wa dighiarị, ọ si ḅẹ́ wámịna kụrọ ḅụ anịgha wámịna opu Tamuno nimi mịẹsị mịị owitụ́wọ ma nwángịị? 13Wámịna Ebraham Aizik na Jekọpụ Tamuno wámịna tádọ́apụ Tamuno ori ipine pa ori fịrịnwangịḅọ Jizọs pịrịmam, kụ́ma ọmịnị ọ ḅọ́rọ́ma sịbịdáapụ ma pịrịm, ọ warị ọ sịghịị Paileti tórúku, Paileti pịghị tọ́ḅọ́rọ́ma maá ḅara ḅẹẹ ori ọ wárịsóbẹm ọ sọọ. 14Ori tọ́ntọ́ ibi tumḅọ, kụ́ma ọmịnị ọ sịghịịm, tụ́ma bii ḅẹẹ nnị kị́nị́ ḅáḅọ́ wáriso ọ pịrịị. 15Ọ duma nyánáḅọ ma ḅám, kụ́ma Tamuno ọ sị saghịm fịị ḅụ, wamịnị sọ onyẹsẹ́ mịma pịrịm. 16Ori ẹ́rẹ́ ḅụ fịnị kụrọ anị ịnyọ pa mịị ikúléḅọ ma pịrịnyẹ, Mị́sa ọmịnị árị nimi si pịghị mịẹnyẹ ma, ọ́ minini nyáná ori ẹ́rẹ́ ḅụ; minini Jizọs ẹ́rẹ́ ḅụ anịị mị owitụ́wọ ma gwọ́nyẹ ọmịnị mamgba pịghị árị ḅara.
17<<Mị́sa ị́yẹ́ nángwọ́apụ, a nimim ḅẹ́ ọmịnị na ọmịna sịbịdaapụ pa Jizọs mịẹnyẹ ma, ọ mịẹm nimigha ḅụ. 18Ḅọlọmaa sa Tamuno ori ikiakoroapụ mamgba ḅụ ḅọ́rọ́ dugho pághámamam ḅẹẹ, ori n Pulo pa Sịbị Saraḅọ tọ́rụ́siarịbẹm, o mịẹm sị anị ḅo karakárányẹ sọọ mị ḅara. 19O sii ḅụ pịghị sị, Tamuno damaḅo sị ori ọmịna sii ḅụ ḅárási ọ pịrị. 20Ọmịnị ọkọ mịẹmịẹ tẹ́mẹ́ju ịnyọ saghị ḅobẹm Kị́nị́nyánáḅọ toruku, anị sáá, ọ́ Jizọs nnị Pulo pa Sịbị Saraḅọ ma fịrịmabẹm ọ sẹlẹakị ọ pịrịmaá ḅọ. 21O sobie fịnịbẹm sị nnị nyẹ gonyẹ́ gonyẹ́ mịẹsị anị ịwọ sa láa, Tamuno ori tọ́ntọ́ ikiakoroapụ ḅụ ḅọ́rọ́ dugho págháma ma ḅara ḅọlọ sáá éné éné. 22Mosis ḅẹẹm ḅẹẹ, <Ọmịna Nyáná Tamuno ikiakoroḅọ pa ọ fịrịmabẹm ori i fịrịma ḅara ori sọ pịghị ọmịna ḅụ gbẹ́rẹ́ḅobẹm, ọ mịnị ọ dugho ọ pịrịnyẹ gonyẹ́ gonyẹ́ ḅẹẹ ọ́ mịẹ ọmịnị anị mịẹ. 23Anị ikiakoroḅọ ma osighaḅo gonyẹ́ gonyẹ́ nnị n ḅọ foofomabẹm Tamuno túminị́ fịnịanga sị pịghị n guluguluma.>
24<<Ikiakoroapụ mamgba sị oku nyánáapụ Samuwẹlị na ori ọḅụkụ́nọma ḅoapụ na mị́sa pághárịnyẹ ma dugho pághámam. 25Tamuno ori ikiakoroapụ ḅụ ḅọ́rọ́ o minini ọ pịrịnyẹ ma anị fịnị ọ pịrịm ọ pịghị diekiri Nyáná Tamuno ọmịna tádọ́apụ na fị ọ ḅoo ḅụ. O dugho Ebraham pịrị ḅara, <Ị furobie págháḅoapụ ḅụ ḅọ́rọ́ a tuminikiriapụ mamgba karịibimabẹm.> 26Ọ pịghị Ebraham ḅẹẹ, i furobie págháḅo bẹ awọ ḅụ ḅọ́rọ́, a tuminikiri gbọrụ karịibimabẹm.>> [27Anịgosi Tamuno ori fịrịnwangịḅọ sẹ́lẹ́akịm warị parị ọ pa fịrịma, sị ori ọ karịibima sị mịẹsị ọmịnị kị́nị́mamgba ọmịna siiamịẹnyẹ ḅụ pịghị bẹ ḅara.]
Currently Selected:
Fịrị Ḅara 3: IBY
Highlight
Share
Copy
Want to have your highlights saved across all your devices? Sign up or sign in
©2024 Luke Initiative for Scripture Translation
Fịrị Ḅara 3
3
Ikúlé Nyẹ́biḅọ Gwọm
1Gbẹ́rẹ́ éné Pita na Jọn na Tamunoopuwarị múm sị n muu tẹ́ghẹ̄ tẹ́rẹ́ énékịẹnyẹ ḅụ éné ḅa, anịị tẹ́ghẹ̄ tẹ́ghẹ̄ sáá ma ḅụ. 2Anị ngaa Fíafía opu ḅụ́pọ́ ma ḅụ, nnị anị sị sị ḅara, gbẹ́rẹ́ owitụ́wọ imii ikúléḅọ saghị nnị oyi sa ene ene. Éné gbọ́rụ́ gbọ́rụ́ nnị o dighi anị ngaa mú muum sị o mú nyẹ́bi Tamunoopuwarị ma muarịapụ ḅara. 3O ḅo Pita na Jọn na árị sáá Tamunoopuwárị bie ma soarị, ọ warị bii ḅẹẹ nnị nyẹ́doghu ọ pịrịị. 4Pita warị dadaa tọ́rụ́ pa ọ ḅụ gbánā Jọn sọ tọ́rụ́ pa ọ ḅụ gbánā ḅara, Pita warị ḅẹẹ, <<Tọ́rụ pa wa dighi!>> 5Ọ warị nnị dighi, kúruarị ḅẹẹ ori nna ḅárábie nyẹ nyánáḅobẹm.
6Kụ́ma Pita warị ọ ḅẹẹ, <<Pị́naḅala na odoḅala a nyanagha, kụ́ma a nyánányẹ a pa i pịrịbẹm, Jizọs Krais Nazarẹtị ḅụ saghị ḅoḅọ ẹ́rẹ́ ḅụ saghị sị nwángị!>> 7Ọ warị ḅara pa ori amaḅara ḅụ ori ọlọ sị ḅárásua ọ pịrị sị ọ saghị. Anị gbẹ́rẹ́kiri ọ ḅụọ na ọ ḅara na ḅo ịnyọ nyanam. 8Ọ warị dosi sị ọ ḅụọ ḅụ sẹ, warị sághị nwángị ikelekelé. Anịsáa ọ warị nnị na Tamuoopuwarị ma sọọ, nwángịarị dosiarị sị boma pa Tamuno pịrịarị. 9Anị ngaa fịnịapụ ma ori arịm nwángịarị sị boma pa Tamuno pịrịarị. 10Nnị ḅoo o lighilighiḅo sáá ḅẹẹ ori anịị Fíafía opu ḅụ́pọ́ ma ḅụ fịnịfịnị nyẹ́bibiḅọ ma, nyẹ́ma n tọ́rụ́nẹ́ngim mị owitụ́wọ ma ḅụ pághányẹ.
Pita Oku Tamunoopuwarị Ma Bie
11Owitụ́wọ ma pa Pita na Jọn na ọlọ sẹ́ma sáá Solomọn bie ma ḅụ, nnị ḅọ́rọ́maa sáá anị sị ḅara, túminị́ ma árịnyẹ n tọ́rụ́nẹ́ngim, nnị warị mangị n damaḅo. 12Pita túminị́ ma árị sáá, ori n ḅẹẹm, <<I jẹa Izirẹlịapụ, mịị nyẹ ma anị tegó ọ tọ́rụ́nẹ́ngimaarị, o tegó tọ́rụ́ findi wa dighiarị, ọ si ḅẹ́ wámịna kụrọ ḅụ anịgha wámịna opu Tamuno nimi mịẹsị mịị owitụ́wọ ma nwángịị? 13Wámịna Ebraham Aizik na Jekọpụ Tamuno wámịna tádọ́apụ Tamuno ori ipine pa ori fịrịnwangịḅọ Jizọs pịrịmam, kụ́ma ọmịnị ọ ḅọ́rọ́ma sịbịdáapụ ma pịrịm, ọ warị ọ sịghịị Paileti tórúku, Paileti pịghị tọ́ḅọ́rọ́ma maá ḅara ḅẹẹ ori ọ wárịsóbẹm ọ sọọ. 14Ori tọ́ntọ́ ibi tumḅọ, kụ́ma ọmịnị ọ sịghịịm, tụ́ma bii ḅẹẹ nnị kị́nị́ ḅáḅọ́ wáriso ọ pịrịị. 15Ọ duma nyánáḅọ ma ḅám, kụ́ma Tamuno ọ sị saghịm fịị ḅụ, wamịnị sọ onyẹsẹ́ mịma pịrịm. 16Ori ẹ́rẹ́ ḅụ fịnị kụrọ anị ịnyọ pa mịị ikúléḅọ ma pịrịnyẹ, Mị́sa ọmịnị árị nimi si pịghị mịẹnyẹ ma, ọ́ minini nyáná ori ẹ́rẹ́ ḅụ; minini Jizọs ẹ́rẹ́ ḅụ anịị mị owitụ́wọ ma gwọ́nyẹ ọmịnị mamgba pịghị árị ḅara.
17<<Mị́sa ị́yẹ́ nángwọ́apụ, a nimim ḅẹ́ ọmịnị na ọmịna sịbịdaapụ pa Jizọs mịẹnyẹ ma, ọ mịẹm nimigha ḅụ. 18Ḅọlọmaa sa Tamuno ori ikiakoroapụ mamgba ḅụ ḅọ́rọ́ dugho pághámamam ḅẹẹ, ori n Pulo pa Sịbị Saraḅọ tọ́rụ́siarịbẹm, o mịẹm sị anị ḅo karakárányẹ sọọ mị ḅara. 19O sii ḅụ pịghị sị, Tamuno damaḅo sị ori ọmịna sii ḅụ ḅárási ọ pịrị. 20Ọmịnị ọkọ mịẹmịẹ tẹ́mẹ́ju ịnyọ saghị ḅobẹm Kị́nị́nyánáḅọ toruku, anị sáá, ọ́ Jizọs nnị Pulo pa Sịbị Saraḅọ ma fịrịmabẹm ọ sẹlẹakị ọ pịrịmaá ḅọ. 21O sobie fịnịbẹm sị nnị nyẹ gonyẹ́ gonyẹ́ mịẹsị anị ịwọ sa láa, Tamuno ori tọ́ntọ́ ikiakoroapụ ḅụ ḅọ́rọ́ dugho págháma ma ḅara ḅọlọ sáá éné éné. 22Mosis ḅẹẹm ḅẹẹ, <Ọmịna Nyáná Tamuno ikiakoroḅọ pa ọ fịrịmabẹm ori i fịrịma ḅara ori sọ pịghị ọmịna ḅụ gbẹ́rẹ́ḅobẹm, ọ mịnị ọ dugho ọ pịrịnyẹ gonyẹ́ gonyẹ́ ḅẹẹ ọ́ mịẹ ọmịnị anị mịẹ. 23Anị ikiakoroḅọ ma osighaḅo gonyẹ́ gonyẹ́ nnị n ḅọ foofomabẹm Tamuno túminị́ fịnịanga sị pịghị n guluguluma.>
24<<Ikiakoroapụ mamgba sị oku nyánáapụ Samuwẹlị na ori ọḅụkụ́nọma ḅoapụ na mị́sa pághárịnyẹ ma dugho pághámam. 25Tamuno ori ikiakoroapụ ḅụ ḅọ́rọ́ o minini ọ pịrịnyẹ ma anị fịnị ọ pịrịm ọ pịghị diekiri Nyáná Tamuno ọmịna tádọ́apụ na fị ọ ḅoo ḅụ. O dugho Ebraham pịrị ḅara, <Ị furobie págháḅoapụ ḅụ ḅọ́rọ́ a tuminikiriapụ mamgba karịibimabẹm.> 26Ọ pịghị Ebraham ḅẹẹ, i furobie págháḅo bẹ awọ ḅụ ḅọ́rọ́, a tuminikiri gbọrụ karịibimabẹm.>> [27Anịgosi Tamuno ori fịrịnwangịḅọ sẹ́lẹ́akịm warị parị ọ pa fịrịma, sị ori ọ karịibima sị mịẹsị ọmịnị kị́nị́mamgba ọmịna siiamịẹnyẹ ḅụ pịghị bẹ ḅara.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2024 Luke Initiative for Scripture Translation